شينجياڭ گازەتىنىڭ شولۋشىسى
امەريكا جاق حالىقارالىق قوعامنىڭ نەگىزگى حالىق اۋانىمەن ساناسپاي، قاسارىسا ايتىلمىس ”2020 - جىل ۇيعۇر ادامدىق ۇقىقتارى ساياسات زاڭ جوباسىنا“ قول قويىپ زاڭ ساناتىندا قابىلداپ، جۇڭگو شينجياڭىنىڭ ادامدىق ۇقىق جاعدايىن قاساقانا داتتاپ، جۇڭگو ۇكىمەتىنىڭ شينجياڭدى جونگە سالۋ ساياساتىنا سۇرقيالىقپەن شابۋىل جاساپ، حالىقارالىق زاڭ مەن حالىقارالىق قارىم - قاتىناستىڭ نەگىزگى ولشەمىن اۋىر دارەجەدە اياق استى ەتتى، جۇڭگونىڭ ىشكى ىسىنە دورەكىلىكپەن كيلىگىپ، شينجياڭداعى ءار ۇلت حالقىنىڭ كوڭىلىنە اۋىر دارەجەدە قاياۋ سالدى. بۇعان شينجياڭداعى ءار ۇلت كادر - بۇقاراسى قاتتى كەكتەنەدى، ونى قاتاڭ جازعىرادى، وعان باتىل قارسى تۇرادى. امەريكانىڭ شينجياڭعا ساياتىن ايتىلمىس ”زاڭ جوباسى“ ءبىر پاراق كەرەكسىز قاعاز، ادىلەت كۇشىنىڭ، ءسوز جوق، ونى قوقسىق ۇيىندىسىنە سىپىرىپ تاستايتىندىعى ءشۇباسىز.
ايتىلمىس ”زاڭ جوبانى“ پاراقتاپ كورسەك، تۇتاس مازمۇنىنىڭ بۇرمالانعان وتىرىك سوزگە جانە ساياسي سىڭار جاقتىلى كوزقاراسقا تولعاندىعىن، امەريكا جاقتىڭ تيتتەي دە تومەنگى شەگى جوق قوس ولشەمىن جانە كولگىرلىك، جەكسۇرىندىق زورەكەرلىك لوگيكاسىن، سونداي - اق بارلىق جەردە ىرتكى سالىپ كيلىگەتىن، دۇربەلەڭ تۋدىرماسا كوڭىلى كونشىمەيتىن ”دۇنيە ءجۇزى ساقشىسىنىڭ“ جيىركەنىشتى قىلىعىن اشىققا شىعارعاندىعىن كورەمىز.
شينجياڭنىڭ جاعدايىنىڭ قالاي ەكەندىگى جونىندە شينجياڭ حالقى ەڭ ءسوز سويلەۋ ۇقىعىنا يە. وتكەن ءبىر مەزگىلدە، شينجياڭدا ”ءۇش ءتۇرلى كۇش“ ەرەكشە ەلىرىپ، سان مىڭداعان زورلىقتى كۇش لاڭكەستىك دەلولارىن (وقيعا) تۋدىرىپ، ءار ۇلت حالقىنىڭ ومىرىنە، مال - مۇلىك حاۋىپسىزدىگىنە ەرەكشە زيان جەتكىزىپ، نەگىزگى ادامدىق ۇقىقتى اۋىر دارەجەدە تاپتادى. وسىنداي كەزدە امەريكا جاق ەستىمەگەن كىسىمسىپ وتىرا بەردى، ال شينجياڭنىڭ قوعامدىق كەلەلى جاعدايى ورنىقتى بولعان كەزدە سەكىرىپ شىعا كەلىپ سان - ساققا جۇگىرتتى، بۇدان ماقساتىنىڭ سۇرقيا ەكەندىگىن كورۋگە بولادى، ولاردىڭ كولگىرلىگى مەن مەيىرىمسىزدىگىنىڭ شەگىنە جەتكەندىگىن كورۋگە بولادى!
شينجياڭ ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋگە تاباندى بولىپ، سوققى بەرۋ مەن الدىن الا ساقتانۋدى ءوزارا ۇشتاستىرىپ، لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ورىستەتىپ، كورنەكتى ونىمدىلىككە قول جەتكىزدى. بۇگىنگى كۇندە شينجياڭدا ءۇرتىس 3 جىلدان استام ۋاقىت زورلىقتى كۇش لاڭكەستىك دەلوسى ءبىر رەت تە تۋىلمادى، ۇلتتار تەرەزەسى تەڭ، ىنتىماقتى، ءدىن تاتۋ، ۇيلەسىمدى، حالىق تۇرمىسى تىنىش، بەرەكەلى بولىپ، تاريحتاعى ەڭ تاماشا دامۋ مەزگىلىندە تۇر. ىنتىماقتى، جاراسىمدى، گۇلدەنگەن، ورنىقتى شينجياڭعا قاراتا امەريكا جاق جۇرەگى الاسۇرىپ، ايتىلمىس ”زاڭ جوبا“ شىعاردى، ونىڭ ناقتى سيپاتى ايتىلمىس شينجياڭعا ساياتىن ماسەلەلەردەن پايدالانىپ، جۇڭگونىڭ ۇلت قاتىناسىنا ىرتكى سالۋ، شينجياڭنىڭ گۇلدەنۋىن، ورنىقتىلىعىن ءبۇلدىرۋ، جۇڭگونىڭ دامۋىن، كۇشەيۋىن تەجەۋ، ونىڭ ”جات نيەتى جۇرتقا بەلگىلى“ دەۋگە بولادى.
ىلگەرى زورلىقتى كۇش لاڭكەستىكتىڭ جانە ۇشقارىلىقتىڭ بەينەتىنە قاتتى ۇشىراعان شينجياڭداعى ءار ۇلت حالقى بۇگىنگى اسا تاماشا جاعدايدىڭ وڭاي - وسپاق قولعا كەلمەگەندىگىن انىق بىلەدى، پارتيا مەن ۇكىمەتتىڭ شينجياڭنىڭ ورنىقتىلىعىن قورعاۋ ءۇشىن جاساعان ءتۇرلى قۇلشىنىستارىنا بارىنشا العىس ايتادى، بۇگىنگى تاڭداعى باقىتتى، تىنىشتىقتى بارىنشا قاستەرلەيدى، ءارقانداي كۇشتەردىڭ ءارقانداي فورمامەن بايتاق تا كورىكتى شينجياڭعا كۇيە جاعۋىنا، داتتاۋىنا استە جول قويمايدى.
امەريكا جاق شينجياڭنىڭ لاڭكەستىككە قارسى تۇرۋداعى، ۇشقارىلىقتى الاستاۋداعى تابىستى ىزدەنىسىن جانە كورنەكتى ونىمدىلىگىن كورە تۇرسا دا كورمەسكە سالىنىپ، شينجياڭنىڭ ادامدىق ۇقىعىن قامتاماسىز ەتۋ ناتيجەسىن، سونداي - اق ءار ۇلت حالقىنىڭ ارمان - تىلەگىن ەستىسە دە ەستىمەسكە سالىنىپ، ايتىلمىس ”زاڭ جوبانى“ قاسارىسا ماقۇلداپ، ”ءۇش ءتۇرلى كۇشتى“ دەمەدى، جەلىكتىردى، مۇنان ولاردىڭ شينجياڭنىڭ ادامدىق ۇقىعىنا كوڭىل ءبولۋ ەمەس، قايتا ىشىنە ارام نيەت بۇگىپ وتىرعاندىعىن كورۋگە بولادى.
باسقا ەلدىڭ ادامدىق ۇقىق جاعدايى جونىندە پالە شىعارعان امەريكانىڭ ءوزىنىڭ ادامدىق ۇقىق جاعدايى تەگى قالاي؟ تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى بەينە اينا سياقتى، امەريكادا ۇزاق ۋاقىت ورىن تەپكەن قوعامنىڭ پارە - پارە بولۋى، باي مەن كەدەيدىڭ جىكتەلۋى، ءناسىل كەمسىتۋشىلىك، قاۋقارسىز قاۋىمنىڭ ۇقىق - مۇددەسىن قامتاماسىز ەتۋ تەبىندى بولماۋ سياقتى ماسەلەلەردى اشىق كورسەتتى، ول ”امەريكا ۇلگىسىندەگى ادامدىق ۇقىقتىڭ“ تەرەڭ قاتپارلى داعدارىسىن كورنەكتىلەندىرىپ قالماستان، ونان دا ماڭىزدىسى، امەريكانىڭ ”قاتىگەز كاپيتاليزم“ ەرەكشەلىگىن ايپاراداي اشتى. وسىندا امەريكا جاققا ايتىلمىس ”ۇزىن قولدى باسقارۋ“ دامەسىن جيىستىرىپ، ءوز ىسىنە قام جەۋدى ەسكەرتەمىز.
شىندىق داۋدى جەڭەدى، ادىلدىك جۇرتتىڭ جۇرەگىندە ساقتالادى. ءارقانداي پالە جابۋدىڭ بارلىعى شينجياڭداعى ءار ۇلت حالقىنىڭ ىنتىماقتاسا ەكپىندەي ىلگەرىلەگەن اياق الىسىن توسا المايدى، ءارقانداي وسەك - اياڭنىڭ بارلىعى شينجياڭنىڭ ادامدىق ۇقىق ىستەرىنىڭ دامىعان، العا باسقان شىندىعىن جوققا شىعارا المايدى، ءارقانداي قاسكۇنەمدىك شينجياڭنىڭ دامىعان، گۇلدەنگەن اياق الىسىنا كيلىگە المايدى − بۇل شينجياڭداعى 25 ميلليون ءار ۇلت حالقىنىڭ جۇرەك ءۇنى، بۇل ءبىر ميلليارد 400 ميلليون جۇڭگو حالقىنىڭ جۇرەك ءۇنى ءارى دۇنيە جۇزىندەگى بەيبىتشىلىكتى سۇيەتىن بارلىق ادامنىڭ جۇرەك ءۇنى!
ءبىز امەريكا جاققا مىنانى قايتالاي قاتاڭ ەسكەرتەمىز: شينجياڭ ءىسى بۇكىلدەي جۇڭگونىڭ ىشكى ءىسى، ءارقانداي شەتەل كۇشتەرىنىڭ كيلىگۋىنە جول بەرىلمەيدى. جۇڭحۋا ۇلتىنىڭ ۇلى گۇلدەنۋىنە قاساقانا كەدەرگى جاسايتىن ءارقانداي ارەكەتتىڭ ءالىن بىلمەي الەك بولۋ ەكەندىگى داۋسىز، تاريحتىڭ مازاعىنا قالاتىندىعى ءشۇباسىز.
