تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق ۇكىمەتى 93 - رەتكى ۇنەمىلىك ىستەر ءماجىلىسىن اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 28 - كۇنى ۇرىمجىدەن حابارلايدى. 6 - ايدىڭ 28 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 93 - رەتكى ۇنەمىلىك ىستەر ءماجىلىسىن باسقارىپ اشىپ، تۇتىنۋدى جەبەپ، كولەمىن كەڭەيتىپ، ساپاسىن ءوسىرۋ، جاراقسىز قورعاسىندى اككۋمۋلياتورلاردى جيناپ الۋ، تاسىمالداۋ، ءبىر جاقتى ەتۋ بويىنشا ارناۋلى رەتتەۋ - وڭاۋ ورىستەتۋ سياقتى قىزمەتتەردى اقىلداستى.

  ءماجىلىس مىنالاردى اتاپ كورسەتتى: تۇتىنۋدى جەبەۋ ىشكى سۇرانىس كومەسكى كۇشىن قاۋلاتۋ، ەكونوميكانىڭ تيبىن وزگەرتىپ دارەجەسىن جوعارىلاتۋدى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ جونىنەن كەلەلى ماڭىز الادى. تاۋاردىڭ ساپاسىن جاپپاي جوعارىلاتىپ، ساپانى جوعارىلاتۋ ارەكەتىن كۇش سالا ورىستەتىپ، ەرەكشە ماركا قۇرىلىسىن كۇشەيتىپ، ساۋدانى جەبەيتىن ءتۇرلى تۇعىردان ويداعىداي پايدالانىپ، يمپورتتى بەلسەنە كەڭەيتىپ، شەكارا اتتاعان ەلەكتروندى ساۋدا بولشەك ساتۋ يمپورتى ساياساتىن ويداعىداي تياناقتاندىرىپ، زات اينالىمىنداعى وزىندىك قۇندى تومەندەتىپ، تاۋار ءتۇرىن مولايتىپ، سىرتقا باعىتتالعان ەكونوميكانىڭ دامۋىن جەبەۋ كەرەك. ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارىپ، ەرەكشە ساياحاتتىڭ دامۋىن ۇزدىكسىز ىلگەرىلەتىپ، مادەنيەت، ساياحات جاعىنداعى تۇتىنۋدىڭ دارەجەسىن جوعارىلاتۋدى جەبەپ، شەكارا سىرتىنداعى ساياحاتشىلاردىڭ تۇتىنۋ كولەمىن كەڭەيتۋ كەرەك. مادەنيەت، ساياحات ماركاسىن ۇگىتتەۋ سەرپىنىن ارتتىرىپ، زەردەلى ساياحاتتى جەدەل ىلگەرىلەتىپ، ”ءبىر قول تەلەفونمەن شينجياڭدى ساياحاتتاۋ“ تۇعىرىن كۇش سالا ۇگىتتەپ، جالپىلاستىرىپ، ساياحات ارقىلى شينجياڭعا كومەكتەسۋدەگى ساياحاتشى قاينارى بازارىنىڭ تيجاراتتىق ساتۋىن كۇشەيتىپ، ۇكىمەت تۇعىر ورناتقان، كاسىپورىن جەتەكشى بولعان، جەلىدەگى جانە جەلىدەن تىسقارعى توعىسقان، ساياحاتشىلار قاتىناسىپ ءوزارا ىقپالداسقان جان - جاقتى جالپىلاستىرۋ ۇلگىسىن قاراستىرۋ، قالىپتاستىرۋ كەرەك. ەرەكشە تۇتىنۋ تورىن كۇش سالا قۇرىپ، جەرگىلىكتى ورىننىڭ ەرەكشەلىگىن تولىق ايگىلەيتىن ءبىر بەكەتتىك كەشەندى تۇتىنۋ تۇعىرىنان ءبىر توبىن قۇرۋ، قالىپتاستىرۋ كەرەك. ەلەكتروندى ساۋدانى اۋىل - قىستاقتارعا جەتكىزۋدەن ۇلگى كورسەتۋ نىسان قۇرىلىسىنىڭ جەتەكشىلىك رولىن ساۋلەلەندىرىپ، تۇتىنۋ ارقىلى كەدەيلەردى سۇيەمەلدەۋدى ىشكەرىلەي ورىستەتىپ، اۋىل - قىستاقتاردىڭ جەدەل جەتكىزۋ قىزمەت وتەۋ تورىن كەمەلدەندىرىپ، اۋىل شارۋاشىلىق ماتەريالدارى كاسىپورىندارىنىڭ تيبىن جاڭالاپ، دارەجەسىن جوعارىلاتۋىن جەدەلدەتۋ كەرەك. جەدەل جولداما زات اينالىمى قۇرىلعىلارىن ورنالاستىرۋدى اناعۇرلىم ساپالىلاندىرىپ، ايماق - وبلىستاعى ورتالىق قالالاردىڭ اۆياتسيا، تاس جول، تەمىر جول قۇرلىقتىق تاسىمالىنىڭ توپتاۋ - جونەلتۋ ورتالىعى، سونداي - اق ورتا، شاعىن قالا - قالاشىقتاردىڭ جەدەل جولدامالاردى جەتكىزۋ ورتالىعى قۇرىلىسىن ىلگەرىلەتىپ، ”ەلەكتروندى ساۋدا كاسىپ باقشاسى + زات اينالىمى باقشاسىن“ توعىستىرا دامىتۋ ۇلگىسىن بەلسەنە ىلگەرىلەتىپ، زات اينالىمىنىڭ ساقتاۋ، جەتكىزۋ ءبىر تۇلعالانعان جۇمىسىن ىلگەرىلەتۋ كەرەك. ”زەردەلى +“ تۇتىنۋ ەكولوگيالىق جۇيەسىن جەدەل تۇلعالاپ، 5G تورى سياقتى ينفورماتسيالىق نەگىزدىك قۇرىلعىلار قۇرىلىسىن جەدەل ىلگەرىلەتىپ، جەلىدەگى جانە جەلىدەن تىسقارعى توعىسۋ سياقتى جاڭا تۇتىنۋ ۇلگىسىن دامىتۋعا شابىتتاندىرىپ، جاسىل وندىرىسكە جانە جاسىل تۇتىنۋعا جەتەكشىلىك ەتۋ كەرەك. الاڭسىز تۇتىنۋ ورتاسىن جاپپاي قالىپتاستىرىپ، بازار ءتارتىبىن باقىلاۋ - باسقارۋدى كۇشەيتىپ، تۇتىنۋ سالاسىنداعى سەنىمدىلىك جۇيە قۇرىلىسىن بەلسەنە ىلگەرىلەتىپ، تۇتىنۋشىلاردىڭ ۇقىعىن قورعاۋ ارناسىن ونان ارى ىركىلىسسىزدەندىرىپ، تۇتىنۋشىلاردىڭ زاڭدى ۇقىق - مۇددەسىنە سۇعاناقتىق جاسايتىن ارەكەتتەردى زاڭ، بەلگىلەمە بويىنشا تەكسەرىپ ءبىر جاقتى ەتۋ كەرەك.

  ءماجىلىس مىنالاردى اتاپ كورسەتتى: جاراقسىز قورعاسىندى اككۋمۋلياتور − قايتا وڭدەپ پايدالانۋ قۇنى اسا جوعارى بايلىق بولىپ قانا قويماي، «مەملەكەتتىڭ قاتەرلى جاراقسىز زاتتار تىزىمىندە» تۇراقتاندىرىلعان قاتەرلى جاراقسىز بۇيىم، ءسوز جوق، مەملەكەتتىڭ قاتەرلى جاراقسىز بۇيىمداردى باسقارۋعا قاتىستى بەلگىلەمەسىنە ساي، جۇيەلى تۇردە جيناۋ، ساقتاۋ، تاسىمالداۋ، ءبىر جاقتى ەتۋ كەرەك. جاراقسىز قورعاسىندى اككۋمۋلياتور ءوندىرىس ورىندارىن قاينارىنان باسقارۋدى كۇشەيتىپ، زاڭ ۇگىتىن كۇشەيتىپ، وندىرەتىن، كۇشىنەن قالدىراتىن ورىنداردىڭ ولشەمدەنگەن ورتا باسقارۋىن باقىلاۋ - تەكسەرۋدى كۇشەيتىپ، جاراقسىز قورعاسىندى اككۋمۋلياتوردى جيناپ الۋ، تاسىمالداپ ءبىر جاقتى ەتۋ بويىنشا ارناۋلى رەتتەۋ - وڭاۋ ورىستەتىپ، جاراقسىز قورعاسىندى اككۋمۋلياتوردى شوعىرلى جيناپ الۋ جانە ءوڭىر اتتاپ تاسىمالداۋ ءتۇزىمىن تۇيىندەردە سىناق ەتۋدى تياناقتاندىرىپ، رايونىمىزدىڭ جاراقسىز قورعاسىندى اككۋمۋلياتوردى جيناپ الۋ، تاسىمالداۋ، ءبىر جاقتى ەتۋ بازارىنىڭ ءتارتىبىن اناعۇرلىم جۇيەلىلەندىرىپ، ەكولوگيالىق ورتانىڭ حاۋىپسىزدىگىن جانە حالىق بۇقاراسىنىڭ سالاماتتىعىن قامتاماسىز ەتۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.