شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 6 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، رايونىمىز 5G جاڭا ورايىن مىقتاپ ۇستاپ، ونەركاسىپ ەكونوميكاسىنىڭ جوعارى ساپادا دامۋىن ىلگەرىلەتكەن. بيىل جىل باسىنان بەرى، 5G قۇرىلىسىنىڭ تەزدەۋىنە ىلەسە، رايونىمىز ”5G + ونەركاسىپ ينتەرنەتى“ ورنالاستىرۋىن جەدەلدەتتى. قازىر بۇكىل رايوندا سالىنىپ جاتقان جانە سالىنۋ جوسپارلانعان 5G + ونەركاسىپ ينتەرنەتىنەن ۇلگى كورسەتۋ زاۆودىنان 53ى بار.
بيىل 5G ينتەرنەتى قۇرىلىسىنا رايونىمىز 2 ميلليارد يۋاننان استام قارجى قوسىپ، 5000عا جۋىق 5G ينتەرنەتى بازالىق ستانسياسىن سالىپ، ”5G + كاسىپ قولدانىلىمىنىڭ“ كوپ ورىندى، كوپ كاسىپتى، كوپ سالانى توعىستىرعان ەكولوگيالىق ورتاسىن جەدەل ورناتۋدى جوسپارلاپ وتىر. ”5G + ونەركاسىپ ينتەرنەتى“ − ”5G +“ كاسىپ قولدانىلىمى“ ورىندارىنىڭ ءبىرى. قازىر اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ”ءبىر حابارلاسۋ تيجارات ساۋداگەرى + ءبىر ونەركاسىپ كاسىپورنى“ ۇلگىسىندە ”5G + ونەركاسىپ ينتەرنەتىنىڭ“ سىناق تۇيىنىنەن ۇلگى كورسەتۋدى ورىستەتۋ ارقىلى كاسىپ سالاسى ەكولوگياسىن كەمەلدەندىرىپ، سۇرانىس جاعىندا، قامداۋ جاعىندا، كاسىپ سالاسىندا قادامداس كۇش سالىپ، ”5G + ونەركاسىپ ينتەرنەتىنىڭ“ ىشكى جاسامپازدىق قوزعاۋشى كۇشىن قاۋلاتۋدا.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى وسى رەتكى” 5G + ونەركاسىپ ينتەرنەتى“ سىناق تۇيىنىنەن ۇلگى كورسەتۋدە ءساتتى بولعان مىسالداردىڭ ءبىرى. 2019 - جىلى 8 - ايدىڭ 25 - كۇنى جۇڭگو بىرىككەن حابارلاسۋ شينجياڭ بولىمشە سەرىكتەستىگى مەملەكەت ەلەكتر تورى شينجياڭ ەلەكتر قۋاتى سەرىكتەستىگىمەن بىرلەسىپ دۇنيە جۇزىندەگى ەلەكتر كەرنەۋ دارەجەسى ەڭ جوعارى ەلەكتر تەمىر باعاناسىنا 5G بازالىق قوندىرعىسىن ءساتتى ورناتتى. 5G ينتەرنەتى نەگىزىندە، شينجياڭ بىرىككەن حابارلاسۋ سەرىكتەستىگى 1100± كيلوۆولتتىق سانجى توك الماستىرۋ پۋنكتىن زەردەلىلەندىرۋ ينجەنەرياسىنا پارمەندى ينفورماتسيالىق حابارلاسۋ تىرەگىن ازىرلەدى. كىناراتقا تۇجىرىم جاساۋ جانە رەمونتتاۋ جاعىندا سانجى توك الماستىرۋ پۋنكتى اۆتوماتتى جانە 5G تەحنيكالىق قولدانىلىمى ارقىلى جوعارى تۇنىقتىقتاعى بەينەەكراندىق شارلاپ تەكسەرۋ جانە تەكسەرىپ رەمونتتاۋ جۇمىس باسى جىلجىمالى بەينەەكراندىق مەڭگەرۋ - تىزگىندەۋ ارقىلى الىس ارالىق + جۇمىس باسى بىرىكتىرىلگەن تەكسەرىپ رەمونتتاۋعا قولباسشىلىق ەتۋدى جانە حاۋىپسىز تەكسەرۋدى جۇزەگە اسىردى.
مۇنان سىرت، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى تاعى ”شينجياڭ كاسىپورىندارى بۇلتى“ قىزمەتىن ۇزدىكسىز ىلگەرىلەتىپ، قازىرگى تۇعىر بايلىعىنان تولىق پايدالاندى نەمەسە سايكەستى جاساۋ، جۇمىس ىستەۋ جۇيەسى بۇلتتىق تۇعىرىن قۇرىپ، باستاماشى كاسىپورىنداردىڭ ونەركاسىپ ينتەرنەتى تۇعىرلارىمەن ۇلاسىپ - تۇتاسىپ، 5G ينتەرنەتى، تەرمينال قابىلەتىن ىستەتۋ جانە باقىلاۋ - تەكسەرۋدىڭ، بۇلتتىق ەسەپتەۋدىڭ، جيەكتىك ەسەپتەۋدىڭ سايكەسىپ دامۋىن جۇزەگە اسىردى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ينفورماتسيالاندىرۋدى ىلگەرىلەتۋ باسقارماسىنىڭ باستىعى گو يۇيفىڭ بىلاي دەدى: ونەركاسىپ سالاسىندا ”5G + ونەركاسىپ ينتەرنەتى“ كاسىپورىندارىنىڭ جانە زەردەلى باقشا رايوندارىنىڭ سىناق تۇيىندەرىنەن ۇلگى كورسەتۋىن ورىستەتۋ ارقىلى 5G ينتەرنەتى نەگىزىندەگى ونەركاسىپ ينتەرنەتىن قالىپتاستىرۋدى ىلگەرىلەتىپ، روبوتتىق سەزۋ، ونەركاسىپتىك تانۋ، بولمە ىشىندە جوعارى دالدىكتى ورىن تۇراقتاندىرۋ، ءوندىرىس حاۋىپسىزدىگى، جابدىقتى قاشىقتان كۇتىمدەۋ، روبوتتىق سەزىنىستى تەكسەرۋ - ولشەۋ، جىلجىمالى روبوتتىق جولجەتەك سياقتىلاردا ونەركاسىپ ينتەرنەتىن قولدانۋدى جالپىلاستىرىپ، ءوندىرىس جابدىقتارى، زەردەلى ونىمدەر، ءوندىرۋ جانە زات اينالىمى جۇيەسى سياقتى ءوندىرىس فاكتورلارى اراسىندا جوعارى جيىلىكتى جيناۋدى جانە جوعارى ونىمدىلىكتى ءوزارا ۇلاستىرۋدى جۇزەگە اسىرىپ، جابدىقتان كىنارات شىعۋ رەت - سانىن ءونىمدى ازايتىپ، جابدىقتىڭ اينالىم، كۇتىمدەلۋ ونىمدىلىگىن جوعارىلاتۋعا بولادى.
