تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ فيليپپيننىڭ زۇڭتۇڭىمەن، بەلورۋسسيانىڭ زۇڭتۇڭىمەن جەكە - جەكە تەلەفوندا سويلەستى

    شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 11 - كۇنى كەشتە فيليپپيننىڭ زۇڭتۇڭى دۋتەرتپەن تەلەفوندا سويلەستى.

  شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو - فيليپپين ەكى ەل ۇكىمەتى مەن حالقى ءبىر - بىرىنە كومەك قولىن سوزىپ، ىندەتكە بىرگە قارسى اتتانىپ، ءوزارا قارايلاسۋ سىندى باۋىرلاستىق سۇيىسپەنشىلىكتى ايعاقتادى. ءسىزدىڭ باسشىلىعىڭىزدا، فيليپپين جاقتىڭ ءبىر قىدىرۋ پارمەندى ساقتانۋ - تىزگىندەۋ شارالارىن شىعارىپ، بەلسەندى ونىمدىلىككە قول جەتكىزگەنىن كورىپ ەرەكشە قۋاندىم. فيليپپين حالقىنىڭ، ءسوز جوق، ىنتىماقتاسۋ، سەلبەسۋ رۋحىن ساۋلەلەندىرىپ، ىندەتتى ەرتەرەك ءساتتى جەڭىپ، ءوندىرىس، تۇرمىس ءتارتىبىن قالپىنا كەلتىرەتىندىگىنە سەنەمىن. جۇڭگو جاق فيليپپين جاقتىڭ قاجەتىنە ساي، فيليپپينگە ۇزدىكسىز تاباندى قولداۋ كورسەتۋدى قالايدى. جۇڭگو جاق ادامزاتتىڭ تاعدىرلاس ورتاق تۇلعاسى ۇستانىمىنان جازباي، الەمدىك ساقتانۋ - تىزگىندەۋگە قارجى، تاجىريبە، سەنىم ۇستەپ، قاجەت ەتىپ وتىرعان ەلدەرگە كومەك قولىن سوزدى. جۇڭگو جاق فيليپپين جاقپەن تىعىز سەلبەسىپ، حالىقارالىق قوعامنىڭ ىنتىماقتاسىپ ىندەتكە قارسى اتتانۋىن قولداپ، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن اناعۇرلىم ويداعىداي ساۋلەلەندىرۋىن قولداپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋدى قالايدى.

  شي جينپيڭ بىلاي دەپ باسا دارىپتەدى: بۇل رەتكى ىندەت − ءبىر رەتكى داعدارىس، ءبىراق ءبىز داعدارىس بارىسىندا جاڭا وراي جەتىلدىرۋگە، وزگەرىس بارىسىندا جاڭا جاعداي اشۋعا باتىل بولۋىمىز كەرەك. جۇڭگو مەن فيليپپين ەكى جاق ىندەتتەن ساقتانۋ - تىزگىندەۋ ۇدايىلانعان جاعدايدا، وي جەلىسى مەن ءادىستى جاڭالاپ، قاجەتتى ادامداردىڭ بارىس - كەلىسىن بىرتىندەپ قالپىنا كەلتىرۋى، ءار سالاداعى ناقتى سەلبەستىكتى ءبىر تۇتاس جوسپارلاپ ىلگەرىلەتىپ، وزدەرىنىڭ ەكونوميكالىق، قوعامدىق دامۋىنا دەم بەرىپ، ەكى ەل حالقىنا باقىت جاراتۋى كەرەك. ىندەتكە قارسى اتتانۋ جانە دامۋدى قالپىنا كەلتىرۋ بارىسىندا، جۇڭگو مەن فيليپپيننىڭ ءداستۇرلى دوستىعى مەن ءوزارا سەنىمدىلىگى كۇن سايىن تەرەڭدەپ، ەكى ەلدىڭ جان - جاقتى ستراتەگيالىق سەلبەستىك قارىم - قاتىناسى اناعۇرلىم كەڭ ءورىستى دامۋ بولاشاعىنا يە بولاتىنىنا سەنەمىن. جۇڭگو مەن فيليپپين ەكى ەلدىڭ دوستىقتان اينىماۋى ەكى ەل حالقىنىڭ ءتۇبىرلى مۇددەسىنە، بولاشاق مۇددەسىنە بۇكىلدەي ۇيلەسەدى، مۇنى تاريح، ءسوز جوق، دالەلدەيدى.

  دۋتەرت مىنالاردى ءبىلدىردى: بيىل فيليپپين مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعى، بۇل ەكى ەل قارىم - قاتىناسىنداعى ماڭىزدى بەلەس. ءسىزدىڭ پارمەندى باسشىلىعىڭىزدا، جۇڭگو ءوزى ىندەتتى ءساتتى تىزگىندەۋمەن بىرگە، فيليپپين قاتارلى سەرىكتەرىنە جومارتتىقپەن كومەك قولىن سوزدى، اسىرەسە، ءتوراعا شي جينپيڭ جۇڭگو ۆاكسينانى زەرتتەپ جاساپ بولعاننان ءارى قولدانىسقا بەرگەننەن كەيىن الەمدىك الەۋمەتتىك ءونىم بولاتىندىعىن جاريالادى، بۇل بۇكىل ادامزاتتى يگىلىككە كەنەلتەدى. فيليپپين جاق ماڭگى جۇڭگو حالقىنىڭ دوسى بولادى، ءارقانداي ادامنىڭ فيليپپيننەن پايدالانىپ جۇڭگوعا قارسى قيمىل جۇرگىزۋىنە جول بەرمەيدى. فيليپپين جاق ەكى ەل حالقىنىڭ دوستىعىن ۇزدىكسىز تەرەڭدەتۋگە كۇش سالادى، جۇڭگو جاقپەن ءار سالاداعى اۋىس - كۇيىستى، سەلبەستىكتى كەڭەيتىپ، جۇمىستى، ءوندىرىستى تەز ارادا قالپىنا كەلتىرۋدى ىلگەرىلەتۋدى ءۇمىت ەتەدى. فيليپپين جاق ۇزدىكسىز جۇڭگو جاقپەن جانە دۇنيە جۇزىلىك دەنساۋلىق ساقتاۋ ۇيىمىمەن سەلبەستىكتى كۇشەيتۋدى قالايدى.

  شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 11 - كۇنى كەشتە بەلورۋسسيانىڭ زۇڭتۇڭى لۋكاشەنكومەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو مەن بەلورۋسسيا ەكى ەل قيىندىقتاردى بىلەك بىرىكتىرە جەڭىپ، ءوزارا قارايلاسىپ، تەرەڭ ”اينىماس دوستىق“ سۇيىسپەنشىلىكتى ايگىلەدى، بۇل جۇڭگو مەن بەلورۋسسيا قارىم - قاتىناسىنىڭ جوعارى دەڭگەيىن جانە ەرەكشەلىگىن بەينەلەيدى. جۇڭگو جاق بەلورۋسسيا جاقتىڭ ءوز ەلىنىڭ جاعدايىنا ۇيلەسەتىن ساقتانۋ - تىزگىندەۋ شارالارىن قولدانۋىن باتىل قولدايدى، ساقتانۋ - تىزگىندەۋ تاجىريبەسى مەن دياگنوز قويۋ - ەمدەۋ جوباسىن ۇزدىكسىز بۇكپەسىز تۇردە بەلورۋسسيامەن ورتاق پايدالانۋدى قالايدى. ءسىزدىڭ پارمەندى باسشىلىعىڭىزدا، بەلورۋسسيا حالقىنىڭ ىندەتتى، ءسوزسىز، تەز ارادا جەڭەتىنىنە سەنەمىن. بەلورۋسسيا جاقتىڭ بەلورۋسسيادا وقىپ، قىزمەت ىستەپ، تۇرمىس كەشىرىپ جاتقان جۇڭگو ازاماتتارىنا كومەك كورسەتكەندىگىنە العىس ايتامىن، بەلورۋسسيا جاقتىڭ ولاردىڭ ءومىرىنىڭ حاۋىپسىزدىگى مەن دەنساۋلىعىن ۇزدىكسىز ءونىمدى تۇردە قامتاماسىز ەتەتىندىگىنە سەنەمىن. جۇڭگو جاق بەلورۋسسيانى قامتىعان حالىقارالىق قوعاممەن بىرگە سەلبەستىكتى كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋدى قالايدى.

  شي جينپيڭ بىلاي دەپ باسا دارىپتەدى: قازىر جۇڭگو مەن بەلورۋسسيانىڭ ءوزارا سەنىم ارتىپ، سەلبەسىپ تەڭ يگىلىككە كەنەلەتىن جالپى بەتتىك ستراتەگيالىق سەرىكتەستىك قارىم - قاتىناسى جوعارى دەڭگەيدە جۇرىلۋدە، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە تيتتەي دە ءارى - ءسارى بولماستان ءوزارا قولداۋ كورسەتەدى، اتى زاتىنا ساي بارلىق جاعدايدا بىردەي سەرىك. جۇڭگو جاق بەلورۋسسيا جاقتىڭ ءوز ەلىنىڭ جاعدايىنا قاراي تاڭداعان دامۋ جولىن ءباز - باياعىسىنداي قولدايدى. ىندەتتىڭ ەكى ەلدىڭ ەكى جاقتى بارىس - كەلىسى مەن ناقتى سەلبەستىگىنە ىقپال جاساۋىنان ساقتانۋ قيىن، الايدا جۇڭگو مەن بەلورۋسسيا قارىم - قاتىناسىنىڭ نەگىزى بەرىك، سەلبەستىك كومەسكى كۇشى زور. ەكى جاق سىن - سايىستى وراي ەتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن تەرەڭدەتىپ، جۇڭگو - بەلورۋسسيا ونەركاسىپ باقشاسى قۇرىلىسىندا جانە ءار سالاداعى ءوزارا ءتيىمدى سەلبەستىكتە اناعۇرلىم كوپ تابىستارعا قول جەتكىزۋدى جەدەل ىلگەرىلەتىپ، ەكى جاقتى قارىم - قاتىناستىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.

  لۋكاشەنكو مىنالاردى ءبىلدىردى: جۇڭگو جاق بەلورۋسسيا جاقتىڭ ءوزى تاڭداعان دامۋ جولىنا باستان - اياق قۇرمەت ەتىپ، بەلورۋسسيا جاقتىڭ ىندەتكە قارسى اتتانۋىنا پارمەندى قولداۋ كورسەتىپ، قىمباتتى تاجىريبەلەردەن ورتاق پايدالانىپ، بەلورسسيانىڭ ىندەتتەن ساقتانۋ - تىزگىندەۋىندە ماڭىزدى رول اتقاردى، بەلورۋسسيا جاق بۇعان ەرەكشە العىس ايتادى. بەلورۋسسيا مەن جۇڭگو جاقسى دوس، جاقسى باۋىرلاس. بەلورۋسسيا جاق ۆيرۋستى ساياسيلاندىرۋعا، بەلگىگە اينالدىرۋعا باتىل قارسى تۇرادى، جۇڭگونىڭ وزەكتى مۇددەسىنە ساياتىن ماسەلەلەردە ۇزدىكسىز، باتىل تۇردە جۇڭگو جاقتا تۇرادى. بەلورۋسسيا جاق جۇڭگو جاقپەن بىرگە، جۇڭگو - ەۆروپا كەزەكشى پويەزىنان تولىق پايدالانىپ ەكى جاقتى ساۋدانى كەڭەيتىپ، ”ءبىر بەلدەۋ، ءبىر جولدى“ بىرگە قۇرىپ، ءار سالاداعى ناقتى سەلبەستىكتى ىلگەرىلەتۋدى قالايدى. مەن ءسىزدىڭ ىندەت وتكەننەن كەيىن تەز ارادا تاعى ساپارلاي كەلۋىڭىزدى ءتورت كوزبەن كۇتىپ وتىرمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.