شينحۋا اگەنتتىگىنىڭ 6 - ايدىڭ 16 - كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 6 - ايدىڭ 16 - كۇنى مىنانى جاريالادى: مەملەكەت ءتوراعاسى شي جينپيڭ 6 - ايدىڭ 17 - كۇنى بەيجيڭدە جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلارى ەرەكشە كەڭەسىن باسقارادى ءارى ارقاۋ ءسوز سويلەيدى.
ەلباسىلارى ەرەكشە كەڭەسىن اشۋدى جۇڭگو جاق پەن افريكا وداعىنىڭ كەزەكتى ءتوراعا ەلى وڭتۇستىك افريكا، جۇڭگو - افريكا سەلبەستىك تالقى مىنبەرىنىڭ تەڭ ءتوراعا ەلى سەنەگال بىرگە ۇسىنىس ەتكەن، ول بەينەەكران فورماسىندا وتكىزىلەدى. افريكا وداعى ەلباسىلارى كەڭەسى ءتوراعالار القاسىنا مۇشە مەملەكەتتەر، افريكاداعى ماڭىزدى ەكىنشى دەڭگەيلى وڭىرلىك ۇيىمداردىڭ كەزەكتى ءتوراعا ەلدەرى سياقتى افريكا ەلدەرىنىڭ باسشىلارى جانە افريكا وداعى كوميتەتىنىڭ ءتوراعاسى ۇسىنىسپەن قاتىناسادى. بىرلەسكەن مەملەكەتتەر ۇيىمىنىڭ باس حاتشىسى، دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى ەرەكشە ۇسىنىس ەتىلگەن قوناق رەتىندە كەڭەسكە قاتىناسادى.
