تيانشان تورى   ›   جاڭالىقتار   ›   ساياحات

جۇڭگوداعى ەڭ ادەمى تاس جول − مايتاۋ - كۇشار تاس جولىندا كولىك قاتىناۋ قالپىنا كەلدى

  6 - ايدىڭ 13 - كۇنى 100دەن استام اۆتوكولىك قارامايلى قالاسى مايتاۋ رايوندىق مايتاۋ - كۇشار قولباسشىلىق ورنىنا جينالىپ، مايتاۋ - كۇشار تاس جولىنا جول الۋعا دايىندالدى (سۋرەت ۇشقىشسىز ۇشاقپەن تۇسىرىلگەن). سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن

    مايتاۋ - كۇشار تاس جولىنىڭ كوركەم كورىنىسى (2019 - جىلى 6 - ايدىڭ 26 - كۇنى ۇشقىشسىز ۇشاقپەن تۇسىرىلگەن). سۋرەتتى لاي يۇينيڭ تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 6 - ايدىڭ 13 - كۇنى مايتاۋدان حابارلايدى. 6 - ايدىڭ 13 - كۇنى تۇستەن بۇرىن مايتاۋ - كۇشار تاس جولىندا اۆتوكولىك قاتىناۋ قالپىنا كەلىپ، جولاۋشىلاردى قارسى الدى. قارامايلى قالاسى مايتاۋ رايوندىق مايتاۋ - كۇشار تاس جولى جولاۋشىلارعا قىزمەت وتەۋ ورتالىعىندا اۆتوكولىكتىڭ كوتەرىڭكى سيگنال شالۋىمەن 100دەن استام اۆتوكولىك كۇنگەيدى بەتكە الىپ مايتاۋ - كۇشار تاس جولىنا قاراي جول الدى.

  سول كۇنى قارامايلى قالاسى ۇيىمداستىرعان 2020 ”جاپان تۇزگە ساياحات، مايتاۋ - كۇشار تاس جولى“ اتىنداعى مايتاۋ - كۇشار تاس جولىندا اۆتوكولىك قاتىناۋ سالتى قارامايلى قالاسى مايتاۋ رايوندىق مايتاۋ - كۇشار قولباسشىلىق ورنىندا وتكىزىلدى.

  G217 مايتاۋ - كۇشار تاس جولى تيانشان تاۋىنىڭ ورتا بولەگىندە، سولتۇستىكتە مايتاۋدان باستالىپ، وڭتۇستىكتە كۇشارعا جەتەدى، جالپى ۇزىندىعى مولشەرمەن 560 كيلومەتر، تاس جولدىڭ بويىندا بايىنبۇلاق ساحاراسى، كۇشار ۇلكەن، كىشى ايداعار كولى، قىزىلتاۋ تاس ورمانى سياقتى كوپتەگەن ايگىلى كورىنىس وڭىرلەرى بار، كورىنىسى كوركەم، جۇڭگوداعى ەڭ ادەمى تاس جول دەپ اتالعان، ءوز كولىگىمەن ساياحاتتاۋ اۋەسكەرلەرىن كەڭىنەن باۋرايدى.

  تيانشان تاۋلى وڭىرىندە قىستا قار جاۋۋ، مۇز قاتۋ سياقتىلاردىڭ ىقپالىمەن مايتاۋ - كۇشار تاس جولى ءار جىلى شامامەن جارتى جىلداي ”قىسقى ۇيقىدا“ جاتادى. بيىل 6 - ايدان بەرى جولدا بارلاۋ، قيىرشىق تاستاردى تازالاۋ سياقتى الدىڭعى مەرزىمدىك قىزمەتتەر اياقتالعاننان كەيىن، قاتىناس باسقارۋ تاراۋلارى 6 - ايدىڭ 13 - كۇنى مايتاۋ - كۇشار تاس جولىندا اۆتوكولىك قاتىناۋ شارت - جاعدايى ازىرلەنگەنىن جاريالاپ، جەر - جەردىڭ ساياحاتشىلارىن باۋراي باستادى.

  ۇعىسۋعا قاراعاندا، ءوز كولىگىمەن ساياحاتتايتىن ساياحاتشىلاردىڭ قاجەتىن ونان ارى قاناعاتتاندىرىپ، ”ءۇش قيىن، ءبىر ىركىلىسسىز بولماۋ“ سياقتى ماسەلەلەردى كۇش سالا شەشۋ ءۇشىن، اۆتونوميالى رايوندىق قاتىناس - تاسىمال مەڭگەرمەسى بىلتىرعى مايتاۋ - كۇشار تاس جولىنىڭ ساپاسىن جوعارىلاتۋ نەگىزىندە، بيىل ساپاسىن جوعارىلاتۋ، جاقسارتۋدىڭ 2 - مەرزىمدىك ينجەنەرياسىن اتقاردى؛ مايتاۋ - كۇشار تاس جولىنىڭ بويىنداعى ايماق - وبلىس، قالالار دا قاتىناس، ساياحات قىزمەت وتەۋ قۇرىلعىلارىن ۇزدىكسىز كەمەلدەندىرىپ، مايتاۋ - كۇشار تاس جولىندا ءوز كولىگىمەن ساياحاتتاۋدىڭ جاپپاي باستالۋىن قامتاماسىز ەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.