تيانشان تورى   ›   جاڭالىقتار   ›   عىلىم-تەحنيكا

5G ەرەكشە جوعارى كەرنەۋلى كەرنەۋ اۋىستىرۋ پۋنكتىن اناعۇرلىم زەردەلىلەندىردى

شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي

  6 - ايدا جاپان دالاداعى 1100± كيلوۆولتتىق ەرەكشە جوعارى كەرنەۋلى سانجى كەرنەۋ اۋىستىرۋ پۋنكتىندە تەك بىرنەشە قۇلتەمىر عانا ەلەكتر باعانالارى اراسىندا ارلى - بەرلى ءجۇر. شارلاپ تەكسەرۋ، جابدىقتاردىڭ تەمپەراتۋراسىن ينفرا قىزىل ساۋلە ارقىلى ولشەۋ، ولشەۋىشتەردى تەكسەرۋ... قۇلتەمىرلەر مىندەت جاۋاپكەرشىلىكتەرىن مۇقياتتىلىقپەن وتەۋدە، جينالعان ساندىق مالىمەت ينتەرنەت ارقىلى باسقارۋ بولمەسىنە جەتكىزىلۋدە.

  باسقارۋ بولمەسىندە بىرنەشە كەزەكشى قىزمەتكەر كومپيۋتەردىڭ الدىندا وتىرىپ ساندى مالىمەتتەردىڭ جينالۋ جانە مالىمدەلۋ بارىسىن تەكسەرۋدە. ”قۇلتەمىردىڭ ىسكە قوسىلۋى ءبىزدىڭ دالادا ارالاپ تەكسەرۋ قىزمەتىمىزدىڭ كۇشەمەلىلىگىن جەڭىلدەتىپ، ساندى مالىمەتتەردى جيناۋدىڭ دالدىگى مەن قىزمەت ونىمدىلىگىن جوعارىلاتتى. ال 5G تەحنيكاسىنىڭ ىسكە قوسىلۋى ساندى مالىمەتتەردىڭ جەتكىزىلۋىن ونان ارى تەزدەتتى جانە ورنىقتى ەتتى“، - دەدى 6 - ايدىڭ 19 - كۇنى سانجى كەرنەۋ اۋىستىرۋ پۋنكتىنىڭ ورىنباسار كەزەكشىلەر باستىعى لي شۋاي.

  سانجى كەرنەۋ اۋىستىرۋ پۋنكتى باتىس سولتۇستىك ەلەكتر تورىنىڭ ەلەكتر قۋاتىن وسى اراعا شوعىرلاندىرعاننان كەيىن، تۇراقتى توككە اۋىستىرىپ ءارى كەرنەۋىن جوعارىلاتىپ، انحۇي ولكەسى شۋانچىڭ قالاسى گۋچۋان كەرنەۋ اۋىستىرۋ پۋنكتىنە جەتكىزەدى، ونان كەيىن اۋىستىرۋدان وتكىزىپ حۋادۇڭ ەلەكتر تورىنا جەتكىزىپ، حۋادۇڭ وڭىرىندەگى تۇرعىندار مەن كاسىپورىنداردىڭ پايدالانۋىنا بەرەدى. سانجى - گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ”شينجياڭنىڭ ەلەكترىن سىرتقا جەتكىزۋدەگى“ 2 - ەرەكشە جوعارى كەرنەۋلى تۇراقتى توك جەتكىزۋ ينجەنەرياسى جانە نىشاندىق ينجەنەريا.

  سانجى كەرنەۋ اۋىستىرۋ پۋنكتىنىڭ مۇنداي قىزمەت ۇلگىسى اۆتونوميالى رايوننىڭ ”5G + ونەركاسىپ ينتەرنەتىن“ تۇيىندەردە سىناق ەتۋدەن ۇلگى كورسەتۋدى ورىستەتۋىنىڭ ارقاسى. قازىر اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ”ءبىر حابارلاسۋ تيجارات ساۋداگەرى + ءبىر ونەركاسىپ كاسىپورنى“ ۇلگىسىندە ”5G + ونەركاسىپ ينتەرنەتىن“ تۇيىندەردە سىناق ەتۋدەن ۇلگى كورسەتۋدى ورىستەتۋ ارقىلى كاسىپ سالاسىنىڭ ەكولوگياسىن كەمەلدەندىرىپ، سۇرانىس تەرمينالىندا، قامداۋ تەرمينالىندا، كاسىپ سالاسىندا تەڭ قادامدا كۇش سالىپ، ”5G + ونەركاسىپ ينتەرنەتىنىڭ“ ىشكى جاسامپازدىق قوزعاۋشى كۇشىن قاۋلاتۋدا.

  تۇيىندەردە سىناق ەتۋدەن ۇلگى كورسەتۋ نىساندارىنىڭ ءبىرى رەتىندە، بىلتىر 8 - ايدىڭ 25 - كۇنى جۇڭگو بىرىككەن حابارلاسۋ شينجياڭ بولىمشە سەرىكتەستىگى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىمەن بىرلەسىپ، دۇنيە جۇزىندەگى ەلەكتر كەرنەۋ دارەجەسى ەڭ جوعارى ەلەكتر تەمىر باعاناسىنا 5G بازالىق پۋنكتىن ءساتتى ورناتتى. بۇل 5G تەحنيكاسىنىڭ دۇنيە جۇزىندەگى ەلەكتر كەرنەۋ دارەجەسى ەڭ جوعارى، جەتكىزۋ سيىمدىلىعى ەڭ زور، جەتكىزۋ قاشىقتىعى ەڭ الىس، تەحنيكالىق ورەسى ەڭ وزىق ەرەكشە جوعارى كەرنەۋ ينجەنەرياسىندا قولدانىلۋى. 5G تەحنيكاسى نەگىزىندە، شينجياڭ بىرىككەن حابارلاسۋ سەرىكتەستىگى سانجى كەرنەۋ اۋىستىرۋ پۋنكتىنە پارمەندى ينفورماتسيا - حابارلاسۋ تىرەگىن ازىرلەدى.

  لي شۋاي تانىستىرىپ بىلاي دەدى: 5G تەحنيكاسى نەگىزىندە، كەرنەۋ اۋىستىرۋ پۋنكتى ءاربىر بۇرىشقا جوعارى تۇنىقتىقتاعى كامەرالار ورناتتى، وسى ارقىلى جۇمىس باسىنداعى جابدىقتاردىڭ اينالىم احۋالىن دەر كەزىندە تەكسەرەدى؛ شۇعىل جاعداي قولباسشىلىق جۇيەسىن ورناتتى، وسى ارقىلى الىس ارالىقتان كەرنەۋ اۋىستىرۋ پۋنكتىندەگى شىرعالاڭدى ءبىر جاقتى ەتۋگە قولباسشىلىق ەتەدى؛ الىس ارالىقتان بىرلەسىپ تەكسەرۋ تۇعىرىن ورناتتى، وسى ارقىلى بۇكىل ەلدىڭ جەر - جەرىندەگى ماماندار بەينەەكرانمەن كەرنەۋ اۋىستىرۋ پۋنكتىنىڭ جابدىقتارىنا الىس ارالىقتان تۇجىرىم جاسايدى نەمەسە بىرلەسىپ تەكسەرۋ جۇرگىزەدى؛ ورنالاستىرعان قۇلتەمىرلەر جۇمىس باسىنداعى ساندى مالىمەتتەردى دەر كەزىندە جينايدى.

  ”5G تەحنيكاسى قىزمەت ونىمدىلىگىن جوعارىلاتىپ، قىزمەت ساپاسىن قامتاماسىز ەتىپ، شۇعىل جاعدايدا ءبىر جاقتى ەتۋ قابىلەتىن جوعارىلاتتى، تۇتاس كەرنەۋ اۋىستىرۋ پۋنكتىنىڭ زەردەلىلەنۋ دارەجەسى كورنەكتى جوعارىلادى“، - دەدى لي شۋاي.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ينفورماتسيالاندىرۋدى ىلگەرىلەتۋ باسقارماسىنىڭ باستىعى گو يۇيفىڭ بىلاي دەدى: ونەركاسىپ سالاسىندا ”5G +ونەركاسىپ ينتەرنەتىن“ تۇيىندەردە سىناق ەتۋدەن ۇلگى كورسەتۋدى ورىستەتۋ ارقىلى 5G ينتەرنەتى نەگىزىندەگى ونەركاسىپ ينتەرنەتىن قالىپتاستىرۋدى ىلگەرىلەتىپ، ماشينالاندىرىلعان كورۋ، ونەركاسىپتىك بەلگى، بولمەدە جوعارى دالدىكتى ورىن تۇراقتاندىرۋ، ءوندىرىس حاۋىپسىزدىگى، جابدىقتى الىس ارالىقتان كۇتىمدەۋ، ماشينالاندىرىلعان كورۋ ارقىلى تەكسەرۋ - ولشەۋ، جىلجىمالى قۇلتەمىر جول نۇسقاۋ سياقتىلاردا ونەركاسىپ ينتەرنەتىن قولدانۋ ارقىلى ءوندىرىس جابدىقتارى، زەردەلى ونىمدەر، ءوندىرۋ جانە زات اينالىمى جۇيەسى سياقتى ءوندىرىس فاكتورلارى اراسىندا جوعارى جيىلىكتى جيناۋدى جانە جوعارى ونىمدىلىكتى ءوزارا ۇلاستىرۋدى جۇزەگە اسىرىپ، جابدىقتان كىنارات شىعۋ رەت سانىن ءونىمدى ازايتىپ، جابدىقتاردىڭ اينالىم - كۇتىمدەۋ ونىمدىلىگىن جوعارىلاتۋعا بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى