تيانشان تورى   ›   جاڭالىقتار   ›   ساياحات

كورىكتى شينجياڭنىڭ كەشكى كورىنىسى كوز تارتتى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  بيىل دۋان - ۋ مەرەكەسى مەزگىلىندە رايونىمىزدىڭ جەر - جەرىندەگى باي مازمۇندى، الۋان ءتۇرلى كەشكى قيمىلدار بازارداعى تۇتىنۋ ومىرشەڭدىك كۇشىن بارىنشا قاۋلاتتى، سونداي - اق مەرەكە - مەيرام دەمالىسىنىڭ تىڭ ”بەتاشارىن“ اشتى.

كەشكى بازار دۋمانعا بولەنىپ، ءدامدى تاعامنان اۋىز ءتيدى

  اس - سۋ − كەشكى ەكونوميكادا وزگەرمەيتىن باس كەيىپكەر.

  6 - ايدىڭ 25 - كۇنى كەشكى ىمىرت مەزگىلى، كۇن باتىسقا ەڭكەيىپ، ىستىق جالىننىڭ لەبى قايتا باستاعان. حوتان قالاسىنداعى حالىق باتىس جولىنىڭ سولتۇستىگىندەگى حوتان كەشكى بازارىندا دۋمان باستالدى.

  كەشكى بازاردا قاريدار شاقىرعان داۋىستار ەمىس - ەمىس ەستىلەدى. جىڭعىل بۇتاعىنا وتكىزىلگەن ساپ - سارى پىسقان كاۋاپتار، ءتاپ - ءتاتتى ايران قوسىلعان قياق كۇرىش، حوش ءيىسى اڭقي قاقتالعان تۇتاس قوي ەتى... ساياحاتشىلاردى باۋرادى.

  ”نە نارسە جاقسى، نە نارسە جاقسى، حوتان كەشكى بازارى جاقسى...“، ساعات 21دە كەشكى بازاردىڭ ورتاسىنداعى ساحنادا ءان اۋەنى كوتەرىلدى، ويىن - ساۋىق ۇيىرمەسىندەگى ادەمى بوز بالا، سۇلۋ بويجەتكەندەر بۇرالا بيگە باستى... ساياحاتشىلار دەرەۋ ولاردى قورالاي تۇرا قالىپ، قول تەلەفوندارىمەن سۋرەتكە ءتۇسىرىپ، كەسكىنگە الىپ، دوستار شەڭبەرىنە شىعارا باستادى.

  دۋان - ۋ مەرەكەسىندە، ارينە، قياق كۇرىش كەم بولسا بولمايدى. قايسار تۇرسۇنتوحتىنىڭ ايران قوسقان قياق كۇرىش جايماسىنىڭ الدىندا قۇشىرلانا جەۋگە اسىققان جۇرت ۇزىننان - ۇزاق شىرەتكە تۇردى، ءدامدى ايران قوسقان قياق كۇرىش قوناقتاردىڭ تابەتىن قوزعاعان.

  وسىمەن ءبىر ۋاقىتتا، التاي قالاسىنداعى جۇڭگو قار قالاسى. حوتان كەشكى بازارى دا رەسمي قوناق قابىلداي باستادى، مەرەكە رايىنىڭ جەبەۋىندە كەشكى بازار ەرەكشە دۋمانعا بولەندى. ساياحاتشىلار ءدامدى تاعامداردان جەپ، قياق كۇرىشتەن ءدام تاتىپ، كەشكى بازاردى قىدىرىپ، كەشكى كورىنىستەن ءلاززاتتاندى.

  ايران قوسقان قياق كۇرىش جايماسى الدىندا جايما يەسى ابدوللا سۇپۇر ماسكى تاعىپ، بامبۋك جاپىراعىمەن ورالعان قياق كۇرىشتىڭ قابىعىن ارشىپ تارەلكەگە سالدى، ونان سوڭ وعان ايران، ءانجۇر توسابىن، مۋگۋا توسابىن قوسىپ، ۇستىنە قانت سۋىن سەپتى... ءارى قىشقىل، ءارى ءتاتتى ايران قوسقان قياق كۇرىش وسىلاي جاسالىپ بولدى. ”بۇگىن دۋان - ۋ مەرەكەسى، ءبىر ساعاتقا جەتپەي ايران قوسقان قياق كۇرىشتەن 100 نەشەسىن ساتتىم، اقشا تابۋمەن قاربالاس بولۋ جاقسى - اق قوي!“، - دەدى ابدوللا.

  ءتۇن پەردەسى قويۋلانا ءتۇستى، جايما - جايمانىڭ بارىنە قوناق لىق تولدى، كوپشىلىك ءدامدى تاعامداردان تاتىپ، تىنىش، بەرەكەلى باقىتتى تۇرمىس ءۇشىن قايتا - قايتا توسىت كوتەرىستى.

كەشكى بازارداعى ەرەن بازارلار ساۋدا ۋاقىتىن ۇزارتتى

  6 - ايدىڭ 25 - كۇنى كەشتە سانجى قالاسى اۆتونوميالى رايوندىق كەشكى ەكونوميكادان ۇلگى كورسەتۋ كوشە اۋماعىنا ورنالاسقان − حۇيجيا شىداي سانجى زات ساتۋ ورتالىعىنا كەلگەن الارماندار توبى شاعىن ورلەۋ قالىپتاستىردى. تاماقتان سوڭ، كوپتەگەن قالا حالقى مەن ساياحاتشىلار وسىندا كەلىپ كەشكى ساۋدا جاسايدى.

  ”ساتۋ ورتالىعىنىڭ كەشكى تيجارات ۋاقىتى بارعان سايىن ۇزاردى، ودان سىرت، باعادا ەرەكشە تيىمدىلىك بار، ءبىز وسىندا كەلىپ زات ساتىپ العاندى جاقسى كورەمىز“، - دەدى قالا تۇرعىنى مىڭ يۇيشان.

  جەر اۋماعى 220 مىڭ شارشى مەتر كەلەتىن حۇيجيا شىداي سانجى زات ساتۋ ورتالىعى سانجىداعى ەڭ ۇلكەن زات ساتىپ الۋ، اس - سۋ، سەيىل - سەرۋەن، كوڭىل اشۋ سياقتىلار شوعىرلى ءبىر تۇلعالانعان تۇرمىس، دەمالىس تۇرىندەگى قالا جالپىلىق تۇلعاسى. تۇتىنۋعا تۇرتكى بولىپ، كەشكى ەكونوميكانى گۇلدەندىرۋ ءۇشىن، دۋان - ۋ مەرەكەسى كۇنى بۇل ساتۋ ورتالىعى تيجارات ۋاقىتىن ۇزارتۋ، باعانى ءتۇسىرىپ، تيىمدىلىك جاساۋ سياقتى تاسىلدەر ارقىلى تۇتىنۋدى جەبەدى. ”دۋان - ۋ مەرەكەسى كۇنى ساتۋ ورتالىعىندا قاريدار مولشەرى 38 مىڭ ادام - رەتكە جەتىپ، سايكەس مەزگىلدەگىدەن %5 ارتتى“، - دەدى حۇيجيا شىداي سانجى زات ساتىپ الۋ ورتالىعىنىڭ باس ديرەكتورى شى يىنلاڭ.

كەشكى ساياحات، كەشكى كوڭىل اشۋ الۋان ءتۇرلى بولدى

  6 - ايدىڭ 25 - كۇنى ساعات 20دا، مەملەكەتتىك 4A دارەجەلى ساياحات كورىنىس ءوڭىرى − كورلا قالاسى اققۋ وزەنى ساياحات كورىنىس ءوڭىرى كەشكى ساياحاتتىڭ شاعىن ورلەۋىن قارسى الدى.

  ىمىرت ۇيىرىلىسىمەن اققۋ وزەنى كورىنىس وڭىرىندە شىراقتار سامسىپ، كوپتەگەن ساياحاتشىلار كول جاعاسىن بويلاي شىراق نۇرىمەن الۋان تۇسكە بويالعان اققۋ وزەنىن تاماشالادى. كوپتەگەن جاستار قول تەلەفوندارىمەن، تىكە تاراتۋ تۇعىرى ارقىلى بۇكىل ەلىمىزدەگى توراپكەرلەرگە كوركەم المۇرت قالاسىنىڭ كەشكى كورىنىسىن تانىستىردى.

  ءبىر - بىرلەگەن سىرتقى ءپىشىنى سۇيكىمدى، يقۋاتى تولىق جىلجىمالى اس - سۋ كولىكتەرى ساياحاتشىلار مەن توڭىرەكتەگى تۇرعىندارعا قولايلى، تەز قىزمەت وتەپ، كەشكى اققۋ وزەنىن دۋمانعا بولەدى.

  6 - ايدىڭ 25 - كۇنى كەشتە ماناس اۋدانى ءجۇزىم اراعى باقشاسىندا لازەر ساۋلەسى سالتاناتى تاعى دا شىمىلدىعىن اشىپ، قالىڭ ساياحاتشىلار مەن جەرگىلىكتى ورىندارداعى تۇرعىنداردى كەلىپ تاماشالاۋعا باۋرادى. اسەم دە كوز جاۋىن الار سۋ كورىنىسى مەن شىراق نۇرى ساياحاتشىلارعا ءبىر مايدان تاماشا كوز قانارلىق سالتانات سيلادى.

  دۋان - ۋ مەرەكەسى كەزىندە ۇرىمجىلىك ساياحاتشى ليۋ جىيۋان مەن دوستارى ماناسقا ساياحاتتاي كەلدى. ”كۇندىز سازدىقتا الۋان گۇلدەردى تاماشالادىق، كەشتە بال شاراپ ءىشىپ، ءدامدى تاعامدار جەدىك، كەشكى كورىنىستەن ءلاززات الدىق، ماناس ەرەكشە كوركەم ەكەن“، - دەدى ليۋ جىيۋان.

  ”جۇرتشىلىقتىڭ جاقىن ماڭنان كەشكى ساياحات، كەشكى دەنە شىنىقتىرۋ، كەشكى كوڭىل اشۋ قاجەتىن قاناعاتتاندىرۋ ءۇشىن ماناس اۋدانى سۇيلاي باقشاسى، ءجۇزىم اراعى باقشاسى جانە شيحاي باقشاسى سىندى 3 نەگىزگى باقشانى اشتى، بۇل باقشالاردىڭ ورتاسى ءساندى، كورىنىسى كوركەم، ساياحاتشىلار مەن تۇرعىنداردىڭ كەشكە جاقىن سەيىل - سەرۋەن قۇرىپ، كوڭىل اشاتىن، ىستىقتان بوي تاسالاپ، سالقىندايتىن تاماشا جەرىنە اينالدى“، - دەدى ماناس اۋداندىق باۋ - باقشا، قالامشا، گۇل - ءشوپ كاسىپ سالاسى مەكەمەسىنىڭ كادرى چىن يابين.

(ءتىلشى شيا چيڭ، جازۋعا قاتىناسقان تىلشىلەر گى يوۋجۇن، جاڭ تيڭ، حوتان تىلشىلەر پۋنكتىنەن جاڭ يۇڭ، ەرىكتى تىلشىلەر جاۋ شۋاڭ، دۇڭ شىجۇي، چىڭ شىلين، جاۋ بەي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى