تيانشان تورى   ›   جاڭالىقتار   ›   شينجياڭ حابارلارى

حوتاننىڭ جاڭا تۇسكە ەنگەن تۋانچىڭ بايىرعى كوشەسىنەن اۋىل ەلەسى مەن مۇندالايدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ

  باۋ - باقشالى شاتىرشا ۇيلەر، ويۋلى ءماتشالار مەن ورنەكتى ارقالىقتار، ەسكىنىڭ ءىزى وسى زامانمەن توعىسقان ادەمى شاعىن عيماراتتار تۋانچىڭدى حوتان قالاسىنىڭ دەسە دەگەندەي ”كوركەم كورىنىسىنە“ اينالدىرعان.

      6 - ايدىڭ ورتا شەنى تۋانچىڭ كوشەسىنىڭ ەكى جاعىندا راۋشانگۇلى قۇلپىرا جايقالىپ تۇر، سەيىل - سەرۋەن قۇرىپ كوشە بويلاپ جۇرسەڭىز، قاز - قاتار رەتتى تۇسكەن وزگەشە ەرەكشەلىككە يە ۇلتتىق ستيلدەگى قۇرىلىستار، تاقتايداي تەگىس ءتۇزۋ جول، جول بويىنداعى دۇكەندەردەگى دوپپا، كىلەم، مىس شاۋگىم، اتلاس كەزدەمە سياقتى كوزدىڭ جاۋىن الاتىن ەرەكشە ۇلتتىق قولونەر بۇيىمدارى كوزگە شالدىعادى. ۇيلەسىمدى جوبالانعان، تازا دا كوركەم سىرتقى ورتا تۋانچىڭ تۇرعىندارىنىڭ ۇيلەرىنە ءتۇرلى شوپتەر مەن گۇلدەر ەگۋ ىنتاسىن وياتىپ، ءار ءۇيدىڭ وزىنە ءتان تاماشا تەرەزە جاقتاۋلارى سۋرەتكە تۇسىرۋشىلەر ءۇشىن تاماشا كورىنىسكە اينالعان.

  تۋانچىڭدا تۇراتىن ابدۇروزى مامەت كۇندەگىسىنشە ەرتەمەن ەسىگىن اشىپ، دۇكەننىڭ الدىنداعى كوشەگە سۋ شاشىپ، تاپ - تازا ەتىپ سىپىرىپ تاستادى دا، دۇكەنىنە قايتادان باس سۇعىپ ساۋداسى ءجۇرىپ تۇرعان كىلەمىن ەڭ كورنەكتى جەرگە ءىلىپ قويىپ، الارمانىن كۇتتى.

  حوتان قالاسى نارباق ءمالىسى اۋماعى 26 گەگتارلىق الاپ، كوشەلەرى ورتالىعىنان جان - جاققا بىتىراپ، قورشاي ورنالاسۋىمەن، ”تۋانچىڭ“ دەپ اتالعان، بۇل شينجياڭنىڭ وڭتۇستىك بولىگىندەگى ءداستۇرلى حالىقتىق سالت - سانا كوشە اۋماعىنىڭ تيپتىك جۇلگەسى سانالادى. بۇرىن بۇل جەردەگى ۇيلەر جاتاعان، الاسا، توزعان، ەسكى بولاتىن، وندا تۇراتىن تۇرعىندار كەپتەر، گۇل - ءشوپ، قۇس، قۇرت، بالىق سياقتىلاردى ساۋدالاۋمەن كۇن كورەتىن دە، جۇرت بۇل ارانى كەپتەر كوشەسى دەپ اتاپ كەتكەن.

  ”ءبىر ۇيدەگى وشارلى جان جاتاعان الاسا 3 بولمەلى جەر ۇيدە تۇراتىنبىز، ءۇيدىڭ قاقپاسى اشىلسا كورشى ءۇيدىڭ داۋالىنا تىرەلەتىن، 3 دوڭگەلەكتى اربانىڭ كىرىپ - شىعۋى مۇڭ بولاتىن. جەل شىقسا ءبىتتى سۋلياۋ قالتالار، جاپىراقتار اسپاندى جاباتىن“، - دەيدى ابدۇروزى تۋانچىڭدى جاڭالاۋدان بۇرىنعى كورىنىستەردى ەسكە الىپ.

  تۋانچىڭ 2016 - جىلدان باستاپ جاڭالانا باستادى، نىسانعا 317 ميلليون يۋان قارجى قوسىلىپ، 3500دەن استام وتباسىنداعى تۇرعىندى قامتىدى. قازىر تۋانچىڭداعى جاتاعان، الاسا، توزعان، ەسكى جەر ۇيلەر جوعالىپ، ونىڭ ورنىن استى - ءۇستى قۇبىر سۋى بار، تەرەزەلەرى جارقىراعان 2 قاباتتى ”اي - ۋان“ ەرەكشە تۇرعىن ۇيلەرى باستى.

  حوتان ايماعى مادەنيەت - دەنە تاربيە - راديو، تەلەۆيزيا جانە ساياحات مەكەمەسىنىڭ قاتىستى جاۋاپتىسىنىڭ تانىستىرۋىنشا كونە قالانى جاڭارتۋدا بۇرىنعى ”اي - ۋان“ قۇرىلىس ستيلى قاز - قالپىندا ساقتالعان. ”اي - ۋان“ تۇرعىن ۇيلەرى وڭتۇستىك شينجياڭ ءوڭىرىنىڭ قورشاعان ورتاسىنا، كليماتىنا ۇيلەسەتىن قۇرىلىس ۇلگىسى سانالادى، تۇيىق سالىنعان اۋلا مەن كەڭىستىكتىك جوبالاۋ قۇمدى بوراننان ساقتانۋ رولىن اتقارىپ قالماستان، جەرگىلىكتى حالىقتىق سالت - سانانى ايگىلەگەن.

  كونە قالانى جاڭالاۋ تۇرعىنداردىڭ تۇرمىس شارت - جاعدايىن جاقسارتىپ، اۋىل ەلەسىن ساقتاپ قالدى ءارى سول جەردىڭ ساياحات كاسىبىنىڭ دامۋىن دا جانداندىردى. ساياحاتشىلار بۇل جەردەن ءداستۇردىڭ قازىرگى زامانمەن قابىسقان لەبىن سەزىنە الادى. تۋانچىڭ بۇرىنعى بەت - بەينەسىن ساقتاپ قالماستان، وسى زامانعى قۇرىلىس ستيلدەرى مەن باسقارۋ تاسىلدەرىن دە وزىنە ءسىڭىرىپ، حالىقتىق سالت - سانا كوشەسىن ءتۇيىندى تۇردە قالىپتاستىرىپ، كونە قالا اۋماعىنان جاڭا ومىرشەڭدىك قاۋلاتتى.

  ابدۇجالەل ماتسەيت تۋانچىڭنىڭ كونە تۇرعىنى، ءبىراز جىلدار بۇرىن ىشكى ولكەلەردە ساۋدا جاساعان، جاسى ۇلعايعان سوڭ تۋانچىڭعا قايتقان ول تۋانچىڭنىڭ 2 - مەرزىمدىك جاڭالاۋىنا ءدال كەزىگىپ، 3 ميلليون يۋان شىعارىپ ءوزىنىڭ ءۇيىن حالىقتىق تۇسەلحانا ەتىپ وزگەرتىپتى. ”قازىر ساياحاتتايتىن ادامدار قاتارى كۇن سايىن كوبەيۋدە، بۇل جەردە مەن جاتار ورىنمەن عانا ەمەس، كەپتەر سورپاسى سياقتى ەرەكشە تاعامدارمەن دە قامداي الامىن“، - دەيدى ابدۇجالەل قۋانا. ونىڭ ۇيىنە كىرىپ اينالا شولساڭىز، حالىقتىق تۇسەلحانانىڭ ىشىندەگى اشەكەيلى دالان تىرەۋلەرىنە بۇكىلدەي قولمەن ورنەك سالىنعانىن، ءۇيدىڭ ىشىندەگى ۇستەل - ورىندىقتاردىڭ دا تابيعي بەينەدە ەكەنىن كورەسىز، زالعا ەۆروپا ستيلىندەگى ۇلكەن اسپا شام ءىلىنىپ، بولمەلەرگە سىمسىز ينتەرنەت، قول تەلەفوندى زاريادتاۋ سياقتى جابدىقتار ورنالاستىرىلىپ، ەسكىنىڭ ءىزى قازىرگى زامانمەن تابيعي تۇردە ءبىر تۇلعادا قابىسقان.

  قازىر مەملەكەتتىك 3A دارەجەلى كورىنىس ءوڭىرى بولعان تۋانچىڭ ساياحاتشىلار، ءسوزسىز، باراتىن جەرگە اينالعان، بيىل جىل باسىنان بەرى، 17 مىڭ 961 ساياحاتشى (ادام - رەت) قابىلداپ، ساياحات كىرىسى 2 ميلليون 622 مىڭ 730 يۋانعا جەتكەن.

  ەرەكشە تاعامدار ساۋداسىمەن شۇعىلدانۋ، جايلى دەمالىس ورنىن دايىنداۋ، ينتەرنەتتە جۇلدىز بولعان ءدامدى تاعامداردى ەنگىزۋ، تازالىق ءۇيىنىڭ شارت - جاعدايىن جاقسارتۋ سياقتى نەگىزدىك قۇرىلعىلار... تىڭعىلىقتى، ناقتى شارالار تۋانچىڭنىڭ اناعۇرلىم كوپ ساياحاتشىنى باۋراۋىنا مۇمكىندىك بەردى. 2019 - جىلى 8 ەرەكشە حالىقتىق تۇسەلحانا سالۋ نەگىزىندە بيىل تۋانچىڭ جالعاستى 14 ەرەكشە حالىقتىق تۇسەلحانانى تۇلعالاماقشى.

  تۋانچىڭ تاريحي - مادەنيەت ايگىلى قالانى قورعاۋ جوسپارى بويىنشا اۋماقتاعى كەڭىستىكتىك جۇلگەنى، ءداستۇرلى كوشەلەر مەن وزگەشە كەلبەتتى قورعاپ، بايىرعى قالاداعى ءداستۇرلى قۇرىلىس ونەرىنىڭ، بەيزاتتىق مادەنيەت مۇرالارىنىڭ جالعاسۋىنا جانە دامۋىنا مۇمكىندىك بەرۋمەن قوسا، تۇرعىنداردىڭ تۇرمىس ورتاسىن دا جاقسارتىپ، تۇرعىنداردىڭ جۇمىستانۋ ماسەلەسىن شەشىپ، ساياحات كاسىبىنىڭ دامۋىن جەبەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى