تيانشان تورى   ›   جاڭالىقتار   ›   وقۋ-اعارتۋ

جوعارى مەكتەپتەردەن وقۋ تاۋىساتىن وقۋشىلاردىڭ نازارىنا: 6636 جۇمىستانۋ پراكتيكا ورنىن تاڭداۋعا بولادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا، پراكتيكانت ارۇق امانباي 6 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا جوعارى مەكتەپتەن وقۋ تاۋىسقان وقۋشىلاردىڭ جۇمىستانۋ قىزمەتىن تىڭعىلىقتى، ويداعىداي ىستەۋ ءۇشىن، بيىل اۆتونوميالى رايون 2020 - جىلى جوعارى مەكتەپتەردەن وقۋ تاۋىساتىن 3000 وقۋشىنى جۇمىستانۋ پراكتيكاسىنا قاتىناسۋعا ۇيىمداستىردى، جەر - جەردىڭ ادام كۇشى بايلىعى جانە قوعامدىق قامتاماسىزداندىرۋ تاراۋى بەلسەندىلىكپەن تۇگەل اداقتاپ، سارالاپ، 6636 پراكتيكا ورنىن جيناقتاپ وقۋشىلاردىڭ تاڭداۋىنا ۇسىندى.

  تانىستىرۋعا قاراعاندا، پراكتيكا ورىندارى 14 ايماق، وبلىس، قالاداعى ورگان، ءىسورىندارىن، ورتالىقتىڭ شينجياڭدا تۇراتىن كاسىپورىندارىن، مەملەكەت مەنشىگىندەگى كاسىپورىنداردى، ورتا، شاعىن، ۇساق كاسىپورىنداردى قامتىدى، مۇنىڭ ىشىندە ورگان، ءىسورىندارىنان 2900ى، مەملەكەت مەنشىگىندەگى كاسىپورىنداردان 776ى، ورتا، شاعىن، ۇساق كاسىپورىنداردان 2960ى بار.

  پراكتيكاعا قاتىناساتىن جوعارى مەكتەپ تاۋىسقان وقۋشىلار پراكتيكا كەزىندە جەرگىلىكتى ورىننىڭ ەڭ تومەنگى ەڭبەكاقى ولشەمىندەگى تۇرمىس قاراجاتى كومەك اقىسىنان يگىلىكتەنە الادى، سونىمەن بىرگە پراكتيكانت قابىلداعان مەكەمە جەرگىلىكتى ورىننىڭ ەڭ تومەنگى ەڭبەكاقى ولشەمىنىڭ %50ىنەن كەم بولماعان جۇمىس ورىن كومەك اقىسىن تاراتۋى ءارى جەكەلەردىڭ جازاتايىم جاراقاتتانۋ قامسىزداندىرۋىن ءبىتىرىپ بەرۋى كەرەك. پراكتيكا مەرزىمى تولماسادا وقۋ تاۋىسقان پراكتيكانتتارمەن 2 جىلدان جوعارى ۋاقىتقا دەيىنگى ەڭبەك توقتامىنا قول قويىسقان ءارى قوعامدىق قامسىزداندىرۋ قاراجاتىن تاپسىرعاندارعا قاراتا، قالعان مەرزىمدەگى پراكتيكا قوسىمشا قاراجاتىن پراكتيكانت قابىلداعان مەكەمەلەرگە تاراتىپ بەرۋ كەرەك.

  2020 - جىلى جوعارى مەكتەپتەردەن وقۋ بىتىرگەن وقۋشىلاردىڭ ءوز نوپوسى تۇرعان ورىندى تاڭداپ، سونداعى ادام كۇشى بايلىعى جانە قوعامدىق قامتاماسىزداندىرۋ تاراۋلارىنا پراكتيكا جاساۋ ءوتىنىشىن تاپسىرۋىنا بولادى، ادام كۇشى بايلىعى جانە قوعامدىق قامتاماسىزداندىرۋ تاراۋى ارقىلى پراكتيكانت قابىلدايتىن ورىندارعا تانىستىرىلادى؛ شينجياڭ الەۋمەتتىك جۇمىستانۋ سايتىنا (www.xjggjy.com)، جۇڭگو شينجياڭ دارىندىلار سايتىنا شىعىپ (www.xjrc365.com)، لايىقتى پراكتيكا جاساۋ ورنىن ىزدەۋگە، تاڭداۋعا، پراكتيكانت قابىلدايتىن ورىندارىمەن تىكەلەي بايلانىس جاساۋعا بولادى؛ تاعى اۆتونوميالى رايوننىڭ جانە جەر - جەردىڭ جوعارى مەكتەپ تاۋىسقان وقۋشىلارعا قىزمەت وتەيتىن توتە تەلەفونعا حابارلاسۋىنا، پراكتيكا جاساۋ ساياساتى مەن جۇمىس ورىندارىن جاريالاۋ جاعدايىن ۇعىسۋىنا، سونداي - اق پراكتيكا جاساۋ ءوتىنىشىن تاپسىرۋىنا بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى