اۆتونوميالى رايونىمىزدا ءبىر توپ ءتۇيىندى نىسانداردىڭ قۇرىلىسى جەدەلدەتىلدى
شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ تيڭ، حان چينيان، ءجازيرا نەسىپبەك
6 - ايدىڭ 4 - كۇنى وڭتۇستىك شينجياڭداعى قاراقۇرىم تاۋىنىڭ قويناۋىندا، ياركەن وزەنىنىڭ بويىندا ”شينجياڭداعى 3 قىساڭ“ دەگەن اتى بار ارتاش سۋ يگىلىگى تورابى ينجەنەرياسىنىڭ قۇرىلىس اياق الىسى جەدەلدەتىلىپ، توسپا، زاۆود ءۇيى، تۋنەلدەردەگى قۇرىلىس باسىندا سورەلەر بيىككە بوي سوزىپ، ماشينالار گۇرىلدەيدى.
كەلەلى قاتىناس نەگىزدىك قۇرىلعىلار قۇرىلىسىنىڭ اياق الىسىن جەدەلدەتتى، ءىرى سۋ يگىلىگى تورابى قۇرىلىسىن قامتاماسىزداندىردى... رايونىمىز جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، جوعارى ساپالى دامۋدى تاباندىلىقپەن ىلگەرىلەتىپ، ”التىنى ورنىقتىرۋ“ قىزمەتىن تىڭعىلىقتى تۇردە ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىردى. جەر - جەر كەلەلى قارجى قوسۋ نىساندارىندا دالمە - ءدال ساياسات اتقارۋ ارقىلى ناقتى ەكونوميكانى جاقسارتتى، كۇشەيتتى، ءونىمدى قارجى قوسۋدى كەڭەيتەتىن ءبىر قىدىرۋ بەلسەندى شارالار قارجى قوسۋ كولەمى زور، قامتۋ اۋماعى كەڭ، تەحنيكالىق قامتىمى جوعارى، ەكولوگيالىق ونىمدىلىگى جاقسى بولۋ سياقتى ەرەكشەلىكتەردى بايقاتتى.
6 - ايدىڭ 3 - كۇنى ياركەن اۋدانى اۋات قالاشىعىنىڭ اۋىل - قىستاق باقىت اۋلاسى نىسانىنىڭ قۇرىلىس ورنىنان ءتىلشى اۋلانىڭ نەگىزگى قاڭقا قۇرىلىمى مەن توبەسىن جابۋ سياقتى قىزمەتتەردىڭ اياقتالعانىن كوردى. ”ءبىز قۇرىلىس مولشەرىنىڭ ％60ىن ورىندادىق، كەلەسى باسقىشتا ءبىز قيىندىق اتاۋلىنى قۇلشىنا جەڭىپ، نىسان قۇرىلىسىنىڭ مىندەتتەرىن دەر كەزىندە ساپاسىنا، مولشەرىنە كەپىلدىك ەتىپ ورىندايمىز“. اۋات قالاشىعى باقىت اۋلاسى قۇرىلىس نىسانىنىڭ جاۋاپتىسى چياۋ يۇڭچياڭ بىلاي دەدى: نىسان ورنى جەرگىلىكتى ورىنداعى كەدەي وتباسىلارىنان 73 ەڭبەككۇشتى جۇمىسقا قابىلدادى.
كەدەي قارتتار، جالعىز تۇراتىن قارتتار سياقتى ەرەكشە قاۋىمدى قاراۋ ماسەلەسىن تولىق شەشۋ ءۇشىن، ياركەن اۋدانىنىڭ 12 اۋىل - قالاشىعىنداعى (باسقارۋ كوميتەتى) 12 اۋىل - قىستاق باقىت اۋلاسى نىسانى تۇگەلدەي قۇرىلىس باستاپ سالىندى. وسى ينجەنەريا سالىنىپ بولعان سوڭ، 100گە تاياۋ كەدەي قارت قارتايعاندا كۇتىمدەلەتىن ورىنعا يە بولادى. وسى نىسان مەجەمەن 6 - ايدىڭ سوڭىنان بۇرىن قولدانىسقا بەرىلەدى.
قۇرىلىمدى رەتتەۋ، ولقىلىقتاردى تولىقتاۋ، ارىندى ارتتىرۋ، حالىق تۇرمىسىنا تيىمدىلىك جاساۋ، ءبىر توپ كەلەلى نىساندار قۇرىلىسىنىڭ جارقىن تۇيىندەرى ىركەس - تىركەس ايگىلەنىپ، جوعارى ساپالى دامۋعا بەرىك تىرەك ازىرلەدى.
5 - ايدىڭ ورتا شەنىندە، اتۇش قالالىق كاسىپتىك وقۋ - اعارتۋ مەكتەبىنىڭ قۇرىلىس باستاۋ سالتى جياڭسۋدىڭ قىزىلسۋ قىرعىز اۆتونوميالى وبلىسىنا كومەكتەسىپ سالاتىن بيىلعى نىساندارىنىڭ شىمىلدىعىن اشتى. وسى رەت شوعىرلى تۇردە قۇرىلىس باستاعان اتۇش قالالىق كاسىپتىك وقۋ - اعارتۋ مەكتەبى سياقتى 26 شينجياڭعا كومەكتەسۋ نىسانى بۇقارانىڭ تۇرمىس شارت - جاعدايىن جاقسارتۋ، كاسىپ سالاسىن دامىتۋ، كادر - دارىندىلاردى باۋلۋ سياقتى مازمۇنداردى قامتيدى، قارجى قوسۋ جالپى مولشەرى زور، تىرەكتىك رولى كۇشتى، امبەباپ ونىمدىلىگى جوعارى بولىپ، قىزىلسۋ وبلىسىنىڭ نەگىزدىك قۇرىلعى شارت - جاعدايىن ونان ارى جاقسارتا تۇسەدى.
6 - ايدىڭ 4 - كۇنى كۇيتۇن قالاسىندا شينجياڭ حىشان جۇيلي حيميا ونەركاسىبى شەكتى سەرىكتەستىگىنىڭ جىلىنا 400 مىڭ توننا پولي ۋرەتان ماتەريالىن (MDI) ءوندىرۋ نىسانى تەحنولوگيالىق قۇبىر جەلىسىنىڭ قۇرىلىسى مەن قاتىستى جابدىقتاردى ساتىپ الۋ قىزمەتىن جۇرگىزىپ جاتتى.
”وسى نىسانعا قوسىلاتىن جالپى قارجى 5 ميلليارد يۋان، يەلەيتىن جەر اۋدانى 2750 مۋ، مەجەمەن 2023 - جىلى وندىرىسكە قوسىلادى، سالىنىپ بولىپ، ءوندىرىس قۋاتىنا جەتكەننەن كەيىن مەجەمەن 6 ميلليارد 300 ميلليون يۋان جىلدىق ورتاشا ءونىم قۇنىن جۇزەگە اسىرىپ، جاڭادان 2000 جۇمىس ورنىن كوبەيتىپ، تومەنگى بۋىنداعى كاسىپ سالاسى تىزبەگى نىسانىن 60 ميلليارد يۋاندىق ءونىم قۇنىن جۇزەگە اسىرۋعا جەتەكتەيدى“، - دەدى كۇيتۇن قالالىق پارتكومنىڭ ورىنباسار شۋجيى، كۇيتۇن - مايتاۋ ەكونوميكالىق، تەحنيكالىق اشۋ رايونىن باسقارۋ كوميتەتىنىڭ مەڭگەرۋشىسى ياڭ جۇن.
بيىل جىل باسىنان بەرى، ىلە قازاق اۆتونوميالى وبلىسى نىسان قۇرىلىسىن كۇش سالا ىلگەرىلەتۋ ءۇشىن وبلىستىق پارتكوم شۋجيى گرۋپپا باستىعى بولعان اۆتونوميالى وبلىستىق كەلەلى نىسان قۇرىلىسى قىزمەتى باسشىلىق گرۋپپاسىن ارناۋلى قۇردى. وبلىسقا توتە قاراستى جەرلەردەگى 289 جالعاستى سالىناتىن نىسان، 428 جاڭادان سالىناتىن نىسان تۇگەلدەي قۇرىلىس باستادى (قالپىنا كەلتىردى)، نىسانعا قوسىلاتىن جالپى قارجى 180 ميلليارد 694 ميلليون يۋان. قازىرگە دەيىن، ىلە وبلىسى 49 نىساننىڭ قۇرىلىسىن اياقتاپ، 22سىن وندىرىسكە قوسىپ، ناقتى ەكونوميكانى، ساياحات ەكونوميكاسىن، شەكارا وتكەلى ەكونوميكاسىن جەدەل دامىتۋعا بەرىك نەگىز قالادى.
كاسىپ سالاسىندا بۇرىلىس جاساۋ مەن تۇتىنۋدىڭ دەڭگەيىن جوعارىلاتۋ بەتالىسىنا ۇيلەسىپ، رايونىمىزدىڭ مادەنيەت، ساياحات نىساندارى قۇرىلىسى داڭعىل جولعا ءتۇستى. 6 - ايدىڭ 4 - كۇنى ءتىلشى كوكتوعاي اۋدانىنىڭ كوكتال گۇل تەڭىزى كورىنىس وڭىرىنە كەلگەندە، وسى اراداعى ءزاۋلىم شىعىرىق، اينالمالى اعاش ات سياقتى كوڭىل اشۋ قۇرىلعىلارى بىرتىندەپ سالىنىپ بولىپ، لاۆاندا، ۆەربەنا، بارقىتشوپ سياقتى 40 نەشە ءتۇرلى گۇل قالىپتاستىرعان ”مىڭ شاقىرىمدىق گۇل تەڭىزى“ قۇلپىرا تۇسكەن ەدى. كەزىندەگى قايراڭ ويپات بۇل كۇندەرى تاۋ مەن وزەن قورشاپ، گۇلدەرى قۇلپىرىپ، اعاشتارى قاۋلاي وسكەن جەرگە اينالدى.
وسى كورىنىس ءوڭىرى توڭىرەگىندەگى اۋىل - قالاشىق بايلىعىنا سۇيەنىپ، ءداستۇرلى مادەنيەت - ساياحاتىمەن كەدەيلەردى سۇيەمەلدەۋ قوعامىن قۇرىپ، 400دەن استام ەگىنشى - مالشىنى جۇمىسقا قابىلدادى. كوكتوعاي اۋدانى سانتاي مادەنيەت، ساياحاتتى دامىتۋ شەكتى سەرىكتەستىگىنىڭ باس ديرەكتورى جين شوۋۋىن بىلاي دەپ تانىستىردى: كوكتال گۇل تەڭىزى كورىنىس ءوڭىرى گۇلدى نەگىز ەتكەن كاسىپ سالاسى تىزبەگىن ءتۇيىندى تۇردە تۇلعالاپ، توڭىرەگىندەگى قىستاقتاردىڭ ساياحات سايكەستى قۇرىلىستارى ارقىلى اۋماقتىڭ تۇتاس ەكونوميكالىق قۇنىنىڭ جوعارىلاۋىن جۇزەگە اسىرىپ، جۇمىس ورىندارىن كوبەيتىپ، كەدەيلەردى دالمە - ءدال سۇيەمەلدەۋدى جۇزەگە اسىردى.
