تيانشان تورى   ›   جاڭالىقتار   ›   شينجياڭ حابارلارى

ءبيداي پىستى، تيانشاننىڭ وڭتۇستىگى مەن سولتۇستىگىندەگى جازعى جيىن - تەرىن قاربالاستىعىنا شاتتانا قاراعاندا

كۇشار قالاسى: دۇمبە ءبيداي ساتتى

    جازعى استىقتى ساتىپ الۋدىڭ ءساتتى جۇرگىزىلۋىنە شىنايى كەپىلدىك ەتۋ ءۇشىن، كۇشار قالاسى 10 جازعى استىق ساتىپ الۋ پۋنكتىن قۇرىپ، شارۋالاردىڭ استىق ساتۋىنا قىزمەت وتەدى. سۋرەتتە: 6 - ايدىڭ 16 - كۇنى شارۋالار كۇشار قالاسى ياقا قالاشىعىنداعى استىق پۋنكتىنە دۇمبە ءبيداي ساتىپ بەرۋدە. سۋرەتتى نياز راحمان تۇسىرگەن

حوتان قالاسى: ەرىكتى قىزمەت وتەدى

    قازىر حوتان قالاسى جييا اۋىلىنىڭ 21 مىڭ مۋ جەرىندەگى دۇمبە ءبيداي ىركەس - تىركەس پىستى. بۇل اۋىل ”ۇعىسۋ، تيىمدىلىك جاساۋ، توعىستىرۋ“ قىزمەت اترەتتەرىنىڭ مۇشەلەرىن، قىستاق كادرلارىن جانە حالىق جاساقتارىن، ت. ب ۇيىمداستىرىپ، جاس ەرىكتىلەر قىزمەت وتەۋ اترەتىن قۇرىپ، اتىز باسىنا بارىپ، ەڭبەككۇشى جەتىسپەگەن شارۋا وتباسىلارىنىڭ ءبيدايدى ۋاعىندا جيىپ الۋىنا كومەكتەستى. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى جىن شىشين تۇسىرگەن

اقسۋ ايماعى

جازعى استىقتى تۇگەلدەي قامبالاۋعا كۇش سالا كەپىلدىك ەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ جىلي، ەرىكتى ءتىلشى چين رۇي 6 - ايدىڭ 18 - كۇنى اقسۋدان حابارلايدى. ”بيىل وتباسىمىز ەككەن ءبيدايدىڭ مۋ باسىنان 520 كيلوگرام ءونىم الدىق، بىلتىرعىعا قاراعاندا مۋ باسىندىق ءونىم 40 كيلوگرام ارتتى“. 6 - ايدىڭ 17 - كۇنى شايار اۋدانى نۇرباق اۋىلى جاڭا اۋات قىستاعىنىڭ جوعارى ءونىمدى سۋ ۇنەمدەيتىن، ساپالى، جوعارى ءتۇسىمدى ءبيداي ەگىنشىلىگى وندىرىسىنەن ۇلگى كورسەتۋ بازاسىندا، قىستاق تۇرعىنى احىمەت سايىم ءبيداي اتىزىنداعى ۇلكەن كومبايندى كورىپ، جۇزىنەن مول ءونىمنىڭ شاتتىق لەبى ەستى.

  كوكتەمگى ەگىس جۇمىسىنىڭ الدىندا، احىمەت وتباسىنىڭ 15 مۋ جەرىندەگى ءبيدايدى قىستاقتىڭ ەگىنشىلىك سەلبەستىك كووپەراتيۆىنە جارنا ەتىپ قوستى، سەلبەستىك كووپەراتيۆى ءبيداي تۇقىمىن جەتىلدىرۋ سەرىكتەستىگىمەن، ۇن تارتۋ سەرىكتەستىگىمەن ءوندىرىس تاپسىرىس توقتامىن جاساسىپ، تۇقىمدى ءبىر تۇتاس تاڭداۋدى، ءبىر تۇتاس ەگۋدى، اتىزدى ءبىر تۇتاس باسقارىپ - باپتاۋدى، ءبىر تۇتاس وراق سالۋدى، ءبىر تۇتاس ساتۋدى جولعا قويدى. مىنە ءبيداي ورىلىپ بولىسىمەن، ەگىنشىلىك بازاسىنان 3 كيلومەتر جەردەگى استىق پۋنكتىنە اپارىلىپ، سۋ قۇرامىن ولشەۋ، ساپاسىن باعالاۋ سياقتى تارتىپتەردەن ءوتىپ، سول جەردىڭ وزىندە ساتىپ الىندى.

  ”ساپاسى جاقسى بولسا، سۋ قۇرامى كورسەتكىشى مەملەكەتتىڭ ولشەمىنە جەتسە بولعانى، ەڭ جوعارى باعامەن ساتىپ الامىز. ساتىپ العان سوڭ، ءبيدايدى كەپتىرىپ قامبالاپ، شارۋالارعا جۇيەلى قىزمەت وتەيمىز“، - دەدى شايار اۋدانى نۇرباق اۋىلى استىق پۋنكتىنىڭ باستىعى راحمان قۇربان. ”شارۋالار + سەلبەستىك كووپەراتيۆى + سەرىكتەستىك + بازا“ سىندى كولەمدەنگەن ەگىنشىلىك ۇلگىسى، ولشەمدەندىرىلگەن ءوندىرىس، ەگجەي - تەگجەيلى باسقارۋ، كاسىپ سالالاندىرىلعان شارۋاشىلىق سىندى وسى زامانعى اۋىل شارۋاشىلىعىنىڭ دامۋ ۇلگىسى ءبيداي ءونىم مولشەرىنىڭ ارتۋىنا، شارۋالار كىرىسىنىڭ مولايۋىنا مىعىم نەگىز قالادى.

  ءتىلشىنىڭ ۇعىسۋىنشا، اقسۋ ايماعى بيىل 2 ميلليون 200 مىڭ مۋ (جازدىق ءبيدايدى قامتيدى) جەرگە ءبيداي ەككەن، جالپى ءونىمىنىڭ 881 مىڭ 300 تونناعا جەتىپ، بىلتىرعىدان 25 مىڭ 800 توننا ارتاتىندىعى مەجەلەنىپ وتىر.

  بيىلعى جازعى استىق ساتىپ الۋ جۇمىسىن جاقسى ىستەۋ ءۇشىن، اقسۋ ايماعى اۆتونوميالى رايونعا جازعى استىق ساتىپ الۋعا قاتىستى 817 ميلليون يۋان قارىز اقشا بەرۋ جونىندە ءوتىنىش بەردى ءارى 71 جازعى استىق ساتىپ الۋ ءتۇيىنىن قۇرىپ، شارۋالاردىڭ استىقتى ساتىپ، ۇستىندە اقشا الۋىنا كەپىلدىك ەتىپ، ”اق تالون بەرۋ“ جايتتەرىنىڭ الدىن الدى.

  اقسۋ ايماقتىق استىق جانە زاتتىق ماتەريال زاپاس مەكەمەسىنىڭ باستىعى اسقار اقتام بىلاي دەپ تانىستىردى: اقسۋ ايماعى جازعى استىق ساتىپ الۋ قارجىسىن جەتكىلىكتى دايىندادى، جازعى استىقتى قامبالاۋدىڭ دايىندىق جۇمىستارى جاپپاي ىستەلىپ بولدى.

شونجى اۋدانىندا

ءبيداي ورۋشىلار ”جازعى ءۇش جۇمىس“ شايقاسىنا اتتاندى

  ەرىكتى تىلشىلەر باي يۇنفىڭ، ۋاڭ يۋەچين 6 - ايدىڭ 18 - كۇنى شونجىدان حابارلايدى. ”سىرتتا جۇمىس وتە كوپ، اۋا رايى جاقسى بولسا، ءبىزدىڭ ءبىر كومباينىمىز كۇنىنە 300 مۋدان ارتىق ءبيداي ورادى“، - دەدى 6 - ايدىڭ 17 - كۇنى شونجى اۋدانىنىڭ بيليۋحى قالاشىعى تاڭفاڭمىن قىستاعىنىڭ ديقانى لي جيانگاڭ.

  سول كۇنى لي جيانگاڭ 2 كومبايىنعا جول باستاپ، شىحىزى اۋىل شارۋاشىلىق باس الاڭى 1 - بولىمشە الاڭىنىڭ كەڭ اتىزىندا ءبيداي وردى.

  بيىلعى ”جازعى ءۇش جۇمىس“ قارساڭىندا، كومباين ماشينا تۇرقىنىڭ ۇلكەن، جىلجۋىنىڭ قولايسىز بولۋى سياقتى ءىس جۇزىندىك ماسەلەلەرگە مەڭزەس، شونجى اۋداندىق اۋىل شارۋاشىلىق ماشينالارىن باقىلاۋ - تەكسەرۋ پۋنكتىنىڭ قىزمەتكەرلەرى جۇمىس باسىنا بارىپ قىزمەت وتەپ، ءوڭىر اتتاپ ورۋ جۇمىسىنا ات سالىساتىن اۋىل شارۋاشىلىق ماشينالارىن، اسىرەسە، كومباينداردى جالپى بەتتىك تەكسەرىپ، اۋىل شارۋاشىلىق ماشينالارىن جۇرگىزۋشىلەردى تەگىن باۋلىپ، جىلدىق تەكسەرۋ جۇرگىزىپ، وتباسىلارىن ارالاپ كۋالىك ءبىتىردى، «ءوڭىر اتتاپ جۇمىس جۇرگىزۋ كۋالىگىن»، اۋىل شارۋاشىلىق ماشينالارىنىڭ ءوندىرىس حاۋىپسىزدىگى بىلىمدەرى قولدانباسىن تاراتۋ، اۋىل شارۋاشىلىق ماشينالارىن پايدالانۋدا ءوزارا كومەكتەسۋ قامسىزداندىرۋى ۇگىتى سياقتى قىزمەت وتەۋدى جۇرگىزدى.

  شونجى اۋداندىق اۋىل شارۋاشىلىعى تەحنيكاسىن جالپىلاستىرۋ پۋنكتىنىڭ باستىعى يىن گاڭ بىلاي دەدى: ”بۇكىل اۋداندا 800دەن استام كومباين بار، قازىر جۇزدەن استام ءبيداي ورۋشى اۋىل شارۋاشىلىعى ماشينالارىن ايداپ جورىققا اتتانىپ، شىحىزى، كۇيتۇن سياقتى نەگىزگى جازعى استىق ءوندىرۋ وڭىرلەرىنە بارىپ، تۇتاس شينجياڭنىڭ اۋىل شارۋاشىلىق ماشينالارىنىڭ ءوڭىر اتتاپ جۇمىس ىستەۋىنە قاتىناسىپ، ’جازعى ءۇش جۇمىسقا‘ ات سالىسادى“.

قۇلجا اۋدانى

قامبالاردى بوساتىپ، بىرىكتىرىپ، جازعى استىق جيناۋعا دايىندالدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ءجازيرا نەسىپبەك، ەرىكتى ءتىلشى چىن يۇڭمەي 6 - ايدىڭ 18 - كۇنى قۇلجادان حابارلايدى. ”ول سىرتتاعى سالقىن اۋانى سورىپ كىرگىزىپ، اۋا اعىسىن استىق ۇيىندىسىنە بىركەلكى جەتكىزىپ، استىق تەمپەراتۋراسىن تومەندەتۋ، ىلعالدى جويۋ رولدارىن اتقارىپ، قامباداعى استىق تەمپەراتۋراسىنىڭ ℃0 تان ℃5 ارالىعىندا حاۋىپسىز كۇيدە ساقتالۋىنا شىنايى كەپىلدىك ەتەدى“، - دەدى 6 - ايدىڭ 18 - كۇنى قۇلجا اۋدانى جينگۋ استىق - ماي ساتىپ الۋ، ساتۋ شەكتى جاۋاپكەرشىلىك سەرىكتەستىگى (تومەندە قىسقاشا جينگۋ سەرىكتەستىگى دەلىنەدى) ارا وستەڭ بولىمشە سەرىكتەستىگىنىڭ قامبا باسقارۋشىسى جوۋ دىميڭ استىق قامباسىنىڭ ەدەنىنە ورناتىلعان اۋا الماستىرۋ تۇتىگىن كورسەتىپ تۇرىپ.

  جازعى جيىن - تەرىن تاياپ قالدى، مەملەكەت مەنشىگىندەگى استىق ساتىپ الۋ، ساتۋ كاسىپورنى رەتىندە جينگۋ سەرىكتەستىگى الدىمەن قامدانىپ، قامبالاردى بەلسەندىلىكپەن بوساتىپ، بىرىكتىرىپ، جازعى استىق ساتىپ الۋدىڭ دايىندىعىن الدىن الا جاقسى ىستەدى. بىرنەشە كۇننەن بەرى استىق قامباسىن باسقارۋشىلار 17 استىق ساتىپ الۋ تۇيىنىندەگى 60 جەتكىزۋ ماشيناسى، 51 سۋ قۇرامىن تەكسەرۋ - ولشەۋ جابدىعى، ءبيداي سيىمدىلىق سالماقتاۋ جابدىعى سياقتى جابدىقتاردى جالپى بەتتىك تەكسەرىپ - جوندەپ، تۋرالاپ تەكسەرىپ ءارى بوساتىلعان قامبالاردى زارارسىزداندىرۋ، قىزمەتكەرلەردى باۋلۋ، الاڭ - ورىنداردى تەگىستەۋ سياقتى قىزمەتتەردى ىستەپ قاربالاستادى.

  بيىل جينگۋ سەرىكتەستىگى 30 مىڭ توننا ءبيداي ساتىپ الۋدى جوسپارلادى، قازىر ءونىمدى سيىمدىلىعى 50 مىڭ توننالىق قامبا ازىرلەدى. استىقتى ءساتتى ساتىپ الۋعا شىنايى كەپىلدىك ەتۋ ءۇشىن، جينگۋ سەرىكتەستىگى ساتىپ الۋ تۇيىندەرىن تايانىش ەتە وتىرىپ، ساياساتتى تام قابىرعالارىنا جاپسىرۋ، ولشەمدى تۇعىرعا شىعارۋ، ۇلگىنى سورەگە قويۋدى ورىنداپ، استىق ساتاتىن شارۋالاردىڭ استىقتى اشىق، جايلى، الاڭسىز ساتىپ بەرۋىنە مۇمكىندىك جاسادى. سونىمەن بىرگە، جينگۋ سەرىكتەستىگى بانكەدەن قارىز الۋ، كاسىپورىن قارجىنى ءوزى ازىرلەۋ سياقتى تاسىلدەر ارقىلى بەلسەندىلىكپەن قارجى ازىرلەپ، استىق ساتاتىن شارۋالاردىڭ ”استىق قولىنان شىققاندا، اقشا قالتاسىنا تۇسۋىنە“ كەپىلدىك ەتتى.

قاشقار ايماعىندا

90%تەن استام ءبيداي ورىلىپ بولدى

  شينجياڭ گازەتىنىڭ جالپىلىق اقپارات اقپارات قۇرالدارى ءتىلشىسى حان چينيان 6 - ايدىڭ 18 - كۇنى قاشقاردان حابارلايدى. ”جارتى جىلدان استام ۋاقىت زەر سالا باعىپ - باپتاعان ەڭبەگىمىزدىڭ التىنداي جەمىسىن ءدال قازىر كورىپ وتىرمىز“. 6 - ايدىڭ 18 - كۇنى جاڭاشار اۋدانى باقچي اۋىلى سىرلىما قىستاعىنىڭ تۇرعىنى امەت تۇردى ساپ - سارى ءبيداي داندەرىن قولىنا ۋىستاپ تۇرىپ تەبىرەنە سويلەدى.

  6 - ايدىڭ 18 - كۇنىنە دەيىن، قاشقار ايماعىندا 3 ميلليون 245 مىڭ مۋ جەردەگى دۇمبە ءبيدايدىڭ 3 ميلليون 191 مىڭ 300 مۋى ورىلىپ بولدى، بيىل جالپى ءونىمىنىڭ ءبىر ميلليون 400 مىڭ توننادان اسىپ، بىلتىرعىدان 60 مىڭ توننانىڭ ۇستىندە ارتاتىندىعى مەجەلەنىپ، استىق حاۋىپسىزدىگىن پارمەندى قامتاماسىز ەتتى.

  ”قوعامدانعان قىزمەت وتەۋ استىق ەگۋدەن مول ءونىم الۋدى قامتاماسىز ەتتى“، - دەدى يىڭسار اۋدانى وچا قالاشىعى قۇشقاشباق قىستاعىنىڭ تۇرعىنى كامىل روزى. قىستاقتا يىڭسار اۋدانى جاڭا ءۇمىت ەگىنشىلىك سەلبەستىك كووپەراتيۆى قۇرىلعان سوڭ، ول ءوزىنىڭ 6.6 مۋ جەرىن سەلبەستىك كووپەراتيۆىنە تاپسىردى، بيىلعى ءبيداي اتىزىن باپتاۋعا قوعامدانعان قىزمەت وتەۋ ۇلكەن رول ساۋلەلەندىردى: ىندەتتەن ساقتانۋ - تىزگىندەۋ جاعدايى اۋىر بولعان 2 -، 3 - ايلاردا 100 مۋدىڭ ۇستىندەگى ءبيداي اتىزى سۋارىلىپ، تىڭايتقىش بەرىلدى.

  جاڭا ءۇمىت ەگىنشىلىك سەلبەستىك كووپەراتيۆى سياقتى اۋىل شارۋاشىلىعى قوعامدانعان قىزمەت وتەۋ ۇيىمدارى قاشقار ايماعىنا كەڭ تارالعان. جازعى استىقتى تۇگەلدەي قامبالاۋعا شىنايى كەپىلدىك ەتۋ ءۇشىن، قاشقار ايماعىنداعى اۋدان - قالالار، قاتىستى تاراۋلار اۋىل شارۋاشىلىعى ءوندىرىسىن جۇمىس ۇستىندە ىلگەرىلەتۋ ءماجىلىسى، بەينە ەكران ورنالاستىرۋ ءماجىلىسىن، ت.ب. اشىپ، ەرتە جوبالاپ، ەرتە ورنالاستىرىپ، ەرتە ىڭعايلاپ، اۋىل شارۋاشىلىعى ماشينا - جابدىقتارى مەن ادام كۇشتەرىن جازعى جيىن - تەرىن جۇمىستارىنا ات سالىسۋعا بەلسەنە ۇيىمداستىرىپ، جازعى جيىن - تەرىن جۇمىستارىنىڭ اقساماۋىنا، قايتالاي تۇقىم سەبۋدىڭ توقتاپ قالماۋىنا شىنايى كەپىلدىك ەتىپ، جازعى استىقتى ورۋ، ساتىپ الۋ جۇمىستارىنىڭ ءساتتى ءجۇرىلۋىن زور كۇشپەن قامتاماسىز ەتتى.

  بيىلعى جازعى جيىن - تەرىن كەزىندە، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى ەرىكتىلەر قىزمەت وتەۋ اترەتىن ۇيىمداستىرىپ، قيىنشىلىعى بار بۇقارانىڭ، ۇيدە قالعان قارتتاردىڭ، جەتىم - جەسىر قارتتاردىڭ، مۇگەدەك بۇقارانىڭ ءبيدايدى ۋاعىندا جيناپ الۋىنا كومەكتەستى.

  قازىر قاشقار ايماعى جازعى استىقتى ساتىپ الۋدا ءبىر ميلليارد 22 ميلليون يۋاندى تياناقتاندىردى، قامبا استىققا تولدى، ورۋ ماشينالارىن وڭاۋ - جوندەۋ، بوس قامبانى زارارسىزداندىرۋ، ءورت ءسوندىرۋ، ورتتەن ساقتانۋ قۇرىلعىلارىن اۋىستىرۋ سياقتى ءتۇرلى دايىندىق جۇمىستارى ىستەلىپ بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.