شينجياڭ گازەتىنىڭ جالپىلىق اقپارات قۇرالدارى ءتىلشىسى رىن جياڭ 6 - ايدىڭ 24 - كۇنى ۇرىمجىدەن حابارلايدى. بەيزاتتىق مۇرا نىساندارى ”قازاقتىڭ ايۋ ءبيى“، دومبىرانىڭ سۇيەمەلىمەن ءان ايتۋ، سونداي - اق كوككە سامعاۋ ءبيى، سيا ءبيى سياقتى بيلەر... تارتىمدى ويىن نومىرلەرى بۋىرشىن اۋدانىنىڭ 6 - ايدىڭ 25 - كۇنى وتكىزگەن ”دۋان - ۋدى تويلاۋ“ اتىنداعى مادەنيەتتى سان مىڭ وتباسىنا جەتكىزۋ قيمىلىنىڭ ءمان - ماعىناسىن ارتتىردى. جۇڭگونىڭ ءداستۇرلى مەرەكەسى دۋان - ۋ مەرەكەسى قارساڭىندا، شينجياڭنىڭ جەر - جەرى ءار الۋان ءتۇرلى مادەنيەت ساياحاتى قيمىلدارىن وتكىزدى.
التاي ايماعى 56 ءتۇرلى مادەنيەت ساياحاتى قيمىلىن دايىنداپ، ادامدارعا اسقار تاۋ، تەرەڭ ساي، كوگىلدىر كول، كەڭ كوسىلگەن سازدىق، شۇرايلى جايلىمنىڭ كەرەمەت تابيعاتىن ۇسىنىپ، ولارعا جۇڭحۋانىڭ ءداستۇرلى مادەنيەتىنىڭ قۇدىرەتتى كۇشىن شىنايى سەزىندىردى. التاي ايماقتىق مادەنيەت دەنە تاربيە، راديو، تەلەۆيزيا جانە ساياحات مەكەمەسى دۋان - ۋ مەرەكەسى جەلىلەس قيمىلىن ورىستەتىپ، 14 قىستاقتا ءبىر اپتالىق ”مادەنيەت جونىنەن جىلجىمالى قىزمەت وتەۋ“ قيمىلىن، ت. ب قانات جايدىردى؛ ءارقايسى اۋدان، قالا قياق كۇرىش ءتۇيۋ جارىسى، دۋان - ۋ سالت - ساناسى شاعىن ساباقحاناسى، حاتكەرلىك، سۋرەتكەرلىك، فوتو سۋرەت جارىسى سياقتى قيمىلداردى ۇيىمداستىرىپ ورىستەتتى. دۋان - ۋ مەرەكەسى حالىقتىق سالت - سانا كورمەسى، كىتاپ وقۋ - تىڭداۋ قيمىلى، قياق كۇرىشتەن ءدام تاتۋ... حوتان ايماعىندا ورىستەتىلگەن ون نەشە ءتۇرلى قيمىل جاندى دا قىزىعارلىق بولدى، مادەنيەت ساياحات تاراۋلارى تاعى ”بۇلتتاعى دۋان - ۋ“ قيمىلىن، ت. ب ورىستەتتى. بايىنعولين موڭعۇل اۆتونوميالى وبلىسى ايداعارشا قايىق جارىسى سياقتى ون نەشە ءتۇرلى قيمىل وتكىزدى.
تۇتاس شينجياڭنىڭ جەر - جەرىندەگى كورىنىس وڭىرلەرىندە دۋان - ۋ مەرەكەسى قيمىلدارى ءماندى دە ءساندى بولدى. ”دۋان - ۋ مەرەكەسى كۇنى ءبىز ’اقىن ازابى جىر ماتىندەرىن داۋىستاپ وقۋ، چۇي يۋاننىڭ وتانشىلدىق سۇيىسپەنشىلىگىن ەسكە الۋ‘ نەگىزگى تاقىرىپتىق قيمىلىن وتكىزەمىز، سول ورىندا تاعى تايجي جۇدىرىقكەرلىگى جەلىلەس ويىنى، ءيىستى دوربا ۇسىنۋ، قياق كۇرىشتەن ءدام تاتۋ، مىڭ ادام «اقىن ازابىن» داۋىستاپ وقۋ، كولدى اينالىپ ءجۇرۋ سياقتى قيمىلدار دا بار“. 6 - ايدىڭ 24 - كۇنى تيانشان تاۋى بوعدا كولى كورىنىس ءوڭىرىن باسقارۋ كوميتەتى ۇگىت - تاربيە، زاڭ - ەرەجە باسقارماسىنىڭ باستىعى ليۋ ۋىن - ي تانىستىرىپ بىلاي دەدى: كورىنىس ءوڭىرى ءداستۇرلى مادەنيەتتىڭ كەرەمەتىن ايگىلەۋ ءۇشىن تاعى حاتكەرلىك، سۋرەت سالۋ اۋەسكەرلەرىن بوعدا كولى بويىندا قالام تەربەپ، سەپپە سۋرەت سالۋعا ۇسىنىس ەتەدى.
دۋان - ۋ مەرەكەسىنىڭ باس كەيىپكەرى قياق كۇرىش. بيڭتۋان 12 - شىسى توۋتۇنحى ەگىس الاڭىنداعى حۋاتيان لينحاي كورىنىس ءوڭىرى، سانجى دۋشى ساياحات دەمالىس ورنى، سانجى قالاسى حۋاشيڭ سەيىل - سەرۋەن اڭعارى، مورگۋ لۇڭۋاڭ سارقىراماسى كورىنىس ءوڭىرى كوشپەندىلەر ەرەكشە قالاشىعى، اۋات دولان تايپاسى كورىنىس ءوڭىرى سياقتىلاردىڭ بارىندە قياق كۇرىش ءتۇيۋ جارىسى وتكىزىلىپ، ادامداردىڭ ءدامدى قۇجىردان ءدام تاتۋمەن بىرگە، ءداستۇرلى مادەنيەتتەن ءنار الۋىنا مۇمكىندىك جاسايدى.
ايداعارشا قايىق جارىسى دۋان - ۋ مەرەكەسىندەگى ءداستۇرلى قيمىل، كوپتەگەن كورىنىس وڭىرلەرى دە ءتۇرلى ايداعارشا قايىق جارىسى قيمىلىن وتكىزەدى. 6 - ايدىڭ 25 - كۇنى جينشاتان كورىنىس ءوڭىرى حوشۇت اۋدانىنىڭ 14 - كەزەكتى دۋان - ۋ مەرەكەسى ايداعارشا قايىق جارىسىن وتكىزەدى، تاعى سۋ بەتىندە ارقان تارتۋ جارىسى، بالىق پاتشاسىنا تالاسۋ جارىسى، الاۋ كەشى سياقتى قيمىلداردى وتكىزەدى؛ دۋشى ساياحات دەمالىس ورنىندا ايداعارشا قايىق جارىسىنان تىس، تاعى چيپاۋ سانگەرلىگى، گۋجىن كونسەرتى، ءارىپ جۇمباعىن شەشۋ، سۋ شاشۋ مەرەكەسى سىندى تاقىرىپتىق قيمىلدارى بار. 6 - ايدىڭ 25 - كۇنى الەمدىك سايتان كەرىش كورىنىس ءوڭىرى قۇرلىقتا ”ايداعارشا قايىق“ جۇرگىزۋ قىزىقتى قيمىلىن وتكىزەدى، اۋات دولان تايپاسى كورىنىس ءوڭىرى دە قۋاڭ جەردە ايداعارشا قايىق جارىسىن وتكىزەدى.
ءارقايسى كورىنىس وڭىرلەرىنىڭ ءتۇرلى ەرەكشە قيمىلدارى باي مازمۇندى بولادى. نارات كورىنىس ءوڭىرى ”جۇلدىزدى كەشتە دالادا تۇنەۋ + حالىقتىق سالت - سانانى سەزىنۋدى“ نەگىزگى تاقىرىپ ەتىپ، دۋان - ۋ مەرەكەسى. نارات ساحاراسىندا جۇلدىزدى كەشتە دالادا تۇنەۋ باس قوسۋىن وتكىزەدى؛ بيڭتۋان 12 - شىسى توۋتۇنحى ەگىس الاڭى حۋاتيان لينحاي كورىنىس ءوڭىرى نىسانالى وتكەلدەن ءوتۋ جارىسى، ينتەرنەتتەگى تانىمال جۇرگىزۋشىلەر تانىستىرعان، ءسوزسىز، باراتىن جەرلەر، ۆەلوسيپەد جارىسى سياقتى 6 نەگىزگى تاقىرىپتىق قيمىلىن وتكىزەدى؛ اۋات دولان تايپاسى كورىنىس ءوڭىرى ”مەنەن دولان شارۋالار سۋرەتىن سالۋدى ۇيرەن“ قيمىلى، ۇلتتىق سالت - سانا ادەبيەت - كوركەمونەر كونسەرتى، ينتەرنەتتە تانىمالى كىشكەنە پويەزعا وتىرۋ سياقتى قيمىلداردى وتكىزەدى؛ توقسۋ شامو حۋاحاي كورىنىس ءوڭىرىنىڭ ”كەمپىرقوساق سىرعىما جولى“، قۇمدى شولدەگى تولقىن جارۋ اۆتوموبيلى، ينتەرنەتتە تانىمالى كوپىر سياقتى كوپتەگەن تۇرلەردە جەڭىلدىك قيمىلدارى العا قويىلادى؛ لوپنۇر اۋدانى لوپنۇرلىقتار قىستاعى كورىنىس ءوڭىرى دۋماندى سۋ شاشۋ شايقاسى، ”كاۋاپ + الاۋ + جۇلدىزدى اسپان شاتىرى“ سياقتى قيمىلداردى وتكىزەدى.
