تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو، شوكىرات زاكىر قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزدى

چىن چۋانگو، شوكىرات زاكىر قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ كەرەك

  جۋىقتا، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قىزىلسۋ قىرعىز اۆتونوميالى وبلىسىندا ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى. سۋرەتتە: چىن چۋانگو، شوكىرات زاكىر اقتاۋ اۋدانى سىلۋجيايۋان كەدەيلەردى قونىس جاڭالاپ سۇيەمەلدەۋ، ورنالاستىرۋ تۇيىنىندە ارحيۆ تۇرعىزىلىپ، كارتچكالاندىرىلعان كەدەي وتباسى مۇرات احاتتىڭ ۇيىنە بارىپ، ونىڭ كوشىپ كەلگەننەن كەيىنگى تۇرمىس احۋالىنا كوڭىل ءبولىپ، جاعدايىن ۇعىستى، تىنباي كىرىسىن ارتتىرىپ بايۋعا، تۇرمىسىن ونان ارى جاقسارتا تۇسۋگە شابىتتاندىردى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ تۇڭ 6 - ايدىڭ 21 - كۇنى اقتاۋدان حابارلايدى. جۋىقتا اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قىزىلسۋ قىرعىز اۆتونوميالى وبلىسىندا ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى. چىن چۋانگو، شوكىرات زاكىر بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ، ەكونوميكالىق دامۋ، قوعام ورنىقتىلىعى سياقتى قىزمەتتەردى ءبىر تۇتاس جوسپارلاپ جاقسى ىستەپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، قيىندىقتاردان باتىلدىقپەن قامال الىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ كەرەك.

  اقتاۋ اۋدانى سىلۋجيايۋان كەدەيلەردى قونىس جاڭالاپ سۇيەمەلدەۋ، ورنالاستىرۋ تۇيىنىنە ارحيۆ تۇرعىزىلىپ، كارتچكالاندىرىلعان 1170 كەدەي وتباسى قونىستانعان، بالاباقشاسى، باستاۋىش مەكتەبى، دەنساۋلىق ساقتاۋعا قىزمەت وتەۋ ورتالىعى، ساۋدا دۇكەنى سياقتى سايكەستى قۇرىلعىلارمەن جانە سۋمەن قامداۋ، ەلەكترمەن قامداۋ، گازبەن قامداۋ، جىلۋمەن قامداۋ، ينتەرنەت سياقتى نەگىزدىك قۇرىلعىلارمەن تولىق جابدىقتالعان. چىن چۋانگو، شوكىرات زاكىر ارحيۆ تۇرعىزىلىپ، كارتچكالاندىرىلعان كەدەي وتباسى مۇرات احاتتىڭ ۇيىندە ءبىر ءۇيلى جانمەن ىقىلاستى اڭگىمەلەسىپ، كوشىپ كەلگەننەن كەيىنگى تۇرمىس جاعدايىن ىقىلاس قويا سۇراپ ۇعىسىپ، ولاردى ەڭبەكشىل قوس قولدارىنا سۇيەنىپ، ۇزدىكسىز كىرىستەرىن ارتتىرىپ بايىپ، تۇرمىستارىن جاقسارتا تۇسۋگە شابىتتاندىردى. چىن چۋانگو بىلاي دەپ اتاپ كورسەتتى: كەدەيلەردى قونىس جاڭالاپ سۇيەمەلدەۋدىڭ ”سوڭعى جۇمىستارىن“ كۇش سالا جاقسى ىستەپ، كەيىنگى دەمەۋ سەرپىنىن ارتتىرىپ، قونىس جاڭالاپ بارعان بۇقارانىڭ ورنىعۋىنا، جۇمىستانۋىنا، بىرتىندەپ بايۋىنا كەپىلدىك ەتۋ كەرەك.

  چىن چۋانگو، شوكىرات زاكىر حىباڭ مال شارۋاشىلىق شەكتى سەرىكتەستىگىنە بارىپ، اۋىل شارۋاشىلىعىن وسىزامانداندىرىپ دامىتۋ جانە شارۋالاردىڭ كىرىستى ارتتىرۋىنا دەم بەرۋ جاعدايىن جۇمىس باسىندا ۇعىستى. چىن چۋانگو بىلاي دەپ اتاپ كورسەتتى: ”سەرىكتەستىك + بازا + كووپەراتيۆ + شارۋا وتباسى“ ۇلگىسىن كەمەلدەندىرىپ، مۇددەلەردى بىرلەستىرۋدىڭ اناعۇرلىم ورنىقتى مەحانيزمىن ورناتىپ، ”قان جاساۋ“ قۋاتىن ۇزبەي كۇشەيتىپ، كەدەيلىكتەن ارىلتۋ جەمىسىن بەكەمدەپ، كەدەيلىكتەن ارىلتۋ ساپاسىن جوعارىلاتۋ كەرەك.

  چىن چۋانگو، شوكىرات زاكىر ەلەكتروندى عىلىم - تەحنيكا سەرىكتەستىگىنە بارىپ، ءوندىرىس، تيجارات، تەحنيكا زەرتتەپ اشۋ، جۇمىستانۋعا باستاۋ، جۇمىسكەرلەردىڭ كىرىسى سياقتى جاعدايلاردى تاپتەشتەي سۇراپ ۇعىسىپ، كاسىپورىندى تەحنيكالىق جاڭالىق اشۋدى كۇشەيتىپ، ساپالى، الۋەتتى بولۋعا قۇلشىنىپ، كاسىپ سالاسى دەڭگەيى مەن كەدەيلەردى جەتەكتەۋ، كەدەيلەرگە تيىمدىلىك جەتكىزۋ قۋاتىن ۇزدىكسىز ارتتىرىپ، ءتىپتى كوپ كەدەي بۇقارانى تۇرعان جەرىندە، جاقىن ماڭدا جۇمىستاندىرىپ، ورنىقتى تۇردە كىرىستەرىن ارتتىرۋعا شابىتتاندىردى.

  چىن چۋانگو، شوكىرات زاكىر اقتاۋ اۋدانىنىڭ نان كاسىبىن دامىتۋ، ورنالاستىرۋ جاعدايىنان بەرگەن مالىمەتىن تىڭدادى، چىن چۋانگو بىلاي دەدى: نان كاسىبىن دامىتۋدى جەدەل ىلگەرىلەتىپ، كولەمدەندىرۋ، كاسىپ سالالاندىرۋ، بازارلاندىرۋ دەڭگەيىن جوعارىلاتىپ، ونى شارۋالاردىڭ كىرىسىن ارتتىرۋدى جەبەيتىن ءونىمدى تۇتقانىڭ بىرىنە اينالدىرۋ كەرەك.

  چىن چۋانگو تەكسەرۋ - زەرتتەۋدە بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ءۇش ءىرى قامال الۋ شايقاسىن باتىل تۇردە ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانا - مىندەتتەرىن ورىنداۋعا شىنايى كەپىلدىك ەتىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى مىقتى يگەرىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ شارالارىنا تاباندى بولىپ جانە كەمەلدەندىرىپ، ءتۇيىندى ورىندار، ءتۇيىندى ادامدار شوعىرى، ءتۇيىندى شەكارا وتكەلدەرى بويىنشا دالمە - ءدال ساقتانۋ - تىزگىندەۋدى كۇشەيتىپ، وتانشىلدىق تازالىق ارەكەتىن تىڭعىلىقتى ورىستەتىپ، ءار ۇلت بۇقاراسىن عىلمي قورعانۋعا جەتەكتەپ، ساقتانۋ - تىزگىندەۋ ناتيجەسىن بەكەمدەۋ كەرەك. كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە جەتىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”التى دالمە - ءدالدى“ تياناقتاندىرىپ، ”جەتى ءبىر توپتى“، ”ءۇش سەرپىندى ارتتىرۋدى“ تىڭعىلىقتى ىلگەرىلەتىپ، شايقاستى باسى - قاسىندا قاداعالاۋدى، ماسەلەلەردى رەتتەۋ - تۇزەتۋدى، قايتا كەدەيلەسۋدى قاداعالاۋدى، يكەمدى كومەكتەسۋ - سۇيەمەلدەۋدى كۇشەيتىپ، دامىعان كاسىپ سالالارىنىڭ جۇمىستانۋعا جەتەكشىلىك ەتۋىن كورنەكتىلەندىرىپ، كەدەيلىكتەن ارىلتۋ تابىستارىن ۇزدىكسىز بەكەمدەپ، مولايتىپ، كۇشتى شوعىرلاندىرىپ سوڭعى قامالدى الۋ كەرەك. ەكونوميكانىڭ جوعارى ساپالى دامۋىن ىلگەرىلەتىپ، جاڭا دامۋ ۇستانىمىن دايەكتىلەندىرىپ، دامۋ تاسىلىنە جەدەل بۇرىلىس جاساپ، قارجى قوسۋدى ارتتىرۋعا، تۇتىنۋدى جەبەۋگە، سىرتقى ساۋدانى ورنىقتىرۋعا كۇش سالىپ، ەرەكشە باسىمدىققا يە كاسىپ سالالارىن جەتىلدىرىپ، الۋەتتەندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، بازاردىڭ نەگىزگى تۇلعالىق ومىرشەڭدىك كۇشىن قاۋلاتىپ، دامۋ جەتىستىكتەرىن حالىق تۇرمىسىن جاقسارتۋدا، جۇرت تىلەگىن ۇيىستىرۋدا شىن مانىندە تياناقتاندىرۋ كەرەك. قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاپ، نازاردى باس نىساناعا شوعىرلاندىرىپ، كەشەندى شارالاردى ويداعىداي جۇرگىزىپ، ورنىقتىلىقتى قورعاۋدىڭ ءونىمدى شارالارىن اتقارۋدان اۋىتقىماي، جۇرتتى مۇمكىندىكتىڭ بارىنشا ىنتىماقتاستىرىپ جانە ۇيىستىرىپ، ىندەتتەن ساقتانۋ - تىزگىندەۋدى ۇدايىلاندىرۋعا جانە ەكونوميكالىق، قوعامدىق دامۋعا تاماشا ورتا ازىرلەۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چيڭ قاتارلىلار تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.