تيانشان تورى   ›   جاڭالىقتار   ›   عىلىم-تەحنيكا

7 - كەزەكتى شينجياڭ جاڭالىق اشۋ، شارۋاشىلىق قۇرۋ جارىسى باستالدى

ءارقايسى ۇيىمداستىرۋشى ورىنداردى جارىس ىستەرىن جەلىدە ورىستەتۋگە شابىتتاندىردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شيە حۇيبيان 6 - ايدىڭ 23 - كۇنى ۇرىمجىدەن حابارلايدى. 6 - ايدىڭ 23 - كۇنى 9 - كەزەكتى جۇڭگو جاڭالىق اشۋ، شارۋاشىلىق قۇرۋ جارىسى (شينجياڭ جارىس رايونى) جانە 7 - كەزەكتى شينجياڭ جاڭالىق اشۋ، شارۋاشىلىق قۇرۋ جارىسى باستالدى.

  وسى كەزەكتى جارىس ”عىلىم - تەحنيكادا جاڭالىق اشۋ، زور ىستەر تىندىرۋدى“ نەگىزگى تاقىرىپ ەتىپ، باستاپقى شارۋاشىلىق قۇرعان كاسىپورىندار گرۋپپاسى جانە جەتىلۋ ۇستىندەگى كاسىپورىندار گرۋپپاسى بويىنشا جارىس وزدىرادى. شارتقا تولاتىن كاسىپورىندار جارىستىڭ رەسمي سايتىنان (www.cxcyds.com) جارىسقا قاتىناسۋعا تىركەلۋىنە بولادى.

  جارىس وڭىرلەر جارىسى، كاسىپ سالاسى جارىسى، اۆتونوميالى رايوندىق جالپى شەشۋشى جارىس جانە مەملەكەتتىك جالپى شەشۋشى جارىس سىندى 4 كەزەڭگە بولىنەدى.

  اۆتونوميالى رايوندىق عىلىم - تەحنيكا مەڭگەرمەسى جوعارى، جاڭا تەحنيكا باسقارماسىنىڭ باستىعى چىڭ گۇڭ تانىستىرىپ بىلاي دەدى: بيىلعى ىندەتتەن ساقتانۋ - تىزگىندەۋ جاعدايىمەن ۇشتاستىرىپ، ۇيىمداستىرۋشى ورىندار جەلىدە نەمەسە ينتەرنەتتە جارنالىق تانىستىرما تاسىلىندە جارىس جۇرگىزۋگە شابىتتاندىرىلدى. جارىس ارقىلى وزەكتى تەحنيكادا جاڭالىق اشۋ قابىلەتىنە يە، جەرگىلىكتى ورىنداردىڭ ءىس جۇزىندىك ماسەلەلەرىن شەشەتىن، جەرگىلىكتى ورىنداردىڭ ەكونوميكالىق دامۋىن جەبەيتىن، بازاردىڭ سىنىنان وتە الاتىن ءبىر توپ ساپالى نىسان تاڭداپ شىعۋدى ءۇمىت ەتەمىز.

  ۇعىسۋعا قاراعاندا، 6 - كەزەكتى شينجياڭ جاڭالىق اشۋ، شارۋاشىلىق قۇرۋ جارىسىنا بۇكىل رايوننان جيىنى 637 كاسىپورىن جارىسقا قاتىناسۋعا تىزىمدەلىپ، جەتىلۋ ۇستىندەگى كاسىپورىندار گرۋپپاسىنان 353ى جانە باستاپقى شارۋاشىلىق قۇرعان كاسىپورىندار گرۋپپاسىنان 121ى تولىمدىلىق تەكسەرۋىنەن ءوتىپ، سونداي - اق وڭىرلەر جارىسىنا قاتىناسىپ، ايماق، وبلىس، قالالاردى جاپپاي قامتۋ تۇڭعىش رەت جۇزەگە اسقان؛ ەڭ سوڭىندا 5 كاسىپورىن بۇكىل مەملەكەتتىك كاسىپ سالاسى جارىسىندا تاڭداۋلى ورىن سيلىعىنا يە بولعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى