تەبىندى ارىنمەن جورىققا اتتانىپ، بار كۇشپەن قامال الىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 29 - كۇنى ياركەننەن حابارلايدى. 6 - ايدىڭ 29 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءوزى جاۋاپتى بولعان اۋىر كەدەي اۋدان − ياركەن اۋدانىندا كەدەيلىكتەن ارىلتۋدان قامال الۋ شايقاسىن باسى - قاسىندا قاداعالادى. ول بىلاي دەپ باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابى بويىنشا، ۋاقىتپەن جارىسا ۇمتىلاتىن كۇيىمەن، شىنايى يگەرىپ، ناقتى ىستەۋ ستيلىمەن، مىزعىماس تاباندىلىقپەن، تەبىندى ارىنمەن جورىققا اتتانىپ، بار كۇشپەن قامال الىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك.
شوكىرات زاكىر ىلگەرىندى - كەيىندى ياركەن اۋدانىنىڭ ساياحاتشىلاردى جيناۋ - جونەلتۋ ەلەكتروندى ساۋدا جالپىلىق قىزمەت وتەۋ ورتالىعىنا، اۋداندىق سۇرىپتامالى كوكونىس جانە توڭازىتىپ قۇرعاتۋ، مانەرلەۋ سەحىنا، توقىماشىلىق، كيىم - كەشەك كاسىپورنىنا، جۇڭتاي توبى 2 ميلليون ۇرشىقتى توقىماشىلىق باقشا رايونى نىسانىنا، ياركەن ءمالى باسقارماسى جايتەرەك قىستاعى ەرەكشە جۇمىستاندىرۋ كوشەسىنە، تابيعي پيگمەنت ءوندىرۋ كاسىپورنىنا، كەدەي وتباسىلارىنا بارىپ تەكسەرۋ - زەرتتەۋ جۇرگىزىپ، سول جەردىڭ وزىندە كاسىپ سالاسىن دامىتۋ، باسقا سالاعا ويىستىرىپ جۇمىستاندىرۋ، نىسان قۇرىلىسىن ىلگەرىلەتۋ، بەكەمدەۋ، دارەجەسىن ءوسىرۋ سياقتى جاعدايلاردى ۇعىسىپ، كەدەيلىكتەن ارىلتۋدان قامال الۋ قىزمەتىنە ارناۋلى تاقىرىپتا قۋزاۋشىلىق - جەتەكشىلىك ەتتى.
تەكسەرۋ - زەرتتەۋ كەزىندە، شوكىرات زاكىر كەدەيلىكتەن ارىلتۋدان قامال الۋدى باسى - قاسىندا قاداعالاۋ شايقاسى اڭگىمە ءماجىلىسىن باسقارىپ اشتى. ول بىلاي دەپ باسا دارىپتەدى: قاشقار ايماعى، اسىرەسە، ياركەن اۋدانى تۇتاس شينجياڭنىڭ كەدەيلىكتەن ارىلتۋدان قامال الۋىنداعى ەڭ قيىن ءتۇيىن جانە قامال الۋ قيىندىعى ەڭ زور كەدەيلىك قامالدارىنىڭ ءبىرى، تۇتاس شينجياڭدا كەدەيلىكتەن ارىلتۋدان قامال الۋ كەلەلى جاعدايىندا سالماعى اۋىر، ىقپالى زور. مۇندا ”ءتورت تانىمدى“ اناعۇرلىم كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جاپپاي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانىپ، تامىر تارتۋىنا شىنايى كەپىلدىك ەتۋ كەرەك. اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا، كۇش - قۋاتتى شوعىرلاندىرىپ ولقىلىقتاردى تولىقتاپ، ءالسىز تۇستاردى كۇشەيتىپ، تياناقتاندىرۋدى مىقتى يگەرىپ، كەدەيلىكتەن ارىلتۋدان قامال الۋ نىسانالارى مەن مىندەتتەرىن باتىل، دەر كەزىندە، جوعارى ساپامەن ورىنداپ، ياركەن اۋدانىنىڭ تۇتاس شينجياڭمەن، بۇكىل ەلمەن بىرگە جاپپاي دوڭگەلەك داۋلەتتى قوعام ورناتۋىنا شىنايى كەپىلدىك ەتۋ كەرەك.
شوكىرات زاكىر بىلاي دەپ باسا دارىپتەدى: كەدەيلىكتەن ارىلتۋدان قامال الۋ ەڭ سوڭعى اتويلاۋ ساتىنە كەلدى، ءارى ءسوزسىز، جەڭىسكە جەتۋ سەنىمىن بەكەمدەۋ، ءارى تاۋقىمەت تانىمىن كۇشەيتۋ، تومەنگى شەكتە ويلاۋ ارقىلى ءتۇرلى قىزمەتتەردى ويداعىداي ىستەۋ قاجەت. كەدەيلىكتەن ارىلماعان قالعان جان سانىن ارقاۋ ەتە وتىرىپ كۇش سالۋ، سونىمەن بىرگە قايتالاي كەدەيلەسۋدەن، سونداي - اق تىڭنان كەدەيلەسۋدەن ساقتانۋدى اناعۇرلىم كورنەكتى ورىنعا قويۋ، بىردە - ءبىر بۇقارانى جاپپاي دوڭگەلەك داۋلەتتى قوعام ورناتۋ جولىندا قاتاردان قالدىرماۋ كەرەك. ماسەلەنى باعدار ەتۋدەن جازباي، ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋدا ”قايتا قاداعالاۋ“، كەدەيلىكتەن ارىلتۋدان قامال الۋدىڭ ونىمدىلىگىن باعالاۋ، كەڭ كولەمدە اداقتاپ تەكسەرۋ سياقتى اڭىس ەتكەن نەمەسە بايقالعان ماسەلەلەردى توڭىرەكتەي وتىرىپ، شىندىقتى ءىس جۇزىنەن ىزدەپ، قاينارىن تەرەڭ قازىپ، ۇزدىكسىز كۇش سالىپ، قاجىماي - تالماي قۇلشىنىپ، رەتتەۋ - تۇزەتۋدى تياناقتاندىرۋدى شىن مانىندە ويداعىداي مىقتى يگەرۋ، كەدەيلىكتەن ارىلتۋدان قامال الۋدىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋدى“ ءجىتى قاداعالاپ، جۇمىستاندىرۋدى كەدەيلىكتەن ارىلتۋدان قامال الۋداعى ەڭ ماڭىزدى ورىنعا قويىپ، كەدەي حالىقتىڭ ورنىقتى جۇمىستانۋىن شىنايى جوعارىلاتىپ، كەدەيلىكتەن ورنىقتى ارىلتۋدىڭ، كىرىستى ارتتىرىپ، بايۋدىڭ نەگىزىن بەكەمدەۋ كەرەك. ءارقايسى جاقتىڭ جاۋاپكەرشىلىگىن قاتايتىپ، ءارقايسى جاقتىڭ كۇش - قۋاتىن ءبىر تۇتاس جوسپارلاپ ساۋلەلەندىرىپ، قاداعالاۋ مەن شايقاس جاساۋدى بىرلەستىرىپ، ءارى قاداعالاۋ، ءارى شايقاس جۇرگىزۋ، قىزمەتتەگى شالاعايلىقتان، ستيلدەگى ۇشقالاقتىقتان باتىل ساقتانىپ، ساياساتتىڭ تياناقتانۋىنا، نىسانداردىڭ تياناقتانۋىنا تىڭعىلىقتى تۇردە شىن مانىندە كەپىلدىك ەتىپ، ءبىر نيەتپەن سەلبەسىپ ەڭ سوڭعى قيىندىقتى جەڭۋ كەرەك. كەدەيلىكتەن ارىلتۋدان قامال الۋ حيكايالارىن ويداعىداي بايانداپ، قاسىمىزداعى ادامداردان، ماڭايىمىزداعى ىستەردەن پايدالانىپ تاربيە جۇرگىزىپ، كەدەي جۇرتشىلىقتى ەڭبەكشىل قوس قولىنا سۇيەنىپ كەدەيلىكتەن ارىلۋعا جەتەكتەۋ، كەدەيلىكتەن ارىلتۋدا ىشكى قوزعاۋشى كۇشتى قاۋلاتۋ ءتيىس. كەدەيلىكتەن جالپى بەتتىك ارىلتۋدى اۋىل - قىستاقتى كوركەيتۋمەن ءونىمدى ۇشتاستىرۋدى ۇزدىكسىز ىلگەرىلەتىپ، ءتۇيىندى نىسان قۇرىلىسىن تۇتقا ەتىپ، اۋىل - قىستاقتى كوركەيتۋگە بەرىك نەگىز قالاۋ كەرەك.
