تيانشان تورى   ›   جاڭالىقتار   ›   شينجياڭ حابارلارى

بەيقۇت ۇيدەگى جاڭا كەرەك - جاراقتار

  شينحۋا اگەنتتىگىنىڭ 6 - ايدىڭ 18 - كۇنى ۇرىمجىدەن بەرگەن حابارى (تىلشىلەر ديڭ جيانگاڭ، حاۋ يۇي). قازىرگە دەيىن شينجياڭنىڭ جەر - جەرىندە بۇقارانىڭ جاڭا قونىسقا كوشۋى، جاڭا ۇيگە كىرۋى تاڭسىق بولۋدان قالدى. الايدا ءتىلشى تارىم ويپاتىنداعى حوتان ايماعىندا قىستاقتارعا بارىپ وتباسىلارىن ارالاعاندا شۇراتتاعى شارۋالاردىڭ جاڭا سالىنعان حالىقتى اۋقاتتاندىرۋ بەيقۇت ۇيلەرىنە كوشىپ قانا قويماي، ۇيلەرىندە تاعى كوپتەگەن جاڭا كەرەك - جاراقتاردىڭ تولىقتانعاندىعىن كورىپ قۋاندى.

  حوتان ايماعى − ەلىمىزدەگى اۋىر كەدەي وڭىرلەردىڭ ءبىرى. جاڭا قونىسقا كوشۋدەن بۇرىن، جەرگىلىكتى ورىنداعى شارۋالاردىڭ بار مۇلكى ءبىر اۋىزدى تام ءۇي مەن جىڭعىلدان تۇرعىزعان شارباق ءۇي عانا بولاتىن، باسقا ەشقانداي ءۇي جيھازدارى جوق ەدى. قازىر سول جەردەن كورگەنىمىزدەي، شارۋالار وتباسى نەگىزىنەن ”كەرەۋەتتە ۇيىقتاپ، ۇستەلدە تاماق ىشەتىن“ بولىپتى، اعاش توسەك، سافا جانە ۇستەل عانا ەمەس، جاڭا ەلەكتر جابدىقتارى دا بار ەكەن؛ بولمەلەر دە فۋنكتسياسىنا قاراي قوناق بولمە، جاتىن بولمە، اس ءۇي جانە مونشا بولىپ ءبولىنىپتى.

  قۇمدى ءشولدى وڭىردە جاز كۇندەرى كۇن قاپىرىق ىستىق بولادى، كەشتە روزىمامەت ماتكەرىم جىلى سۋمەن جۋىنىپ، شارشاپ - شالدىققانىن باسادى. ونىڭ 100 نەشە شارشى مەترلىك جاڭا ۇيىندە تەلەۆيزور، كىر جۋعىش، گاز وشاعى سياقتى زاماناۋي ەلەكتر جابدىقتارىنىڭ ءبارى بار؛ كارى شەشەسى دە قوي ەتىن، جۇمىرتقانى، ءسابىزدى توڭازىتقىشقا سالىپ ساقتاۋدى ۇيرەنىپ العان.

  2 جىلدىڭ الدىندا روزىمامەت تۇراتىن شەريا اۋدانى جاقا اۋىلى ەنەلىك قىستاعى كەدەي قىستاق ەدى. شينجياڭدا حالىقتى اۋقاتتاندىرۋ بەيقۇت ءۇي ينجەنەرياسى قۇرىلىسىنىڭ ىلگەرىلەۋىنە بايلانىستى، اسىرەسە، مەملەكەتتىڭ كەدەيلەردى سۇيەمەلدەۋ سەرپىنىنىڭ ارتۋىنا بايلانىستى، روزىمامەت جاڭا ۇيگە كوشىپ كىردى، ايەلى دە قىستاق تۇرعىندار كوميتەتىنىڭ ورنالاستىرۋىمەن جۇمىسقا ورنالاسىپ، تۇرمىستارى بارعان سايىن جاقسارا ءتۇستى.

  روزىمامەتتىڭ ءۇيى سياقتى، ءۇي جيھازدارى مەن ەلەكتر جابدىقتارى وڭتۇستىك شينجياڭنىڭ اۋىل - قىستاقتارىندا قالىڭ وتباسىلارىنان ورىن الدى. شارت - جاعدايى جاقسى ۇيلەر بالالارىنا بولەك بولمە، جازۋ ۇستەلىن ازىرلەپ بەردى. وعان قوسا سوڭعى 2 جىلدا اۋلا وڭالىپ، سونداي - اق تۇرعىندار اۋماعى، ەگىنشىلىك اۋماعى، باعىمشىلىق اۋماعى بولىپ ءبولىنىپ، شارۋالار ءۇيى بارعان سايىن رەتتى، تازا بولا ءتۇستى.

  ءتىلشىنى تاڭ قالدىرعان بۇلار عانا ەمەس، تاعى كوپتەگەن شارۋالاردىڭ ۇيلەرىنە ىلىنگەن ”جاۋاپكەرشىلىك قاعازى“ مەن ”ءتۇسىنۋ قالتاسى“ بار. روزىمامەتتىڭ ءۇيىنىڭ قابىرعاسىنا ىلىنگەن بىرنەشە پاراق قاعازدىڭ ءبىرىنشى بەتىندە 2 سۋرەت جانە ”جۇپ قۇراپ كومەكتەسۋ - سۇيەمەلدەۋ جۇرەكتەستەر كارتچكاسى“ دەگەن سوزدەر بار، سۋرەتتىڭ بىرەۋى ءۇي يەسىنىكى، ەندى بىرەۋى كوتەرمەگە الىپ كەدەيلەردى سۇيەمەلدەۋشى كادردىكى؛ قالعان بەتتەرگە كەدەيلىكتەن ارىلتۋ ۋاقىتى مەن كەدەيلىكتەن ارىلتۋ تالاپتارى جازىلىپتى، سونداي - اق كومەكتەسۋ - سۇيەمەلدەۋ كادرىنىڭ بايلانىس ءنومىرى جازىلعان. ”جاۋاپكەرشىلىك قاعازى“ بويىنشا كادرلار ءار اپتادا ۇيگە كەلىپ جاعداي ۇعىسىپ تۇرادى.

  ”ءتۇسىنۋ قالتاسىنا“ ءار وتباسىنىڭ نەگىزگى جاعدايى، ايتالىق، جان سانى، جەرى، قوي - سيىرى جانە كىرىسى قاتارلىلار جازىلعان. روزىمامەت ءۇيىنىڭ كەي جاعدايلارىن كەيدە ءوزى دە انىق بىلمەيتىنىن، ”ءتۇسىنۋ قالتاسىن“ اشىپ انىقتايتىنىن ايتتى. كوتەرمەگە الۋشى كادر ۇيگە كەلىپ وتە ەگجەي - تەگجەيلى سۇراپ، وزگەرىس بولسا ەستەلىككە الىپ، قالتاعا سالىپ قويادى. ”ۇيىمدە قانشا اقشا بار ەكەنىن قالتا مەنەن انىق بىلەدى“، - دەدى ول.

  ال ءتىلشىنى ەڭ قايران قالدىرعانى، كەي شارۋالاردىڭ ۇيلەرىندە نارت قىزىل ”باقىت قالتاسى“ مەن ”العىس ايتۋ قابىرعاسى“ دا بار ەكەن.

  كەريا اۋدانى تۋراقاز اۋىلى چاقا قىستاعىندا ءار ءۇيدىڭ قابىرعاسىنا جاسىل ءتۇستى ”ءتۇسىنۋ قالتاسى“ مەن قىزىل ءتۇستى ”باقىت قالتاسى“ ءىلىنىپتى. باقىت قالتاسىنا ءتىلشى حالىققا تيىمدىلىك جاساۋ ساياساتى، زاڭ، زاڭ ەرەجە سياقتى ۇگىت ماتەريالدارى سالىنعاندىعىن كوردى. قىستاق تۇرعىنى اۋاحان مامەتيمىننىڭ ءۇيى ءتىپتى ەلدەن بولەك، قوناق بولمەسىنە ارنايى العىس ايتۋ قابىرعاسىن جاساپ، وعان وتباسىنداعىلاردىڭ توپتىق تۇسكەن سۋرەتىن، كومەكتەسۋ - سۇيەمەلدەۋ كادرىنىڭ سۋرەتىن، سونداي - اق ”پارتياعا العىس ايتۋ، پارتيانىڭ ءسوزىن تىڭداۋ، پارتياعا ىلەسۋ“ تاقىرىبىنداعى ۇگىت سۋرەتتەرى، ت. ب ءىلىنىپتى.

  جاڭا قونىسقا كوشىپ كىرگەن سوڭ، ءۇيىنىڭ ىرگەسىندە دارىگەرگە كورىنە الاتىن بولدى، اسفالتتى تاس جول ءۇيىنىڭ الدىنا دەيىن تارتىلدى، بالالار اقىسىز وقيتىن بولدى. اۋاحان قىستاقتاعى وزگەرىستەردى كوزىمەن كورىپ كوڭىلىنە ساقتادى، ”پارتيا مەن مەملەكەتكە راقىمەت! قازىر وسىنىڭ بارلىعىنىڭ قايدان كەلگەنىن ءبىلدىم!“، - دەدى ول.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى