شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 26 - كۇنى ۇرىمجىدەن حابارلايدى. 6 - ايدىڭ 24 - كۇنى تۇستەن كەيىن جىبەك جولى ەكونوميكالىق بەلدەۋى جاڭالىق اشىپ دامۋعا دەم بەرۋ سىناق رايونى، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسى قىزمەتى جونىندەگى ارناۋلى ءماجىلىس اشىلىپ، ”ەكى رايون“ قۇرىلىسى جاعدايىنان بەرىلگەن مالىمەتتى تىڭداپ، كەلەسى قادامداعى ءتۇيىندى قىزمەتتەردى اقىلداستى، ورنالاستىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى ءسوز سويلەدى.
ءماجىلىس مىنالاردى باسا دارىپتەدى: باس شۋجي شي جينپيڭ ”ءبىر بەلدەۋ، ءبىر جول“ دارىپتەمەسىن العا قويدى، ورتالىق شينجياڭدى جىبەك جولى ەكونوميكالىق بەلدەۋىنىڭ وزەكتى رايونى ەتىپ قۇرىپ شىعۋدى ايقىن العا قويىپ، بىزگە ماڭىزدى تاريحي وراي اكەلدى. كەلەلى جاعدايدى كوزدە ۇستاپ، ”ءتورت تانىمدى“ اناعۇرلىم بەرىك ورناتىپ، ”ءتورت سەنىمدى“ اناعۇرلىم بەكەمدەپ، ”ەكىنى قورعاۋدى“ اناعۇرلىم ورىنداپ، جاۋاپكەرشىلىك سەزىمدى، كوكەي تەستىلىك سەزىمدى شىنايى كۇشەيتىپ، سەنىمدى بەكەمدەپ، ورايدى يگەرىپ، اۋقىمعا قاراي ىلگەرىلەپ، ”ەكى رايون“ قۇرىلىسىنا سۇيەنىپ وڭىرلىك جاڭالىق اشۋ بويىنشا ورنالاستىرۋدى ساپالىلاندىرىپ، جاڭالىق اشۋ فاكتورلارىنىڭ ۇيلەسىمدى اينالىمىن، جوعارى ءونىمدى جايعاسۋىن جەبەپ، ”ەكى رايوننىڭ“ جاڭالىق اشۋ ارقىلى جەتەكتەۋ قابىلەتىن كۇشەيتىپ، جاڭالىق اشىپ دەم بەرۋ ارقىلى جوعارى ساپالى دامۋدى جۇزەگە اسىرۋ جولى مەن ۇلگىسى جونىندە قۇلشىنا ىزدەنىس جاساۋ كەرەك.
ءماجىلىس مىنالاردى اتاپ كورسەتتى: عىلىم - تەحنيكادا جاڭالىق اشۋدىڭ تىرەكتىلىك، جەتەكشىلىك رولىن جوعارىلاتۋدى نىسانا، جوعارى ساپالى دامۋدى ىلگەرىلەتەتىن جاڭا قوزعالىس قۋاتتارىن تولىق جارىققا شىعارۋدى ءتۇيىن ەتىپ، ”ەكى رايون“ قۇرىلىسىن جەدەل ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە پارمەندى عىلىم - تەحنيكالىق تىرەك ازىرلەۋ كەرەك. ءتۇيىندى كورنەكتىلەندىرىپ، وسى زامانعى اۋىل شارۋاشىلىعى، وزىق جاساۋ، ساۋدا - زات اينالىمى، مادەنيەت - ساياحات، شيپاگەرلىك، دارىگەرلىك، سالاماتتىق سياقتى سالالاردى تىعىز ارقاۋ ەتىپ، ءبىر توپ ءتۇيىندى كاسىپ سالاسى شوعىرىن جەتىلدىرىپ، نىسانداردىڭ تياناقتانۋىن جەدەل ىلگەرىلەتىپ، ءتۇرلى دارىندىلار ساياساتىن تىڭعىلىقتى، ەگجەي - تەگجەيلى تياناقتاندىرىپ، ”ەكى رايون“ باسقارۋ تۇزىلىسىندە جانە ىنتالاندىرۋ مەحانيزمىندە جاڭالىق اشۋ جونىندە ىزدەنىس جاساپ، كاسىپ سالاسىنىڭ شوعىرلانۋ جانە عىلىم - تەحنيكادا جاڭالىق اشۋ قابىلەتىن قۇلشىنا جوعارىلاتۋ كەرەك. اۆتونوميالى رايون، عىلىم - تەحنيكا مينيسترلىگى، شىنجىن قالاسى، جۇڭگو عىلىم اكادەمياسى سىندى ءتورت جاقتىڭ سەلبەسۋ مەحانيزمى باسىمدىعىن تولىق ويداعىداي ساۋلەلەندىرىپ، عىلىم - تەحنيكا ارقىلى شينجياڭعا كومەكتەسۋدىڭ ۇزاق ءونىمدى مەحانيزمىنەن ويداعىداي پايدالانىپ، سىرتقا بەتتەگەن جەتىلدىرگىش قۇرىلىسىن ۇزدىكسىز ىلگەرىلەتىپ، جاڭالىق اشۋ فاكتورلارىنىڭ توپتالۋىن ىلگەرىلەتىپ، عىلىم - تەحنيكا مەن بايلىق باسىمدىعىنىڭ ءوزارا تولىقتاۋىن جۇزەگە اسىرىپ، عىلىم - تەحنيكا تابىستارىن كادەگە جاراتۋدى تەزدەتۋ كەرەك. ساياساتتىق قولداۋ جۇيەسىن كەمەلدەندىرىپ، ساياسي ونىمدىلىكتى ەڭ جوعارى دەڭگەيدە جارىققا شىعارىپ، عىلىم - تەحنيكادا جاڭالىق اشۋدىڭ ىشكى قوزعاۋشى كۇشىن جالپى بەتتىك جۇمىلدىرۋ كەرەك. بيڭتۋان مەن جەرگىلىكتى ورىن سەلبەستىگىن كۇشەيتىپ، جاڭالىق اشا، توعىسا دامۋدىڭ بەلەسىن بىرگە تۇلعالاۋ كەرەك.
ءماجىلىس مىنالاردى تالاپ ەتتى: جەر - جەر، قاتىستى تاراۋلار ىرىقتىلىقپەن ىسكەرلىك كورسەتىپ، قىزمەت بىرىككەن كۇشىن قالىپتاستىرىپ، ”ەكى رايون“ قۇرىلىسىن ىلگەرىلەتۋدە تىڭعىلىقتى، ءونىمدى ىلگەرىلەۋشىلىككە قول جەتكىزۋ كەرەك. ”ەكى رايون“ قۇرىلىسى باسشىلىق گرۋپپاسى ۇيىمدىق باسشىلىقتى كۇشەيتىپ، ءبىر تۇتاس جوسپارلاپ سايكەستىرۋ رولىن اناعۇرلىم ويداعىداي ساۋلەلەندىرۋ؛ ”ەكى رايون“ ورنالاسقان جەردەگى پارتكومدار مەن ۇكىمەتتەر نەگىزگى تۇلعالىق رولىن ساۋلەلەندىرىپ، قاتىستى قىزمەتتەردىڭ تياناقتانۋىن بەلسەنە ىلگەرىلەتۋ؛ ءارقايسى مۇشە ورىندار مەملەكەتتىڭ باعىتتامالى كومەكتەسەتىن مينيسترلىكتەرىمەن، كوميتەتتەرىمەن بايلانىس جاساۋدى، سايكەسۋدى كۇشەيتىپ، ساياسات، نىسان، قارجى قولداۋىنا بەلسەنە قول جەتكىزىپ، ”ەكى رايون“ قۇرىلىسىنا پارمەندى كەپىلدىك ازىرلەۋ كەرەك.
اۆتونوميالى رايون باسشىلارىنان ەركىن تۇنياز، پىڭ جيارۇي ماجىلىسكە قاتىناستى.
