شينحۋا اگەنتتىگى شولۋى
شينحۋا اگەنتتىگىنىڭ ءتىلشىسى ليۋ بيڭ
امەريكا جاقتىڭ ايتىلمىس ”2020 - جىل ۇيعۇر ادامدىق ۇقىقتارى ساياسات زاڭ جوباسىنا“ قول قويىپ زاڭ ساناتىندا قابىلداپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتى ارقىلى ءار ۇلت حالقىنىڭ نەگىزگى ادامدىق ۇقىعىن ءونىمدى قامتاماسىز ەتكەن، شينجياڭ ەكونوميكاسىنىڭ، قوعامىنىڭ جاراسىمدىلىعىن، ورنىقتىلىعىن، دامۋىن جەبەگەن شىندىعىن ەلەمەستەن، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ قىزمەتىن بۇرمالاۋى، كۇيە جاعۋى، ءوزىنىڭ لاڭكەستىككە قارسى تۇرۋ مەن ادامدىق ۇقىقتى قۇرالعا اينالدىرۋداي سۇرقيا ماقساتىن ايپاراداي اشىپ كورسەتتى. مۇنى شينجياڭداعى ءار ۇلت بۇقاراسى انىق بىلەدى، بۇعان باتىل قارسى تۇرادى.
شينجياڭعا ساياتىن ماسەلە مۇلدە ادامدىق ۇقىق، ۇلت، ءدىن ماسەلەسى ەمەس، قايتا زورلىقتى كۇش لاڭكەستىگىنە قارسى تۇرۋ، بولشەكتەۋشىلىككە قارسى تۇرۋ ماسەلەسى. بولشەكتەۋشىلىك − شينجياڭداعى لاڭكەستىكتىڭ، ۇشقارىلىقتىڭ تۋىلۋ وشاعى. ۇزاق ۋاقىتتان بەرى، لاڭكەس كۇشتەر مەن ۇشقارى كۇشتەر شينجياڭنىڭ تاريحىن ورشەلەنە بۇرمالاپ، ويدان قۇراستىرىپ، وزگەرتىپ، ۇلتتار اراسىنداعى مادەنيەت ايىرماشىلىعىن اسىرەلەپ، ۇلتتار ارا ارازدىققا، وشپەندىلىككە جەلىكتىرىپ، ءدىني ۇشقارىلىقتى ۋاعىزداپ، بولشەكتەۋشىلىك قيمىلدارىمەن اينالىسۋ ءۇشىن دابىرا تۋدىردى.
شينجياڭداعى ءار ۇلت حالقىنىڭ نەگىزگى ادامدىق ۇقىعىن قورعاۋ، مەملەكەتتىڭ حاۋىپسىزدىگىن قورعاۋ ءۇشىن، جۇڭگو ۇكىمەتى باتىل شارا قولدانىپ، زاڭ بويىنشا لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن ورىستەتىپ، زورلىقتى كۇش لاڭكەستىك قىلمىستارىنا قاتاڭ سوققى بەرۋمەن قاتار، حالىق تۇرمىسىن كۇش سالا جاقسارتۋ، زاڭ - ءتۇزىم ۇگىتىن، تاربيەسىن كۇشەيتۋ، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋ سياقتى ءبىر قىدىرۋ شارالار ارقىلى لاڭكەستىك، ۇشقارىلىق ىستەپ زاڭعا قايشىلىق جاساعان نەمەسە قىلمىستىق ارەكەتتەرى بار ادامداردى بارىنشا قۇتقاردى. 2017 - جىلدان بەرى، شينجياڭدا ءۇرتىس 3 جىل بويى لاڭكەستىك شابۋىل وقيعاسى تۋىلمادى، ەكونوميكاسى، قوعامى گۇلدەنىپ دامىدى، قوعامدىق كەلەلى جاعداي ورنىقتى، جاراسىمدى بولدى، شينجياڭدى جونگە سالۋدىڭ ءبىر قىدىرۋ شارالارى شينجياڭداعى ءار ۇلت حالقىنىڭ تەرەڭ قولداۋىنا يە بولدى.
شىندىق شينجياڭنىڭ زاڭ بويىنشا لاڭكەستىككە قارسى تۇرۋ، ۇشقارىلىقتى الاستاۋ شارالارىن قولدانىپ، لاڭكەستىكتىڭ، ۇشقارىلىقتىڭ ءوسىپ - ءوربيتىن توپىراعى مەن شارت - جاعدايىن زور دارەجەدە جويىپ، ازاماتتاردىڭ نەگىزگى ۇقىعىنىڭ لاڭكەستىكتىڭ، ۇشقارىلىقتىڭ زيانىنا ۇشىراماۋىن ەڭ زور دارەجەدە قامتاماسىز ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن بەرىك نەگىز قالاعاندىعى شينجياڭداعى ءار ۇلت حالقىنىڭ تەرەڭ قولداۋىنا يە بولعاندىعىن دالەلدەپ وتىر.
امەريكاداعى كەيبىر ساياساتپازدار شينجياڭداعى زورلىقتى كۇش لاڭكەستىك وقيعالارىنىڭ قىرۋار جازىقسىز جانداردىڭ جانىن جالماعان شىندىقتى ەسكەرۋسىز قالدىرىپ، شينجياڭنىڭ لاڭكەستىككە قارسى تۇرۋىنىڭ، ۇشقارىلىقتى الاستاۋىنىڭ كورنەكتى تابىستارى مەن ادامدىق ۇقىقتى قامتاماسىز ەتۋ جەتىستىكتەرىن كورسە دە كورمەسكە سالىپ، وسى زاڭ جوبانى قاسارىسا دايىنداپ، ماقۇلدادى، بۇل ولاردىڭ جۇڭگونىڭ ادامدىق ۇقىعىنا شىن نيەتىمەن كوڭىل بولمەيتىندىگىن، قايتا بوتەن نيەتى بار ەكەندىگىن تولىق ءتۇسىندىردى. ولاردىڭ ماقساتى ايتىلمىس ”شينجياڭ ماسەلەسىنەن“ پايدالانىپ، جۇڭگونىڭ وبرازىن ۇنامسىز ەتىپ كورسەتىپ، جۇڭگونىڭ ورنىقتىلىعىن ءبۇلدىرىپ، جۇڭگونىڭ دامۋىن شاۋجايلاۋدان باسقا دانەڭە دە ەمەس.
ادىلەت جۇرت جۇرەگىندە. 2018 - جىلى 12 - ايدىڭ سوڭىنان بەرى، بىرلەسكەن مەملەكەتتەر ۇيىمىنىڭ ءمانساپتىلارى، شەتەلدەردىڭ جۇڭگودا تۇراتىن ەلشىلەرى، قاتىستى مەملەكەتتەردىڭ جەنەۆاداعى تۇراقتى ۋاكىلدەرى، اقپارات قۇرالدارىنىڭ تىلشىلەرى جانە ءدىني ۇيىمدار سياقتى 70 نەشە كەزەك توپ - گرۋپپا، 90 نەشە مەملەكەتتەن كەلگەن 1000نان استام ادام شينجياڭدا ەكسكۋرسيادا، ساپاردا بولىپ قايتتى. ولار شينجياڭنىڭ جاراسىمدى، ورنىقتى، ءار ۇلت بۇقاراسى تىنىش ءومىر، شات - شادىمان تىرشىلىك كەشكەن تاماشا جاعدايىن كورىپ، جۇڭگو ۇكىمەتىنىڭ شينجياڭدى جونگە سالۋداعى ءبىر قىدىرۋ شارالارى حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنە ۇلەس قوستى، ۇلگى الۋ قۇنى زور دەپ قارادى.
امەريكا جاقتىڭ شينجياڭنىڭ ادامدىق ۇقىق جاعدايىن بۇرمالاپ، كۇيە جاعىپ جانە قيسىنسىز جازعىرىپ، جۇڭگو جاقتى ورىنسىز جازالاۋى شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ ارقىلى شينجياڭداعى ءار ۇلت حالقىنىڭ تىرشىلىك ۇقىعىن، سالاماتتىق ۇقىعىن جانە دامۋ ۇقىعىن قامتاماسىز ەتكەن نەگىزگى شىندىقتى وزگەرتە المايدى، شينجياڭداعى ءار ۇلت بۇقاراسىنىڭ بەرىك ىنتىماقتاسىپ تاماشا جاعدايدى قورعاۋ بەكىمىن مۇقالتا المايدى، شينجياڭنىڭ گۇلدەنگەن، دامىعان تاريحي اياق الىسىن بوگەي المايدى.
(شينحۋا اگەنتتىگىنىڭ 6 - ايدىڭ 19 - كۇنى ۇرىمجىدەن بەرگەن حابارى)
