تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو مەن لاوستىڭ ىندەتكە قارسى اتتانۋ سەلبەستىگى جونىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن ءوزارا سالەم جولدادى

  شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. 6 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جۇڭگو مەن لاوستىڭ ىندەتكە قارسى اتتانۋ سەلبەستىگى جونىندە لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭعا اۋىزشا سالەم جولدادى.

  شي جينپيڭ مىنالاردى ءبىلدىردى: باس شۋجي جولداستىڭ ىستىق ىقىلاستى دوستىق حاتىن تاپسىرىپ العانىما ايرىقشا قۋانىشتىمىن. جۇڭگونىڭ لاوستىڭ ىندەتكە قارسى اتتانۋعا كورسەتكەن كومەگىنىڭ بەلسەندى رول اتقارعاندىعىن ءبىلىپ، قاتتى رازى بولدىم. وسى ارادا مەن جۇڭگو پارتياسى، ۇكىمەتى، حالقى اتىنان، لاوس جاقتىڭ باس شۋجي جولداس باس بولعان لاوس پارتيا ورتالىق كوميتەتىنىڭ پارمەندى باسشىلىعىندا ىندەتتەن ساقتانۋ - تىزگىندەۋ قىزمەتىندە كەزەڭدىك جەڭىسكە قول جەتكىزگەندىگىنە شىن جۇرەكتەن قۇتتى بولسىن ايتامىن. جۇڭگو جاق لاوس جاقپەن ىندەتكە قارسى اتتانۋ سەلبەستىگىن كۇشەيتۋدى قالايدى، جۇڭگو مەن لاوس 2 جاقتىڭ جانە حالىقارالىق قوعامنىڭ بىرگە قۇلشىنۋىندا، وسى رەتكى ىندەتكە قارسى اتتانۋ كۇرەسىنىڭ ەڭ سوڭعى جەڭىسىنە، ءسوز جوق، قول جەتكىزەتىندىگىنە سەنەمىن.

  مەن جۇڭگو مەن لاوس ەكى پارتياسىنىڭ، ەكى ەلدىڭ قارىم - قاتىناسىن دامىتۋعا ايرىقشا ءمان بەرەمىن، سىزبەن بىرگە قۇلشىنىپ، 2 جاقتى ماڭىزدى ورتاق تانىمداردىڭ تياناقتانۋىن ىلگەرىلەتۋدى، جۇڭگو - لاوس تاعدىرلاس ورتاق تۇلعاسى قۇرىلىسىن ورنىقتى قاداممەن العا ىلگەرىلەتىپ، ەكى ەلدى جانە ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

  وسىنىڭ الدىندا، بىنياڭ جۇڭگونىڭ لاوستىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قولداۋ كورسەتكەندىگى جونىندە باس شۋجي شي جينپيڭگە العىس حات جولداعان بولاتىن. بىنياڭ مىنالاردى ءبىلدىردى: لاوس جاقتىڭ وتىنىشىمەن، جۇڭگو پارتياسى مەن ۇكىمەتى باس شۋجي جولداستىڭ نۇسقاۋىنىڭ رۋحىنا نەگىزدەلە وتىرىپ، ىندەتكە قارسى اتتانۋ مەديتسينالىق ماماندار گرۋپپاسىن جەدەل تۇردە لاوسقا جىبەردى، سونداي - اق كوپ مولشەردەگى اۋرۋدىڭ الدىن الۋ زاتتىق ماتەريالدارىمەن جانە ەمدەۋ - قۇتقارۋ ءدارى - دارمەكتەرىمەن قامداپ، لاوستىڭ ىندەتتەن ساقتانۋ - تىزگىندەۋ جانە ناۋقاستاردى قۇتقارۋ - ەمدەۋ قىزمەتىن ورىستەتۋىنە كومەك كورسەتتى. جۇڭگونىڭ لاوستىڭ ىندەتكە قارسى اتتانۋىنا كورسەتكەن كومەگى لاوس - جۇڭگو ەكى پارتياسىنىڭ، ەكى ەلدىڭ، ەكى ەل حالقىنىڭ اراسىنداعى تامىرى تەرەڭ، ارىدان جالعاسقان جاقىن دوستىق سۇيىسپەنشىلىگىن جانە باۋىرلاستىق، جولداستىق سەلبەستىك، ءوزارا كومەكتەسۋ قارىم - قاتىناسىن تولىق ايگىلەپ، لاوس - جۇڭگو تاعدىرلاس ورتاق تۇلعاسى رۋحىن جاندى ءتۇسىندىرىپ، لاوستىڭ جاڭا تيپتى ايدارشا ۆيرۋس وكپە قابىنۋ ىندەتىنە ءونىمدى توتەپ بەرۋى، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋى ءۇشىن ماڭىزدى ۇلەس قوستى.

  مەن لاوس حالىق توڭكەرىستىك پارتياسى ورتالىق كوميتەتى، لاوس ۇكىمەتى جانە ءار ۇلت حالقى اتىنان، سونداي - اق ءوز اتىمنان باس شۋجي، مەملەكەت ءتوراعاسى شي جينپيڭ جولداسقا، سونداي - اق ءسىز ارقىلى لاوس پارتياسىنىڭ، ۇكىمەتىنىڭ جانە ءار ۇلت حالقىنىڭ توڭكەرىس جانە قۇرىلىس ىستەرىنە ۇزاقتان بەرى ءمان بەرىپ، كوڭىل ءبولىپ جانە قولداۋ كورسەتىپ كەلە جاتقان جۇڭگو كوممۋنيستىك پارتياسى ورتالىق كوميتەتىنە، جۇڭگو ۇكىمەتىنە جانە باۋىرلاس جۇڭگو حالقىنا شىن ىقىلاستى العىس ايتامىن جانە وسكەلەڭ قۇرمەت بىلدىرەمىن.

  باۋىرلاس جۇڭگو حالقىنىڭ باس شۋجي جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم قۇرىلىسى ىستەرىن ىلگەرىلەتۋ جانە ”قوس 100 جىلدىق“ كۇرەس نىساناسىن جۇزەگە اسىرۋ ساپارىندا ۇزدىكسىز تىڭ، اناعۇرلىم كەسەك تابىسقا جەتۋىن تىلەيمىن!

  لاوس پەن جۇڭگونىڭ ءداستۇرلى دوستىعىنىڭ، ۇزاق ۋاقىتتان بەرى ورنىقتى بولىپ كەلە جاتقان لاوس - جۇڭگو جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ جانە لاوس - جۇڭگو تاعدىرلاس ورتاق تۇلعاسى قۇرىلىسىنىڭ ۇزدىكسىز بەكەمدەلىپ، دامىپ، گۇل اشىپ جەمىس بەرىپ، ەكى ەل حالقىنا اناعۇرلىم مول ناقتى پايدا اكەلۋىن تىلەيمىن!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.