تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ الدىڭعى 5 ايداعى جۇمىستاندىرۋ جاعدايى، جالپى جاقتان، ورنىقتى بولدى

باستى جۇمىستاندىرۋ كورسەتكىشىندە جىلدىق مىندەتتىڭ جارتىسىنان استامى ورىندالدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا، لي لين 6 - ايدىڭ 22 - كۇنى ۇرىمجىدەن حابارلايدى. 6 - ايدىڭ 22 - كۇنى وتكىزىلگەن اۆتونوميالى رايوننىڭ جۇمىستاندىرۋ ارقىلى حالىققا تيىمدىلىك جاساۋ جاعدايىنان اقپار جاريالاۋ ماجىلىسىنەن ۇعىسۋىمىزشا، بيىل جىل باسىنان بەرى، رايونىمىز جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى بار كۇشپەن ويداعىداي ىستەۋ نەگىزىندە، جۇمىستاندىرۋدى ورنىقتىرۋ، تۇرعىنداردى جۇمىستاندىرۋدى قامتاماسىز ەتۋ قىزمەتىن كورنەكتى تۇردە ويداعىداي مىقتى يگەرگەن، تۇتاس رايوننىڭ جۇمىستاندىرۋ جاعدايى، جالپى جاقتان، ورنىقتى بولعان، الدىڭعى 5 ايدا باستى جۇمىستاندىرۋ كورسەتكىشىندە جىلدىق مىندەتتىڭ جارتىسىنان استامى ورىندالعان.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 5 - ايدىڭ سوڭىنا دەيىن، تۇتاس رايون قالا - قالاشىقتاردا 271 مىڭ 600 ادامدى تىڭنان جۇمىستاندىرىپ، تۇتاس جىلدىق نىسانا - مىندەتتىڭ %60.35ىن ورىنداعان. وڭتۇستىك شينجياڭنىڭ 4 ايماق - وبلىسىنداعى قالا - قالاشىقتاردا تىڭنان جۇمىستانعان ادام 97 مىڭ 400گە جەتىپ، تۇتاس رايونداعى قالا - قالاشىقتاردا تىڭنان جۇمىستانعانداردىڭ %35.87ىن ۇستاپ، سايكەس مەزگىلدەگىدەن %5.37 ارتقان؛ تۇتاس رايوننىڭ اۋىل - قىستاقتارىنداعى ارتىق ەڭبەككۇشتەردەن ءبىر ميلليون 985 مىڭ ادام - رەت باسقا كاسىپكە ويىسىپ جۇمىستانىپ، تۇتاس جىلدىق نىسانا - مىندەتتىڭ %73.5ى ورىندالعان؛ قالا - قالاشىقتارداعى جۇمىستانۋى قيىن ادامداردان 24 مىڭ 200ى جۇمىستانىپ، تۇتاس جىلدىق نىسانا - مىندەتتىڭ %60.57ى ورىندالعان. بىردە - ءبىر ادامى جۇمىستانباعان وتباسىلارى 24 ساعات ىشىندە يكەمدى جۇمىستانعان.

  جۇمىستاندىرۋدى ورنىقتىرۋدىڭ تەتىگى شەبەرلىكتە. رايونىمىز كاسىپتىك باۋلۋ تەبىنىن ارتتىردى، 5 - ايدىڭ اياعىنا دەيىن، تۇتاس رايوندا 553 مىڭ 300 ادام - رەت ءتۇرلى باۋلۋدان ءوتتى، مۇنىڭ ىشىندە، اۋىل - قىستاق ەڭبەككۇشتەرىنەن 320 مىڭ 800 ادام - رەت، كەدەي وتباسىلارىنداعى ەڭبەككۇشتەردەن 182 مىڭ 600 ادام - رەت شەبەرلىككە باۋلىنىپ، جۇمىستاندىرۋدى ورنىقتىرۋعا بەرىك نەگىز قالاندى.

  بيىل رايونىمىز شارۋاشىلىق قۇرۋدى جەبەۋ ارقىلى جۇمىستانۋعا باستاۋدى بازاردىڭ ومىرشەڭدىگىن قاۋلاتۋدىڭ، جۇمىستاندىرۋ ارناسىن كەڭەيتۋدىڭ، جۇمىستاندىرۋ ءورىسىن اشۋدىڭ ماڭىزدى شاراسى جانە جولى ەتىپ، «اۋىلعا قايتىپ، اۋىلعا بارىپ شارۋاشىلىق قۇرۋ قىزمەتىن اناعۇرلىم ىلگەرىلەتۋ جونىندەگى اتقارۋ پىكىرىن» باسىپ تاراتىپ، قوسىننان قايتقان اسكەريلەر، اۋىل - قىستاقتارداعى ارتىق ەڭبەككۇشتەر، جوعارى مەكتەپ بىتىرگەن وقۋشىلار سياقتى قاۋىمدى اۋىلعا قايتىپ، اۋىلعا بارىپ شارۋاشىلىق قۇرۋعا، جۇمىستانۋعا شابىتتاندىردى، ءسويتىپ، شارۋاشىلىق قۇرۋ ارقىلى جۇمىستاندىرۋدىڭ رولى كورنەكتىلەنە ءتۇستى. الدىڭعى 5 ايدا رايونىمىزدا 28 مىڭ 300 ادام تىڭنان شارۋاشىلىق قۇرىپ، تۇتاس جىلدىق نىسانا - مىندەتتىڭ %94.26ى ورىندالدى؛ 47 مىڭ 900 ادام شارۋاشىلىق قۇرۋ ارقىلى جۇمىستانىپ، تۇتاس جىلدىق نىسانا - مىندەتتىڭ %53.23ى ورىندالدى.

  ىندەتتىڭ ىقپالىنا قاراتا، رايونىمىز ”كەشىرىم ەتۋ، ازايتۋ، كەشەۋىلدەتۋ، قايتارۋ، تولىقتاۋ“ سياقتى ءبىرسىپىرا اۋىرتپالىقتى جەڭىلدەتۋ، جۇمىس ورنىن ورنىقتىرۋ، جۇمىستانۋدى كەڭەيتۋ شارالارىن شىعارىپ، كاسىپورىنداردىڭ قيىنشىلىعىن ءونىمدى شەشىپ، جۇمىستاندىرۋدى ورنىقتىرۋ جۇمىس ورىندارىنىڭ رولى كورنەكتىلەنە ءتۇستى. قالا - قالاشىقتارداعى تىڭنان جۇمىستانعاندار اراسىندا، 130 مىڭ 200 ادام كاسىپورىنداردا جۇمىستاندى، مۇنىڭ ىشىندە ورتا، شاعىن، ۇساق كاسىپورىنداردا 122 مىڭ 900 ادام، ەڭبەك شوعىرلانعان كاسىپورىنداردا 115 مىڭ 100 ادام جۇمىستانىپ، كاسىپورىنداردىڭ جۇمىستانۋعا قابىلداۋدىڭ نەگىزگى ارناسىندىق رولى تولىق ساۋلەلەندىرىلدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ جۇنچاڭ بىلاي دەپ تانىستىردى: بيىل رايونىمىز جۇمىستاندىرۋدى ورنىقتىرۋعا، جۇمىستاندىرۋدى قامتاماسىز ەتۋگە كۇش سالىپ، ءتۇرلى جۇمىستاندىرۋ ساياساتىنىڭ تياناقتانۋىن مىقتى ۇستاپ، شەبەرلىككە باۋلۋدىڭ قامتىم كولەمىن كەڭەيتىپ، جۇمىستانۋعا الەۋمەتتىك قىزمەت وتەۋدى ويداعىداي ورىنداپ، 24 ساعاتتا ءتۇيىندى كاسىپورىنداردىڭ جۇمىسشى ىستەتۋدى رەتتەۋىن قامتاماسىز ەتۋ مەحانيزمىن ورناتۋ، جەلىدە قىزمەتكەر قابىلداۋدىڭ ءتۇرلى قيمىلدارىن وتكىزۋ، ”ءبىر ادام، ءبىر شارا“ ءتۇيىندى كومەكتەسۋ - سۇيەمەلدەۋ سياقتىلار ارقىلى كاسىپورىنداردىڭ جۇمىسشى ىستەتۋ قاجەتىن قامتاماسىز ەتىپ، ءتۇيىندى قاۋىمنىڭ جۇمىستانۋىنا شىنايى كەپىلدىك ەتتى.

  ”كەلەسى قادامدا، ءبىز جۇمىستانۋعا تالداۋ جاساۋدى، باقىلاۋدى كۇشەيتىپ، اۆتونوميالى رايوننىڭ اۋىرتپالىقتى جەڭىلدەتىپ، جۇمىس ورنىن ورنىقتىرۋ، جۇمىستانۋدى كەڭەيتۋ جەلىلەس ساياساتتارى مەن شارالارىن جاپپاي دايەكتىلەندىرىپ، تياناقتاندىرىپ، ءتۇيىندى قاۋىمدى جۇمىستاندىرۋدىڭ، كومەكتەسۋ - سۇيەمەلدەۋدىڭ دالمە - دالدىگىن جانە ونىمدىلىگىن كۇشەيتىپ، جۇمىستاندىرۋ ارقىلى كەدەيلەردى سۇيەمەلدەۋدى ۇزدىكسىز ىلگەرىلەتىپ، ەڭبەكشىلەردىڭ جۇمىستانۋ جولىن تابۋىنا، تۇرمىسىن قامتاماسىزداندىرۋىنا، تۇتاس رايوننىڭ جۇمىستاندىرۋ جاعدايىنىڭ ورنىقتى بولۋىنا شىنايى كەپىلدىك ەتەمىز“، - دەدى ليۋ جۇنچاڭ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.