تيانشان تورى   ›   جاڭالىقتار   ›   شينجياڭ حابارلارى

شەكارا اتتاعان ەلەكتروندى ساۋدا ەكسپورت جولدامالارى 20 ميلليون دانادان استى

الاتاۋ ساعاسى شەكارا وتكەلى تۇتاس جىلدىق نىسانانى 160 كۇندە ورىنداپ بولدى

شەكارا اتتاعان ەلەكتروندى ساۋدا ەكسپورت جولدامالارى 20 ميلليون دانادان استى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 6 - ايدىڭ 29 - كۇنى ۇرىمجىدەن حابارلايدى. 6 - ايدىڭ 28 - كۇنى ساعات 18دە، الاتاۋ ساعاسى ۋنيۆەرسال باجىسىز اۋماعىنداعى شەكارا اتتاعان ەلەكتروندى ساۋدا بويىنشا ىرىكتەۋ جەلىسى ىشىندە، الاتاۋ ساعاسى كەدەنىنىڭ قىزمەتكەرلەرى جياڭسۋدىڭ كۇنشانىنان پولشاعا جونەلتىلگەن جيىنى 162 مىڭ 900 دانا شەكارا اتتاعان ەلەكتروندى ساۋدا ەكسپورت جولداماسىن سول جەردىڭ وزىندە تەكسەردى. ءۇرىمجى كەدەنىنەن الىنعان ساندى مالىمەتكە قاراعاندا، سول كۇنگە دەيىن، الاتاۋ ساعاسى شەكارا وتكەلىندەگى شەكارا اتتاعان ەلەكتروندى ساۋدا ەكسپورت جولدامالارىنىڭ سانى 20 ميلليون دانادان اسىپ، 20 ميلليون 11 مىڭ 100 داناعا جەتكەن.

  بيىل 1 - ايدىڭ 21 - كۇنى الاتاۋ ساعاسى شەكارا وتكەلى العاش رەت شەكارا اتتاعان ەلەكتروندى ساۋدا كاسىبىن اشقاننان بەرى، الاتاۋ ساعاسى شەكارا وتكەلىنەن ەلەكتروندى ساۋدا ەكسپورت جولدامالارىندا قاۋىرت ارتۋ جاعدايى بايقالىپ، كۇندىك ورتاشا ەكسپورت مولشەرى 125 مىڭنان اسىپ، 160 كۇننىڭ وزىندە 20 ميلليون دانانى ەكسپورت ەتۋدەي تۇتاس جىلدىق نىسانانى جۇزەگە اسىردى.

  ”سەرىكتەستىگىمىزدىڭ شەكارا اتتاعان ەلەكتروندى ساۋدا كاسىبى مولشەرى اي سايىن ۇزدىكسىز ارتىپ كەلەدى. قازىرگە دەيىن، سەرىكتەستىگىمىزدىڭ 6 - ايداعى جولداما سانى 6 ميلليون دانادان استى. كەدەن جانە تەمىر جول تاراۋلارى ءبىزدىڭ شەكارا اتتاعان ەلەكتروندى ساۋدا جولدامالارىن ەكسپورتقا شىعارۋىمىز ءۇشىن ۇيلەسىمدى بولعان ءبىر قىدىرۋ كەدەننەن وتكىزۋگە قىزمەت وتەۋ ساياساتتارىن شىعاردى، جوعارى ءونىمدى جۇمىس ۇلگىسى ءبىزدىڭ 2 اپتانىڭ ىشىندە شەكارا اتتاعان ەلەكتروندى ساۋدا جولدامالارىن ەۆروپاعا جونەلتۋىمىزگە مۇمكىندىك جاساپ، ەۆروپالىق قاريدارلاردى بارىنشا باۋرادى“، - دەدى الاتاۋ ساعاسىنداعى بەلگىلى زات اينالىمى سەرىكتەستىگىنىڭ قىزمەتكەرى ۋ لاڭ.

  قازىر الاتاۋ ساعاسى شەكارا وتكەلىنەن ەكسپورتقا شىعارىلاتىن ەلەكتروندى ساۋدا جولدامالارى نەگىزىنەن ويىنشىق، ءۇي جيھازدارى، كيىم - كەشەك، تۇرمىستىق ۇساق - تۇيەك بۇيىم سياقتى تاۋارلار، زاتتار الاتاۋ شەكارا وتكەلىنە جەتكەننەن كەيىن، تەمىر جول تاسىمالى ارقىلى بەلگيا، گەرمانيا سياقتى ەلدەرگە جونەلتىلىپ، سودان كەيىن ەۆروپا وداعى كەدەنىنە تىزىمگە الدىرىلىپ، شەكاراسىنان كىرگىزىلگەن سوڭ جەرگىلىكتى پوچتا، دۇنحاۋ جەدەل جەتكىزۋى نەمەسە UPS جەدەل جەتكىزۋى سياقتىلاردىڭ جەتكىزۋىنە وتكەرمەلەنەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى