تيانشان تورى   ›   جاڭالىقتار   ›   شينجياڭ حابارلارى

”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى

شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جياڭ يياۋ

  6 - ايدىڭ 20 - كۇنى كورلا ەكونوميكالىق - تەحنيكالىق اشۋ رايونىندا شينجياڭ شيحۋ سىراسى كورلا شەكتى سەرىكتەستىگىنىڭ ءوندىرىس جەلىسىندە جۇمىسشىلار قاۋىرت جۇمىس ىستەۋدە. بيىل 4 - ايدا وسى كاسىپورىننىڭ 2 - مەرزىمدىك ءوندىرىس جەلىسى ىسكە قوسىلىپ، جىلدىق ونىمدىلىگى بۇرىنعى 50 مىڭ توننادان 100 مىڭ تونناعا مولايدى. سۋرەتتى چىن جيانفەي تۇسىرگەن

  ىندەتتەن ساقتانۋ - تىزگىندەۋدىڭ جانە تيجارات كاسىبىنىڭ دەڭگەيىن جوعارىلاتۋدىڭ قوس قابات سىن - سىناعىندا، شينجياڭ شيحۋ سىراسى شەكتى جاۋاپكەرشىلىك سەرىكتەستىگى ”قيىن - قىستاۋ“ جاعدايدا ”وراي” قاراستىرىپ، ماركادا جاڭالىق اشۋ، تيجارات - ساتۋ ارناسى، تۇتىنۋ ۇلگىسى سىندى ءۇش جاقتان كۇش سالىپ، ماركانىڭ قۇنىن ۇزدىكسىز جوعارىلاتىپ، ءوندىرىس تىزبەگىن جانداندىرىپ، جوعارى ساپالى دامۋ نىساناسىنا قاراي ارشىندى قادام تاستادى.

  6 - ايدىڭ 17 - كۇنى ءتىلشى ءۇرىمجى ەكونوميكالىق - تەحنيكالىق اشۋ رايونىنا ورنالاسقان (توۋتۇنحى رايونى) شينجياڭ شيحۋ سىراسى شەكتى جاۋاپكەرشىلىك سەرىكتەستىگىنىڭ ءۇرىمجى سىرا زاۆودىنا كەلدى، بار الاپ ارپا وركەنىنەن اڭقىعان حوش ءيىس، بىرنەشە ءوندىرىس جەلىسى كۇش سالا ءوندىرىس جۇرگىزۋدە. جۇمىس، ءوندىرىس جاپپاي قالپىنا كەلگەننەن كەيىن، ءار كۇنى ءبىر ميلليون 200 مىڭ قۇمىرا شيحۋ سىراسى وسى ارادان بازارعا شىعارىلادى.

  سىرا زاۆودىندا سيىمدىلىعى ەرەكشە ۇلكەن كۇبىلى سىرا ءوندىرىس جەلىسى ايرىقشا كوزگە تۇسەدى. ”بۇل ءبىزدىڭ جاقىندا شىعارعان جاڭا ءونىمىمىز، 5 ليترلى كۇبىلى سىرا، زەرتتەپ اشۋ وي جەلىسىندە قىزىل شيحۋ سىراسىنىڭ اسىلگى ءدامىن ساقتاپ، كۇبىگە ءبىر تىعىندى جوبالاپ ورناتىپ، تۋتىنۋشىلاردىڭ شەكتى ۋاقىت بويىنشا ساقتاۋى مەن كەزكەلگەن ۋاقىتتا ىشۋىنە قولايلىلىق جاسادىق“. ءۇرىمجى اراق زاۆودىنىڭ جاۋاپتىسى مۋ كۇنمين بىلاي دەدى: ىندەت ىقپالىنا مەڭزەس، كاسىپورىن ىرىقتىلىقپەن جاڭالىق اشىپ، جاڭا ونىمدەردى زەرتتەپ اشۋ جاعىندا ۇزبەي كۇش سالدى. قازىرگە دەيىن وسى ءونىمىمىز شينجياڭنىڭ ءىشى - سىرتىنداعى كوپتەگەن بازارلاردا، سونداي - اق ەلەكتروندى ساۋدا تۇعىرلارىندا سىناق رەتىندە جالپىلاستىرىلدى، بەيجيڭ، شاندۇڭ، جىجياڭ، شانشي سياقتى كوپتەگەن بازارلاردا ساتىلدى.

  جۇمىس، ءوندىرىس قالپىنا كەلگەن العاشقى مەزگىلدە شيحۋ سىراسىنا قاراستى 5 اراق زاۆودى قيىنشىلىق قىسپاعىندا قالدى: تۇتىنۋ بازارى توقىراپ، ءوندىرىس قۋاتى تولىق ىسكە قوسىلا المادى، ءوندىرىس، تيجارات قىسىمى ارتتى.

  ”تۇتىنۋدىڭ كۇسەت مەزگىلىنە وتكەنىمەن، ءبىراق تۇتاس جىل بويى كاسىپ سالاسىنىڭ دامۋ جاعدايى كوڭىلدى كونشىتە قويعانى جوق. سىرانىڭ جوعارى - تومەن تىزبەگىندەگى كاسىپ سالاسى جونىنەن اس - سۋ ارناسى قاجەتىنىڭ ازايۋىنا، مادەنيەت ساياحاتى ەكونوميكاسىنىڭ باياۋ قالپىنا كەلۋىنە، ت. ب ىلەسە تۇتىنۋشىلاردىڭ تۇتىنۋ ادەتىندە دە وزگەرىستەر جارىققا شىعۋدا. وسى تەكتەس ءبىر قىدىرۋ تيجاراتتاعى قىسىمعا مەڭزەس، ءبىز تيجارات - ساتۋ تاكتيكاسىنا رەتتەۋ جۇرگىزە باستادىق، قازىر ونىمدىلىك بەرە باستادى“، - دەدى شينجياڭ شيحۋ سىراسى شەكتى جاۋاپكەرشىلىك سەرىكتەستىگىنىڭ باس ديرەكتورى دۋ حۇي.

  ەرەكشە جاعدايدا، شيحۋ سىراسى ەلەكتروندى ساۋدا تيجارات بايلىعىنىڭ سەپتەلۋىن كەمەلدەندىرىپ، ىندەت جاعدايىنداعى شىت جاڭا تيجارات - ساتۋ ارناسىن اشتى. ىندەت كەزىندە تۇتىنۋشىلاردىڭ سىرتقا شىعۋى قولايسىز بولعان رەال جاعدايعا مەڭزەس، سەرىكتەستىك جولىقپاي جەتكىزۋ، ۇجىمدىق ساتۋدى جەبەۋ، مەرەكەلىك تيجارات - ساتۋ قيمىلى سياقتى تاسىلدەر ارقىلى سىرانى تۇتىنۋشىلاردىڭ قولىنا جەتكىزدى. قازىرگە دەيىن جاڭادان اشىلعان تيجارات - ساتۋ ارناسى شينجياڭنىڭ جانە نيڭشيانىڭ 10نان ارتىق قالاسىن قامتىدى، بولاشاقتا بۇكىل ەلدەگى ءتۇيىندى قالالاردا جەلىدەن تىس الەۋمەتتىك اۋماقتا، جەلىدە قوعامدىق توپتا كوشىرىپ جالپىلاستىرىپ، كاسىپ سالاسىنىڭ تيجارات - ساتۋ ۇلگىسىندە جاڭالىق ەنگىزۋگە باستاماشى بولماق.

  قىسىم الدىندا، ءسوزسىز، قورشاۋدى بۇزىپ ءوتىپ، بازاردى الىپ، جاڭا جول سالۋ كەرەك. بىرنەشە كۇننىڭ الدىندا، شيحۋ سىرا كاسىپورنىنىڭ تۇڭعىش ماۋسىمدىق تىكە تاراتۋى ىسكە قوسىلدى، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) باسقارۋ كوميتەتىنىڭ ورىنباسار مەڭگەرۋشىسى (ورىنباسار رايون باستىعى) لۋ يانحۇڭ تىكە تاراتۋ ستۋدياسىنا كەلىپ، شيحۋ سىراسىن تىكە تاراتۋ ارقىلى ساتتى. بۇل شيحۋ سىراسىنىڭ تيجارات - ساتۋ ۇلگىسىندە جاساعان تاعى ءبىر رەتكى جاڭا سىناعى.

  ”ءبىز كاسىپ سالاسىنىڭ توعىسپالى جاڭالىق اشا دامۋىنىڭ دارەجەسىن جوعارىلاتۋ باعىتىن مەڭگەرۋگە قۇلشىنىس جاساپ، بولشەك ساتۋدىڭ جاڭا ارناسىن جايعاستىرىپ، ەلەكتروندى ساۋدا، تىكە تاراتىپ ساتۋ، ’بۇلتتاعى اراق قوناعاسى‘ ۇلگىسىمەن سىرانىڭ ساتىلۋىن جەتەكتەپ، ماركانىڭ تانىمالى بولۋىن كۇشەيتەمىز“. دۋ حۇي تانىستىرىپ بىلاي دەدى: وسىنداي ءتيىمدى ۇمتىلىستار ارقىلى 5 - ايدىڭ سوڭىنا دەيىن شيحۋ سىراسىنىڭ جالپى ساتىلۋ مولشەرى سايكەس مەزگىلدەگىدەن ارتۋدى جۇزەگە اسىردى، مۇنىڭ ىشىندە شينجياڭنان سىرت جەرلەردەگى بازاردىڭ ساتىلۋ مولشەرى كورنەكتى ارتتى، ەلەكتروندى ساۋدا كاسىبىنىڭ دامۋ قارقىنى تەز، ساقينالى تارتقىش قۇمىراسىنىڭ تۇتىنۋ سۇرانىسى كورنەكتى جوعارىلادى، 6 - ايدا ساتىلۋ مولشەرىنىڭ ۇزدىكسىز جوعارىلاۋىنان ءۇمىت زور.

  بيىل 5 - ايدىڭ 10 - كۇنى شيحۋ سىراسى تۇڭعىش رەت ”2020 جۇڭگوداعى ساپالى تاۋارلاردىڭ قۇنىن باعالاۋ ينفورماتسيا“ تىزىمدىگىنە ەنىپ، جەڭىل ونەركاسىپ تۇرىندەگى كاسىپورىندار تىزىمدىگىنىڭ الدىڭعى 30ىنان ورىن الدى.

  شينجياڭداعى ”تاريحى ۇزاق“ ايگىلى ماركا رەتىندە، شيحۋ سىراسىنىڭ قيىن - قىستاۋدان تەز ارادا ءوتۋى ءبىر ءوندىرىس تىزبەگىنىڭ جاندانعاندىعىن اڭداتادى، شيحۋ سىراسى ءوندىرىسىنىڭ تەز ارادا قالپىنا كەلۋىنە ىلەسە ءوندىرۋ - ساتۋى ۇزدىكسىز جاقسارا ءتۇسىپ، كوپتەگەن ورتا، شاعىن كاسىپورىنداردى مۇشكىل جاعدايدان وتۋگە باستايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.