شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 6 - ايدىڭ 17 - كۇنى ۇرىمجىدەن حابارلايدى. جاڭا تيپتى ايدارشا ۆيرۋس وكپە قابىنۋ ىندەتى بيىل رايونىمىزداعى جوعارى مەكتەپتەردەن وقۋ بىتىرەتىن وقۋشىلاردىڭ جۇمىستانۋىنا ءبىرشاما زور ىقپال جاسادى. جۋىقتا اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى «2020 - جىلى جوعارى مەكتەپتەردەن وقۋ بىتىرەتىن وقۋشىلاردى جۇمىستاندىرۋ قىزمەتىن تياناقتاندىرۋ جوباسىن» (تومەندە قىسقارتىلىپ «جوبا» دەلىنەدى) جاساپ، جەر - جەردەن، قاتىستى تاراۋلاردان، ورىنداردان ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا جوعارى مەكتەپتەردەن وقۋ بىتىرەتىن وقۋشىلاردى جۇمىستاندىرۋ قىزمەتىن تىڭعىلىقتى ويداعىداي ىستەپ، 2020 - جىلى جوعارى مەكتەپتەردەن وقۋ بىتىرەتىن وقۋشىلاردى جىل سوڭىندا جۇمىستاندىرۋ مولشەرىن ％88تەن اسىرۋعا شىنايى كەپىلدىك ەتۋدى تالاپ ەتتى.
«جوبادا» مىنالار اتاپ كورسەتىلدى: مەكتەپ تاۋىسسا دا جۇمىستانا الماعان جوعارى مەكتەپ بىتىرگەن وقۋشىلاردى ءتۇيىن ەتىپ، اۆتونوميالى رايون ءبىر - بىرلەپ تەكسەرىپ، كومەسكى كۇشتەردى ىسكە قوسۋ ارقىلى ءبىر توپ ورگان، ءىسورىن، كاسىپورىن، نەگىزگى ساتى نىساندارى، جوعارىلاپ وقىپ اسكەرگە بارۋ، جۇمىستانۋ بويىنشا پراكتيكا جاساۋ، دەربەس شارۋاشىلىق قۇرۋ جانە يكەمدى جۇمىستانۋ سياقتى جۇمىس ورىندارىن جيناقتاپ، جوعارى مەكتەپ بىتىرەتىن وقۋشىلاردىڭ تاڭداۋىنا ۇسىنادى. نەگىزگى ساتى پارتيا، ۇكىمەت ورگاندارىنداعى بوس جۇمىس ورىندارىنىڭ ％80ى جوعارى مەكتەپ بىتىرەتىن وقۋشىلاردى قابىلدايدى. بيىل ءىسورىندارداعى بوس جۇمىس ورىندارىنىڭ ％70ى بيىل جوعارى مەكتەپ بىتىرەتىن وقۋشىلارعا بەرىلەدى، مۇنىڭ ءتۇيىنى نەگىزگى ساتى وقىتۋشىلارىنا، ەمدەۋ، دەنساۋلىق ساقتاۋ تەحنيكالىق قىزمەتكەرلەرىنە تۇيىندى تۇردە بەيىمدەلەدى. ورتالىقتىڭ شينجياڭدا تۇراتىن كاسىپورىندارى، جەرگىلىكتى ورىنداعى مەملەكەت مەنشىگىندەگى كاسىپورىندار ادام ىستەتۋ كومەسكى كۇشىن كادەگە جاراتىپ، جوعارى مەكتەپ بىتىرەتىن وقۋشىلاردى قابىلداۋ كولەمىن كەڭەيتىپ، جاڭادان ارتتىرىلعان جۇمىس ورىندارىنا ％50تەن تومەن بولماۋ سالىستىرماسى بويىنشا بيىل جوعارى مەكتەپ بىتىرەتىن وقۋشىلاردى جۇمىسقا قابىلدايدى. ورتا، شاعىن، ۇساق كاسىپورىندار وقۋ بىتىرەتىن وقۋشىلارعا ۇيلەسەتىن جۇمىس ورىندارىن كۇش سالا دايىنداپ، نەگىزىنەن بيىل جوعارى مەكتەپ بىتىرەتىن وقۋشىلاردى قابىلداۋعا ۇسىنادى. ”ارنايى شتاتتاعى وقىتۋشى“ قابىلداۋ جوسپارى، ”ۇشكە كومەكتەسۋ، ءبىردى سۇيەمەلدەۋ“ جوسپارى جانە باتىس بولىككە ەرىكتى قىزمەت وتەۋ“ جوسپارى سياقتى نەگىزگى ساتى نىساندارىن ويداعىداي ۇيىمداستىرىپ اتقارىپ، قابىلداۋ جوسپارىن تياناقتاندىرۋ كەرەك. اسپيرانتتاردى جانە ارناۋلى كۋرستان تولىق كۋرسقا تۇسەتىن وقۋشىلاردى قابىلداۋ كولەمىن كەڭەيتىپ، ستۋدەنتتەردىڭ اسكەرگە بارۋىنا جاسىل ارنا اشۋ كەرەك. 3 جىلدا 10 مىڭ جاستى پراكتيكادان وتكىزۋ جوسپارىن ۇزدىكسىز اتقارىپ، مەملەكەتتىڭ عىلىم - تەحنيكا جوسپارى (ارناۋلى نىسان، قارجى سياقتى) عىلمي زەرتتەۋ نىساندارىن ارقالاعان جوعارى مەكتەپتەر، عىلمي زەرتتەۋ ورىندارى، كاسىپورىن سياقتى ورىنداردا عىلمي زەرتتەۋ كومەكشىسى جۇمىس ورنىن اشىپ، بيىل وقۋ بىتىرەتىن جوعارى مەكتەپ وقۋشىلارىن جۇمىسقا قابىلداۋ كەرەك.
«جوباعا» ساي، اۆتونوميالى رايون ارناۋلى ارەكەتتى اتقارۋدى كۇشەيتەدى. ءجۇز كۇندە ميلليون ادامدى جەلىدە قابىلداۋ ارناۋلى ارەكەتىن ورىستەتىپ، جوعارى مەكتەپ بىتىرەتىن وقۋشىلار مەن ادام ىستەتىن ورىندارعا قولايلى، ءونىمدى ۇشتاستىرۋ ارناسىن ازىرلەيدى. كاسىپتىك قابىلەتىن جوعارىلاتۋ ارەكەتىن ورىستەتىپ، وقۋ تاۋىسسادا جۇمىستانا الماعان جوعارى مەكتەپ بىتىرگەن وقۋشىلارعا باعىتتاپ، ءتۇرلى فورماداعى امالياتتىق قيمىلداردى ورىستەتىپ، وقۋ بىتىرگەن وقۋشىلاردىڭ امالياتتىق قابىلەتىن كۇشەيتەدى. شارۋاشىلىق قۇرۋعا جەتەكتەۋ ارەكەتىن جولعا قويىپ، شارۋاشىلىق قۇرۋ باقشا رايونى، شارۋاشىلىق قۇرۋ، جەتىلدىرۋ بازاسى، جاڭالىق اشۋشىلار كلۋبى كەڭىستىگى سياقتى شارۋاشىلىق قۇرۋعا قىزمەت وتەۋ تۇعىرىن ءبىر تۇتاس جوسپارلاپ، جوعارى مەكتەپ بىتىرەتىن وقۋشىلاردىڭ جۇمىستانۋىنا جان - جاقتى قولداۋ كورسەتەدى.
«جوبادا» مىنالار اتاپ كورسەتىلدى: ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى وقۋ تاۋىسقان وقۋشىلار، بىردە - ءبىر ادام جۇمىستانباعان وتباسىلارىنداعى وقۋ تاۋىسقان وقۋشىلار، ەڭ تومەنگى تۇرمىستى قامسىزداندىرۋدان يگىلىكتەنەتىن وتباسىلارىنداعى وقۋ تاۋىسقان وقۋشىلار، وقۋ تاۋىسقان مۇگەدەك وقۋشىلار سياقتى جۇمىستانۋى قيىن بولعان قاۋىمنىڭ جۇمىستانۋىنا قامقورلىق جاساپ، كوڭىل ءبولىپ، قىزمەت ىزدەۋ، شارۋاشىلىق قۇرۋ قوسىمشا قاراجاتىن دەر كەزىندە تاراتىپ، ارناۋلى ادامدى جاۋاپتاندىرىپ، ارناۋلى ەسەپ اشىپ، ولاردىڭ نەگىزگى جاعدايى مەن جۇمىستانۋ قاجەتىنە ساي، ”ءبىر وقۋشىعا ءبىر شارا“ سىندى يكەمدى باسقارۋدى جولعا قويىپ، ”بىرگە ءبىر“ بويىنشا دالمە - ءدال كومەكتەسۋ - سۇيەمەلدەۋدى ورىستەتىپ، ولاردىڭ جۇمىستانۋدى، شارۋاشىلىق قۇرۋدى ەرتەرەك جۇزەگە اسىرۋىنا كومەكتەسۋ كەرەك.
