شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا، پراكتيكانت ارۇق امانباي 6 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، جوعارى مەكتەپتەردەن وقۋ بىتىرگەن اناعۇرلىم كوپ وقۋشىنى نەگىزگى ساتىعا بارىپ جۇمىستانۋعا جەتەكتەۋ جانە شابىتتاندىرۋ ءۇشىن، 2020 - جىلى اۆتونوميالى رايونىمىزدىڭ جوعارى مەكتەپتەردەن وقۋ بىتىرگەن وقۋشىلاردى ”ءۇش كومەك، ءبىر سۇيەمەلدەۋ“ بويىنشا قابىلداۋى 6 - ايدىڭ 25 - كۇنى باستالىپ، 2000 ادام قابىلدانادى ەكەن.
بيىلعى ”ءۇش كومەك، ءبىر سۇيەمەلدەۋ“ بويىنشا قابىلداناتىن وبيەكتىلەر تولىق كۇندىك ادەتتەگى جوعارى مەكتەپتەردەن وقۋ بىتىرگەن وقۋشىلار (جوعارى مەكتەپتەردەن وقۋ بىتىرگەنىنە 3 جىلدان اسپاعان وقۋشىلاردى قامتيدى)، ءتۇيىندى تۇردە 2020 - جىلى ادەتتەگى جوعارى مەكتەپتەردەن وقۋ بىتىرگەن وقۋشىلار قابىلدانادى. وقۋ بىتىرگەن وقۋشىلار جەلىدە جانە جەلىدەن تىس ەكى ءتۇرلى ارنادان پايدالانىپ تىزىمدەلسە بولادى: ”شينجياڭ الەۋمەتتىك جۇمىستانۋ قىزمەت وتەۋ سايتىنا“ (http://www.xjggjy.com) شىعىپ، ينفورماتسيالارىن تولتىرسا دا، نوپوسى قاراستى جەردەگى ادام كۇشى بايلىعى جانە قوعامدىق قامتاماسىزداندىرۋ ورىندارىنا بارىپ ۇستىندە ينفورماتسيالارىن تولتىرسا دا بولادى. تىزىمدەلۋ ۋاقىتى 7 - ايدىڭ 25 - كۇنى اياقتايدى.
قابىلداۋ قىزمەتى ساتىعا ءبولىپ ىلگەرىلەتىلەدى، 7 - ايدىڭ 11 - كۇنىنەن 7 - ايدىڭ 25 - كۇنىنە دەيىن تىزىمدەلۋ تولىمدىلىعىن تەكسەرۋ ساتىسى؛ 7 - ايدىڭ 26 - كۇنىنەن 8 - ايدىڭ 5 - كۇنىنە دەيىن جازباشا، اۋىزشا ەمتيحان تاپسىرۋ ساتىسى؛ 8 - ايدىڭ 6 - كۇنىنەن 9 - ايدىڭ 14 - كۇنىنە دەيىن دەنساۋلىعىن تەكسەرۋ، تاربيەلەۋ ساتىسى؛ 9 - ايدىڭ 15 - كۇنىنەن باستاپ رەسمي ۇيىمداستىرىلىپ جۇمىسقا شىعادى.
ۇعىسۋىمىزشا، بيىلعى ”ءۇش كومەك، ءبىر سۇيەمەلدەۋ“ بويىنشا قابىلداۋ جوسپارىن ورنالاستىرعاندا ”ۇشكە بەيىمدەلۋدى“ اتقارادى ەكەن: وڭتۇستىك شينجياڭداعى 4 ايماق - وبلىسقا بەيىمدەلىپ، قابىلداۋ جوسپارىنىڭ ％50ى وڭتۇستىك شينجياڭداعى 4 ايماق - وبلىسقا بەرىلەدى؛ الەۋمەتتىك دەنساۋلىق ساقتاۋ بويىنشا قىزمەت وتەۋ سالاسىنا بەيىمدەلىپ، الەۋمەتتىك دەنساۋلىق ساقتاۋ بويىنشا قىزمەت وتەۋ نەگىزى ءالسىز وڭىرلەرگە مەڭزەس، مەديتسينالىق كومەك بەرۋ بويىنشا قىزمەت وتەيتىندەردى تاڭداپ جىبەرۋ سەرپىنىن كۇشەيتەدى؛ جۇمىستانۋ قيىنشىلىعى بار ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى، بىردە - ءبىر ادامى جۇمىستانباعان وتباسىلارىنداعى جوعارى مەكتەپتەردەن وقۋ بىتىرگەن وقۋشىلارعا بەيىمدەلىپ، وسى وتباسىلارىنداعى جوعارى مەكتەپتەردەن وقۋ تاۋىسقان وقۋشىلاردى الدىمەن قابىلدايدى.
