6 - ايدىڭ 28 - كۇنى C919 ۇشاعى تۇرپان اۋەجايىنا قوندى. سۋرەتتى ليۋ جيان تۇسىرگەن
شينجياڭ گازەتىنىڭ جالپىلىق اقپارات قۇرالدارى تىلشىلەرى ما ينيڭ، جاڭ رۇيلين، ەرىكتى ءتىلشى جاڭ دۇڭگو 6 - ايدىڭ 29 - كۇنى ۇرىمجىدەن حابارلايدى. 6 - ايدىڭ 28 - كۇنى ەلىمىزدىڭ تۇڭعىش ەڭ جاڭا حالىقارالىق ۇشۋ جارامدىلىعى ولشەمى بويىنشا جاساعان، دەربەس ءبىلىم مەنشىگى ۇقىعىنا يە رەاكتيۆتىك حالىقتىق ۇشاعى − C919 جولاۋشىلار ۇشاعى تۇرپانعا قوندى، ءبىر اي مەرزىم بويىنشا جوعارى تەمپەراتۋرادا ۇشۋ ارناۋلى سىناعىن جاسايدى.
C919 ەلىمىزدە جاسالعان جولاۋشىلار ۇشاعى 158 − 174 ورىندىعى بار، ۇشۋ ارالىعى 4075 − 5555 كيلومەتر، 2017 - جىلى العاشقى ۇشۋدى ورىنداعان، 2021 - جىلى باسقارۋ تاراۋىنىڭ ۇشۋ جارامدىلىعى كۋالىگىنە يە بولۋ ءارى پايدالانۋعا بەرۋ جوسپارلانعان. قازىرگى كەزەڭدە، 919 C جولاۋشىلار ۇشاعى كوپ اۋەجايلاردا، كوپ وڭىردە سايكەستى سىناق رەتىندە ۇشۋ ۇلگىسىن باستاپ، تۇتاس جەلى بويىنشا جوعارى كۇشەمەلىكتى، جوعارى ونىمدىلىكتى، جوعارى ساپالى ۇشۋ سىناعى كەزەڭىنە ءوتىپ، ۇشاقتىڭ ءارقايسى يقۋاتتارىنىڭ ۇشۋ جارامدىلىعى ولشەمىنە ۇيلەسۋىنە شىنايى كەپىلدىك ەتۋدە. مۇنىڭ ىشىندە جوعارى تەمپەراتۋرادا ۇشۋ سىناعى حالىقتىق ۇشاق، ءسوزسىز، وتۋگە ءتيىستى ەرەكشە كليمات سىناعى بولىپ تابىلادى.
وسى رەتكى جوعارى تەمپەراتۋرادا ۇشۋ سىناعىنىڭ قامتاماسىزدىق قىزمەتىن جاقسى ىستەۋ ءۇشىن، تۇرپان اۋەجايى 919 C ۇشاعىنىڭ جوعارى تەمپەراتۋرادا ۇشۋ سىناعىنىڭ قامتاماسىزدىق جوباسىن ارنايى جاساپ، ۇشاقتىڭ سىناق مىندەتتەرىن ورىنداۋىنا شىنايى كەپىلدىك ەتتى. تانىستىرۋعا قاراعاندا، باستاپقى مەزگىلدە بۇكىل ەلدەگى اۋەجايلاردىڭ بۇرىنعى جىلدارداعى اۋا رايى ساندى مالىمەتىنە ساناق جۇرگىزۋ، تالداۋ جاساۋدان كەيىن، جۇڭگو ساۋدالىق 919 C جولاۋشىلار ۇشاعىن ۇشىرۋ سىناعىن جاساۋ ۇجىمى تۇرپان اۋەجايىنىڭ جازداعى جوعارى تەمپەراتۋرا شارت - جاعدايى ۇشىرۋ سىناعىنىڭ تالاپتارىن قاناعاتتاندىرا الادى دەپ باعالاپ، وسى رەت ۇشىرۋ سىناعى نىسانىن ۇيىمداستىرىپ، ۇشاق يقۋاتتارىنىڭ ساندى مالىمەتتەرىن جيناۋدى ۇيعارعان.
تۇرپان ەجەلدەن ”وتتى القاپ“ دەگەن اتقا يە، تەمپەراتۋراسى جوعارى، جاڭبىر از، بۇكىل ەلدە اتى ايگىلى جوعارى تەمپەراتۋرالى وڭىرلەردىڭ ءبىرى. ەرەكشە كليمات شارت - جاعدايى تۇرپان قالاسىنىڭ ىلگەرىندى كەيىندى ەلىمىزدەگى قۇرعاق، ىستىق جاراتىلىستىق ورتا سىناعى ولشەمدىك ءتۇيىنى جانە ماڭىزدى ىستىق وڭىرلىك اۆتوكولىك سىناۋ بازاسى بولىپ بەكىتىلۋىنە مۇمكىندىك جاسادى.
