شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «زاپاس مىندەتتەگى اسكەري بولىمدەردىڭ باسشىلىق ءتۇزىلىسىن رەتتەۋ جونىندەگى قاراردى» باسىپ تاراتتى (تومەندە قىسقاشا «قارار» دەلىنەدى). «قاراردا» مىنالار ايقىندالدى: 2020 - جىلى 7 - ايدىڭ 1 - كۇنى ساعات نولدەن باستاپ، زاپاس مىندەتتەگى اسكەري بولىمدەر ارميانىڭ باسشىلىق، قولباسشىلىق جۇيەسىنە جالپى بەتتىك ەنگىزىلەدى، قازىر اتقارىلىپ وتىرعان ارميا مەن جەرگىلىكتى ورىننىڭ قوس قاباتتى باسشىلىعى رەتتەلىپ پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ ورتالىقتانعان ءبىر تۇتاس باسشىلىعىندا بولادى.
«قاراردا» مىنالار اتاپ كورسەتىلدى: زاپاس مىندەتتەگى اسكەري بولىمدەر − حالىق ازاتتىق ارمياسىنىڭ قۇرامداس بولىگى، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ حالىق ارمياسىنا شارتسىز باسشىلىعى تۇزىمىنە تاباندى بولىپ جانە ونى كەمەلدەندىرىپ، پارتيانىڭ جاڭا داۋىردە ارميانى قۇدىرەتتەندىرۋ نىساناسىن جۇزەگە اسىرۋعا شىنايى كەپىلدىك ەتىپ، حالىق ارمياسىن دۇنيە جۇزىندەگى ماڭداي الدى ارميا ەتىپ جاپپاي قۇرىپ شىعۋ ءۇشىن، ارميا − ارميا، ساقشى − ساقشى، حالىق − حالىق پرينسيبى بويىنشا، زاپاس مىندەتتەگى اسكەري بولىمدەردىڭ باسشىلىق تۇزىلىسىنە رەتتەۋ جۇرگىزىلدى.
«قاراردا» مىنالار تالاپ ەتىلدى: ورتالىق پەن مەملەكەت ورگاندارى، جەرگىلىكتى پارتكومدار مەن ۇكىمەتتەر قاتىستى زاڭدارعا، زاڭ ەرەجەلەرگە ساي مەملەكەت قورعانىسى قۇرىلىسى جاۋاپكەرشىلىگىن اتقارادى، زاپاس مىندەتتەگى اسكەري بولىمدەر قۇرىلىسىن قولدايدى. ارميا مەن جەرگىلىكتى ورىندارداعى قاتىستى ورىندار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، بەلسەندىلىكپەن، ىرىقتىلىقپەن سايكەستىرىپ، تىعىز سايكەسە سەلبەسىپ، قاتىستى قىزمەتتەردى ەگجەي - تەگجەيلى ناقتى ىستەپ، زاپاس مىندەتتەگى اسكەري بولىمدەردىڭ باسشىلىق ءتۇزىلىسىنىڭ ورنىقتى اۋىسۋىنا، تارتىپپەن ۇشتاسۋىنا شىنايى كەپىلدىك ەتۋ كەرەك.
