تيانشان تورى   ›   جاڭالىقتار   ›   وقۋ-اعارتۋ

ءار ۇلت بۇقاراسىنىڭ وقۋ - اعارتۋداعى تابىس سەزىمىن كۇشەيتەيىك

شۇي چيڭگۋاڭ

  ”2022 - جىلعا جەتكەندە، شينجياڭدا ءار دارەجەلى، ءار تۇردەگى وقۋ - اعارتۋدى جالپىلاستىرۋ نىساناسى جالپى بەتتىك جۇزەگە اسادى“، ”2035 - جىلعا جەتكەندە، وقۋ - اعارتۋدى وسىزامانداندىرۋ جالپى تۇلعالىق جاقتان جۇزەگە اسادى“... جۋىردا شىعارىلعان «شينجياڭ وقۋ - اعارتۋدى وسىزامانداندىرۋ 2035» جانە «شينجياڭ وقۋ - اعارتۋدى وسىزامانداندىرۋدى جەدەل ىلگەرىلەتۋدى اتقارۋ جوسپارى (2018 − 2022 - جىل)» ۇزاق مەزگىل مەن جاقىنعى مەزگىلدى ۇشتاستىرعان، ءارقايسىسىنىڭ ءوز جۇمىس ءبولىسى مەن ءتۇيىنى بار، تاماشا كەلەشەك پەن جوسپاردى بەينەلەۋمەن بىرگە، ناقتى جول كارتاسى مەن جۇمىس جۇرگىزۋ جوباسىن دا ازىرلەدى. حۇجاتتىڭ تياناقتاندىرىلىپ اتقارىلۋى، ءسوز جوق، رايونىمىزدىڭ جاپپاي دوڭگەلەك داۋلەتتى قوعام قۇرۋىنا ءار قوسىپ، ءار ۇلت بۇقاراسىنىڭ وقۋ - اعارتۋداعى تابىس سەزىمىن كۇشەيتەدى.

  وقۋ - اعارتۋ − مەملەكەتتىڭ ءىرى ءىسى، پارتيانىڭ ءىرى ءىسى. رايونىمىزدىڭ حالىققا ءتيىمدى 9 ءىرى ينجەنەرياسىنداعى ”وقۋ - اعارتۋ ارقىلى حالىقتى يگىلىككە كەنەلتۋدەن“ شينجياڭعا باعىتتامالى كومەكتەسۋدەگى ”وقۋ - اعارتۋ ارقىلى شينجياڭعا كومەكتەسۋگە“ دەيىن، ونان ”ەكىدەن تارىقتىرماۋ، ءۇشتى قامتاماسىز ەتۋدەگى“ ”مىندەتتى وقۋ - اعارتۋدى قامتاماسىز ەتۋگە“ دەيىن، جۋىرداعى جىلداردان بەرگى رايونىمىزدىڭ ىستەرىنىڭ دامۋىنا كوز جىبەرسەك، وقۋ - اعارتۋدىڭ ورنى ەجەلدەن بۇگىنگىدەي كورنەكتىلەنىپ كورگەن جوق، وقۋ - اعارتۋدىڭ العا باسۋى بۇگىنگىدەي زور بولىپ كورگەن جوق. 2019 - جىلدىڭ اياعىنا دەيىن، رايونىمىزداعى مەكتەپكە دەيىنگى تاربيە بويىنشا بالاباقشاعا ءتۇسۋ جالپى مولشەرى %97.51كە، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى %95.51كە، ورتا مەكتەپ كەزەڭىندەگى وقۋ - اعارتۋ بويىنشا وقۋعا ءتۇسۋ جالپى مولشەرى %98.82كە، جوعارى دارەجەلى وقۋ - اعارتۋ بويىنشا وقۋعا ءتۇسۋ جالپى مولشەرى %46.79كە جەتتى... ءبىر - بىرلەگەن قۋانارلىق سان - سيفرلاردىڭ استارىندا مەيىرلى قامقورلىقتىڭ ادامدار جۇرەگىن جىلى شۋاققا بولەۋى، جەكەنىڭ تاعدىرى مەن قوعامدىق نىسانانىڭ توعىسا قاتار ىلگەرىلەۋى جاتىر.

  ادىلدىك − وقۋ - اعارتۋدىڭ نەگىزگى ولشەمى، وقۋ - اعارتۋدىڭ ادىلدىگى قوعامدىق ادىلدىكتىڭ ماڭىزدى نەگىزى. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ جاعدايىندا، وقۋ - اعارتۋدىڭ ادىلدىگىنىڭ ماڭىزدىلىعى ايتپاسا دا تۇسىنىكتى. قازىر رايونىمىز ”سيلىق بەرۋ، قارىز بەرۋ، كومەك بەرۋ، قوسىمشا قاراجات بەرۋ، ازايتۋ“ كوپ نەگىز ءبىر تۇلعالانعان، مەكتەپكە دەيىنگى تاربيەدەن جوعارى دارەجەلى وقۋ - اعارتۋعا دەيىنگى ”تۇتاس بارىستىق ساڭلاۋسىز جىمداسقان“ وقۋشىلارعا قارجىلاي كومەكتەسۋ جۇيەسىن بىرتىندەپ ورناتىپ، ۇيىندە ەكونوميكالىق قيىنشىلىعى بار وقۋشىلارعا قارجىلاي كومەكتەسۋدى تولىق قامتۋدى جۇزەگە اسىرىپ، كەدەيلىكتىڭ ۇرپاقتارعا جالعاسۋىن ۇتىمدى توسىپ، پارتيا مەن ۇكىمەتتىڭ ”بىردە - ءبىر وقۋشىنى وتباسىنداعى ەكونوميكالىق قيىنشىلىق سەبەبىنەن وقۋسىز قالدىرماۋ“ سىندى ايبىندى ۋادەسىن جۇزەگە اسىردى.

  ساپا − وقۋ - اعارتۋدىڭ جان تامىرى. وقۋ - اعارتۋدىڭ ادىلدىگى قولجەتىمدىلىك، قامتۋ كولەمى سياقتى ”شامالىق“ ارتۋلاردان عانا بەينەلەنىپ قالماستان، ءوڭىر، قالا - اۋىل، مەكتەپتەر اراسىنداعى ”ساپالىق“ تەپە - تەڭدىكتەن دە ايگىلەنەدى. «شينجياڭ وقۋ - اعارتۋدى وسىزامانداندىرۋ 2035» جونىندە، ادامدار ەڭ كوڭىل بولگەن مازمۇن ”2035 - جىلعا جەتكەندە مىندەتتى وقۋ - اعارتۋى ساپالى، بىركەلكى اۋدانداردىڭ (قالا، رايون) سالىستىرماسى %95كە جەتەتىندىگى“ بولدى. ”نەگىزىنەن تەپە - تەڭ“ بولۋدان ”ساپاسى تەپە - تەڭ“ بولۋعا دەيىن ءدال حالىقتى وزەك ەتكەن دامۋ يدەياسى ايگىلەندى. تەك ”بارلىق ادام وقي الۋدى“ شەشۋ نەگىزىندە، ساپالى وقۋ - اعارتۋ ”بالكۇلشەسىن“ ۇلعايتىپ، ”بارلىق ادام جاقسى وقي الۋ“ ءۇمىتىن قاناعاتتاندىرعاندا عانا، ءار ۇلت بۇقاراسىنىڭ وقۋ - اعارتۋداعى تابىس سەزىمى اناعۇرلىم مول، تولىق بولادى.

  قامتىمدىلىق − وقۋ - اعارتۋدى وسىزامانداندىرۋدىڭ ماڭىزدى تاقىرىبى، ادامدى نەگىز ەتۋ ۇستانىمىنىڭ ماندىك تالابى. ءار بالا تۇگەلدەي بالاماسىز جەكە، ءارقايسىسى تۇرلىشە قابىلەتكە، اۋەسكە يە، ءارقايسىسى تۇرلىشە ەسەيۋ، جەتىلۋ بارىسىنا يە. بۇل ءبىزدىڭ وقۋ - اعارتۋىمىزدىڭ وقۋشىلاردىڭ ەسەيۋ زاڭدىلىعى مەن جەكە پارقىنا قۇرمەت ەتىپ، بارلىق ادامنىڭ جەتىلۋىنە، بارلىق ادامنىڭ ءوز دارىنىن ايگىلەۋىنە ءتيىمدى وقۋ - اعارتۋ ۇلگىسىن ازىرلەۋىن تالاپ ەتەدى. تەك وزات وقۋشىعا ءمان بەرۋمەن بىرگە، نازاردى ”قالتارىس تۇستارعا“ دا سالعاندا؛ ادەتتەگى جوعارى دارەجەلى وقۋ - اعارتۋدى زور كۇشپەن دامىتۋمەن بىرگە، اناعۇرلىم ساپالى كاسىپتىك وقۋ - اعارتۋمەن قامداعاندا؛ اتاقتى مەكتەپتەردىڭ ماڭگى كوركەيۋىنە مۇمكىندىك جاساۋمەن بىرگە، اتاقتى ەمەس مەكتەپتەردىڭ دە ەرەكشەلىگىن ايگىلەگەندە عانا، وقۋ - اعارتۋ ءار ۇلت بۇقاراسىنىڭ تابىس سەزىمىن ۇزدىكسىز كۇشەيتەدى، قوعامنىڭ دامۋى، العا باسۋى اناعۇرلىم كوپ قاينارلى اعىنعا يە بولادى. بۇل وقۋ - اعارتۋ ءتۇزىلىسى رەفورماسىن تەرەڭدەتىپ، ونەگە كورسەتىپ ادام تاربيەلەۋدى تياناقتاندىرۋ مەحانيزمىن اقاۋسىزداندىرىپ، وقۋ - اعارتۋداعى عىلمي بولماعان باعالاۋ جەتەكشىلىگىنە بۇرىلىس جاساۋعا سۇيەنەدى.

  وقۋ - اعارتۋ گۇلدەنسە، مەملەكەت گۇلدەنەدى، وقۋ - اعارتۋ كۇشەيسە، مەملەكەت كۇشەيەدى. وقۋ - اعارتۋدى وسىزامانداندىرۋدىڭ جالپى تۇلعالىق ستراتەگيالىق ورنالاستىرۋى بويىنشا اناعۇرلىم ءادىل، ساپالى، قامتىمدى وقۋ - اعارتۋ مەحانيزمىن ورناتساق، حالىق رازى بولاتىن وقۋ - اعارتۋ ىستەرىن، ءسوز جوق، جاقسى جۇرگىزىپ، شينجياڭ قىزمەتىنىڭ باس نىساناسىن جۇزەگە اسىرۋدىڭ مىعىم نەگىزىن بەكەمدەي تۇسەتىن بولامىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى