تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

تۇتىنۋ ارقىلى كەدەيلەردى سۇيەمەلدەۋدىڭ جاڭا ارناسىن اشتى

شينجياڭ گازەتىنىڭ جالپىلىق اقپارات قۇرالدارى ءتىلشىسى لياڭ ليحۋا

  بيىل جىل باسىنان بەرى، ىندەتتىڭ وڭتۇستىك شينجياڭداعى كەدەي وڭىرلەردىڭ اۋىل شارۋاشىلىعى ونىمدەرىن ساتۋعا الا كەلگەن ىقپالىنا قاراتا، رايونىمىز ەلەكتروندى ساۋدا تۇعىرىن قۇرۋ، جۇمىسشى ۇيىمى، وداق كوميتەتى سياقتى قوعامدىق ۇيىمداردىڭ جەتەكتەۋىنە سۇيەنۋ، قوعامدىق كۇشتەردى كەڭ كولەمدە ات سالىسۋعا جۇمىلدىرۋ سياقتى كوپ ءتۇرلى تاسىلدەرمەن تۇتىنۋ ارقىلى كەدەيلەردى سۇيەمەلدەۋدى بار كۇشپەن ىلگەرىلەتىپ، كەدەي وڭىرلەردىڭ اۋىل شارۋاشىلىق قوسىمشا ونىمدەرىن ساتۋ ارناسىن اناعۇرلىم كەڭەيتىپ، كەدەي بۇقارانىڭ قالتاسىن قامپايتىپ، كەدەيلىكتەن ارىلتۋدىڭ اياق الىسىن اناعۇرلىم تەزدەتتى.

”ينتەرنەت ارقىلى“ جالپىلاستىردى، ونىمدىلىكتى ەسەلەپ ارتتىردى

  حوتان اۋداننىڭ شىلانى، جاڭعاعى، جىڭ اۋدانىنىڭ الاقاتى، شاعانتوعاي اۋدانىنىڭ ماقسارى مايى...

  6 - ايدىڭ 10 - كۇنى اۆتونوميالى رايوندىق قامداۋ - ساۋدا كووپەراتيۆى بىرلەسكەن كووپەراتيۆى، بەيجيڭ كۋايشوۋ عىلىم - تەحنيكا شەكتى سەرىكتەستىگى ۇيىمداستىرىپ باسقارعان ”شينجياڭ ءدامىن ىزدەۋ، الەۋمەتتىك يگىلىك ارقىلى كەدەيلەردى سۇيەمەلدەۋ“ ينتەرنەتتە تىكە تاراتۋ ۇرىمجىدە وتكىزىلدى.

  تىكە تاراتۋدا، باسشى كادرلاردىڭ، ونەر جۇلدىزدارىنىڭ، جۇرگىزۋشىلەردىڭ ىجداعاتتى تانىستىرۋىنىڭ ارقاسىندا، شينجياڭنىڭ ەرەكشە اۋىل شارۋاشىلىعى ەرەكشە ساپالى ونىمدەرىنە ون مىڭداعان توراپتاستان تاپسىرىس كەلدى.

  ۇعىسۋعا قاراعاندا، ”شينجياڭ ءدامىن ىزدەۋ، الەۋمەتتىك يگىلىك ارقىلى كەدەيلەردى سۇيەمەلدەۋ“ جەلىلەس تىكە تاراتۋ قيمىلى باستالعاننان بەرى، شينجياڭنىڭ 65 ەرەكشە اۋىل شارۋاشىلىعى ونىمدەرى تانىستىرىلىپ ساتىلىپ، ساتىلىم سوماسى جيىنى 19 ميلليون 490 مىڭ يۋان بولعان.

  جۋىق جىلداردان بەرى، اۆتونوميالى رايوندىق قامداۋ - ساۋدا سەلبەستىك كووپەراتيۆى جانە وعان قاراستى شينجياڭ جەمىس شارۋاشىلىعى توبى اليبابا، جيڭدۇڭ سياقتى كولەمدى تۇعىرلار كوپ رەت ”شينجياڭدا باس قوسايىق“، ”شينجياڭدى تانيىق“، ”ايتۋلى شينجياڭ“ سياقتى اۋىل شارۋاشىلىعىنا دەم بەرىپ، كەدەيلەردى سۇيەمەلدەۋ نەگىزگى تاقىرىبىنداعى ينتەرنەتتە ساتۋ قيمىلىن وتكىزىپ، ءبىر مينۋتتا 20 مىڭ قوراپ تۇرپان، قۇمىل قاۋىنىن ساتۋ، 7 ساعاتتا 100 مىڭ قالتا شاپشال كۇرىشىن ساتۋ، 3 ساعاتتا 10 مىڭ قوراپ يىڭىسار سامەت ورىگىن ساتۋ، جالپى مولشەرى 100 مىڭ قالتادان (قوراپ) اسقان ناتيجەنى قولعا كەلتىرىپ، كوپ رەت جەكە قيمىلدا ساتىلىم سوماسىن 10 ميلليون يۋاننان اسىرۋ رەكوردىن جاراتتى.

  ۇكىمەت پەن كاسىپورىن تۇعىر ورناتتى، اۋىل شارۋاشىلىعى ونىمدەرى ”كۇسەتتەندى“، كەدەي وڭىرلەردەگى اۋىل شارۋاشىلىعى ونىمدەرى ”ەلەكتروندى ساۋدانىڭ جىلدام كولىگىنە“ شىقتى. بايىنعولين موڭعۇل اۆتونوميالى وبلىسىنداعى ءار دارەجەلى جاستار وداعى كوميتەتتەرى بيىل 5 - ايدان باستاپ، ”بازاردا باس قوسايىق . كەدەيلەردى سۇيەمەلدەۋگە دەم بەرەيىك“ دەگەندى ماركا ەتكەن الەۋمەتتىك يگىلىك تىكە تاراتۋ قيمىلىن وتكىزىپ، ىلگەرىندى - كەيىندى بۇگۇردىڭ اق ورىگىن جەلىدە الەۋمەتتىك يگىلىك اتىندا تانىستىرۋ قيمىلى، ”يانجي تارتۋى“ الەۋمەتتىك يگىلىك تىكە تاراتۋ زات ساتۋ قيمىلى، ەرەكشە اۋىل شارۋاشىلىعى قوسىمشا ونىمدەرىن تانىستىرۋ قيمىلى، ت . ب وتكىزدى. قازىرگە دەيىن، ”بازاردا باس قوسايىق. كەدەيلەردى سۇيەمەلدەۋگە دەم بەرەيىك“ تىكە تاراتۋ زات ساتۋ قيمىلى 12 رەت ورىستەتىلدى، جەلىدە كورگەن ادام سانى جيىنى 250 مىڭ ادام - رەتتەن اسىپ، ساتىلىم سوماسى ءبىر ميلليون 676 مىڭ 100 يۋانعا جەتتى، جۇمىس باسىندا قاتىناسۋعا نيەتتى جانە تىكە تاراتۋدا زات ساتاتىن 200دەن استام جاستى باۋلىدى.

  6 - ايدىڭ 18 - كۇنى كەشتە جۇڭگو تەلەگراف توبى شەكتى سەرىكتەستىگى، كونەشارى اۋداندىق حالىق ۇكىمەتى بىرلەسىپ ۇيىمداستىرىپ وتكىزگەن ”تۇتىنۋ ارقىلى كەدەيلەردى سۇيەمەلدەۋدى ’قانات قاقتىرايىق‘ − جۇڭگو تەلەگراف تيانحۋ بۇلت ساۋداسى تۇتىنۋ ارقىلى كەدەيلەردى سۇيەمەلدەۋ، اۋىل شارۋاشىلىعىنا دەم بەرۋ تىكە تاراتۋ جەلىلەس قيمىلى“ كونەشارى اۋدانىنداعى ارناۋلى قيمىلى قىسقا عانا 2 ساعاتتىق تىكە تاراتۋ بارىسىندا 8 ميلليوننان استام ادام - رەت كورۋگە باۋراپ، قۇنى ءبىر ميلليون يۋاننان استام كەدەيلەردى سۇيەمەلدەۋ جەرگىلىكتى ەرەكشە ونىمدەرىنىڭ ساتىلۋىنا كومەكتەستى.

توپتىق ساتىپ الىپ، باعىتتامالى سۇيەمەلدەدى

  بيىل ”1 - مامىر“ كەزىندە اۆتونوميالى رايوندىق باس جۇمىسشى ۇيىمى شينجياڭ جەمىس شارۋاشىلىعى توبىنان قۇنى 2 ميلليون يۋاننان اساتىن 5000نان استام قۇرعاق جەمىس تارتۋ - تارالعى قورابىن ساتىپ الىپ، حال سۇراۋ بۇيىمى رەتىندە قاتىناس - تاسىمال، سۋ يگىلىگى سياقتى جۇيەلەردىڭ ءبىرىنشى شەبىندەگى جۇمىسشى - قىزمەتشىلەرگە جانە قوعام حاۋىپسىزدىگى حالىق ساقشىلارىنا، شينجياڭنان حۋبەيعا كومەككە بارعان ەمدەۋ اترەتىنىڭ مۇشەلەرىنە تاراتىپ بەردى.

  تۇتىنۋ ارقىلى كەدەيلەردى سۇيەمەلدەۋگە دەم بەرۋ ءۇشىن، بيىل 4 - ايدا اۆتونوميالى رايوندىق باس جۇمىسشى ۇيىمى «تۇتاس رايونداعى ءار دارەجەلى جۇمىسشى ۇيىمدارى تۇتىنۋ ارقىلى كەدەيلەردى سۇيەمەلدەۋگە دەم بەرىپ، كەدەيلىكتەن ارىلتۋدان قامال الۋدى بەلسەندى جۇرگىزۋدى ۇيىمداستىرۋ جونىندەگى حابارلاندىرۋدى» تاراتىپ، تۇتاس رايونداعى ءار دارەجەلى جۇمىسشى ۇيىمدارىن تۇتىنۋ ارقىلى كەدەيلەردى سۇيەمەلدەۋ قىزمەتى بارىسىندا الدىمەن جۇرگىزۋ رولىن اتقارىپ، تۇتىنۋ ارقىلى كەدەيلەردى سۇيەمەلدەۋگە قاتىناسۋعا باستاماشىلدىقپەن ات سالىسۋعا ۇندەدى. ءار دارەجەلى جۇمىسشى ۇيىمدارىنان مەرەكەلىك حال سۇراۋ بۇيىمدارىن ساتىپ العاندا، الدىمەن كەدەي وڭىرلەردىڭ بۇيىمدارىن ساتىپ الۋدى، سونداي - اق تۇتاس جىلداعى ساتىپ الۋ سوماسى ءوز مەكەمە - ورنىنىڭ سول جىلعى جۇمىسشى - قىزمەتكەرلەردىڭ يگىلىك شىعىسى جالپى سوماسىنىڭ %10ىنەن كەم بولماۋىن تالاپ ەتتى. مەيىر جەتكىزۋ، قيىنشىلىعى بارلارعا كومەكتەسۋ - سۇيەمەلدەۋ سياقتىلارعا بەرىلەتىن حال سۇراۋ بۇيىمدارى مەن مادەنيەت، دەنە تاربيە قيمىلدارى سيلىق بۇيىمدارىن ساتىپ العاندا، كەدەيلەردى سۇيەمەلدەۋ بۇيىمدارىن جانە باعىتتامالى كومەكتەسەتىن - سۇيەمەلدەيتىن كەدەي قىستاقتاردىڭ اۋىل شارۋاشىلىعى ونىمدەرىن الدىمەن ساتىپ الادى.

  سونىمەن بىرگە قالىڭ جۇمىسشى ۇيىمى كادرلارىن، جۇمىسشى ۇيىمى مۇشەلەرىن جانە جۇمىسشى - قىزمەتكەرلەردى تۇتىنۋ ارقىلى كەدەيلەردى سۇيەمەلدەۋگە ات سالىسىپ، كوپ ءتۇرلى ارنالار ارقىلى كەدەي وڭىرلەردىڭ اۋىل شارۋاشىلىعى ونىمدەرىن ساتىپ الۋعا باستاماشىلدىق ەتۋگە، سونداي - اق وزىندىك بايلىقتان پايدالانىپ، كەدەي وڭىرلەردىڭ كەدەيلەردى سۇيەمەلدەۋ ونىمدەرى مەن باسقا دا ەرەكشە اۋىل شارۋاشىلىعى ونىمدەرىن جەلىگە شىعارىپ تانىستىرىپ، بايلانىس جاساپ، اناعۇرلىم كوپ قوعامدىق كۇشتەردى تۇتىنۋ ارقىلى كەدەيلەردى سۇيەمەلدەۋگە باستاۋعا شابىتتاندىردى.

  حىجيڭ اۋداندىق باس جۇمىسشى ۇيىمى ۋيچات الەۋمەتتىك ءنومىرى، ۋيچات قىزمەت شوعىرى، QQ شوعىرى سياقتى مەديالاردان پايدالانىپ، تۇتىنۋ ارقىلى كەدەيلەردى سۇيەمەلدەۋ قىزمەتىن ۇگىتتەدى، قانات جايدىردى. سونىمەن بىرگە ”ساتىپ الىپ كومەكتەسۋ“ ءتاسىلىن قولدانىپ، تۇتاس اۋدانداعى جۇمىسشى ۇيىمى جۇيەسىن اتتانىسقا كەلتىرىپ، جۇمىسشى - قىزمەتكەرلەردىڭ تۇتاس جىلداعى يگىلىك قاراجاتىنىڭ ءبىر ءبولىمىن كومەكتەسەتىن - سۇيەمەلدەيتىن قىستاقتاردىڭ ەرەكشە اۋىل شارۋاشىلىعى ونىمدەرىن ساتىپ الدى. بيىل ”1 - مامىر“ كەزىندە حىجيڭ اۋداندىق باس جۇمىسشى ۇيىمى 59 مىڭ يۋان اقشا شىعارىپ، كەدەي وتباسىلاردىڭ تاۋىقتارىن جانە كوكونىستەرىن ساتىپ الىپ، ءبىرىنشى شەپتەگى جۇمىسشى - قىزمەتكەرلەردەن حال سۇرادى.

  قازىرگە دەيىن، رايونىمىزداعى ءار دارەجەلى جۇمىسشى ۇيىمدارى حال سۇراۋ، ساتۋعا دەم بەرۋ، قيىنشىلىعى بارلارعا كومەكتەسۋ، ولاردى سۇيەمەلدەۋ سياقتى تاسىلدەر ارقىلى قۇنى 18 ميلليون 880 نەشە مىڭ يۋان كەلەتىن كەدەي وڭىرلەردىڭ اۋىل شارۋاشىلىق ونىمدەرىن ساتىپ الدى جانە ساۋدالادى.

كوپ جاق ات سالىسىپ، ساتۋ ارناسىن كەڭەيتتى

  5 - ايدىڭ 24 - كۇنى انحۇي ولكەسىنىڭ حوتاننىڭ كەدەيلىكتەن ارىلتۋدان قامال الۋىنا دەم بەرۋ جانە شينجياڭ جەمىس شارۋاشىلىعى توبىنىڭ حوتان كەدەيلەردى سۇيەمەلدەۋ ونىمدەرىن اۆتوموبيلمەن جونەلتۋ سالتى حوتان اۋدانىندا وتكىزىلدى، 240 توننا شىلان، جاڭعاق سياقتى ساتىلماي تۇرعان اۋىل شارۋاشىلىق قوسىمشا ونىمدەرى تولتىرا تيەلگەن 8 اۆتوكولىك مىڭ شاقىرىم شالعايداعى انحۇيعا اتتاندى.

  ىندەت ىقپالىنا ۇشىراۋدان شينجياڭ جەمىس شارۋاشىلىعى توبىنىڭ الدىڭعى مول ءونىم مەزگىلىندە بازارعا تاپسىرىس بەرىپ ساتىپ العان ەرەكشە اۋىل شارۋاشىلىق قوسىمشا ونىمدەرى ساتىلماي قالعان، اۋىل شارۋاشىلىق ونىمدەرىنىڭ ساتىلماي قالۋىنداي قيىن ماسەلەنى شەشۋگە كومەكتەسۋ ءۇشىن، انحۇيدىڭ شينجياڭعا كومەكتەسۋگە قولباسشىلىق شتابى شينجياڭ جەمىس شارۋاشىلىعى توبىنان 5460 توننا جەمىس ورمانى ونىمدەرىن تاپسىرىس بەرىپ ساتىپ الىپ، حوتان ايماعىنىڭ اۋىل شارۋاشىلىق ونىمدەرىن ساتۋ ارناسىن كەڭەيتۋىنە كومەكتەستى.

  رايونىمىز شينجياڭعا كومەكتەسەتىن ولكە، قالالار، مەملەكەت مەنشىگىندەگى كاسىپورىندار، حالىقتىق كاسىپورىندار سياقتى ءار جاقتاعى كۇشتەردى كەدەيلىكتەن ارىلتۋدان قامال الۋعا دەم بەرۋگە، كەدەي وڭىرلەردىڭ اۋىل شارۋاشىلىق قوسىمشا ونىمدەرىن كومەكتەسىپ ساتۋعا كەڭ كولەمدە جۇمىلدىردى.

  شينجياڭ اييوۋۋي ازىق - تۇلىك شەكتى سەرىكتەستىگى اۆتونوميالى رايوننىڭ ۇندەۋىنە بەلسەنە ءۇن قوسىپ، توقسۇن اۋدانىندا، حوتان قالاسىندا، شەريا اۋدانىندا، قاعىلىق اۋدانىندا، ياركەن اۋدانىندا كەدەيلىكتەن ارىلتۋدان قامال الۋ نىساندارىن اتقارىپ، اۋىل شارۋاشىلىق ەرەكشە ونىمدەرىن ساتىپ الىپ، جىنتىكتەي مانەرلەپ، جەلىدە، جەلىدەن سىرت ەلەكتروندى جولمەن ساتتى.

  جۇڭگو ليانتۇڭ شينجياڭ بولىمشە سەرىكتەستىگى تۇتىنۋ ارقىلى كەدەيلەردى سۇيەمەلدەۋ ۇلگىسىن جاڭالاپ، قىستاق تۇرعىندارىن ”ۋوسايچي“ شارۋالار ەلەكتروندى ساۋدا سەلبەستىك كووپەراتيۆىن قۇرۋىن سۇيەمەلدەۋ نەگىزىندە جوبالاپ ءبىر تۇتاس قوراپتاۋ، ىركىلىسسىز زات جەتكىزۋ جولىن قاراستىرۋ، شىعىس، باتىس بولىكتەگى ليانتۇڭ سەرىكتەستىكتەرىنىڭ تۇتىنۋ ارقىلى كەدەيلەردى سۇيەمەلدەۋ سەلبەستىگىن كۇشەيتۋ، ليانتۇڭ رەسىمي بلوگىمەن سەلبەسىپ ۇگىت جۇرگىزۋ، تيجاراتتىق ينتەرنەت دۇكەندەرىن سەلبەسىپ قۇرۋ، ەرىكتىلەردى قابىلداۋ سياقتى تاسىلدەر ارقىلى وڭتۇستىك شينجياڭنىڭ كەدەي وڭىرلەرىنىڭ اۋىل شارۋاشىلىق قوسىمشا ونىمدەرىن ساتۋعا كومەكتەستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى