شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفەي 6 - ايدىڭ 28 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنەن ۇعىسۋىنشا، تاياۋدا اۆتونوميالى رايوندىق حالىق ۇكىمەتى كەڭسەسى «كەزەكتە رايونىمىزدىڭ كوپ ساتىلى كاپيتال بازارىن جەدەل قۇرۋ جونىندەگى اتقارۋ پىكىرىن» باسىپ تاراتىپ، نازاردى كاسىپورىنداردىڭ جارناسىن بازارعا سالۋ بارىسىنداعى تولعاقتى تۇيىندەرگە جانە بوگەتتەرگە شوعىرلاندىرىپ، باعىتتامالى جانە يكەمدى 19 ناقتى شارا العا قويىپ، رايونىمىزداعى كاسىپورىنداردى كاپيتال بازارىنا سۇيەنىپ، ساپالى، الۋەتتى بولۋعا، ساپانى جوعارىلاتىپ، ونىمدىلىكتى ارتتىرۋعا شابىتتاندىردى.
اناعۇرلىم جوعارى ساپاداعى جارنانى بازارعا سالۋ زاپاس بايلىعىن جەتىلدىرۋ جاعىندا «اتقارۋ پىكىرىندە» مىنالار تالاپ ەتىلدى: جەر - جەر (وبلىس، قالا)، قاتىستى تاراۋلار وڭىرلىك جارنا ۇقىعى بازار قۇرىلىسىنا وسكەلەڭ ءمان بەرىپ، تۇتاس جەلىدەگى كوپ ساتىلى كاپيتال بازارىنا قىزمەت وتەۋ جۇيەسىن ورناتىپ، سالالارعا، كاسىپتەرگە، بولىكتەرگە ءبولىپ جارناسى بازارعا شىعارىلاتىن كاسىپورىنداردى دالمە - ءدال جەتىلدىرىپ، قارجى قوسۋ، قارجى قۇراۋ بويىنشا ۇشتاستىرۋ، كەڭەسۋ تۇعىرىن ورناتىپ، اقاۋسىزداندىرىپ، جارنا ۇقىعى بويىنشا قارجى قۇراۋدى تارتىپپەن دامىتىپ، اينالدىرۋعا بولاتىن نەسيە بويىنشا قارجى قۇراۋدى ۇزدىكسىز كەڭەيتىپ، جارناسى بازارعا شىعارىلماعان شەكتى جارنا سەرىكتەستىكتەرىنىڭ جارناسىن تىركەۋ، اماناتتاپ باسقارۋ قىزمەتىن جان - جاقتى ىلگەرىلەتۋ كەرەك.
جارنانى بازارعا شىعارۋعا اناعۇرلىم جوعارى ءونىمدى سايكەستى قىزمەت وتەۋمەن قامداۋ جاعىندا «اتقارۋ پىكىرىندە» مىنالار تالاپ ەتىلدى: جەر - جەر (وبلىس، قالا)، قاتىستى تاراۋلار سيلىق، قوسىمشا قاراجات تاراتۋ، جەردەن پايدالانۋ سۇرانىسىن قاناعاتتاندىرۋ، تەكسەرۋ - ولشەۋ تيىمدىلىگىن اتقارۋ، كاسىپورىنداردىڭ وزىندىك قۇنىن تومەندەتۋ، ءبىلىم مەنشىك ۇقىعىن قورعاۋ، مەملەكەت مەنشىگىندەگى مال - مۇلىكتى اينالىمعا سالۋدى ىركىلىسسىزدەندىرۋ سياقتى سالالاردا جارناسى بازارعا شىعارىلاتىن سەرىكتەستىكتەرگە ءتۇيىندى قولداۋ كورسەتۋ كەرەك.
جارناسى بازارعا شىعارىلعان سەرىكتەستىكتەر، جاڭا ءۇش بولىكتە ماڭدايشالىق اسقان سەرىكتەستىكتەر جونىنەن «اتقارۋ پىكىرى» بايلىقتى بىرىكتىرۋگە شابىتتاندىرۋ، سەرىكتەستىكتى جونگە سالۋدى جۇيەلىلەندىرۋ، سەرىكتەستىكتىڭ ساپاسىن جوعارىلاتۋمەن بىرگە حاۋىپ - قاتەردەن ساقتانۋدى جانە ونى تىزگىندەۋدى كۇشەيتىپ، شينجياڭنىڭ كوپ ساتىلى كاپيتال بازارىنىڭ ءۇرتىس ورنىقتى، اقاۋسىز دامۋىن شىن مانىندە قورعايدى.
«اتقارۋ پىكىرىندە» مىنالار تالاپ ەتىلدى: جەر - جەر (وبلىس، قالا) ۇيىمدىق باسشىلىقتى كۇشەيتىپ، كاسىپورىنداردى باۋلۋدى جانە جارناسىن بازارعا شىعارۋدى ىلگەرىلەتۋگە باسشىلىق ەتۋ قۇرىلىمىن ونان ارى ورناتۋ، اقاۋسىزداندىرۋ كەرەك. شينجياڭ قۇندى قاعاز باقىلاۋ - باسقارۋ مەكەمەسىنىڭ جەتەكشىلىك ەتۋ، ەستەلىككە الۋ بويىنشا تىركەۋ ايقىنداۋىن العان كاسىپورىندار جونىنەن جەر - جەر (وبلىس، قالا) ونىمەن ”ءبىردىڭ بىرگە“ بويىنشا بايلانىس جاساپ سۇيەمەلدەۋىنە ءبىر باسشى كادر جىبەرىپ، ساياساتتىڭ تياناقتانۋىنداعى ”سوڭعى ءبىر كيلومەتردى“ ىركىلىسسىزدەندىرۋ كەرەك.
