تيانشان تورى   ›   جاڭالىقتار   ›   عىلىم-تەحنيكا

بەيدوۋ جاساندى سەرىكتەرىنىڭ جەر شارىندىق تور قۇراۋى ادامدارعا نە اكەلەدى

شينحۋا اگەنتتىگىنىڭ تىلشىلەرى حۋ جى، يان جىحۇڭ

  6 - ايدىڭ 23 - كۇنى بەيدوۋ - 3 جەر شارىندىق جاساندى سەرىك جول نۇسقاۋ جۇيەسى شوعىرى جاپپاي ورنالاسىپ بولدى. ەلىمىز دەربەس قۇرعان، دەربەس جۇمىس جۇرگىزەتىن وسى جەر شارىندىق جاساندى سەرىك جول نۇسقاۋ جۇيەسى جەر شارىنداعى ابونتتارعا اۋا رايى شەكتەمەسىنە، ۋاقىت شەكتەمەسىنە ۇشىرامايتىن جوعارى دالدىكتى ورىن بەلگىلەۋ، جول نۇسقاۋ جانە ۋاقىت جاعىنان قىزمەت وتەيدى. ساناققا نەگىزدەلگەندە، 2019 - جىلى ەلىمىزدىڭ جاساندى سەرىك جول نۇسقاۋ جانە ورىن بەلگىلەۋ بويىنشا قىزمەت وتەۋ كاسىپ سالاسىنىڭ جالپى ءونىم قۇنى 345 ميليارد يۋانعا جەتكەن. بەيدوۋ جاساندى سەرىكتەرىنىڭ بۇكىل جەر شارىندا تور قۇراۋىنا ىلەسە، ”بەيدوۋ“ ءوندىرىس تاسىلىندەگى وزگەرىستى جانە ساۋدا ۇلگىسىندەگى جاڭالىقتى قالاي ىلگەرىلەتەدى؟ ادامداردىڭ تۇرمىسىنا تاعى قانداي قولايلىلىقتار اكەلەدى؟

%70تەن استام جۇڭگو زەردەلى قول تەلەفوندارىنا بەيدوۋ قىزمەت وتەيدى

  بەيدوۋ جاساندى سەرىك جول نۇسقاۋ جۇيەسى ينجەنەرياسىنىڭ باس جوبالاۋشىسى ياڭ چاڭفىڭ جۇڭگودا جەلىگە قوسىلعان زەردەلى قول تەلەفونداردىڭ %70تەن استامىنا بەيدوۋ قىزمەت وتەيتىندىگىن ايتتى.

  زەر سالىپ قاراساق، اسپانداعى بەيدوۋدىڭ قول تەلەفونمەن جالعاسىپ قانا قويماي، ءبىزدىڭ كۇندەلىكتى تۇرمىسىمىزدىڭ كوپتەگەن جاعىمەن دە جالعاسىپ جاتقانىن وڭاي بايقاي الامىز. 2000 - جىلى ەلىمىز تۇڭعىش بەيدوۋ جول نۇسقاۋ سىناق جاساندى سەرىگىن ۇشىرعاننان بەرى، 20 جىلدىق قۇرىلىس جۇرگىزۋ، دامۋدى باستان وتكەرىپ، بەيدوۋ جۇيەسى مەملەكەت جوسپارى مەن حالىق تۇرمىسىنىڭ ءار سالاسىندا جاپپاي قولدانىلدى.

  بولاشاقتا بەيدوۋ جەر شارىندىق جۇيەسىنىڭ قۇرىلۋىنا بايلانىستى، ”جۇڭگو بەيدوۋ“ بۇكىل جەر جۇزىنە ونان ارى باقىت جەتكىزەدى ءارى ادامداردىڭ تۇرمىسىنا اناعۇرلىم كەڭ دە تەرەڭ ىقپال جاسايدى.

  جۇڭگو جاساندى سەرىك جول نۇسقاۋ جۇيەسىن باسقارۋ كەڭسەسىنىڭ قاتىستى جاۋاپتىسى بىلاي دەپ تانىستىردى: بەيدوۋ جۇيەسىنىڭ جالپىعا قىزمەت وتەۋىنىڭ دامۋ بولاشاعى نۇرلى. بەيدوۋدىڭ جول نۇسقاۋ قىزمەت وتەۋىن ەلەكتروندىق ساۋدا ىستەرى، جىلجىمالى زەردەلى تەرمينالىن جاساۋ، ورىن بەلگىلەۋ قىزمەت وتەۋى سياقتى زاۆود جانە ساۋداگەرلەردىڭ پايدالانۋىنا ساي، جۇڭگونىڭ جالپىلىق تۇتىنۋ، بىرگە يگىلىكتەنەتىن ەكونوميكا جانە حالىق تۇرمىس سالالارىنا جاپپاي كىرىپ، ادامداردىڭ ءوندىرىس، تۇرمىس تاسىلىنە تەرەڭ وزگەرىس اكەلەدى.

  ەلەكتروندى ساۋدا ىستەرى سالاسىندا، ەل ىشىندەگى كوپتەگەن ەلەكتروندى ساۋدا ىستەرى كاسىپورىندارىنىڭ زات تاسيتىن جۇك اۆتوموبيلدەرى مەن زات جەتكىزۋشىلەرى اۆتوموبيلگە ورناتىلعان بەيدوۋ تەرمينالى مەن ساقينادان پايدالانىپ، كولىك، ادام، جۇك ينفورماتسياسىنىڭ ءدال ۋاعىندا سەپتەلۋىن جۇزەگە اسىردى؛ تاعىپ جۇرەتىن زەردەلى جابدىق سالاسىندا بەيدوۋ جۇيەسىن قولدايتىن كوپ ۇلگىدەگى قول ساعات، ساقينا سياقتى تاعىپ جۇرەتىن زەردەلى جابدىقتارى، سونداي - اق وقۋشىلار كارتچكاسى، قارتتار كارتچكاسى سياقتى ەرەكشە ادامدارعا قامقورلىق جاساۋ ونىمدەرى ۇزدىكسىز جارىققا شىعىپ، كەڭ كولەمدە پايدالانىلدى.

جالپى ءونىم قۇنى 345 ميلليارد يۋانعا جەتتى

  ساناققا نەگىزدەلگەندە، 2019 - جىلى ەلىمىزدىڭ جاساندى سەرىك جول نۇسقاۋ جانە ورىن بەلگىلەۋ بويىنشا قىزمەت وتەۋ كاسىپ سالاسىنىڭ جالپى ءونىم قۇنى 345 ميلليارد يۋانعا جەتكەن. بەيدوۋدىڭ ينتەرنەت، ۇلكەن ساندى مالىمەت، جاساندى زەردە سياقتى جاڭا تەحنيكالارمەن توعىسا دامۋى بەيدوۋ ۋاقىت - كەڭىستىك ينفورماتسياسىن نەگىزگى مازمۇن ەتكەن جاڭا كاسىپ سالاسى ەكولوگيالىق تىزبەگىن قالپىتاستىرۋدا ءارى بەيدوۋ كاسىپ سالاسىنىڭ تەز دامۋىنىڭ جاڭا قوزعالتقىشى مەن ىلگەرىلەتۋشىسىنە اينالىپ، ءوندىرىس، تۇرمىس ءتاسىلىنىڭ وزگەرىسى مەن ساۋدا ۇلگىسىنىڭ ۇزدىكسىز جاڭالانۋىن ىلگەرىلەتۋدە.

  كوپ جىلدىق دامۋ ارقىلى بەيدوۋ كەمەلدى كاسىپ سالاسى تىزبەگى بولىپ قالىپتاستى، بەيدوۋ ءوز ونىمدەرىن دەربەس مەڭگەرە الاتىن بولدى، ەلىمىز جاساعان بەيدوۋ چيپى، مودۋلى سياقتى شەشۋشى تەحنيكالاردا جاپپاي قامال الىندى، ساپا كورسەتكىشى حالىقاراداعى سول تەكتەس ونىمدەرمەن بارابار بولدى. بەيدوۋدىڭ كوپ ۇلگىدەگى چيپتەرى كولەمدى تۇردە قولدانىلىپ، تەحنولوگيالىق دەڭگەيى 22 نانومەترگە جەتتى.

  2019 - جىلدىڭ اياعىنا دەيىن ەلىمىز جاساعان بەيدوۋ جول نۇسقاۋ تيبىندەگى چيپ، مودۋل سياقتى نەگىزدىك ونىمدەردىڭ ساتىلىمى 100 ميلليون دانادان استى، ەلىمىز جاساعان جوعارى دالدىكتەگى تاقتا كارتاسىنىڭ جانە انتەننانىڭ ساتىلىمى ەل ءىشى بازارىندا جەكە - جەكە %30 جانە %90 ۇلەستى يەلەدى.

بەيدوۋ جۇيەسىنىڭ ەكونوميكالىق ونىمدىلىگى مەن قوعامدىق ونىمدىلىگى كورنەكتى بولدى

  كىشكەنەسى حاۋىپسىز قالپاقتان ۇلكەنى قاتىناس - تاسىمالعا، اۋىل شارۋاشىلىعى، ورمان شارۋاشىلىعى، مال شارۋاشىلعى، بالىق شارۋاشىلىعىنا دەيىن... بەيدوۋ جۇيەسى قىزمەت وتەۋمەن قامداعاننان بەرى، قاتىناس - تاسىمال، اۋىل شارۋاشىلىعى، ورمان شارۋاشىلىعى، بالىق شارۋاشىلىعى، سۋ رايىن قاداعالاۋ، اۋا رايىنان الدىن الا مالىمەت، حابارلاسۋ ءبىر تۇتاس ۋاقىت جۇيەسى، ەلەكتر قۋاتىن رەتتەۋ، اپات−تان قۇتقارۋ، اپات زيانىن ازايتۋ، الەۋمەتتىك حاۋىپسىزدىك سياقتى سالالاردا جاپپاي قولدانىلىپ، كورنەكتى ەكونوميكالىق ونىمدىلىك پەن قوعامدىق ونىمدىلىكتى جارىققا شىعاردى.

  فۋجياننىڭ شيامىنداعى 220 كيلوۆولتتىق ليلين كەرنەۋ وزگەرتۋ پۋنكتىنىڭ قۇرىلىس ورنىندا ءتىلشى قۇرىلىس جۇرگىزىپ جاتقان جۇمىسشىلاردىڭ باسىنداعى حاۋىپسىز قالپاقتىڭ بۇرىنعىعا ۇقسامايتىندىعىن، قالپاقتىڭ جيەگىنىڭ استىڭعى جاعىنا كوپتەگەن كىشكەنتاي كنۋپكا ورناتىلعانىن كوردى، بۇل بەيدوۋ جوعارى دالدىكتەگى ۋاقىت، ورىن بەلگىلەۋ مودۋل توبى جيناقتالعان حاۋىپسىز قالپاق.

  بۇدان سىرت، بەيدوۋ جاساندى سەرىك جۇيەسى بولعان سوڭ، ەلەكتر تورابى سەرىكتەستىگىنىڭ قىزمەتكەرلەرى حابارلاسۋ الەۋمەتتىك تورى جوق وڭىردە جۇمىس ىستەگەندە، كىشكەنتاي ”قىسقا حابار - وشار بايلانىس تەرمينالىن“ الىپ جۇرسە بولعانى، لانيا ارقىلى قول تەلەفونعا جالعاعاننان كەيىن، جاي قول تەلەفون بەيدوۋ قىسقا حابار - وشار جولداۋ قابىلەتىن ازىرلەپ، جۇمىس ورنىنداعى جاعداي مەن ورىن ينفورماتسياسىن ارتقى شەپتەگى ادامداردىڭ قول تەلەفوندارىنا جولداي الادى.

  ”ارمانداۋدان“ ”ارمانعا جەتۋگە“ دەيىن بۇگىندە بەيدوۋ ”ءۇش قادامدىق“ ستراتەگيانى ورىنداپ بولدى. 2035 - جىلعا دەيىن بەيدوۋ جۇيەسىن وزەك ەتە وتىرىپ، ەلىمىز تاعى اناعۇرلىم قامتىمدى، اناعۇرلىم توعىسقان، اناعۇرلىم زەردەلى مەملەكەتتىك امبەباپ ورىن بەلگىلەۋ، جول نۇسقاۋ، ۋاقىت جۇيەسىن قۇرادى.

  (شينحۋا اگەنتتىگىنىڭ 6 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى