تيانشان تورى
تيانشان تورى   ›   جاڭالىقتار   ›   ماڭىزدى حابارلار

13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19 - رەتكى ءماجىلىسى بەيجيڭدە جابىلدى

ۇكىمەت قىزمەتكەرلەرى اكىمشىلىك جازا زاڭى سياقتىلاردى داۋىسقا سالىپ ماقۇلدادى

شي جينپيڭ ءتوراعا بۇيرىعىنا قول قويىپ، جاريالادى

لي جانشۋ ءماجىلىستى باسقاردى

  شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19 - رەتكى ءماجىلىسى 6 - ايدىڭ 20 - كۇنى تۇستەن بۇرىن بەيجيڭ حالىق سارايىندا جابىلدى. ءماجىلىس داۋىسقا سالۋ ارقىلى ۇكىمەت قىزمەتكەرلەرى اكىمشىلىك جازا زاڭىن، جاڭادان وزگەرىس ەنگىزىلگەن ارحيۆ زاڭىن، جاڭادان وزگەرىس ەنگىزىلگەن حالىق قارۋلى ساقشى زاڭىن ماقۇلدادى. مەملەكەت ءتوراعاسى شي جينپيڭ جەكە - جەكە 46 -، 47 -، 48 - ءنومىرلى ءتوراعا بۇيرىعىنا قول قويىپ، جاريالادى. كوميتەت باستىعى لي جانشۋ ءماجىلىستى باسقاردى.

  تۇراقتى كوميتەتتىڭ قۇرامىنداعىلاردان 160 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ ”قارۋ - جاراق ساۋداسى شارتىنا“ كىرۋ جونىندەگى قارارىن داۋىسقا سالىپ ماقۇلداپ، وسى شارتقا كىرۋدى ۇيعاردى.

  ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ 2019 - جىلعى ورتالىقتىڭ سوڭعى ەسەبىن بەكىتۋ جونىندەگى قاۋلىسىن داۋىسقا سالىپ ماقۇلداپ، 2019 - جىلعى ورتالىقتىڭ سوڭعى ەسەبىن بەكىتتى.

  ءماجىلىس تاعى مىندەتكە تاعايىنداۋعا، مىندەتىنەن قالدىرۋعا قاتىستى جوبانى داۋىسقا سالىپ ماقۇلدادى.

  مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، باس حاتشى ياڭ جىن - ۋ ماجىلىسكە قاتىناستى.

  مەملەكەتتىك كەڭەستىڭ ورىنباسار زۇڭليى ليۋ حى، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايى ارناۋلى كوميتەتتەرىنىڭ ءىشىنارا مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، سونداي - اق قاتىستى تاراۋلارداعى جاۋاپتى جولداستار، ت.ب ماجىلىسكە سىرتتاي قاتىناستى.

  جابىلۋ ماجىلىسىنەن كەيىن 13 - كەزەكتى مەملەكەتتىك حالىق قۇرىلتايى تۇراقتى كوميتەتى 17 - ارناۋلى تاقىرىپتىق لەكسيا وتكىزدى، كوميتەت باستىعى لي جانشۋ باسقاردى. جۇڭگو ساياسي - زاڭ داشۋەسىنىڭ باستىعى ما حۋايدى «ەلىمىزدىڭ اكىمشىلىك زاڭ - ءتۇزىمى» دەگەن تاقىرىپتا لەكسيا جاسادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.