تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

قاعىلىق اۋدانى: ەرىك - جىگەر، اقىل - پاراسات جاعىنان سۇيەمەلدەپ، كەدەيلىكتەن ورنىقتى ارىلتۋ جولىمەن ءجۇردى

شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ

  ”تاق“ ەتكىزىپ ءبىر تال جاڭعاقتى ۇستەلدىڭ بەتىنە قويعان 55 جاستاعى باھارگۇل ءماسۇپ سويلەي جونەلدى: ”جاڭعاقتىڭ قابىعىن ارشىماي جەۋگە كەلمەيدى، ادام ەڭبەك ەتپەسە اشتان ولەدى، قازىر كىم ماعان جۇمىس ىستەمەي ۇيىڭدە جات دەسە، ونىمەن ءجۇز شايىسامىن“.

  باھارگۇل قاعىلىق اۋدانى كوكيار اۋىلى وتانسۋ قىستاعىنىڭ تۇرعىنى، بۇرىن ۇيلەرىنىڭ جەر سالىپ تابار تابىسى از بولسادا ول سىرتقا شىعىپ جۇمىس ىستەۋدى قالاماي ۇيىندە جاتۋشى ەدى. كەيىن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ اقىل ايتىپ كوندىرۋىمەن، بىلتىر 12 - ايدا ول شينجياڭ مەيجيا ازىق - تۇلىك، سۋسىن شەكتى سەرىكتەستىگىنە كىرىپ جۇمىس ىستەپ، ءار ايدا كەمىندە 1500 يۋان ورنىقتى كىرىس تابادى. بۇل كۇندەرى ءار كۇنى ءدال ۋاعىندا جۇمىسقا شىعىپ ادەتتەنگەن ول ۇيىندە بەكەر جاتاتىن تۇرمىسقا كوندىگە الماي قالدى.

  كەدەيلىكتەن ارىلتۋدان قامال الۋدىڭ شەشۋشى ءتۇيىنى كەدەي بۇقارانىڭ ىشكى قوزعاۋشى كۇشىن قاۋلاتۋ. قاعىلىق اۋدانى ”ەرىك - جىگەر جانە اقىل - پاراسات جاعىنان بىردەي سۇيەمەلدەۋ“ ءتۇزىلىسى قۇرىلىسىن كۇشەيتىپ، ساياسات ءتۇسىندىرۋ، ۇلگى ورناتۋ، وزاتتاردى سيلاۋ، شەبەرلىك ۇيرەتۋ سياقتى شارالار ارقىلى كەدەي بۇقارانىڭ كەدەيلىكتەن ارىلۋ سەنىمى مەن ىرىقتىلىعىن ۇزدىكسىز كۇشەيتتى.

ۇيىنەن شىعىپ، زاۆودقا بارىپ ىستەدى

  6 - ايدىڭ 5 - كۇنى تۇستەن بۇرىن باھارگۇل كادىمگىدەي ءبىر دوربا جاڭعاقتى ۇستەلدىڭ ۇستىنە توگىپ، مۇقيات سۇرىپتادى.

  ونىڭ ۇيىندە 5 مۋ جەر بار، جۇگەرى، ءبيداي جانە جاڭعاق ەگەدى، كىرىستەرى تومەندەۋ. كۇيەۋى قىستاقتان ءبىر جۇمىس تاپقانىمەن، تۇتاس وتباسىنىڭ كەدەيلىكتەن ارىلۋىندا ءالى دە قىسىم بار ەدى.

  ”اۋدان قالاشىعىنداعى ءبىر جاڭعاق وڭدەۋ زاۆودىندا جۇمىس ورنى بار ەكەن، تەحنيكالىق تالابى جوعارى ەمەس، ۇيگە دە جاقىن، كىرىسى دە ءتاۋىر“. بىلتىر 12 - ايدا قاعىلىق اۋداندىق 3 - ورتا مەكتەپتىڭ وتانسۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى امۇتجان مامۇت باھارگۇلگە سىرتقا شىعىپ جۇمىس ىستەۋگە كەڭەس بەرەدى.

  ”بولدى، كۇيەۋىم جۇمىستاندى، مەن ۇيگە قارايىن، ونىڭ ۇستىنە مەن سىرتقا شىعىپ جۇمىس ىستەپ كورگەن جوقپىن، ىستەي الماي قالام با دەپ الاڭدايمىن“، - دەيدى باھارگۇل پەيىلسىزدىك تانىتىپ.

  ەكىنشى كۇنى امۇتجان باھارگۇلدىڭ ۇيىنە تاعى كەلىپ: ”قاراشى، ءماريام دا جاڭعاق وڭدەۋ زاۆودىندا ىستەپ كەتتى، اي سايىن 1500 يۋان الادى، نەدەگەن جاقسى“، - دەيدى.

  كەشتە باھارگۇل ءماريامعا بارىپ جاعداي ۇعىسادى. ”جۇمىس جەڭىل، وتىرىپ الىپ جاڭعاقتى تاڭدايسىڭ، كەلىپ - كەتۋىڭە كولىك بار، تۇسكى تاماعىڭدى بەرەدى. مەن 4 ايداي ىستەدىم“، - دەيدى ءماريام.

  باھارگۇل دە قىزىعىپ، قىستاق تۇرعىندار كوميتەتىنە بارىپ تىزىمدەلەدى، وسىدان باستاپ ءبىر جۇمىسشىعا اينالادى، ءار كۇنى قىستاق پەن اۋدان قالاشىعى اراسىنا قاتىنايدى، ءار ايداعى ەڭبەگىنىڭ بانكە كارتچكاسىنداعى امانات اقشاعا اينالعانىن كورىپ، ىشتەي كوڭىلى ورنىعىپ، كوڭىلدەنىپ قالادى.

  قاعىلىق اۋداندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى ليۋ ليكۇي بىلاي دەدى: ىشكى قوزعاۋشى كۇشتى قاۋلاتۋ كەدەيلىكتەن ارىلتۋدان قامال الۋ شايقاسىندا جەڭىسكە جەتۋدىڭ نەگىزى، ءبىز پارتيانىڭ ابزال ساياساتىن زور كۇشپەن ۇگىتتەۋ، كەدەيلىكتەن ارىلىپ، كىرىسىن ارتتىرعان ۇلگىلەردىڭ ىزگى ىستەرىن ۇگىتتەۋ، ءتۇرلى فورمالاردان پايدالانىپ كەدەيلىكتەن ارىلۋ حيكايالارىن جاقسىلاپ اڭگىمەلەۋ سياقتىلار ارقىلى بۇقارانى كوزقاراسقا بۇرىلىس جاساۋعا، سىرتقا شىعىپ جۇمىس ىستەۋگە جىگەرلەندىردىك جانە تاربيەلەدىك. قازىر بۇكىل اۋدانداعى ەڭبەككۇشتەردەن 201 مىڭ ادام جۇمىستانىپ، نەگىزىنەن بارلىق ەڭبەككۇشتەردى تولىق قامتىپ، قىستاق تۇرعىندارىنىڭ تۇرمىس جاعدايى مەن رۋحاني بەت - بەينەسىندە وراسان زور وزگەرىس تۋىلدى.

تەحنيكا ۇيرەنىپ، كىرىستەرىن ەسەلەدى

  تاڭەرتەڭ اۋانىڭ سالقىن كەزىنەن پايدالانىپ، جاڭگىلاسكى اۋىلى تۇگىمانچاقا قىستاعىنىڭ تۇرعىنى تۇرامەت اۋىت ءبىر قۇرىلىس ورنىنا كەلىپ، ءبىر كۇندىك قاربالاستىعىن باستادى. ”قازىر ۇستا جۇمىسكەرمىن، ءبىر كۇندە 200 يۋان تابامىن“، - دەدى ول ماقتانىشپەن.

  تۇرامەت بۇدان بۇرىن ۇساق - تۇيەك جۇمىس ىستەپ اقشا تاباتىن، ورنىقتى كىرىسى جوق ەدى.

  بىلتىر 11 - ايدىڭ ورتا شەنىندە بۇكىل شينجياڭدا كەدەيلىكتەن ارىلتۋدان قامال الۋدىڭ ”قىسقى شايقاسى“ باستالدى، قاعىلىق اۋدانى دا قىستاق تۇرعىندارىن توقىماشىلىق جانە كيىم - كەشەك، ءۇي جۇمىستارى بويىنشا قىزمەت وتەۋ، اس - سۋ سياقتى قولدانىلمالى تەحنيكا ۇيرەنۋگە ۇيىمداستىردى. جاڭگىلاسكى اۋىلدىق ەڭبەكپەن قامتاماسىز ەتۋ ىستەرى كەڭسەسىنىڭ باستىعى ەركىن شاۋدۇن جىلى ءجۇزدى جان، ول تۇرامەتتىڭ قولىن قىسىپ تۇرىپ، ونى تىزىمدەلىپ، باۋلۋعا قاتىناسۋعا يلاندىرادى.

  ”مەنىڭ مادەنيەت ورەم تومەن، ۇيرەنە الامىن با؟ ونىڭ ۇستىنە قازىر قۇرىلىس ورىندارىندا جۇمىس كوپ، باۋلۋعا قاتىناساتىن ۋاقىتىم قايدان بولسىن، كوبىرەك جۇمىس ىستەپ اقشا تاپقانىم ءجون عوي“، - دەيدى تۇرامەت.

  ”كومەكشى جۇمىسكەردىڭ كۇندىگى 100 يۋان، باۋلۋدان كەيىن تەحنيكا يگەرىپ ۇستا جۇمىسكەر بولۋعا بولادى، كۇنىنە كەمىندە 200 يۋان تابادى، ءوزىڭ سالىستىرىپ كور“، - دەيدى ەركىن اقىل ايتىپ.

  2 كۇننەن كەيىن تۇرامەت تىزىمدەلەدى. 45 كۇندىك جۇيەلى باۋلۋدان سوڭ، ول قۇرىلىس نازارياسى مەن تەحنيكاسىن يگەرەدى ءارى ەڭبەك شەبەرلىگى كۋالىگىن الادى.

  ”باۋلۋدان كەيىن كىرىسىم بۇرىنعىدان ءبىر ەسە ارتتى“. تۇرامەت قۋانىشپەن: ”مەن تاعى مۇنان دا جوعارى دارەجەلى باۋلۋعا قاتىناسىپ، بيىك عيماراتتار سالىپ، اناعۇرلىم كوپ اقشا تاپقىم كەلەدى“، - دەيدى.

  ”ءبىزدىڭ كۋرس ماماندىق شەبەرلىكتەرىن ۇيرەتىپ قانا قالماستان، جانىمىزداعى ىستەر ارقىلى جانىمىزداعى ادامداردى تاربيەلەپ، قىستاق تۇرعىندارىنىڭ ءبىر شەبەرلىك ۇيرەنۋ ارقىلى جۇمىستانۋ قابىلەتىن ارتتىرۋىنا مۇمكىندىك جاسايدى“. قاعىلىق اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ باستىعى سۇن جين بىلاي دەدى: 2019 - جىلدان قازىرگە دەيىن، اۋدان شارۋالاردان 38 مىڭعا تاياۋ ادام (رەت) باۋلىدى، شارۋالار تەحنيكا ۇيرەنۋمەن بىرگە، بىلىمدەرىن مولايتىپ، شەبەرلىككە سۇيەنىپ كەدەيلىكتەن ارىلىپ، كىرىستى ارتتىرۋ قابىلەتىن جوعارىلاتتى.

قىستاق تۇرعىندارى شارۋاشىلىق قۇرىپ، ”دۇكەن قوجايىنى“ بولدى

  تۇسكى تاماق ۋاقىتى بولعاندا، ۇششارباس قالاشىعى يۇقىرىمالى قىستاعىنىڭ تۇرعىنى ايىم ابىلەتتىڭ شاعىن تاعامجايى قوناقتاردى قابىلداپ، ول جاڭا عانا قازاننان شىققان لاعمانداردى قوناقتاردىڭ الدىنا تاسۋمەن قاربالاس بولدى.

  ايىم پىسىق جان، ەگىن سالعاندا كىرىسى ماندىماعان سوڭ، ول اۋدان قالاشىعىنا بارىپ لياڭپي جاساۋ تەحنيكاسىن ۇيرەندى، ەگىس جۇمىستارىنىڭ ارەدىگىندە ارباسىمەن ارالاپ ءجۇرىپ لياڭپي ساتىپ، اي سايىن ءتاپ - ءتاۋىر كىرىس كىرگىزدى. ايتسەدە بوراندا قالىپ، جاڭبىرعا مالشىنىپ، كۇنگە كۇيگەن ول دۇكەن اشىپ الۋدى ويلادى.

  سوڭعى جىلدارى قاعىلىق اۋدانى شاعىن تاعامجاي، شاعىن ساۋدا دۇكەنى سياقتى ”10 شاعىن دۇكەندى“ تۇتقا ەتىپ، قىستاقتاعى كەدەي وتباسىلارىنداعى ەڭبەككۇشتەردى ىرىقتىلىقپەن ىسكەرلىك كورسەتىپ، ءوز الدىنا شارۋاشىلىق قۇرۋعا جەتەكتەدى. ”10 شاعىن دۇكەننىڭ“ جالاقىسىن قىستاق تۇرعىندار كوميتەتى جينايدى، جالاقىسىنىڭ %80ىن كەدەي وتباسىلارىنا پايداعا بولەدى، ءوز الدىنا شارۋاشىلىق قۇرعان كەدەي وتباسىلارىنا قاراتا جەرگىلىكتى ورىندا تاعى 5000 يۋاندىق شارۋاشىلىق قۇرۋ قوسىمشا قاراجاتى بار. بۇل ايىمعا وراي ازىرلەدى.

  بىلتىر قىستاق قىستاق تۇرعىندار كوميتەتىنىڭ جانىنان 10 دۇكەن سالدى. ايىم ءبىر دۇكەندى ءوتىنىش ەتتى، قاشقار ايماقتىق حايۋانات ىندەتىن تىزگىندەۋ جانە دياگنوز قويۋ ورتالىعىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كومەگىندە، ونىڭ تاعامجايى اشىلىپ، جۇمىس باستاعاننان كەيىن ساۋداسى وتە جاقسى بولدى، ”ەڭ كوپ بولعان كەزدە ءبىر كۇندە 700 يۋان تابادى“.

  جۋىقتا قىزمەت اترەتى ايىمدى قالاشىق اۋىل شارۋاشىلىق جانە قوسىمشا كاسىپ ونىمدەرى بازارىنان ءبىر دۇكەن الىپ تاعامجاي اشىپ، ارنايى ”بازار“ كۇنىندە ساۋدا ىستەۋگە شابىتتاندىردى. ”بۇل ءبىر كۇنگە جاي قاراماڭىز، 1000 يۋاننان استام اقشا تابۋعا بولادى“، - دەدى ول.

  سۇن جين بىلاي دەدى: قاعىلىقتا ايىم سياقتى ءوز الدىنا شارۋاشىلىق قۇرعاندار كوپ، تۇتاس اۋداندا ءوز الدىنا شارۋاشىلىق قۇرعاندار 18 مىڭنان استى. بيىل اۋدان 15 اۋىل شارۋاشىلىق جانە قوسىمشا كاسىپ ونىمدەرى بازارىن جاڭادان نەمەسە كەڭەيتىپ سالۋ، 295 ”10 شاعىن دۇكەن“، 44 حالىققا ءتيىمدى ەرەن بازار سالۋ سياقتىلار ارقىلى اناعۇرلىم كوپ اۋىل - قىستاق ەڭبەككۇشتەرىن شارۋاشىلىق قۇرۋعا، جۇمىستانۋعا باۋراپ، ورنىقتى تۇردە كىرىستەرىن ارتتىرۋدى جوسپارلاپ وتىر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى