تيانشان تورى   ›   جاڭالىقتار   ›   ساياحات

قياق كۇرىشتىڭ حوش ءيىسى اڭقىعان كۇن ءوز كولىگىمەن ساياحاتتاۋدىڭ ءدال كەزى

شينجياڭ گازەتىنىڭ جالپىلىق اقپارات قۇرالدارى ءتىلشىسى تاڭ كاندۇڭ

  ”لاۆاندانىڭ حوش ءيىسى اڭقىعان مايتاۋ - كۇشار تاس جولىنىڭ كوركەم كورىنىستەرى كوز الدىڭنان كەتپەيدى“. 6 - ايدىڭ 25 - كۇنى تۇستەن بۇرىن ءوز اۆتوكولىگىمەن ىلە اڭعارىنداعى ءىپارحان لاۆاندا سەرۋەن باقشاسىنا كەلگەن ءۇرىمجى قالاسىنىڭ تۇرعىنى پاتىگۇل قىزىر اسەرلەنىپ: ”ءبىز زەينەتكە شىقتىق، شينجياڭنىڭ بارلىق جەرىن ارالاپ كوڭىل كوتەرۋدى ويلادىق، مىنە بۇگىن ۇمىتىلماس دۋان - ۋ مەرەكەسىنە ءدال كەلدى“، - دەدى.

  كورىنىسى كوز سۇرىندىرەتىن كوكوراي شالعىندى جاعالاي زىمىراپ، كۇن كوزىن قالقالاپ تۇرعان ءزاۋلىم شوقىلار مەن بۇلتتاردى تاماشالاپ، ايگىلى 100 مەترلىك قاردان قورعانۋ دالىزىنەن وتەسىز، وسى جولدا اۆتوكولىكپەن جۇرگەندە كوز مەيىرىڭىز كوركەم كورىنىستەرگە قانادى ءارى مۇز بەن وتتىڭ كەرەمەتىنە كۋا بولاسىز. دۋان - ۋ مەرەكەسى كەزىندە قاتىناسى قالپىنا كەلگەنىنە ۇزاق بولماعان مايتاۋ - كۇشار تاس جولى شينجياڭداعى ءوز كولىگىمەن ساياحاتتاۋدىڭ ەڭ دۋماندى ساياحات جەلىسى بولعانى داۋسىز.

  پاتىگۇل ”سانجىدان اتتانۋ، جۇرگىزۋشى ءسىزدى ەرتىپ مايتاۋ - كۇشار تاس جولىن ساياحاتتاتادى“ اتتى ءوز كولىگىمەن ساياحاتتاۋ قيمىلىنا قاتىناسقان بولاتىن. ولار 40 نەشە اۆتوكولىكپەن 6 - ايدىڭ 24 - كۇنى سانجىنىڭ جەڭىل تاعام كوشەسىنەن اتتانعان، ۇرىمجىدەن، سانجىدان، قاشقاردان، اتۇشتان شىققان 200 نەشە ءوز كولىگىمەن ساياحاتتاۋشىلار ەدى، ولار سانجىنىڭ جەڭىل تاعام كوشەسىن، ماناس اۋدانىنداعى مەملەكەتتىك سازدىق باقشاسىن ارالاعاننان كەيىن، اۆتوكولىكپەن جۇڭگوداعى ەڭ كوركەم تاس جول − مايتاۋ - كۇشار تاس جولىن ەندەي ءوتىپ، شۋىرما قۇرباندار ەسكەرتكىشىن ىززەتپەن كوردى، نارات كورىنىس ءوڭىرىن ساياحاتتادى. قياق كۇرىشتىڭ ءيىسى اڭقىعان كەزدە تاعى لاۆاندا باقشاسىنان تارالعان حوش يىستەن ءلاززات الدى.

  ۇعىسۋىمىزشا، وسى جولعى ءوز كولىگىمەن ساياحاتتاۋ قيمىلى 4 كۇنگە جالعاسادى. كەلەسى ساپاردا ءوز كولىگىمەن ساياحاتتاۋشىلار تاعى قازانشى سالت - سانا قىستاعىن، كۇرە بايىرعى قالاسىن، قورعاستى، سايرام كولىن، قۇتىبي شينتياندي سياقتى كورىنىس وڭىرلەرىن (ءتۇيىنى) ساياحاتتايدى ەكەن.

  شينجياڭ راديو - تەلەۆيزياسىنىڭ مادەنيەت - ساياحات باعدارلاما ورتالىعىنىڭ فيلم جاساۋشىسى ءومار روزى تانىستىرىپ بىلاي دەدى: شينجياڭ راديو - تەلەۆيزياسى «بۇل جەر ەڭ كەرەمەت» ايدارى تۇتاس ساياحات بارىسىن ىلەسە ءجۇرىپ ءتۇسىرىپ تىكە تاراتىپ، جەلىدە ساياحاتتاتۋ، تاماشالاتۋ فورماسى ارقىلى جول بويىنداعى كوركەم كورىنىستەردى، قىزىقتى ىستەردى ءتىپتى دە كوپ ساياحاتشىمەن ءبولىسىپ، جول بويىنداعى جەرلەردىڭ ساياحات بايلىق قاينارىن جالپىلىق اقپارات قۇرالىمەن جان - جاقتى، ءار قىرىنان ۇگىتتەپ، تانىستىرىپ، تيانشاننىڭ سولتۇستىك بوكتەرىندەگى ءوز كولىگىمەن ساياحاتتاۋ جەلىسىن ۇگىتتەپ، تانىستىرىپ، شينجياڭنىڭ ىشىندە ءوز كولىگىمەن ساياحاتتاۋ بازارىن شىنايى دەمەدى.

  سانجى حۇيزۋ اۆتونوميالى وبلىستىق مادەنيەت - دەنە تاربيە - راديو - تەلەۆيزيا جانە ساياحات مەكەمەسىندەگى ءبىر ازامات مىنانى ءبىلدىردى: وسى رەتكى قيمىل ارقىلى شينجياڭداعى ايماق، وبلىستاردىڭ ساياحاتىمەن توعىستىرىپ، سانجى وبلىسى، مايتاۋ، ىلە، بۇراتالا سياقتى جەرلەردى نەگىز ەتكەن تيانشاننىڭ سولتۇستىك بوكتەرىندەگى ساياحات جاڭا اينالما جەلىسىن كەڭەيتىپ، ايماق، وبلىس اتتاعان جەلى ونىمدەرىنىڭ سايكەستى دامۋىن كۇشەيتەمىز.

  6 - ايدىڭ 25 - كۇنى 30 نەشە اۆتوكولىك، 120 نەشە ادامنان قۇرالعان ”2020 مايتاۋ - كۇشار تاس جولىندا ءوز كولىگىمەن ساياحاتتاۋ 1 - توبى، ىلە توعىزتاراۋ ىشكەرىلەي ءوز كولىگىمەن ساياحاتتاۋ“ كولىك اترەتى دە ءۇرىمجى قالاسىنان شىعىپ، مايتاۋ - كۇشار تاس جولىن باسىپ ءوتىپ، توعىزتاراۋ اۋدانىنىڭ اۋدان قالاشىعىنان 13 كيلومەتر جەرگە ورنالاسقان مەملەكەتتىك 4A دارەجەلى كورىنىس ءوڭىرى جابايى جاڭعاق كورىنىس ءوڭىرى مەن شۇرىق كورىنىس وڭىرىنە كەلدى. جول بويىنداعى سانسىز تاماشا كورىنىستەردى كورگەن ساياحاتشىلار كورىنىس وڭىرىندەگى اعاش شارباق جولدا اياڭداي ءجۇرىپ، جول بويى توقتاۋسىز سۋرەتكە ءتۇسىپ، ەستەلىك قالدىردى.

  سول كۇنى كەشتە الاۋ توعىزتاراۋ كولدەنەڭ كورىنىس وڭىرىندە لاپىلداپ جاندى، كوپشىلىك الاۋدى قورشاپ، ءان ايتىپ، بيگە باسىپ، تاماشا دا ەستەن كەتپەس دۋان - ۋ كەشىن بىرگە وتكىزدى ءارى ەكىنشى كۇنگى كوكبار، بايگە، قىزقۋار سياقتى ۇلتتىق ويىن قيمىلدارىن اسىعا كۇتتى.

  ءتىلشىنىڭ ۇعىسۋىنشا، ”التايدىڭ مىڭ شاقىرىمدىق كوركەم كورىنىسىن ءوز كولىگىمەن ساياحاتتاۋ“ بويىنشا 40 اۆتوكولىكتەگى 100گە جۋىق ساياحاتشى دا دۋان - ۋ مەرەكەسى كۇنى 7 كۇنگە جالعاسقان التايدىڭ مىڭ شاقىرىمدىق كوركەم كورىنىسىن ”قياق كۇرىش“ سۇيىسپەنشىلىگىمەن ساياحاتتاۋدى باستاعان؛ اۆتونوميالى رايوندىق ساياحاتشىلار قوعامى، اۆتونوميالى رايوندىق ساياحات كووپەراتيۆتەرى قوعامى جەكە - جەكە ”ۇيشە كولىكتەگى شينجياڭ“ جۇڭلۋليان بەكەتىندە جەر شالۋ ساپارىن، مايتاۋ ۇلكەن اڭعارىندا جەر شالۋ قيمىلىن ۇيىمداستىرعان.

  دۋان - ۋ مەرەكەسى دەمالىسى كەزىندە رايونىمىزدىڭ جەر - جەرى ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا ”شينجياڭدى ءسۇيۋ. اۋىلعا ساياحات“ نەگىزگى تاقىرىبىن ارقاۋ ەتىپ، ءوز كولىگىمەن ساياحاتتاۋ قيمىلىنان پايدالانىپ، ارنايى ساياحاتتاپ سەزىنۋ قيمىلدارىن اناعۇرلىم بايىتىپ، ”شينجياڭدىقتاردىڭ شينجياڭدى ساياحاتتاۋىن“ ىلگەرىلەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى