وڭتۇستىك شينجياڭنىڭ 4 ايماق - وبلىسىنداعى تەحنيكالىق مەكتەپتەر قۇرىلىسىن ىلگەرىلەتۋ سياقتى قىزمەتتەردى اقىلداستى
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 25 - كۇنى ۇرىمجىدەن حابارلايدى. 6 - ايدىڭ 24 - كۇنى تۇستەن بۇرىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 92 - رەتكى ۇنەمىلىك ىستەر ءماجىلىسىن باسقارىپ اشىپ، وڭتۇستىك شينجياڭنىڭ 4 ايماق - وبلىسىنداعى تەحنيكالىق مەكتەپتەر قۇرىلىسىن ىلگەرىلەتۋ، اۆتونوميالى رايوندىق حالىق ۇكىمەتىنىڭ نەگىزگى ساتى اكىمشىلىك زاڭ ەرەجە شىعارۋ بايلانىس ءتۇيىنىن قۇرۋ، ازىق - تۇلىك حاۋىپسىزدىگى جاعىنداعى تۇتقيىل ۋاقيعالارعا شۇعىل توتەپ بەرۋدى، باسقارۋدى كۇشەيتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: وڭتۇستىك شينجياڭنىڭ 4 ايماق - وبلىسىنداعى تەحنيكالىق مەكتەپتەر قۇرىلىسىن كۇشەيتۋ اناعۇرلىم كوپ كاسىپ سالاسى جۇمىسشىسىن جەتىلدىرۋگە، ورنىقتى جۇمىستاندىرۋدى، جۇمىستانۋدى قامتاماسىز ەتۋدى ونان ارى جۇزەگە اسىرىپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدى دەمەۋگە ءتيىمدى. ”ءبىر اۋدانعا ءبىر جوبا، ءبىر مەكتەپتە ءبىر ەرەكشەلىك بولۋعا“ تاباندى بولىپ، اۋداندىق، قالالىق تەحنيكالىق مەكتەپتەردىڭ ءتۇيىندى نىسان قۇرىلىسىن جوبالاۋدى ويداعىداي ىستەپ، شينجياڭعا كومەكتەسەتىن ولكە، قالالارمەن جانە باعىتتامالى كومەكتەسىپ سۇيەمەلدەيتىن تەحنيكالىق مەكتەپتەرمەن بەلسەنە ىرىقتىلىقپەن ۇشتاسىپ، وقىتۋشىلار مەن باسقارۋشىلار قوسىنى قۇرىلىسىن كۇشەيتىپ، ساباق قۇرىلىسى مەن وقۋلىق دايىنداۋدى نىعايتىپ، وڭتۇستىك شينجياڭنىڭ 4 ايماق - وبلىسىنداعى اۋداندىق، قالالىق تەحنيكالىق مەكتەپتەردىڭ ناقتى جاتتىعۋ بازاسى قۇرىلىسىن كۇشەيتۋىن قولداپ، تەحنيكالىق مەكتەپتەردىڭ وقىتۋ دەڭگەيىن جالپى بەتتىك ءوسىرۋدى، وقىتۋ ورنى مەن قۇرىلعى جابدىقتاردىڭ كورنەكتى جاقسارۋىن، مەكتەپتى باسقارۋ مەن وقىتۋشىلار دەڭگەيىنىڭ زور مولشەردە جوعارىلاۋىن، تەحنيكالىق جۇمىسشى تاربيەسى مەن جۇمىستانۋعا تاربيەلەۋ قابىلەتىن كورنەكتى جوعارىلاتۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: نەگىزگى ساتى اكىمشىلىك زاڭ ەرەجە شىعارۋ بايلانىس ءتۇيىنىن قۇرۋدى ىلگەرىلەتۋ عىلمي زاڭ ەرەجە شىعارۋدى، دەموكراتيالى زاڭ ەرەجە شىعارۋدى، زاڭ بويىنشا زاڭ ەرەجە شىعارۋدى ىلگەرىلەتۋگە، قوعامداعى ءارقايسى جاقتاردىڭ زاڭ ەرەجە شىعارۋعا قاتىسۋ قىزمەت مەحانيزمىن ورناتىپ، اقاۋسىزداندىرىپ، زاڭ ەرەجە شىعارۋ ساپاسى مەن ونىمدىلىگىن جوعارىلاتۋعا ءتيىمدى. اۆتونوميالى رايوننىڭ ءادىليا اكىمشىلىك تاراۋى نەگىزگى ساتى اكىمشىلىك زاڭ ەرەجە شىعارۋ بايلانىس تۇيىندەرىن ۇيىمداستىرىپ سايكەستىرۋ، قىزمەت وتەپ، جەتەكشىلىك ەتۋ سياقتىلاردى كۇشەيتىپ، قىزمەتتىڭ ورىستەتىلۋ جاعدايىن دەر كەزىندە ۇعىسىپ، زاڭ ەرەجە شىعارۋ قىزمەت جاعدايىن مالىمدەۋ كەرەك. ءارقايسى نەگىزگى ساتى اكىمشىلىك زاڭ ەرەجە شىعارۋ بايلانىس تۇيىندەرى قوعامداعى ءار سالانىڭ زاڭ ەرەجە شىعارۋ جونىندەگى پىكىرلەرى مەن ۇسىنىستارىن كەڭ كولەمدى جيناپ، اكىمشىلىك زاڭ ەرەجە شىعارۋدى تەكسەرۋ - زەرتتەۋ، زاڭ ەرەجە شىعارىلعاننان كەيىنگى باعالاۋ جانە تاقىرىپتىق زەرتتەۋ سياقتىلارعا بەلسەنە قاتىسىپ، زاڭ ەرەجە شىعارۋدىڭ باعىتتامالى، دەر كەزىندە، جۇيەلى، كەڭ كولەمدى بولۋىن دەمەۋ كەرەك.
ءماجىلىس مىنالاردى اتاپ كورسەتتى: ازىق - تۇلىك حاۋىپسىزدىگى سان مىڭ وتباسىنا قاتىستى، ازىق - تۇلىك حاۋىپسىزدىگى جاعىنداعى تۇتقيىل ۋاقيعالارعا شۇعىل توتەپ بەرۋ، ءبىر جايلى ەتۋ مەحانيزمىن ورناتۋ، اقاۋسىزداندىرۋ بۇقارانىڭ دەنساۋلىعىن جانە ءومىرىنىڭ، مال - مۇلكىنىڭ حاۋىپسىزدىگىن قامتاماسىز ەتىپ، قوعامنىڭ جاراسىمدىلىعىن، ورنىقتىلىعىن قورعاۋعا ءتيىمدى. ادامدى نەگىز ەتۋ، قاتەردى ازايتۋ، ءبىر تۇتاس باسشىلىق ەتۋ، دارەجەگە ايىرىپ جاۋاپتى بولۋ، بولەكتەردى بايلانىستىرۋ، قاراستى جەر بويىنشا باسقارۋ، جەدەل اڭىس ءبىلدىرۋ، سايكەستى توتەپ بەرۋ، ساقتانۋدى نەگىز ەتۋ، زاڭ بويىنشا ءبىر جايلى ەتۋ پرينسيبىنە تاباندى بولىپ، شۇعىل جاعدايعا توتەپ بەرۋگە قولباسشىلىق ەتۋ جۇيەسى قۇرىلىسىن كۇشەيتىپ، ازىق - تۇلىك حاۋىپسىزدىگى ينفورماتسيالارىن قاداعالاۋدى جانە حاۋىپ - قاتەردەن ساقتاندىرۋدى نىعايتىپ، تۇتقيىل ۋاقيعالار ينفورماتسيالارىن مالىمدەۋ ءتۇزىمىن اقاۋسىزداندىرىپ، شۇعىل جاعدايعا توتەپ بەرۋ دايىندىق جوباسىن شىنايى كەمەلدەندىرىپ، دارىندىلار قوسىنى، تەحنيكا، زاتتىق ماتەريال جانە قارجىمەن قامتاماسىز ەتۋ سياقتىلاردى كۇشەيتىپ، ازىق - تۇلىك حاۋىپسىزدىگى جاعىنداعى ۋاقيعالارعا شۇعىل توتەپ بەرىپ، ءبىر جايلى ەتۋ قابىلەتىن ۇزدىكسىز ءوسىرۋ كەرەك.
ءماجىلىس باسقا ىستەردى دە اقىلداستى.
