تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۇلتتار ىنتىماعىنىڭ جان تامىرىن ونان ارى بەكەمدەيىك

باس شۋجي شي جينپيڭ نيڭشيادا قىزمەت تەكسەرگەندە ۇلتتار ىنتىماعى، العاباسارلىعىن ىلگەرىلەتۋدى باسا دارىپتەدى، رايونىمىزداعى ءار ۇلت كادرلارى مەن بۇقاراسى مىنالاردى ءبىلدىردى −

ۇلتتار ىنتىماعىنىڭ جان تامىرىن ونان ارى بەكەمدەيىك

شينجياڭ گازەتىنىڭ جالپىلىق اقپارات قۇرالدارى تىلشىلەرى

  ”جۇڭحۋا ۇلتى − كوپ نەگىزدى، ءبىر تۇلعالى ۇلى ۇلت“. ”جاپپاي دوڭگەلەك داۋلەتتى قوعام ورناتۋدا بىردە - ءبىر از ۇلتتى قاعىس قالدىرۋعا بولمايدى“. باس شۋجي شي جينپيڭنىڭ نيڭشيادا قىزمەت تەكسەرگەندەگى تەرەڭ سۇيىسپەنشىلىككە تولى ماڭىزدى ءسوزى رايونىمىزداعى ءار ۇلت كادرلارى مەن بۇقاراسىن ايرىقشا جەلپىندىردى. كوپشىلىك ءبىر اۋىزدان مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە تىعىز ىنتىماقتاسىپ، اناردىڭ دانىندەي تىعىز ۇيىسىپ، قول ۇستاسا العا ىلگەرىلەپ، جاپپاي دوڭگەلەك داۋلەتتى قوعامعا بىرگە قادام تاستاپ، ۇلتتار ىنتىماعى گۇلىن تيانشاننىڭ وڭتۇستىگى مەن سولتۇستىگىندە قۇلپىرتامىز.

ۇلتتار ىنتىماعىنىڭ نەگىزگى اۋەنىن اسقاقتاتا شىرقايمىز

  باس شۋجي شي جينپيڭنىڭ ماڭىزدى ءسوزى جاڭاءشار اۋدانى ارال اۋىلى پارشاشوقى قىستاعىنىڭ تۇرعىنى وبۇل داۋۇتتىڭ جۇرەگىن تەبىرەنتتى. ”قىستاقتا تۇراتىن قىزمەت اترەتىنىڭ كومەگىندە، قىستاعىمىزدا قولونەر اعاششىلىق شارۋالار كاسىپتىك سەلبەستىك كووپەراتيۆى سياقتى 10 شارۋاشىلىق ناقتى تۇلعاسى قۇرىلدى، ارحيۆ تۇرعىزىلىپ، كارتچكالاندىرىلعان كەدەي وتباسىلارىنان ءبىر ادامنىڭ، اۋەلى، كوپ ادامنىڭ جۇمىستانۋى جۇزەگە اسىرىلدى، كىرىس ورنىقتى جوعارىلادى“. وبۇل قۋانا بىلاي دەدى: ”بۇل پارتيا مەن ۇكىمەتتىڭ جاقسى ساياساتىنىڭ ارقاسى، سونداي - اق قىستاقتا تۇراتىن قىزمەت اترەتىنىڭ شىن نيەتپەن كومەكتەسۋىنىڭ، سۇيەمەلدەۋىنىڭ ارقاسى. پارتياعا ىلەسىپ، جالىقپاي قۇلشىنساق، كوپشىلىك ءبىر نيەتپەن كۇش بىرىكتىرسەك، كۇندەرىمىز، ءسوز جوق، بارعان سايىن جاقسارا تۇسەتىندىگىنە سەنەمىن“.

  ”باس شۋجيدىڭ ماڭىزدى ءسوزى ءبىزدىڭ شينجياڭ ادەبيەت - كوركەمونەر ىستەرىنىڭ دامۋىن بار كۇشپەن ىلگەرىلەتۋىمىز ءۇشىن قۇدىرەتتى قوزعاۋشى كۇش سيلادى“. اۆتونوميالى رايوندىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى قادىلبەك قاقان بىلاي دەدى: سوڭعى جىلدارى رايونىمىزداعى ءار ۇلت ادەبيەت - كوركەمونەر قىزمەتكەرلەرى ءبىر قىدىرۋ تاڭداۋلى تۋىندى جاراتىپ، شينجياڭنىڭ وراسان وزگەرىستەرىن بەينەلەپ، ءار ۇلت حالقىنىڭ باقىتتى تۇرمىسى مەن ۇلتتار ىنتىماعىنىڭ اسەرلى اڭگىمەلەرىن بايانداپ، پارتياعا العىس ايتۋ سەزىمىن جىرلايدى.

  ”بۇدان بىلاي ءبىز باس شۋجيدىڭ ماڭىزدى ءسوزىن ۇزدىكسىز جەتەكشى ەتىپ، ادەبيەت - كوركەمونەر شەبىنىڭ رولىن تولىق ساۋلەلەندىرىپ، ۇلتتار ىنتىماعى نەگىزگى اۋەنىن اسقاقتاتا شىرقاپ، ءار ۇلت بۇقاراسىن سوتسياليستىك وزەكتى قۇن كوزقاراسىن امالياتتا ايگىلەۋگە جەتەكتەپ، جۇڭحۋا ۇلتى ورتاق تۇلعا تانىمىن بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش - قۋات ۇيىستىرامىز“، - دەدى قادىلبەك قاقان.

ۇلتتار ىنتىماعىن وزىمىزدەن باستايمىز

  ”ۇلتتار ىنتىماعىن ويداعىداي ىستەۋ ءبىز جونىنەن ەرەكشە ماڭىزدى“. موڭعۇلكۇرە اۋدانى قاراسۋ قالاشىعى اقساي قىستاعى مۋيىڭتاي مال شارۋاشىلىعى ونىمدەرى سەلبەستىك كووپەراتيۆىندە جۇمىس ىستەيتىن قازاق ايەل اينۇر بايجۇما بىلاي دەدى: ”سەلبەستىك كووپەراتيۆىمىزدە حانزۋ ۇلتىن، ۇيعۇر ۇلتىن، قازاق ۇلتىن، موڭعۇل ۇلتىن، ت. ب كوپ ۇلتتى قامتىعان 35 مۇشە بار. مەيلى تۇرمىستا، الدە قىزمەتتە بولسىن، ءبىز قاشاندا ويدى ءبىر اراعا شوعىرلاندىرامىز، كۇشتى ءبىر اراعا جۇمسايمىز، قيىنشىلىققا بىرگە توتەپ بەرەمىز، تۇرمىسىمىز جاقسارسا بىرگە قۋانامىز“.

  ”الدا مەن تەحنيكامدى ءتىپتى دە كوپ ادامعا ۇيرەتىپ، كوپشىلىكتى بىرگە اۋقاتتانىپ، دوڭگەلەك داۋلەتكە جەتۋگە جەتەكتەيمىن. ءبىز اناردىڭ دانىندەي تىعىز ۇيىسساق بولعانى، كۇندەرىمىز، ءسوز جوق، كۇننەن - كۇنگە جاقسارادى“، - دەدى اينۇر نىق سەنىممەن.

  ءۇرىمجى قالاسى شۇيموگوۋ رايونى چيفاڭ اۋماعىن باسقارۋ كوميتەتى يانحى جولى الەۋمەتتىك اۋماعىندا جيىنى 1300دەن ارتىق تۇرعىن بار، بۇل حانزۋ ۇلتى، ۇيعۇر ۇلتى، حۇيزۋ ۇلتى، ورىس ۇلتى، سىبە ۇلتى سياقتى 7 ۇلتتان قۇرالعان ۇلكەن شاڭىراق. الەۋمەتتىك اۋماق پارتكومىنىڭ شۋجيى حى باۋسۇڭ بىلاي دەدى: الەۋمەتتىك اۋماعىمىز پارتيا مۇشەلەرىنىڭ باستاماشىلدىق ەتۋىمەن ”جەتكىزۋ، كومەكتەسۋ، جەتەكتەۋ“ فورماسىنان پايدالانىپ، ساقا پارتيا مۇشەلەرىنىڭ، ساقا ۇلگىلەردىڭ قاجىرلىلىقپەن شارۋاشىلىق قۇرۋ اڭگىمەلەرىن بايانداۋ، ”80 - جىلداردىڭ تۇلەكتەرىن“، ”90 - جىلداردىڭ تۇلەكتەرىن“ ۇيىمداستىرىپ ءتۇرلى جارىستاردى ورىستەتۋ سياقتىلار قامتىلعان ءتۇرلى ۇلتتار ىنتىماعى قيمىلىن ورىستەتتى، ءار الۋان فورماداعى قيمىلدار ارقىلى ءار ۇلت بۇقاراسىنىڭ سۇيىسپەنشىلىگىن نىعايتىپ، ولارعا كۇننەن - كۇنگە جاڭالانعان وزگەرىستەردى سەزىندىردى.

  ”بۇدان بىلاي، ءبىز باس شۋجي شي جينپيڭنىڭ تالابى بويىنشا، بۇقاراعا قىزمەت وتەۋ قىزمەتىن اناعۇرلىم ويداعىداي ىستەپ، ۇلتتار ىنتىماعىنىڭ تاماشا رايىن قالىپتاستىرىپ، ۇلتتار ىنتىماعى، العاباسارلىعىن قۇرۋ قىزمەتىن تىڭعىلىقتى ورىستەتەمىز“، - دەدى حى باۋسۇڭ.

ىنتىماقتاسا قول ۇستاسىپ بولاشاقتى بىرگە جاراتامىز

  اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى ۋاڭ كىيۇڭ بىلاي دەدى: تاياۋ جىلداردان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، ۇلتتار ىنتىماعى قىزمەتىن جالپى جاعداي بيىگىنە قويىپ جوبالاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلدارىن، سونداي - اق الۋان فورماداعى ۇلتتار ىنتىماعىندا وزات ورىن قۇرۋ قيمىلدارىن ىشكەرىلەي ورىستەتتى. قازىر جۇڭحۋا ۇلتى ورتاق تۇلعا تانىمى شينجياڭداعى ءار ۇلت حالقىنىڭ جۇرەگىنە تەرەڭ تامىر تارتىپ، ەتەنە، توننىڭ ىشكى باۋىنداي، ەشكىمدە ەشكىمنەن ايرىلا المايتىن جاراسىمدى ۇلت قاتىناسى شينجياڭنىڭ بايتاق دالاسىنداعى ەڭ كوركەم كورىنىسكە اينالدى.

  ”بۇدان بىلاي ءبىز باس شۋجيدىڭ تالابىنا ساي، ۇلتتار ىنتىماعى قىزمەتىن دەن قويا، تەرەڭ سۇيىسپەنشىلىكپەن كۇش سالا ونان ارى جاقسى ىستەپ، جاپپاي دوڭگەلەك داۋلەتتى قوعام ورناتۋ جورىعىندا ىنتىماقتاسا قول ۇستاسىپ، قيىندىقتاردى بىرگە جەڭىپ، بىردە - ءبىر از ۇلتتى قاعىس قالدىرمايمىز“، - دەدى ۋاڭ كىيۇڭ.

  ”باقىت كۇرەسپەن كەلەدى“. اۆتونوميالى رايوندىق 2 - جۇمىسشىلار ساناتورياسىنىڭ كادرى ليۋ جاۋساۋ بىلاي دەدى: ”مەنىڭ تۋىسىم اتۇش قالاسى اعۋ اۋىلىنىڭ توعراق قىستاعىنداعى ءيۇسۇپجان قاسىم وتباسى، 2014 - جىلى ولاردىڭ وتباسىنداعى 5 جان ارحيۆ تۇرعىزىلىپ، كارتچكالاندىرىلعان كەدەي بولاتىن، كوپ جاقتىڭ قۇلشىنۋىندا، 2018 - جىلدىڭ اياعىندا ونىڭ وتباسى كەدەيلىكتەن ارىلدى. بىلتىر اۆتونوميالى رايوندىق باس جۇمىسشى ۇيىمىنىڭ ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن قىزمەت اترەتىنىڭ زور قولداۋ كورسەتۋىنىڭ ارقاسىندا، ونىڭ كەستەشىلىك سەلبەستىك كووپەراتيۆىنىڭ كولەمى ونان ارى ۇلعايىپ، جىلدىق تازا كىرىسى 100 مىڭ يۋاننان استى“.

  ليۋ جاۋساۋ بىلاي دەدى: ”بىرنەشە كۇننەن بەرى، ءبىز ’ۇلتتار ىنتىماعىنىڭ بەرەكەلى شاڭىراعى‘ قيمىلىن ورىستەتىپ جاتىرمىز، مەن باس شۋجي شي جينپيڭنىڭ ماڭىزدى ءسوزىنىڭ رۋحىن تۋىسىما دەر كەزىندە جەتكىزۋىم كەرەك. بۇدان كەيىن مەن تۋىسىممەن بىرگە قۇلشىنىپ، بىرگە ءادىس - امال قاراستىرىپ، بولاشاقتى جوسپارلايمىن، كوپ بولىپ جاقسى ىستەسەك، كۇندەرىمىزدىڭ بارعان سايىن شالقي تۇسەتىندىگىنە سەنەمىن“.

(ءتىلشى جاڭ يۇنمەي، جازۋعا قاتىناسقان تىلشىلەر حان چينيان، مايگۇل ايتقازى، ءجازيرا نەسىپبەك، ۋي حۇڭپيڭ، ميھىرگۇل عوپۇر، حى حۇڭۋي)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى