تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

كەدەيلىكتەن ارىلتۋدان قامال الۋدا جەلبىرەگەن نارت قىزىل پارتيا تۋى

شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ جىلي، حان چينيان، ءرايدا

  كەدەيلىكتەن ارىلتۋدان قامال الۋدا نارت قىزىل پارتيا تۋى جەلبىرەپ، دوڭگەلەك داۋلەتتىلىككە جەتۋ جولىندا اۆانگارد بولۋعا ۇمتىلدى. كەزەكتە رايونىمىزدا قالىڭ پارتيا مۇشەلەرى تيانشاننىڭ تۇستىگى مەن تەرىستىگىندە كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساۋدا. نارت قىزىل پارتيا تۋلارى − كەدەيلىكتەن ارىلتۋدان قامال الۋدىڭ ەڭ سوڭعى اتويىندا جارقىراي جەلبىرەدى؛ قاربالاس جاندار − جاپپاي دوڭگەلەك داۋلەتتى قوعام ورناتۋ جولىنداعى ەڭ كوركەم كورىنىسكە اينالدى.

اۋەلگى ماقساتتى، بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتتى

  ”كومبەگە تاياعان سايىن تىڭعىلىقتى ىستەۋ كەرەك“. كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋدىڭ شەشۋشى ساتىندە، رايونىمىزداعى قالىڭ پارتيا مۇشەلەرى كەدەيلىكتەن ارىلتۋ مىندەت جاۋاپكەرشىلىگىن اناعۇرلىم سانالى تۇردە ارقالاپ، كەدەيلىكتەن ارىلتۋ مىندەتىن مىقتاپ يگەرىپ، ”قامال المايىنشا شەپتەن قايتپايتىن“ جىگەرمەن قامال الىپ قيىنشىلىقتاردى جەڭىپ، ەكپىندەي العا ىلگەرىلەدى.

       ”ءادىس - امالدىڭ قيىنشىلىقتان كوپ بولاتىندىعىنا باستان - اياق سەنىپ كەلەمىن، قىستاعىمىزدا جەر بايلىعى تاپشى بولعانىمەن، قىستاقتىڭ دامۋىنا ۇيلەسەتىن، قىستاق تۇرعىندارىنىڭ كىرىسىن ارتتىراتىن جولعا تۇستىك. قازىر قىستاقتاعى بارلىق تۇرعىننىڭ كەدەيلىكتەن ارىلتۋدان قامال الۋعا سەنىمى كامىل“، - دەدى 6 - ايدىڭ 29 - كۇنى قاشقار قالاسى جاڭا وستەڭ اۋىلى يىڭنەقاش قىستاعى پارتيا ياچەيكاسىنىڭ شۋجيى بەلىقىز تۇرسىن.

  يىڭنەقاش قىستاعى − اۋىر كەدەي قىستاق، جان باسىندىق ورتاشا ەگىستىك جەر 2 مۋعا دا جەتپەيدى، ارحيۆ تۇرعىزىلىپ، كارتچكالاندىرىلعان 460 وتباسى، 1835 ادام بار، كەدەيلىكتەن ارىلتۋ مىندەتى ەرەكشە جاپالى. وسى بىرنەشە جىلدا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ كومەگىندە يىڭنەقاش قىستاعى ”پارتيا ياچەيكاسى + كاسىپورىن +كەدەي وتباسى“ سىندى كەپتەر باعىپ بايىپ كەدەيلىكتەن ارىلۋ جولىن تاپتى. شينتوۋ كەپتەر كاسىبى شەكتى جاۋاپكەرشىلىك سەرىكتەستىگى بالاپان كەپتەرمەن قامدايدى، كەدەي وتباسىلارى كاسىپورىن اتىنان كەپتەر باعادى، كەپتەر جۇمىرتقاسىن جينايدى، بالاپان كەپتەر جەتىلدىرەدى، كەپتەر ءوسىپ، جۇمىرتقالاعان سوڭ، كاسىپورىن توقتامداسقان باعا بويىنشا كەدەي وتباسىلارىنان ساتىپ الادى. قىستاق پارتيا ياچەيكاسى بالاپان كەپتەرلەردى تاراتۋ، ساتىپ الۋ باعاسىن اقىلداسۋ، كەپتەر جۇمىرتقاسىن، ەتتى كەپتەر ساتىپ الۋ سياقتى ىستەردى بەلسەندىلىكپەن سايكەستىرە شەشىپ، كەدەي وتباسىلارىنىڭ ۇيدەن شىقپاي - اق كىرىستى ارتتىرىپ كەدەيلىكتەن ارىلۋىنا مۇمكىندىك جاسادى.

  6 - ايدىڭ 29 - كۇنى باركول قازاق اۆتونوميالى اۋدانى سارشوقى اۋىلدىق كەدەيلىكتەن ارىلتۋدان قامال الۋ كەڭسەسىنىڭ مەڭگەرۋشىسى ءپاتىقان قۋانىش ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ قوزعالىستىق ينفورماتسياسىن جايشىلىقتاعىداي كورىپ، رەتتەپ، سالىستىرىپ تەكسەرىپ جاتتى. ”2016 - جىلى اۋىلىمىز كەدەيلىكتەن ارىلىپ، كەدەيلىك قالپاعىن الىپ تاستادى، ءبىراق قايتا كەدەيلەسۋدەن ساقتانۋ قىزمەتىنە استە سەلقوس قاراماۋىمىز كەرەك“. ول: ءبىر پارتيا مۇشەسى كەدەيلەردى دالمە - ءدال سۇيەمەلدەۋدىڭ ءبىر تۋى، كوپتەگەن ىستەردە الدىمەن ويلاستىرىپ، الدىمەن قيمىلداپ، ءاربىر قىزمەتتى ناقتى، ەگجەي - تەگجەيلى يگەرۋىمىز كەرەك، - دەدى.

تىرەك بولىپ، جان اشىر بولىپ جاندارىنان تابىلدى

  قالىڭ پارتيالى كادرلار كەدەيلىكپەن شايقاستا تىرەك بولىپ، جان اشىر بولىپ جاندارىنان تابىلدى، ولار كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ پارمەندى تىرەگى جانە ساياسي كەپىلى.

  6 - ايدىڭ 29 - كۇنى تولى اۋدانى دولاتى اۋىلىنىڭ جاماتى قىستاعىندا، بىرنەشە قىستاق تۇرعىنى مەن تولى اۋداندىق حالىق ۇكىمەتى كەڭسەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى ۋ چيۋچيۇڭ كىرىستى ارتتىرۋ ءىسىن اقىلداسىپ جاتتى. قىستاق تۇرعىندارىنىڭ كەيبىرەۋى ونىڭ وزدەرى باققان تاۋىقتى ساتۋىنا كومەكتەسۋىن ءۇمىت ەتسە، كەيبىرەۋى ۋ چيۋچيۇڭنىڭ سيىر ءسۇتىنىڭ ساتىلۋىنا كومەكتەسۋىن ايتىپ جاتتى... ۋ چيۋچيۇڭ كوپشىلىكتىڭ ماسەلەلەرىن ءبىر - بىرلەپ داپتەرىنە جازىپ الدى، ”كوپشىلىك الاڭسىز بولىڭىزدار، بۇگىن كەشتە ياچەيكا جيىن اشىپ، شەشۋ جوباسىن تالقىلايدى“، - دەدى ول.

  2018 - جىلى قىستاقتا تۇرعاننان بەرى، ۋ چيۋچيۇڭ قىزمەت اترەتىنىڭ مۇشەلەرى مەن قىستاق ”ەكى كوميتەتىن“ باستاپ، ”جەتى ءبىر توپ“ كەدەيلەردى سۇيەمەلدەۋ شاراسى بويىنشا، ەڭبەككۇشتەردى باسقا كاسىپ سالاسىنا ويىستىرىپ جۇمىستاندىرۋ، قونىس اۋدارتىپ كەدەيلەردى سۇيەمەلدەۋ، شاعىن امانات - قارىز اقشا بەرىپ قولداۋ سياقتى تاسىلدەر ارقىلى قىستاق تۇرعىندارىنىڭ كىرىستى ارتتىرىپ بايۋىنا كومەكتەستى. بۇگىنگى كۇندە جاماتى قىستاعىنداعى تۇرعىنداردىڭ جىلدىق جان باسىندىق ورتاشا كىرىسى 13 مىڭ يۋانعا، قىستاق كوللەكتيۆىنىڭ ەكونوميكالىق كىرىسى 300 مىڭ يۋانعا جەتتى. ”كەدەيلىكتەن ارىلۋ ءبىرىنشى قادام عانا، قىستاق تۇرعىندارىنىڭ جاقسى تۇرمىسى ءالى الدا“، - دەدى ۋ چيۋچيۇڭ.

  ”كەدەيلىكتەن ارىلتۋدىڭ تابىستارىن بەكەمدەۋدىڭ جولى ءالى الىس، ءبىرىنشى شۋجي رەتىندە، كەدەيلىكتەن ارىلتۋدان قامال الۋدى سوڭىنا دەيىن جۇرگىزۋىم كەرەك، تولىق جەڭىسكە جەتپەيىنشە استە شەپتەن قايتپايمىن“، - دەدى 6 - ايدىڭ 25 - كۇنى قاراقاش اۋدانى اقساراي اۋىلى قۇمدان قىستاعىنىڭ ءبىرىنشى شۋجيى لي يۇيگاڭ.

  ادام كوپ، جەر ازدىق − قۇمدان قىستاعىنىڭ كەدەيلىكتەن ارىلتۋدان قامال الۋ جولىندا ءدوپ كەلگەن ەڭ رەال ماسەلە. كەدەيلىكتەن ارىلۋ ءۇشىن، كەزەكتەگى مىندەت ءمان - جايدى انىقتاۋ، ”اۋرۋ وشاعىن“ ءداپ باسىپ تابۋ. لي يۇيگاڭنىڭ باستاۋىمەن قىستاق سيىر، قوي، قويان، ەتتى كەپتەر باعىمشىلىق سەلبەستىك كووپەراتيۆتەرىن قۇرىپ، كەدەي وتباسىلارىنىڭ كىرىسىنىڭ اۋەلدەگى تەك قانا ەگىمشىلىكتەن، باعىمشىلىقتان كىرۋىن ەڭبەكاقىلىق، وندىرىستىك، تيجاراتتىق، جارنا پايداسى سياقتى كوپ ءتۇرلى تاسىلگە وزگەرتتى. 2018 - جىلدىڭ اياعىندا، قىستاقتاعى ارحيۆ تۇرعىزىلىپ، كارتچكالاندىرىلعان 134 وتباسىنداعى 618 قىستاق تۇرعىنىنىڭ بارلىعى كەدەيلىكتەن ارىلىپ بولدى.

كاسىپورىننىڭ جاۋاپكەرشىلىگىن ادا ەتىپ، شارۋالار كىرىسىنىڭ ارتۋىنا دەم بەردى

  كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ ءۇشىن، قوعامدىق بايلىقتى بىرىكتىرىپ، ءار جاقتاعى كۇشتەردەن پايدالانۋ كەرەك. قالىڭ كاسىپورىنداعى پارتيا ۇيىمدارى مەن پارتيا مۇشەلەرى كەدەيلىكتەن ارىلتۋدان قامال الۋدا ماڭىزدى رولىن ساۋلەلەندىرىپ، جاۋاپكەرشىلىك ارقالاۋدى ايگىلەدى.

  ۇلىقشات اۋدانى بايقۇرۇت اۋىلىنىڭ بايانعوشۇت قىستاعى مال شارۋاشىلىق قىستاعى، جاراتىلىستىق شارت - جاعدايى ناشار، قىستاق تۇرعىندارى سيىر، قوي باعىمشىلىعىن نەگىز ەتەدى، كىرىس دەڭگەيى تومەن. 2018 - جىلى 12 - ايدا 48 جاستاعى تان شۋاندى جۇڭگو حۋاديان توبى شەكتى سەرىكتەستىگى وسى قىستاقتىڭ ءبىرىنشى شۋجيى بولۋعا تاڭداپ جىبەردى. پارتيا مۇشەسى بولعان تان شۋان ”قويشى“ بولۋعا پەيىل بولىپ، قىستاق تۇرعىندارىن باعىمشىلىق كاسىبىن دامىتىپ كەدەيلىكتەن ارىلىپ بايۋعا باستادى.

  تان شۋاننىڭ باستاۋىمەن قىستاق كاسىپتىك سەلبەستىك كووپەراتيۆىن قۇرىپ، ”ينتەرنەت + سەلبەستىك كووپەراتيۆى + مالشى“ ۇلگىسى ارقىلى اۋىل شارۋاشىلىعى قوسىمشا ونىمدەرىنىڭ ساتىلۋ ارناسىن كەڭەيتتى. ”بىردە 270 اۋىل شارۋاشىلىعى ءونىمى زاكازىن تاپسىرىپ الىپ، قىستاق كادرلارىمەن بىرگە 2 ساعات وتىرىپ تەز جەتكىزۋ تالونىن جازىپ رەتتەگەنىم ەسىمدە“، - دەدى 6 - ايدىڭ 29 - كۇنى وسى سەلبەستىك كووپەراتيۆىنىڭ جاۋاپتىسى تۇرسۇناحۇن ءمومىن. تەك بىلتىردىڭ وزىندە وسى سەلبەستىك كووپەراتيۆى بەيجيڭ، شاڭحاي سياقتى بۇكىل ەلدەگى 30 نەشە قالاعا 50 مىڭ كيلوگرامنان استام قوي ەتىن، قوداس ەتىن ساتىپ، ساتۋ كىرىسى 6 ميلليون يۋاننان استى.

  6 - ايدىڭ 28 - كۇنى اقسۋ ايماعى، اقسۋ قالاسى جاعىنان تالاي رەت ”كەدەيلىكتەن ارىلتۋدان قامال الۋداعى وزات“ بولىپ باعالانعان شينجياڭ جىنيۋان اماندىق قورعاۋ قىزمەت وتەۋ شەكتى سەرىكتەستىگىنىڭ القا باستىعى جاۋ ۋىنبين: ”مەن ءبىر پارتيا مۇشەسىمىن، كەدەيلىكتەن ارىلتۋدان قامال الۋعا بولماشى كۇشىمدى قوسۋ جاۋاپكەرشىلىگىم بار“، - دەدى. كەدەي قىستاقتاعى بۇقارانى بىرلەسىپ كوتەرمەگە الىپ كەدەيلىكتەن ارىلتۋ مىندەتىن ورىنداۋدىڭ سىرتىندا، بىلتىر 5 - ايدا جاۋ ۋىنبيننىڭ سەرىكتەستىگى ءۇشتۇرپان اۋدانى مەن كەلپىن اۋدانىنان 61 كەدەي بۇقارانى شارتسىز تۇردە جۇمىستاندىردى، بيىل تاعى 16 كەدەي بۇقارا وسى سەرىكتەستىكتە ورنىقتى جۇمىستانۋ ارقىلى كەدەيلىكتەن ارىلىپ بايۋ جولىنا ءتۇستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى