شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ تيڭ، حان چينيان، ءرايدا، ەرىكتى ءتىلشى حۋ جينلياڭ
”جۇمىستانۋ ارناسىن كەڭەيتۋدە تىڭنان تۇرەن سالۋعا ۇمتىلىپ، ەرەكشە كاسىپ سالاسىن دامىتۋدا ناتيجە شىعارىپ، اۋقاتتانۋعا باستاۋشىلاردى جەتىلدىرۋگە كۇش سالىپ، كەدەيلىكتەن ارىلتۋدان قامال الۋدى بەكەمدەۋ، جوعارىلاتۋ قىزمەتىندە بۇقارانىڭ تۇرمىسىن جاقسارتۋداعى ءاربىر ىستەن باستاپ كىرىسكەندە عانا، بۇقارانىڭ كوڭىلىن شىنايى تابۋعا بولادى“. 6 - ايدىڭ 10 - كۇنى بۋىرشىن اۋداندىق پارتكوم ۇيىمداستىرۋ ءبولىمىنىڭ قوستىق قالاشىعى قارا ءدوڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋاڭ گاڭ وسىلاي دەدى.
قازىر رايونىمىزدا 12 مىڭنان استام ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى، قىستاقتاردا تۇراتىن 76 مىڭنان استام كادر كەدەيلىكتەن ارىلتۋدىڭ ءبىرىنشى شەبىندە شايقاس جاساپ، قىستاقتا تۇرۋ جونىندە بەرگەن ۋادەلەرىن اسقاق سەزىم، ادال نيەتتەرىمەن ورىنداپ، كەدەيلىكتەن ارىلتۋدان قامال الۋدى كۇرەس جانە ۇلەس ارقىلى ىلگەرىلەتىپ، بۇقارانىڭ سەنىمىنە يە بولدى.
ۇزدىكسىز كۇرەس جۇرگىزىپ، كومەكتەسۋ - سۇيەمەلدەۋ جاۋاپكەرشىلىگىن ەستە بەرىك ساقتادى
”قىستاق تۇرعىندارىنىڭ ۇيلەرىنە تۇتاسىپ جاتقان تەگىس تە كەڭ اسفالت جولدار، رەتتى ورنالاسقان بەيقۇت ۇيلەر، كەدەيلەردى سۇيەمەلدەۋ سەحىنان شىققان ماشينانىڭ گۇرىلدەگەن داۋىسى، قىستاق - قىستاقتان اۋدان قالاشىعىنا كەلىپ جاتقان جولاۋشى اۆتوموبيلدەرى...“ كەريا اۋدانى قاراقىر اۋىلىنىڭ بوستانارىق قىستاعىنا كىرگەنىڭىزدە، جاڭا داۋىردەگى اۋىل - قىستاق كەلبەتىنىڭ كارتيناسى كوز الدىڭىزعا بىردەن تارتىلادى.
3 جىلدىڭ الدىندا اۆتونوميالى رايوندىق قاتىناس - تاسىمال مەڭگەرمەسى جول - تاسىمال ىستەرىن باسقارۋ مەكەمەسىنىڭ بوستانارىق قىستاعىندا تۇراتىن ءبىرىنشى شۋجيى پۋ چۋانۋىن قىستاققا بارعاندا، قىستاقتىڭ جولدارى ويلى - شۇڭقىر، قىستاق تۇرعىندارىنىڭ ۇيلەرى وتە جۇپىنى ەدى. ”قىسقا عانا 3 جىلدا قىستاق شىت جاڭا بەينەگە ەندى!“. پۋ چۋانۋىن وسى زور وزگەرىسكە ات سالىستى ءارى ونىڭ كۋاسى بولدى.
پۋ چۋانۋىن سياقتى، كوكتوعاي اۋداندىق پارتكوم ۇگىت ءبولىمىنىڭ كۇرتى اۋىلى دالا اۋىز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ەركىنبەك قايسا دا كەدەيلىكتەن ارىلتۋ، قيىنشىلىعى بارلارعا كومەكتەسۋ جولىندا كۇرەس جۇرگىزۋدە.
”قىستاعىمىزدا 130دان استام جىلىجايداعى كوكونىس تاياۋداعى كۇندەردە شوعىرلى تۇردە بازارعا شىعارىلادى، ءتۇرى دە ءبىرشاما كوپ، كوكونىستەرىمىزدى تۇراقتى ورىندا تۇرىپ تولايىم ساتا الاسىزدار ما...“ 6 - ايدىڭ 10 - كۇنى تاڭەرتەڭ ەركىنبەك كوكتوعاي اۋدان قالاشىعىنداعى شينتياندي ساۋدا بازارىنا كەلىپ، جەمىس - جيدەك، كوكونىس تولايىم ساتاتىن ساۋداگەرلەرمەن كەڭەستى، جارتى كۇنگە جەتپەي، جەمىس - جيدەك، كوكونىس تولايىم ساتاتىن 5 دۇكەن وسى قىستاقتىڭ جىلىجايىنداعى كوكونىستەردى ساتىپ الۋعا كەلىستى.
ەركىنبەك: ”جەمىس - جيدەك، كوكونىستى جىلىجايدا كولەمدەندىرىپ ەگۋدى جولعا قويعاننان كەيىن، ءبىز ءوز ماركامىزدى جاساپ، ەكولوگيالىق اۋىل شارۋاشىلىعىن كولەمدى ءارى ساپالى ەتىپ جۇرگىزىپ، قىستاق تۇرعىندارىنىڭ اناعۇرلىم كوپ پايداعا كەنەلۋىنە مۇمكىندىك جاسادىق“، -دەدى.
جول جوندەدى، كاسىپ سالاسىن جەتىلدىردى، اۋلا شارۋاشىلىعىن دامىتتى... 2019 - جىلى دالاۋىز قىستاعىنىڭ جان باسىندىق ورتاشا كىرىسى 10 مىڭ يۋاننان استى، قىستاقتىڭ كوللەكتيۆ ەكونوميكالىق كىرىسى 250 مىڭ يۋاننان استى، قىستاق تۇرعىندارىنىڭ تۇرمىسى بارعان سايىن جاقسارىپ، كەدەيلىكتەن ارىلتۋدان قامال الۋ ونىمدىلىگى ۇزدىكسىز بەكەمدەلدى.
كۇش بىرىكتىرىپ قامال الىپ، دامۋ جولىن قاراستىردى
بۇرىن اقشي اۋدانى قاراشي اۋىلىنىڭ قاراشي قىستاعى كەدەي قىستاق بولاتىن. قازىر قىستاقتا اسا زور وزگەرىستەر جارىققا شىقتى. 3 جىلدان بەرى حۋانىڭ شينجياڭ ەنەرگيا اشۋ شەكتى سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي گو ۋيجۇڭ ءار ءتۇرلى قارجىعا بەلسەنە قول جەتكىزىپ، مىڭ مۋلىق شىرعاناق ورمانى، ماما تاۋىق باعىمشىلىعى، ۇشقات ەگىمشىلىگى كاسىپ سالاسىن دامىتىپ، تۇتاس قىستاقتى كەدەيلىكتەن ارىلتىپ، كەدەيلىك تىزىمىنەن شىعارۋ نىساناسىن ورىندادى. بۇگىندە شينجياڭ اۋىل شارۋاشىلىق داشۋەسى ەگىن، ورمان، مال شارۋاشىلىعى عىلىم اكادەمياسىمەن تەرەڭ سەلبەستىك جاساپ، ءشوپ ەگۋ، مال ءوسىرۋ دەڭگەيىن كۇش سالا جوعارىلاتىپ، ”بەيحۋا 1 - ءنومىر“ ۇشقات سورتىن جانە سۇرلەمدىك جۇگەرىنى بەلسەندى تۇردە سىناق رەتىندە ەگىپ، قاراشي قىستاعىن كەدەيلىكتەن ارىلتۋمەن بىرگە، قاراشي قىستاعىنىڭ باياندى دامۋىن دا ىلگەرىلەتتى.
ءبىرىنشى شۋجيلەر ءونىمدى تۇردە بايلىقتى ءبىر تۇتاس جوسپارلاپ، كۇشتەردى بىرىكتىرىپ، باسىمدىقتاردى جيناپ، كومەكتەسۋ - سۇيەمەلدەۋ قىزمەتىنىڭ قۋاتتى بىرىككەن كۇشىن ۇيىستىردى.
6 - ايدىڭ 10 - كۇنى اۆتونوميالى رايوندىق پارتكوم بىرلىكساپ ءبولىمىنىڭ ياركەن اۋدانى شارباق اۋىلىنىڭ قۇتشى قىستاعىندا تۇراتىن ءبىرىنشى شۋجيى لي يۇڭ: ”كەدەيلەردى سۇيەمەلدەۋ ەجەلدەن ءبىر جەردىڭ، ءبىر ورىننىڭ ءىسى ەمەس، ول ءار جاقتىڭ كۇشىن ۇيىستىرىپ، ءار سالانىڭ زەيىن - زەردە كۇش - قۋاتىن شوعىرلاندىرا وتىرىپ كەدەيلىكتەن ارىلتۋعا دەم بەرۋدىڭ بىرىككەن كۇشىن قالىپتاستىرۋدى قاجەت ەتەدى“، - دەدى.
2018 - جىلى 1 - ايدا لي يۇڭ مەن اۆتونوميالى رايوندىق پارتكوم بىرلىكساپ بولىمىندەگى 6 كادر ياركەن اۋدانىنىڭ شارباق اۋىلىنداعى، ىگەرشى قالاشىعىنداعى 6 اۋىر كەدەي قىستاققا بارىپ ءبىرىنشى شۋجيلىك مىندەتتى ۇستىنە الدى. قىستاقتىڭ كاسىپ سالاسىن دامىتۋىن قولداۋ ءۇشىن، بىرنەشە جىلدان بەرى اۆتونوميالى رايوندىق پارتكومنىڭ بىرلىكساپ ءبولىمى جالپى 5 ميلليون يۋاننان استام قارجى قوستى. بيىل تاعى 960 مىڭ يۋان قارجى قوسىپ، الەۋمەتتىك يگىلىك سيپاتتى جۇمىس ورنىنان 96سىن اشتى.
قۇتشى قىستاعىندا ادام كوپ، جەر از، ەكونوميكالىق نەگىز ءالسىز بولۋداي جاعدايعا مەڭزەس، اۆتونوميالى رايوندىق پارتكومنىڭ بىرلىكساپ ءبولىمى جەرگىلىكتى جاعدايعا قاراي ىستەپ، قىستاقتىڭ ”كوجەقاتىق“ ينجەنەرياسىن دامىتۋىنا كومەكتەستى. وسى جىلداردا تەك قۇتشى قىستاعىنىڭ وزىنە ءبىر ميلليون يۋان قارجى قوسىپ، ەگۋ، باعىپ - باپتاۋ، جەتىلدىرۋ، ءۇزۋ، جەتكىزۋ سياقتىلار بويىنشا جۇيەلى قىزمەت وتەپ، كوكونىستەردىڭ ساپاسىن جوعارىلاتىپ، كوكونىستەردىڭ ءونىم مولشەرىن مولايتىپ، قىستاق تۇرعىندارىنىڭ كىرىسىن ارتتىردى.
ۇيىمدى نىعايتىپ، زاپاس كۇشتەردى توپتادى
”نەگىزگى ساتى پارتيالى كادرلار قوسىنىن قايتكەندە نىعايتىپ، ولاردىڭ سۋبيەكتيۆ بەلسەندىلىگىن تولىق جۇمىلدىرىپ، نەگىزگى ساتى پارتيا ۇيىمدارىنىڭ جاۋىنگەرلىك قۋاتىن وسىرۋگە بولادى؟“ ساۋان اۋداندىق 5 - باستاۋىش مەكتەپتىڭ ۇلانۇسۇن قالاشىعى شياسىگۇڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋ دىرىن قىستاققا كەلگەن العاشقى كەزدە وسىلاي دەپ تولعاندى.
ۋ دىرىن قىستاق ”ەكى كوميتەتىنىڭ“ ىستەي الۋ، ىستەۋ، ءىس تىندىرۋ قابىلەتىن جەتىلدىرۋدى ماڭىزدى قىزمەت مىندەتىنىڭ ءبىرى سانادى. ءبىر جاعىنان، قىزمەت اترەتى مۇشەلەرىن قىستاق كادرلارىمەن ”بىرگە ءبىر“ كومەكتەسۋ - جەتەكتەۋ جۇبىن قۇرعىزدى ءارى ارالاس شتاتتاعى باسشىلىق قىزمەت ورنىن، ماتاستىرىپ تەكسەرۋدى جولعا قويىپ، قىزمەت اترەتى مۇشەلەرىنىڭ بۇكپەسىز تۇردە ءادىس ۇيرەتىپ، تاجىريبە جەتكىزۋىن ىلگەرىلەتتى؛ ەندى ءبىر جاقتان، ىرىقتىلىقپەن جاۋاپكەرشىلىك ارقالاتىپ، مىندەت جۇكتەپ، قىستاق كادرلارىنىڭ اماليات بارىسىندا قابىلەت پەن ساپانى شىڭاۋىنا مۇمكىندىك جاسادى.
ۋ دىرىن سياقتى، اۋىل - قىستاقتا تامىر تارتقان ءبىرىنشى شۋجيلەر ۇتىمدى ءادىس - شارالاردى بەلسەنە قاراستىرىپ، وزدەرى تۇرعان قىستاقتىڭ القانى نىعايتۋىنا، قوسىندى جەتەكتەۋىنە، ءتۇزىم ورناتۋىنا، ولشەمدى جەبەۋىنە كومەكتەسىپ، نەگىزدى نىعايتىپ، تاعاندى بەكەمدەۋدىڭ ”جەتەكشىسىنە“ اينالدى.
6 - ايدىڭ 11 - كۇنى قۇمىل قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ يجوۋ رايونى قارا ءدوۋا قالاشىعىنىڭ بوستان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لين حايبو: ”قىستاعىمىزدا 114 پارتيا مۇشەسى بار، قايتكەندە وسى پارتيا مۇشەلەرىن ۇيىستىرىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرۋ ءبىز، ءسوز جوق، ءدوپ كەلەتىن تاقىرىپ“، - دەدى.
نەگىزگى ساتى ۇيىمىنىڭ رولىن تولىق ساۋلەلەندىرۋ ءۇشىن، قىستاق ءار اپتانىڭ بەسىنشى كۇنى پارتيا، وداق قيمىلىن ۇيىمداستىردى. لين حايبو: ”قىستاعىمىزدا ساقا پارتيا مۇشەلەرى كوپ، ءبىز جاس پارتيالى كادرلاردى كۇش سالا باۋلىپ جەتىلدىرۋمەن قاتار، ساقا پارتيا مۇشەلەرىنىڭ قىزمەت تاجىريبەسىنىڭ مول بولۋى، بۇقارا اراسىنداعى بەدەلىنىڭ جوعارى بولۋى سياقتى باسىمدىقتارىنان تولىق پايدالانىپ، ’قىستاق دارەجەلى ىستەردى باسقارۋ، قىزمەت وتەۋ ۇجىمىن‘ قۇرىپ، ولاردى باستاماشى بولىپ بۇقارانىڭ كەيبىر قيىن ماسەلەلەردى شەشۋىنە كومەكتەستىرىپ، بۇقارانىڭ جاقسى باعاسىنا يە بولدىق“، - دەدى.
