تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەن حانىمى پىڭ لييۋان جانە نيدەرلاندتىڭ پاتشاسى ۋيليام الەكساندر مەن پاتشايىم ماكسيما نيدەرلاندقا مەكەن تەپكەن مىسىق ايۋدىڭ قونجىق تۋۋىنا وراي ءوزارا قۇتتىقتاۋ حات جولدادى

  شينحۋا اگەنتتىگىنىڭ 6 - ايدىڭ 25 - كۇنى بەيجيڭنەن بەرگەن حابارى. بيىل 5 - ايدا نيدەرلاندقا مەكەن تەپكەن مىسىق ايۋ ”ۋۋىن“ تۋدى. جۋىردا مەملەكەت ءتوراعاسى شي جينپيڭ مەن حانىمى پىڭ لييۋان نيدەرلاندتىڭ پاتشاسى ۋيليام الەكساندرمەن جانە پاتشايىم ماكسيمامەن وسى جونىندە ءوزارا قۇتتىقتاۋ حات جولدادى.

  شي جينپيڭ مەن پىڭ لييۋان قۇتتىقتاۋ حاتىندا مىنالاردى ءبىلدىردى: مىسىق ايۋدىڭ قونجىعى جۇڭگو مەن نيدەرلاند دوستىعىنىڭ تاماشا جاۋھارى، ەكى جاقتىڭ ورگانيزمدەردىڭ كوپ تۇرلىلىگىن قورعاۋ سەلبەستىگىنە كۇش سالۋىنىڭ ماڭىزدى تابىسى، قۇتتىقتاۋعا تاتيدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو - نيدەرلاند ەكى ەل ۇكىمەتتەرى مەن حالىقتارى ءوزارا قول ۇشىن بەرىپ، قيىندىقتى بىلەك بىرىكتىرە جەڭگەن، ءوزارا قارايلاسقان دوستىقتىڭ تاماشا حيكاياسىن جازدى. جۇڭگو جاق جۇڭگو - نيدەرلاند قارىم - قاتىناسىنىڭ دامۋىنا وسكەلەڭ ءمان بەرەدى، نيدەرلاند جاقپەن بىرگە قۇلشىنىپ، سىن - سايىستى ورايعا اينالدىرىپ، ىندەتتەن ساقتانۋ - تىزگىندەۋ جانە ەكى جاقتى بارىس - كەلىس سەلبەستىگىن ءبىر تۇتاس جوسپارلاپ ىلگەرىلەتىپ، ەكى ەل قارىم - قاتىناسىنىڭ تىڭ ساتىعا قادام تاستاۋىن ىلگەرىلەتۋدى قالايدى.

  ۋيليام الەكساندر مەن ماكسيما قۇتتىقتاۋ حاتىندا مىنالاردى ءبىلدىردى: مىسىق ايۋدىڭ تۋۋىنا ءبىز قاتتى قۋاندىق، جاڭا تىرشىلىك نيدەرلاند - جۇڭگو قارىم - قاتىناسىنىڭ تابىسى مول ەكەندىگىنىڭ سيمۆولى، الەمدەگى ورگانيزمدەردىڭ كوپ تۇرلىلىگىن قورعاۋعا دا ۇلەس قوستى. نيدەرلاند جاق ەكى ەلدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سەلبەستىگىنە وسكەلەڭ ءمان بەرەدى. دۇنيە جۇزىندەگى ەلدەر تەك ىنتىماقتاسىپ سەلبەسكەندە عانا، وسى رەتكى الەمدىك قاتەردى جەڭە الادى. نيدەرلاند - جۇڭگو قارىم - قاتىناسىنىڭ نەگىزى بەرىك، نيدەرلاند جاق ۇزدىكسىز تۇردە جۇڭگو جاقپەن ىندەتتىڭ ىقپالىنا قول ۇستاسا توتەپ بەرىپ، ەكى جاقتىڭ قالىپتى بارىس - كەلىسىن ەرتەرەك قالپىنا كەلتىرۋدى قالايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.