تيانشان تورى   ›   جاڭالىقتار   ›   ساياحات

كەشكى ەكونوميكادان ۇلگى كورسەتەتىن تۇڭعىش توپتاعى اۆتونوميالى رايون دارەجەلى كوشە اۋماقتارى جارىققا شىقتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 6 - ايدىڭ 20 - كۇنى شونجىدان حابارلايدى. 6 - ايدىڭ 19 - كۇنى وتكىزىلگەن اۆتونوميالى رايوننىڭ كەشكى ەكونوميكانى دامىتۋدى جۇمىس باسىندا ىلگەرىلەتۋ ماجىلىسىنەن ۇعىسۋعا قاراعاندا، ءبىر جىلعا جۋىق جەتىلدىرۋ، قۇرۋ ارقىلى بۇكىل رايونىمىزدا كەشكى ەكونوميكادان ۇلگى كورسەتەتىن ءبىر توپ جوعارى ساپاداعى كوشە اۋماقتارى دامىپ قالىپتاسىپ، كەشكى ەكونوميكادان ۇلگى كورسەتەتىن تۇڭعىش توپتاعى اۆتونوميالى رايون دارەجەلى 16 كوشە اۋماعىنىڭ ءتىزىمى شىققان. ءۇرىمجى ۇلكەن بازارى جاياۋلار كوشەسى، قۇلجا قالاسى جىبەك جولى شۋاعى ساياحات قالاشىعى، ”تيڭجوۋ ءتۇنسىز قالاسى“ حۇيجياشىداي قالا كەشەنى، شونجى بايىرعى قالا ساۋدا كوشەسى، ءدوربىلجىن اۋدانى دۇڭجيە ساۋدا كوشەسى سياقتىلار تىزىمدىكتەن ورىن العان.

  ”كەشكى ەكونوميكادان ۇلگى كورسەتەتىن تۇڭعىش توپتاعى اۆتونوميالى رايون دارەجەلى كوشە اۋماقتارىنىڭ بەلگىلەنىپ تۇراقتانۋى، رايونىمىزدىڭ ورنالاسۋى ۇيلەسىمدى، يقۋاتى كەمەلدى، كاسىپ كۇيى سان سالالى، باسقارۋى جۇيەلى كەشكى ەكونوميكانى دامىتۋ جۇلگەسىن قالىپتاستىرۋ جونىنەن كەلەلى ءمان الادى“، - دەدى اۆتونوميالى رايوندىق ساۋدا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى اسقار تۇرسىن.

  بىلتىر جىل سوڭىندا «اۆتونوميالى رايوننىڭ كەشكى ەكونوميكانى دامىتىپ، تۇتىنۋدىڭ ارتۋىن جەبەۋ جونىندەگى اتقارۋ پىكىرى» شىعارىلعاننان كەيىن، جەر - جەر ءوز جەرىنىڭ ورىن، كاسىپ سالاسى جانە ساياسات ابزالدىلىعىن تياناق ەتىپ، تۇرعىنداردىڭ كەشكى تۇتىنۋ قاجەتىنە ۇيلەسەتىن اس - سۋ، كوڭىل اشۋ، ساياحات، سەيىل - سەرۋەن سياقتى جاڭادان گۇلدەنگەن كاسىپ كۇيىن ءتۇيىندى تۇردە جەتىلدىردى، ەرەكشە كەشكى كورىنىس اۋماعى، ەرەكشە كەشكى اس، ەرەكشە تۇنگى زات ساتىپ الۋ، ەرەكشە تۇنگى مادەنيەت قيمىلدارى سياقتى كەشكى ەكونوميكا دامۋىنىڭ نەگىزگى تۇلعالارى تيانشاننىڭ وڭتۇستىگى مەن سولتۇستىگىندە ۇزبەي جارىققا شىقتى.

  ۇعىسۋعا قاراعاندا، رايونىمىز تاعى كەشكى ەكونوميكادان ۇلگى كورسەتەتىن 2 - توپتاعى كوشە اۋماقتارىن بەلگىلەپ تۇراقتاندىرۋ قىزمەتىن ورىستەتپەكشى ەكەن. جەر - جەر كەشكى كوشە اۋماقتارىنىڭ دارەجەسىن جوعارىلاتۋ، جاڭالاۋ، جارقىن ءتۇيىن قيمىلىن جوبالاۋ، قالىپتاستىرۋ، جاڭادان گۇلدەنگەن كاسىپ كۇيىندە جاڭالىق اشۋ، ونى جالپىلاستىرۋ وي جەلىسىنە ساي، تۇڭعىش توپتاعى ۇلگى كورسەتەتىن كوشە اۋماقتارىنىڭ تاجىريبەلەرىنەن، ادىستەرىنەن تولىق ۇلگى الىپ، ءوز جەرلەرىنىڭ ۇلگى كورسەتەتىن كوشە اۋماقتارى قۇرىلىسىن جوسپارلى تۇردە، ساتىلار بويىنشا ىلگەرىلەتىپ، ءوز جەرىنىڭ ەرەكشەلىگىنە ۋاكىلدىك ەتە الاتىن اناعۇرلىم كوپ كەشكى ەكونوميكا دانەكەرلەرىن جەتىلدىرمەكشى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى