نىسانا، ولشەمدى مىقتاپ قاداعالاپ، كەدەيلىكتەن ارىلتۋدان قامال الۋ شايقاسىندا جوعارى ساپالى جەڭىسكە قول جەتكىزەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 6 - ايدىڭ 19 - كۇنى ۇرىمجىدەن جابارلايدى. 6 - ايدىڭ 18 - كۇنى تۇستەن بۇرىن اۆتونوميالى رايون كەدەيلىكتەن ارىلتۋدان قامال الۋ شايقاسىن باسى - قاسىندا قاداعالاۋ قىزمەتى تەلەۆيزور - تەلەفون ءماجىلىسىن اشتى. ءماجىلىس باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورنالاستىرۋىنا ساي، اۆتونوميالى رايوندىق پارتكومنىڭ تالابىنا نەگىزدەلىپ، كەدەيلىكتەن ارىلتۋدان قامال الۋدى باسى - قاسىندا قاداعالاۋ قىزمەتىن ونان ارى جىنتىكتەپ، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن جوعارى ساپامەن ورىنداۋعا شىنايى كەپىلدىك ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كىدىرمەي، بەيعامدىققا سالىنباي، بوساڭسىماي، ۇستامدىلىقتى، توزىمدىلىكتى ساقتاپ، بورىش، مىندەت ارقالاۋدى كۇشەيتىپ، بار كۇشپەن قامال بۇزىپ، قيىندىقتاردى جەڭىپ، كەدەيلىكتەن ارىلتۋدان قامال الۋدىڭ اياقتالار شايقاسىندا باتىلدىقپەن جەڭىسكە جەتىپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىنىڭ، ورنالاستىرۋلارىنىڭ شينجياڭدا تامىر تارتىپ، وركەن جايۋىنا شىنايى كەپىلدىك ەتۋ كەرەك.
ءماجىلىس مىنانى باسا دارىپتەدى: كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن دەر كەزىندە، جاپپاي ورىنداۋعا تاباندى بولۋدان اۋىتقىماي، بەلگىلەنگەن ورنالاستىرۋعا قاتاڭ بۇيسۇنىپ، جاۋاپكەرشىلىكتى، ساياساتتى، قىزمەتتى قاز - قالپىندا تياناقتاندىرۋ كەرەك. شايقاستى باسى - قاسىندا قاداعالاۋدى كۇشەيتىپ، باسشىلار باستاماشى بولۋعا تاباندى بولىپ، تۇرلەر بويىنشا جەتەكشىلىك ەتۋدى كۇشەيتىپ، جالپى بەتتىك كوتەرمەگە الىپ، قۋزاۋ - جەتەكشىلىك ىستەپ، بيىك قامالداردى بۇزاتىن پارمەندى بىرىككەن كۇشتى ۇيىستىرۋىمىز كەرەك.
ءماجىلىس مىنالاردى اتاپ كورسەتتى: ءبىر جاعىنان، كەدەيلىكتەن ارىلتۋدى، ەندى ءبىر جاعىنان، قايتالاي كەدەيلەسۋدەن ساقتانۋدى يگەرۋگە تاباندى بولۋ كەرەك. نازاردى ”ەكىدەن تارىقتىرماۋعا، ءۇشتى قامتاماسىز ەتۋگە“ شوعىرلاندىرىپ، ءتۇيىندى وڭىرلەر مەن ءتۇيىندى ماسەلەلەردەن كوز جازباي، ماسەلەنى باعدار ەتۋگە تاباندى بولىپ، شالاعايلىقتاردى جاپپاي تەكسەرىپ، كەم - كەتىگىن تولىقتىرىپ، ولقىلىقتاردى تولىقتاۋدى، ءالسىز تۇستاردى كۇشەيتۋدى جەدەلدەتىپ، ەسكەرۋسىز ورىن قالدىرماۋدى، قالتارىس جەر قالدىرماۋدى ورىنداۋ كەرەك. قايتالاي كەدەيلەسۋدەن ساقتانۋدىڭ باقىلاۋ - تەكسەرۋ ساقتاندىرۋ مەحانيزمىن كەمەلدەندىرىپ، اقاۋسىزداندىرىپ، كەدەيلىكتەن ارىلتۋدان قامال الۋدىڭ ءىرى ساندى مالىمەت تۇعىرى رولىن ساۋلەلەندىرىپ، تۇعىردىڭ يقۋاتىن جاقسارتىپ، ”دەر كەزىندە باقىلاۋ - تەكسەرۋ، ءدال ۋاعىندا ساقتاندىرۋ، كەدەيلەسپەگەندەردى دەر كەزىندە ساقتاندىرۋ“ كەرەك. ءتۇرلى شارالاردى قاتار قولدانىپ سىرتقا شىعىپ جۇمىس ىستەۋ قىزمەتىن ويداعىداي ىستەپ، تۇتىنۋ ارقىلى كەدەيلەردى سۇيەمەلدەۋدى تىڭعىلىقتى ورىستەتىپ، قونىس جاڭالاپ، كەدەيلەردى سۇيەمەلدەۋدىڭ سوڭعى سۇيەمەلدەۋ قىزمەتىن جالپى بەتتىك ويداعىداي ىستەپ، ماسەلەلەردى تۇرلەر بويىنشا رەتتەۋ - تۇزەتۋدى ىلگەرىلەتىپ، رەتتەۋ - تۇزەتۋدىڭ ناقتى ونىمدىلىگىنە شىنايى كەپىلدىك ەتۋ كەرەك.
ءماجىلىس مىنانى باسا دارىپتەدى: ىندەتتەن ساقتانۋ - تىزگىندەۋ مەن كەدەيلىكتەن ارىلتۋدان قامال الۋ قىزمەتىن ءبىر تۇتاس جوسپارلاپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، ىندەتتىڭ ىقپالىنان ارىلتۋعا جاپپاي كۇش سالىپ، كەدەيلىكتەن ارىلتۋدان قامال الۋدىڭ ساپالى، باياندى بولۋىنا، تاريح پەن امالياتتىڭ سىنىنان ءساتتى وتە الۋىنا شىنايى كەپىلدىك ەتۋ كەرەك.
