تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشتى

”ۇلتتار ىنتىماعىنىڭ بەرەكەلى شاڭىراعى“ باياندى مەحانيزمىن ىلگەرىلەتىپ، ۇلتتار ىنتىماعى قىزمەتىنىڭ ناتيجەسىن بەكەمدەۋ توڭىرەگىندە كەڭەسىپ، ۇكىمەت ىستەرىن اقىلداستى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 15 - كۇنى ۇرىمجىدەن حابارلايدى. 6 - ايدىڭ 15 - كۇنى تۇستەن بۇرىن اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشىپ، ”’ۇلتتار ىنتىماعىنىڭ بەرەكەلى شاڭىراعى‘ باياندى مەحانيزمىن ىشكەرىلەي تياناقتاندىرىپ، ىلگەرىلەتىپ، ۇلتتار ىنتىماعى قىزمەتىنىڭ ناتيجەسىن ۇزدىكسىز بەكەمدەۋ“ توڭىرەگىندە كەڭەسىپ، ۇكىمەت ىستەرىن اقىلداستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.

  ءماجىلىس الىس ارالىقتى كەڭەس ءتاسىلىن قولدانىپ، اۆتونوميالى رايوندىق ساياسي كەڭەس ورگانىندا نەگىزگى ءماجىلىس الاڭىن جانە 4 ايماق، وبلىس، قالادا ساياسي كەڭەس بولىمشە ءماجىلىس الاڭىن ورنالاستىردى، شينجياڭ ساياسي كەڭەس مۇشەلەرىنىڭ جىلجىمالى مىندەت اتقارۋ تۇعىرىندا نەگىزگى تاقىرىپتىق ۇكىمەت ءىسىن اقىلداسۋ توبىن ءبىر ۋاقىتتا اشىپ، ءماجىلىس ۇستىندە، ءماجىلىس اياقتاعاننان كەيىن ءوزارا ىقپالداسىپ كەڭەسۋ، ينتەرنەت جەلىسىندە، ينتەرنەت جەلىسىنەن تىس ءبىر ۋاقىتتا ۇكىمەت ءىسىن اقىلداسۋ ورتاسىن قالىپتاستىردى. ماجىلىسكە قاتىناسقان 10 ۋاكىل جۇڭحۋا ۇلتى ورتاق تۇلعاسى تانىمىن بەرىك ورناتۋ، سايكەستى بىرلەسىپ قيمىلداۋ مەحانيزمىن ورناتۋ، كەمەلدەندىرۋ، كەدەيلىكتەن ارىلتۋدان قامال الىپ، دوڭگەلەك داۋلەتتىلىككە جەتۋگە دەم بەرۋ، ىندەتكە بىرگە قارسى اتتانۋ بارىسىندا ۇلتتار ىنتىماعى سۇيىسپەنشىلىگىن نىعايتۋ، ۇلتتار ىنتىماعى تاربيەسىن ىلگەرىلەتۋ سياقتى جاقتاردان ۇسىنىس قويىپ، كەڭەس بەردى. كوپشىلىك بىلاي دەپ قارادى: سوڭعى جىلدارى اۆتونوميالى رايوندىق پارتكوم ۇلتتار ىنتىماعىن كۇشەيتۋدى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدىڭ ستراتەگيالىق، نەگىزدىك، ۇزاق ۋاقىتتىق قىزمەتى ساناپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ورىستەتۋدى جۇرت تىلەگىن ۇيىستىرۋدىڭ ماڭىزدى شاراسى ەتىپ، جۇڭحۋا ۇلتى ورتاق تۇلعاسى تانىمىن مىقتاپ ورناتىپ، بۇكىل رايونداعى ءار ۇلت كادرلارى مەن بۇقاراسى اناردىڭ دانىندەي تىعىز ۇيىستى. ءىشىنارا مۇشەلەر مىنانى ۇسىنىس ەتتى: ”ۇلتتار ىنتىماعىنىڭ بەرەكەلى شاڭىراعى“ قيمىلىن ۇدايىلاندىرۋ، باياندى ەتۋ قىزمەت مەحانيزمىن ساپالىلاندىرىپ، قيمىلدىڭ ونىمدىلىگىن ونان ارى جوعارىلاتۋ؛ جەر - جەردىڭ جاڭالىق اشۋ ادىستەرىن بارىنشا ۇگىتتەپ، تيپتىك تاجىريبەلەردى دەر كەزىندە قورىتىندىلاپ، جالپىلاستىرىپ، وزاتتاردى ماداقتاۋ؛ ”ۇلتتار ىنتىماعىنىڭ بەرەكەلى شاڭىراعى“ قيمىلىنىڭ ءتاسىلىن اناعۇرلىم بايىتىپ، ارالاسۋدى، ىشتەسۋدى، توعىسۋدى جەبەۋ كەرەك.

  نۇرلان ءابىلماجىن سوزىندە بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇلتتار ىنتىماعى قىزمەتىن جاقسى ىستەۋدەگى يدەيالىق سانالىلىقتى، ساياسي سانالىلىقتى جانە ارەكەت سانالىلىعىن شىن مانىندە كۇشەيتۋ كەرەك. ”ۇلتتار ىنتىماعىنىڭ بەرەكەلى شاڭىراعى“ قيمىلىنىڭ باياندى مەحانيزمىن ۇزدىكسىز بەكەمدەپ، تەرەڭدەتىپ جانە اقاۋسىزداندىرىپ، كەمەلدەندىرىپ، ۇلتتار ىنتىماعىن كۇشەيتۋ ءادىس - تاسىلىنە بەلسەنە جاڭالىق ەنگىزىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنىڭ دانەكەرىن، فورماسىن جانە مازمۇنىن قۇلشىنا كەڭەيتىپ، ءار ۇلتتىڭ تاتۋ - ءتاتتى ءوتۋىن، ءبىر نيەتپەن كۇش بىرىكتىرۋىن، جاراسىمدىلىقپەن دامۋىن ىلگەرىلەتىپ، ۇلتتار ىنتىماعى گۇلىنىڭ ۇزاق ۋاقىت قۇلپىرا اشىلۋىنا مۇمكىندىك جاساۋ كەرەك. حالىق ساياسي كەڭەسىنىڭ ۇلتتار ىنتىماعى، العاباسارلىعى ىستەرىن جەبەۋ بارىسىنداعى ابزالدىلىق رولىن تولىق ساۋلەلەندىرىپ، پارتيانىڭ ۇلت ساياساتىن دەن قويا ۇگىتتەپ، شينجياڭنىڭ ۇلتتار ىنتىماعى حيكاياسىن سۇيىسپەنشىلىكپەن بايانداپ، ۇلتتاردىڭ ارالاسۋىن، ىشتەسۋىن، توعىسۋىن كۇش سالا جەبەۋ كەرەك.

  نۇرلان ءابىلماجىن بىلاي دەپ اتاپ كورسەتتى: وسى ماجىلىستە كوپشىلىك تۇرلىشە تۇرعىدان كوپتەگەن دۇرىس كوزقاراستارىن بايانداپ، وي ءبولىسۋ، تانىمدى تەرەڭدەتۋ، ماسەلەنى زەرتتەۋ، قىزمەتتى ىلگەرىلەتۋ ماقساتىنا جەتتىك. دەر كەزىندە ماجىلىستەگى ورتاق تانىمدى جانە پىكىر، ۇسىنىستى قورىتىندىلاپ، رەتتەپ جوعارىعا مالىمدەپ، كەڭەس ناتيجەسىنىڭ ءتىپتى جاقسى تياناقتانىپ، كادەگە جاراۋىنا مۇمكىندىك جاساۋ كەرەك.

  اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ءيىلھام سابىر، ما شيۇڭچىڭ، ابدۇرىقىپ ءتومۇرنياز ماجىلىسكە قاتىناستى. اۆتونوميالى رايوندىق ساياسي كەڭەستىڭ ورىنباسار ءتوراعاسى ءمۇتالىپ وبۇل نەگىزگى تاقىرىپتا ءسوز سويلەدى. اۆتونوميالى رايوندىق پارتكوم بىرلىكساپ ءبولىمىنىڭ قاتىستى جاۋاپتىلارى ماجىلىسكە قاتىناسۋشىلاردىڭ ۇسىنىس - پىكىرلەرىنە جاۋاپ قايتاردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.