تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

كەدەيلەردى دالمە - ءدال سۇيەمەلدەۋ قىستاق تۇرعىندارىن اناعۇرلىم جاقسى تۇرمىسقا كەنەلتتى

شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل ناسىر

  6 - ايداعى حوتان قالاسى يۇرۇڭقاش قالاشىعى اقچىع قىستاعى كورگەن جانعا كوركەمدىك سيلايدى: تاسپاداي تارتىلعان اسفاليت جولدار، تىزبەك - تىزبەك كوركەم جاسىل بەلدەۋلەر، قاز - قاتار رەتتى سالىنعان تۇرعىندار ءۇيى... بۇگىنگى تاڭدا اقچىع قىستاعى كەدەيلىكتىڭ قالپاعىن لاقتىرىپ تاستادى، قىستاق تۇرعىندارىنىڭ تۇرمىسى بارعان سايىن جاقساردى.

  قىستاق تۇرعىنى ابىلەز وبولاسەننىڭ ۇيىنە بارعانىمىزدا، جاڭادان سالىنعان جاتاعان ءۇي كۇن نۇرىندا كوزگە ەرەكشە ادەمى كورىندى، اۋلانىڭ ءىشى رەتتى دە ءساندى ەدى.

  ”ابىلەز قازىر قىستاعىمىزداعى ايگىلى ادام، ول اڭعارلى، قيىنشىلىققا دا ءتوزىمدى، ءبىز وعان قول ۇشىن بەرگەنىمىزدە، شارۋاشىلىعى شالقىپ شىعا كەلدى“، - دەدى 6 - ايدىڭ 12 - كۇنى اۆتونوميالى رايوندىق قازىنالىق باقىلاۋ مەڭگەرمەسىنىڭ اقچىع قىستاعىندا تۇراتىن ءبىرىنشى شۋجيى ۋاڭ حۇي.

  2018 - جىلى ابىلەز قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن، باعىمشىلىق تەحنيكاسىنان حاباردار بولعانىمەن، قولىندا قارجىسى جوق بولعاندىقتان جۇمىس باستاي الماعان ەدى. قىستاقتا تۇراتىن قىزمەت اترەتى مۇنان حاباردار بولعاننان كەيىن، بوس تۇرعان تاۋىق باعىمشىلىعى الاڭىن قايتادان جوندەپ، ونىڭ تەگىن پايدالانۋىنا بەرەدى. ابىلەز ورايدىڭ كەلگەنىن سەزىپ، قۇلشىنعاننىڭ ۇستىنە قۇلشىنا ىستەدى. ايەلى ەكەۋى الا تاڭنان كەشكە دەيىن ۇيرەنە ءجۇرىپ ىستەپ، سول جىلى تاۋىق باعىمشىلىعىنان كىرگىزگەن تازا كىرىستەرى 185 مىڭ 600 يۋانعا جەتەدى.

  2019 - جىلى قىستاق تۇرعىندار كوميتەتى تاۋىق باعىمشىلىعى الاڭىنىڭ كولەمىن كەڭەيتىپ، جىلىنا 30 مىڭ يۋاندىق باعامەن ابىلەزگە كوتەرتىپ بەردى، وسىلاي ىستەگەندە قىستاق كوللەكتيۆىنىڭ كىرىسىن ارتتىرىپ قانا قالماستان، وزگە دە كەدەي وتباسىلارىن جۇمىستانۋعا باستاۋعا بولادى. قىستاقتا تۇراتىن قىزمەت اترەتى ابىلەزدىڭ كەدەيلەردى سۇيەمەلدەۋ قارجىسىن ءوتىنىش ەتۋىنە كومەكتەسىپ، جەر كولەمى 25 مۋ كەلەتىن، 2 تاۋىق قوراسى بار ورماندا قارا تاۋىق باعۋ ەرەكشە باعىمشىلىق الاڭىن قۇرىپ، 6 كەدەي شارۋانى جۇمىستانۋعا باۋرادى، قىستاقتا تۇراتىن قىزمەت اترەتىنىڭ قۇلشىنىس جاساۋىمەن حوتان قالاسىنداعى كوپتەگەن اسحانالار مەن تيجاراتشىلار ابىلەزبەن ۇزاق ۋاقىتتىق زاتپەن قامداۋ كەلىسىمىنە قول قويدى. وسى ءبىر جىلدا ابىلەزدىڭ تاۋىق فەرماسى 240 مىڭ يۋان تازا كىرىس تاۋىپ، ول دا قىستاقتاعى اۋقاتتانۋدىڭ باستاماشىسىنااينالدى.

  سويىس سيىر باعىمشىلىعى، جۇمىرتقالىق تاۋىق باعىمشىلىعى، سىرتقا شىعىپ جۇمىس ىستەۋ... قىستاقتا ابىلەز سياقتى اۋقاتتانۋ باستاماشىسى بولعاننان بەرى، قىستاق تۇرعىندارىنىڭ ”مەن كەدەيلىكتەن قۇتىلامىن“ دەگەن سەنىمدەرى ءتىپتى دە بەكەمدەلە ءتۇستى. قىستاقتا تۇراتىن قىزمەت اترەتى جاعدايعا ساي ءتۇزىم ورناتىپ، قىستاق تۇرعىندارىنىڭ كەدەيلىكتەن ارىلۋداعى ىشكى قوزعاۋشى كۇشىن قاۋلاتتى.

  2019 - جىلى اقچىع قىستاعىنىڭ قىستاق كوللەكتيۆ كىرىسى ءبىر ميلليون 126 مىڭ 500 يۋان بولىپ، جان باسىندىق تازا كىرىس 9884 يۋان بولدى. قىستاق پارتيا ياچەيكاسىنىڭ شۋجيى ابدۇسامەت ءماتتۇرسىن ايرىقشا اسەرلەنىپ بىلاي دەدى: ”قازىر قىستاقتىڭ بەت - بەينەسىندە وزگەرىس زور، كەدەي قىستاق قالپاعىن الىپ تاستادى، مۇنىڭ بارلىعىندا پارتيانىڭ كەدەيلەردى دالمە - ءدال سۇيەمەلدەۋ ساياساتىنا العىس ايتامىز، قىستاقتا تۇراتىن قىزمەت اترەتىنىڭ دەن قويا كومەكتەسكەندىگىنە العىس ايتامىز“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.