تيانشان تورى   ›   جاڭالىقتار   ›   ءۇرىمجى

دەنە شىنىقتىرىپ، سەيىل - سەرۋەن قۇرىپ، دەمالىس كەزىنەن ءلاززات الدى

شينجياڭ گازەتىنىڭ جالپىلىق اقپارات قۇرالدارى ءتىلشىسى جىڭ ييۋان، ەرىكتى ءتىلشى مىڭ ليڭيىڭ

  دۋان - ۋ دەمالىسىندا ءۇرىمجى قالاسىنىڭ تۇرعىنى شاۋ شىجۇن وتباسىنداعىلارمەن باس قوسۋدان سىرت، دەمالىس كەزىنەن پايدالانىپ دەنە شىنىقتىرماقشى بولدى. 6 - ايدىڭ 25 - كۇنى ول تاڭەرتەڭگى اسىن ءىشىپ بولىسىمەن لييۇيشان باقشاسىنا كەلىپ، قول تەلەفونىنداعى سپورت قولدانباسىن اشىپ جۇگىرە باستادى. جۇگىرىپ بولعاننان كەيىن، ول ەستەلىكتى تەكسەرىپ كورسە، جالپى 11 كيلومەتر جۇگىرىپتى. ول تەرىن ءسۇرتىپ، جايدارلانا كۇلدى.

  ءۇرىمجى قالاسىنداعى ءارقايسى ۇلكەن باقشالاردا باقشانى سەرۋەندەگەن، دەنە شىنىقتىرعان ادامدار از ەمەس. حالىق باقشاسىنا كىرە بەرىستەگى ۇستەل دوپ ۇستەلىنىڭ جانىندا ۇنەمى وسىندا كەلىپ ۇستەل دوپ قاعاتىن يە شياڭشۇن قۋانىشتى بەينەدە تىلشىگە: ”دەمالىس كۇنىنەن پايدالانىپ ۇستەل دوپ قاعىپ، دوستارىممەن كەزدەسسەم، كوڭىلىم جادىراپ قالادى“، - دەدى.

  وسى 2 كۇندە يامالىق تاۋىنىڭ ەتەگىندەگى ياڭ جۇن قاۋىرسىن دوپ كلۋبى يۋنەكس نەگىزگى تاقىرىپتىق سارايىندا دوپ قاعىپ دەنە شىنىقتىرعان ادامداردىڭ قاتارى دا از بولمادى. وسى سارايدىڭ كاسىپتىك ىستەر ديرەكتورى يۋان يۋە ”كوپتەگەن ادام دەمالىس باستالاردان بۇرىن - اق دوپ مايدانىنا الدىن الا كەلىسىپ الدى“ دەپ تانىستىردى.

  6 - ايدىڭ 25 - كۇنى ساعات 10دا شينجياڭ تارىمدى اينالىپ شىعۋ اۆتوكولىك، موتوتسيكل سپورت كلۋبىنىڭ (شەكتى جاۋاپكەرشىلىك سەرىكتەستىگى) القا باستىعى سۋ حاۋبو 5 موتوتسيكل اۋەسقويىمەن بىرگە كولىكپەن قۇربان تۇڭعۇت شولىنە كەلدى. شولدە ولار ايداعان دالالىق موتوتسيكل اتىلعان جەبەدەي الىسقا جۇيتكىدى. ”ادامدى توتەنشە تىتىركەندىرەدى ەكەن، ىشكى وڭىرلەردەگى كولىك اۋەسقويلارى شينجياڭعا كەلىپ ويناپ، بۇل ارانىڭ بايتاق جەرىن كورسە ارتىق ەمەس“. سۋ حاۋبو ىشكى وڭىرلەردەگى كولىك اۋەسقويلارىنا شاقىرتۋ جىبەردى.

  دۋان - ۋ دەمالىسىندا ءۇرىمجى قالالىق مارافون ۇزاققا جۇگىرۋشىلەر قوعامى مەن بيڭتۋان 12 - شىسىنىڭ مادەنيەت، دەنە تاربيە، راديو - تەلەۆيزيا جانە ساياحات مەكەمەسى ”حيكىمەتتى 12 - شى. سالاماتتى جاڭا تۇرمىس“ اتىنداعى توۋتۇنحى سايى جارتى جول مارافون جارىسىن بىرلەسىپ وتكىزدى، ءۇرىمجى قالالىق مارافون ۇزاققا جۇگىرۋشىلەر قوعامىنىڭ باستىعى جاڭ جيان ۇدايىلانعان ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، سپورتتىڭ كوپشىلىكتىڭ دەمالىسىنا قۋانىش سيلاۋىن ءۇمىت ەتەتىندىگىن ءبىلدىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى