تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق قۇرىلتايى تۇراقتى كوميتەتى 92 - رەتكى مەڭگەرۋشىلەر ءماجىلىسىن اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 6 - ايدىڭ 28 - كۇنى ۇرىمجىدەن حابارلايدى. 6 - ايدىڭ 28 - كۇنى اۆتونوميالى رايوندىق حالىق قۇرىلتايى تۇراقتى كوميتەتى 92 - رەتكى مەڭگەرۋشىلەر ءماجىلىسىن اشىپ، زاڭ ەرەجە شىعارۋ جانە ۋاكىلدەر قىزمەتىنە تەكسەرۋ - زەرتتەۋ جۇرگىزۋ جاعدايىن تىڭدادى، اۆتونوميالى رايوندىق حالىق قۇرىلتايى ۋاكىلدەرىنىڭ مىندەت وتەۋ ارحيۆىن باسقارۋ، 2020 - جىلعى اۆتونوميالى رايوندىق حالىق قۇرىلتايى تۇراقتى كوميتەتىنىڭ اشىق ۇستاۋ كۇنى قيمىلىن وتكىزۋ ىستەرى سياقتىلاردى اقىلداستى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.

  اۆتونوميالى رايوندىق حالىق قۇرىلتايى تۇراقتى كوميتەتى جۋىقتا ءبىر ءبولىم ايماقتاردىڭ، وبلىستاردىڭ، قالالاردىڭ زاڭ ەرەجە شىعارۋ قىزمەتىنە تەكسەرۋ - زەرتتەۋ جۇرگىزىپ، ءبىر ءبولىم نەگىزگى ساتى زاڭ ەرەجە شىعارۋ بايلانىس تۇيىندەرىنىڭ قىزمەت جاعدايىن ۇعىستى. ءماجىلىس مىنالاردى اتاپ كورسەتتى: تەكسەرۋ - زەرتتەۋ جۇرگىزۋ جاعدايىنان قاراعاندا، اۆتونوميالى رايونداعى جەرگىلىكتى ورىنداردىڭ زاڭ ەرەجە شىعارۋ قىزمەتىنىڭ جوعارىلاۋى ءبىرشاما تەز بولعان، زاڭ ەرەجە شىعارۋ ساپاسى جانە ونىمدىلىگى جاعىندا تۇگەلدەي كورنەكتى ناتيجەگە قول جەتكىزگەن. مۇنان كەيىن اۆتونوميالى رايوندىق پارتكومنىڭ حالىق قۇرىلتايى قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى جەرگىلىكتى ورىنداردىڭ زاڭ ەرەجە شىعارۋ قىزمەتىن اناعۇرلىم كۇشەيتىپ جانە جاقسارتىپ، زاڭ ەرەجە شىعارۋ ساپاسى مەن ونىمدىلىگىن جوعارىلاتۋ سىندى وسى شەشۋشى ءتۇيىندى تىعىز ارقاۋ ەتىپ، ىشكەرىلەي زەرتتەۋ جۇرگىزىپ، تاجىريبەلەردى قورىتىندىلاپ، ماسەلەلەردى ءدال تاۋىپ، باعىتتامالىلىعى كۇشتى، ءونىمى جاقسى شارالاردى، ادىستەردى قولدانىپ، اۆتونوميالى رايوننىڭ جەرگىلىكتى ورىندارىنىڭ زاڭ ەرەجە شىعارۋ قىزمەتىنىڭ ۇزدىكسىز جاڭا بەلەسكە شىعۋىن ىلگەرىلەتۋ كەرەك.

  ءماجىلىس مىنالاردى اتاپ كورسەتتى: اۆتونوميالى رايوندىق پارتكومنىڭ حالىق قۇرىلتايى قىزمەتى ءماجىلىسى حالىق قۇرىلتايى ۋاكىلدەرىنىڭ تۇلعالىق رولىن تولىق ساۋلەلەندىرۋ تۋرالى ناقتى تالاپتاردى ورتاعا قويدى، اۆتونوميالى رايوندىق پارتكومنىڭ قىزمەت ورنالاستىرۋلارىنا ساي، ۋاكىلدەر قىزمەتىنە اناعۇرلىم ءمان بەرىپ جانە كۇشەيتىپ، باعىتتامالى باۋلۋدى ورىستەتىپ، قاتىستى قىزمەت شارالارىن تياناقتاندىرىپ، تۇتاس رايونىمىزداعى ۋاكىلدەردىڭ قىزمەت ورەسىن ۇزدىكسىز ءوسىرۋ قاجەت.

  ۋاكىلدەردىڭ مىندەت وتەۋىن باعالاۋ، ساراپتاۋ مەحانيزمىن اناعۇرلىم جاقسارتۋ، كەمەلدەندىرۋ، ۋاكىلدەردىڭ مىندەت وتەۋ ارحيۆىن باسقارۋ قىزمەتىن جۇيەگە ءتۇسىرۋ ءۇشىن، اۆتونوميالى رايوندىق حالىق قۇرىلتايى تۇراقتى كوميتەتى «اۆتونوميالى رايوندىق حالىق قۇرىلتايى ۋاكىلدەرىنىڭ مىندەت وتەۋ ارحيۆىن باسقارۋ ءادىسىن» جاسادى. ءماجىلىس مىنالاردى تالاپ ەتتى: ۋاكىلدەردىڭ مىندەت وتەۋىنىڭ جاۋاپكەرشىلىك سەزىمىن، بورىشتىلىق سەزىمىن كۇشەيتىپ، ۋاكىلدەردىڭ مىندەت وتەۋ قابىلەتى مەن ورەسىن جوعارىلاتىپ، حالىق قۇرىلتايى ۋاكىلدەرىنىڭ رولىن اناعۇرلىم ويداعىداي ساۋلەلەندىرىپ، رايونىمىز حالىق قۇرىلتايى ۋاكىلدەر قىزمەتىنىڭ جۇيەلىلەنۋ، تۇزىمدەنۋ جانە ناقتى ونىمدىلىك كورسەتۋ قۇرىلىسىن ىلگەرىلەتۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتى 7 - ايدا 2020 - جىلعى اشىق ۇستاۋ كۇنى قيمىلىن وتكىزەدى. ءماجىلىس مىنالاردى اتاپ كورسەتتى: قيمىلعا قاتىناسۋ كولەمى مەن قاۋىمدى ۇزدىكسىز كەڭەيتىپ، قيمىلدىڭ مازمۇنى مەن فورماسىن عىلمي ورنالاستىرىپ، قيمىلدىڭ ساپاسى مەن ءونىمىن شىنايى كۇشەيتۋ كەرەك. وسى قيمىلدى حالىق قۇرىلتايى ءتۇزىمىن ۇگىتتەۋدىڭ تەكشەسىنە، حالىق بۇقاراسىمەن بايلانىس جاساۋدىڭ دانەكەرىنە، حالىق قۇرىلتايى تۇراقتى كوميتەتىنىڭ قىزمەتىن ايگىلەيتىن تەرەزەگە اينالدىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.