تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ نيڭشيادا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى

”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن تاباندىلىقپەن تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك

ورتالىق 6 - شارلاۋ گرۋپپاسىنىڭ كەدەيلىكتەن ارىلتۋدان قامال الۋدى ارنايى شارلاۋدىڭ ”قايتا قاداعالاۋىندا“ اڭىس ەتكەن پىكىرلەرى بويىنشا رەتتەۋ - تۇزەتۋدى تياناقتاندىرۋ جاعدايى جونىندەگى مالىمەتتى تىڭدادى

چىن چۋانگو ءماجىلىستى باسقاردى

  شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 13 - كۇنى ۇرىمجىدەن حابارلايدى. 6 - ايدىڭ 13 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ نيڭشيادا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، مەملەكەتتىك ەكى ءماجىلىستىڭ قىزمەت ورنالاستىرۋلارىن جالپى بەتتىك دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ءۇش ءىرى قامال الۋ شايقاسىن باتىلدىقپەن، ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك.

  ءبىرىنشى، ىندەتتەن ساقتانۋ - تىزگىندەۋدى ۇدايىلاندىرۋدى ۇزدىكسىز جاقسى يگەرۋ كەرەك. سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ شارالارىنا تاباندى بولىپ جانە ونى كەمەلدەندىرىپ، ءتۇيىندى ورىندارداعى، ءتۇيىندى قاۋىمداعى، ءتۇيىندى وتكەلدەردەگى دالمە - ءدال ساقتانۋ - تىزگىندەۋدى ۇزدىكسىز كۇشەيتىپ، الەۋمەتتىك دەنساۋلىق ساقتاۋ جۇيەسى قۇرىلىسىن جەدەلدەتىپ، وتانشىلدىق تازالىق قيمىلىن جاسامپازدىقپەن ورىستەتىپ، ىندەتتەن ساقتانۋ - تىزگىندەۋدىڭ تابىستارىن باتىل بەكەمدەپ، ءار ۇلت بۇقاراسىنىڭ دەنساۋلىعىن قورعاۋ كەرەك.

  ەكىنشى، جوعارى ساپالى دامۋدى مىزعىماستان ىلگەرىلەتۋ كەرەك. جاڭا دامۋ ۇستانىمىن دايەكتىلەندىرىپ، ەكونوميكانىڭ دامۋ تاسىلىنە جەدەل بۇرىلىس جاساپ، دامۋعا جاڭالىق اشۋ ارقىلى دەم بەرۋگە تاباندى بولىپ، ەكونوميكالىق دامۋدىڭ مولشەرىن ارتتىرىپ، ساپاسىن جوعارىلاتۋدى ىلگەرىلەتۋ؛ كاسىپورىندارعا تيىمدىلىك جاساۋ ساياساتتارىن جالپى بەتتىك تياناقتاندىرىپ، كاسىپورىنداردىڭ قيىنشىلىعىن دەر كەزىندە شەشىپ، شارۋاشىلىق - ساۋدا ورتاسىن ۇزدىكسىز جاقسارتۋ؛ نازاردى تۇيىنگە شوعىرلاندىرىپ، نىسان قۇرىلىستارىن جەدەل ىلگەرىلەتىپ، ساۋداگەر شاقىرۋ، قارجى ەنگىزۋ تەبىنىن ارتتىرىپ، ءونىمدى قارجى قوسۋدى دالمە - ءدال كەڭەيتۋ؛ ىشكى سۇرانىستى كەڭەيتۋ ساياساتتارىن تياناقتاندىرىپ، تۇتىنۋدىڭ ارتۋىن جەبەۋ؛ وسى زامانعى اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن جەدەل ورناتىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ؛ ونەركاسىپتىڭ تيبىن وزگەرتىپ، دارەجەسىن جوعارىلاتۋدى جەدەلدەتىپ، ۇستەمە قۇندى جانە جالپىلىق ونىمدىلىكتى جوعارىلاتۋ؛ وسى زامانعى قىزمەت وتەۋ كاسىبىن زور كۇشپەن دامىتىپ، قىزمەت وتەۋمەن قامداۋدى كەڭەيتىپ، سۇرانىستىڭ كومەسكى كۇشىن اشۋ كەرەك.

  ءۇشىنشى، رەفورمانى ۇزدىكسىز تەرەڭدەتىپ، ەسىكتى ايقارا اشۋ كەرەك. ءتۇيىندى سالالارداعى جانە شەشۋشى بۋىندارداعى رەفورمانى ىلگەرىلەتىپ، رەفورمالاردىڭ تەرەڭدەۋىن، ناقتىلانۋىن جەبەپ، ءتۇرلى بازار نەگىزگى تۇلعالارىنىڭ ومىرشەڭدىك كۇشىن قاۋلاتىپ، ارتۋدىڭ قوزعاۋشى كۇشىن ۇزدىكسىز جەتىلدىرۋ كەرەك. ”ءبىر بەلدەۋ، ءبىر جولدى“ بىرگە قۇرۋدىڭ كەلەلى ورايىن مىقتاپ يگەرىپ، سىرتقا ەسىك اشۋ تەبىنىن ارتتىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، جوعارى دەڭگەيلى ەسىك اشۋ ارقىلى جوعارى ساپالى دامۋدى جەبەۋ كەرەك.

  ءتورتىنشى، كەدەيلىكتەن ارىلتۋدان قامال الۋ شايقاسىنىڭ جەڭىسىنە بار كۇشپەن قول جەتكىزۋ كەرەك. ”ەكىدەن تارىقتىرماۋ، ۇشتە قامتاماسىز ەتۋمەن“ تىعىز بايلانىستىرىپ، ”التى دالمە - ءدالدى“ تياناقتاندىرىپ، ”7 ءبىر توپتى“، ”3 سەرپىندى ارتتىرۋدى“ تىڭعىلىقتى ىلگەرىلەتىپ، ءالسىز تۇستاردى ءدال كوزدەپ، شايقاستى باسى - قاسىندا قاداعالاۋدى، ماسەلەلەردى رەتتەۋ - تۇزەتۋدى، قايتا كەدەيلەسۋدى قاداعالاۋدى، تابىستاردى بەكەمدەۋدى تىڭعىلىقتى ىلگەرىلەتىپ، كاسىپتى دامىتۋ ارقىلى جۇمىستاندىرۋدى جەبەۋدى كورنەكتىلەندىرىپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن جەبەۋ كەرەك.

  بەسىنشى، ۇلتتار ىنتىماعىن كۇشەيتۋ، ءدىن جاراسىمدىلىعىن جەبەۋ كەرەك. پارتيانىڭ ۇلت ساياساتىن جالپى بەتتىك دايەكتىلەندىرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلدارىن ۇزدىكسىز ىشكەرىلەي ورىستەتىپ، ۇلتتار ىنتىماعى ۇگىت - تاربيەسىن جانە ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن كەڭىنەن قانات جايدىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ؛ پارتيانىڭ ءدىن قىزمەتى نەگىزگى باعىتىنا تاباندى بولىپ، ەلىمىزدەگى دىندەردى جۇڭگوشالاندىرۋ بەتالىسىنا تاباندى بولىپ، ءدىن ىستەرىن زاڭ بويىنشا باسقارىپ، ءدىندى سوتسياليستىك قوعامعا ۇيلەستىرۋگە بەلسەنە باستاۋ كەرەك.

  التىنشى، جاسىل دامۋعا تاباندى بولىپ، ەكولوگيالىق ورتانى قورعاۋ كەرەك. تۇنىق سۋ، جاسىل تاۋ − باعالى بايلىق، اق قار، كوك مۇز دا باعالى بايلىق ۇستانىمىن بەرىك ورناتىپ، تاۋ، سۋ، ورمان، اتىز، كول، جايلىمدى جۇيەلى جونگە سالۋدى ءبىر تۇتاس جوسپارلاپ، ەكولوگيانى قورعاۋدى، قالپىنا كەلتىرۋدى جانە قورشاعان ورتانى وڭاۋدى ءبىر تۇتاس جوسپارلاپ ىلگەرىلەتىپ، اشىق اسپاندى، ءمولدىر سۋدى، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، اۋىل - قىستاقتاردىڭ قونىس ورتاسىن رەتتەۋ - وڭاۋدى ىشكەرىلەي ورىستەتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ، ەكولوگيالىق ورتانى جاقسارتۋدىڭ جان تامىرىن مىقتى يگەرىپ، كورىكتى شينجياڭدى قۇلشىنا قۇرۋ كەرەك.

  جەتىنشى، ادامدى نەگىز ەتە وتىرىپ، حالىق تۇرمىسىن كۇش سالا قامتاماسىز ەتۋ، جاقسارتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ءتۇيىندى قاۋىمدى جۇمىستاندىرۋ قىزمەتىن تىڭعىلىقتى جاقسى ىستەپ، قالا مەن اۋىلداعى مىندەتتى وقۋ - اعارتۋدىڭ تەپە - تەڭ دامۋىن ىلگەرىلەتىپ، ەرەكشە قيىنشىلىعى بار قاۋىمدى تومەنگى شەكتەن تۇسىرمەي قامتاماسىز ەتۋدى تياناقتاندىرىپ، ءار ۇلت بۇقاراسىن مازالاعان، ۋايىمداتقان، الاڭداتقان ىستەردى شىن مانىندە جاقسى شەشۋ كەرەك.

  سەگىزىنشى، ساقتىق دابىلىن ۇزبەي قاعىپ، قوعامدىق كەلەلى جاعدايىنىڭ ورنىقتىلىعىن قورعاۋ كەرەك. نازاردى باس نىساناعا، كەشەندى شارانى جاقسى جۇرگىزۋگە شوعىرلاندىرىپ، ورنىقتىلىقتى قورعاۋ قىزمەتتەرىن ەشقانداي بوساڭسىماستان مىقتى ۇستاۋ؛ ءوندىرىس حاۋىپسىزىگى سىندى ارقاۋدى باستان - اياق مىقتاپ شيراتىپ، ءوندىرىس حاۋىپسىزدىگى قىزمەتىن كۇش سالا كۇشەيتۋ؛ ازاماتتىق زاڭنامانىڭ اتقارىلۋىن تىڭعىلىقتى ىلگەرىلەتىپ، قوعامدى جونگە سالۋدى كۇشەيتۋ جانە وندا جاڭالىق اشۋ كەرەك.

  توعىزىنشى، پارتيانىڭ جاپپاي باسشىلىعىن ەش مىزعىماستان كۇشەيتۋ كەرەك. اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ باسشىلىعىنا تاباندى بولۋدان جانە ونى كۇشەيتۋدەن اۋىتقىماۋ، جۇڭگوشا سوتسياليزمگە تاباندى بولۋدان جانە ونى دامىتۋدان اۋىتقىماۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ايبىندى نىساناسىنان اۋىتقىماۋ؛ قاجىرلىلىقپەن كۇرەس جۇرگىزىپ، شىنايى يگەرىپ، ناقتى ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءونىمدى شارالارمەن جانە تاماشا ستيلمەن تياناقتاندىرۋ؛ دۇرىس بيلىك كوزقاراسىن، ساياسي ناتيجە كوزقاراسىن، ءىس كوزقاراسىن بەرىك ورناتىپ، حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، فورماشىلدىققا، تورەشىلدىككە تاباندىلىقپەن قارسى تۇرىپ جانە ولاردى جويىپ، تاباندىلىقپەن ستيلدى تۇزەتىپ، ءتارتىپتى قاتايتىپ، شىرىكتەسۋگە قارسى تۇرىپ، ستيلى پاك، سالتى دۇرىس ساياسي ەكولوگيانى جانە شارۋاشىلىق قۇرۋ ورتاسىن قالىپتاستىرۋ كەرەك.

  ءماجىلىس ورتالىق 6 - شارلاۋ گرۋپپاسىنىڭ كەدەيلىكتەن ارىلتۋدان قامال الۋدى ارنايى شارلاۋدىڭ ”قايتا قاداعالاۋىندا“ اڭىس ەتكەن پىكىرلەرى بويىنشا رەتتەۋ - تۇزەتۋدى تياناقتاندىرۋ جاعدايى جونىندەگى مالىمەتتى تىڭدادى. ءماجىلىس مىنالاردى باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، وسكەلەڭ يدەيالىق سانالىلىقپەن، ساياسي سانالىلىقپەن، ارەكەت سانالىلىعىمەن كەدەيلىكتەن ارىلتۋدان قامال الۋداعى ماسەلەلەردى رەتتەۋ - تۇزەتۋدى باتىل تۇردە جاقسى يگەرىپ، ساياسي جاۋاپكەرشىلىكتى ارقالاپ، جالپى شابۋىل نىساناسىنان كوز جازباي، شايقاستى باسى - قاسىندا قاداعالاۋدى كۇشەيتىپ، ءتۇيىندى شارالاردى تياناقتاندىرىپ، كەدەيلىكتەن ارىلتۋ جەتىستىكتەرىن بەكەمدەپ، باياندى مەحانيزمدى اقاۋسىزداندىرىپ، ماسەلەلەردى رەتتەۋ - تۇزەتۋدىڭ ءىس جۇزىندىك ونىمدىلىكتەرى ارقىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە جەتۋگە بەرىك نەگىز قالاۋ كەرەك.

  ءماجىلىس باسقا دا ىستەردى اقىلداستى.

  شوكىرات زاكىر، شاۋكەت ءيمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، شۇي حايرۇڭ، تيان ۋىن، لي يفي، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.