شينحۋا اگەنتتىگىنىڭ 6 - ايدىڭ 14 - كۇنى ۇرىمجىدەن بەرگەن حابارى (ءتىلشى لي جىحاۋ). كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ، شينجياڭداعى 22 اۋىر كەدەي اۋداننىڭ ءىرى نەگىزگى قۇرىلعى نىسان قۇرىلىسى قىزمەتىن ىلگەرىلەتۋ ءۇشىن، شينجياڭ تاياۋدا 2020 - جىلى تىڭنان ادەتتەگى زايومنان 7 ميلليارد يۋان تاراتتى، بۇلار تۇگەلدەي اۋىل - قىستاق جولدارى، اۋىل - قىستاق اۋىز سۋ حاۋىپسىزدىگى، اۋىل - قالاشىق جاتاقتى مەكتەپتەرى، اۋىل - قالاشىق ەمحانالارى سياقتى 172 كەدەيلىكتەن ارىلتۋدان قامال الۋ نىسان قۇرىلىسىنا جۇمسالادى.
ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، وسى رەتكى تىڭنان قوسىلعان ادەتتەگى زايوم ارناۋلى تۇردە كەدەي وڭىرلەردىڭ كەدەيلىكتەن ارىلتۋدان قامال الۋىنا جۇمسالادى ەكەن، قارجى جىلدىق جوسپار الەۋمەتتىك يگىلىك سيپاتىنداعى كاپيتال شىعىس نىسانىنا كىرگىزىلگەن، ناقتى 4 بولەككە بولىنگەن: ءبىرىنشى بولەكتەگى ءبىر ميلليارد 400 ميلليون يۋان قاتىناس نەگىزدىك قۇرىلعى قۇرىلىسىن ىلگەرىلەتۋگە جۇمسالىپ، حوتان اۋدانى، قاراقاش اۋدانى سياقتى جەرلەردەگى 34 اۋدان - اۋىل، اۋىل - قىستاق، قىستاقتار اراسىنداعى جول قۇرىلىسىنا قولداۋ كورسەتىلەدى؛ ەكىنشى بولەكتەگى ءبىر ميلليارد 780 ميلليون يۋان اۋىل - قسىتاق قونىستانۋ ورتاسىن، اۋىز سۋ حاۋىپسىزدىگى نىسان قۇرىلىسىن ىلگەرىلەتۋگە جۇمسالىپ، ءپايزاۋات اۋدانى، يەڭىسار اۋدانى سياقتى جەرلەردەگى 35 قوقىر - قوقسىقتى تازالاۋ، تاسۋ، سۋ جەتكىزۋ، سۋ سەپتەۋ سياقتى نىسان قۇرىلىسىنا قولداۋ كورسەتىپ، 180 مىڭ وتباسىن تىكەلەي يگىلىككە كەنەلتەدى؛ ءۇشىنشى بولەكتەگى 2 ميلليارد 880 ميلليون يۋان الەۋمەتتىك قىزمەت وتەۋ دەڭگەيىن جوعارىلاتۋعا جۇمسالىپ، قاشقار قالاسى، ءۇشتۇرپان اۋدانى، گۇما اۋدانى سياقتى جەرلەردەگى 34 اۋىل - قىستاقتاعى شاعىن كولەمدى مەكتەپ پەن اۋىل - قالاشىق جاتاقتى مەكتەبى، اۋىل - قالاشىق ەمحاناسى سياقتى نىسان قۇرىلىسىنا قولداۋ كورسەتىلەدى؛ ءتورتىنشى بولەكتەگى 940 ميلليون يۋان سۋ ىستەرى، سۋ ۇنەمدەۋ نىسان قۇرىلىسىن ىلگەرىلەتۋگە جۇمسالىپ، اقتاۋ اۋدانى، كەريا اۋدانى سياقتى جەرلەردەگى 24 سۋ سىڭبەيتىن توعان، سور ىعىستىرۋ توعانى، ءوز قىسىمىمەن سۋ بۇركىپ سۋارۋ جۇيەسى سياقتى نىسان قۇرىلىسىنا قولداۋ كورسەتىلىپ، تىكەلەي 30 مىڭنان ارتىق وتباسىن يگىلىككە كەنەلتەدى.
