«جۇڭگو كوممۋنيستىك پارتياسىنىڭ ارميانىڭ پارتيا قۇرىلىسى ەرەجەسىن» جانە «جۇڭگو كوممۋنيستىك پارتياسىنىڭ نەگىزگى ساتى ۇيىمى سايلاۋ قىزمەتى ەرەجەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 - ايدىڭ 29 - كۇنى ءماجىلىس اشىپ، «جۇڭگو كوممۋنيستىك پارتياسىنىڭ ارميانىڭ پارتيا قۇرىلىسى ەرەجەسىن» جانە «جۇڭگو كوممۋنيستىك پارتياسىنىڭ نەگىزگى ساتى ۇيىمى سايلاۋ قىزمەتى ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: پارتيا باسشىلىعى مەن پارتيا قۇرىلىسى حالىق ارمياسى قۇرىلىسى دامۋىنىڭ تەتىگى، ارميانى قۇدىرەتتەندىرۋ ىستەرىنىڭ گۇلدەنۋ - قۇلدىراۋىنا، جەڭىس - جەڭىلىسىنە سايادى، پارتيا مەن مەملەكەتتىڭ باياندى تىنىشتىعىنا سايادى. «جۇڭگو كوممۋنيستىك پارتياسىنىڭ ارميانىڭ پارتيا قۇرىلىسى ەرەجەسىن» جاساۋ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋدىڭ ماڭىزدى شاراسى، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋ جونىنەن، پارتيانىڭ ارمياعا شارتسىز باسشىلىعىنا شىنايى كەپىلدىك ەتۋ، جاڭا داۋىردەگى ارميانىڭ بورىشىن، مىندەتىن ءونىمدى اتقارۋعا شىنايى كەپىلدىك ەتۋ، حالىق ارمياسىنىڭ سيپاتىن، باستى ماقساتىن، قاسيەتىن ماڭگى ساقتاۋىنا شىنايى كەپىلدىك ەتۋ جونىنەن، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە جۇزىندەگى ماڭداي الدى ارميا ەتىپ جاپپاي قۇرىپ شىعۋ جونىنەن كەلەلى ماڭىز الادى.
ءماجىلىس مىنالاردى باسا دارىپتەدى: پارتيانىڭ ارمياعا شارتسىز باسشىلىعىنا مىزعىماستان تاباندى بولىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن جاپپاي، ىشكەرىلەي دايەكتىلەندىرىپ، ساياسي رەتتەۋ - جاتتىقتىرۋدى ۇزدىكسىز تەرەڭدەتىپ، شارتسىز ادال، شارتسىز كىرشىكسىز، شارتسىز سەنىمدى بولۋدى ورىنداۋ كەرەك. نازاردى كۇش - قۋاتتى ۇيىستىرىپ سوعىسقا دايىندالۋعا، شايقاس جۇرگىزۋگە شوعىرلاندىرۋعا تاباندى بولىپ، جاۋىنگەرلىك قۋات سىندى بىردەن - ءبىر ءتۇبىرلى ولشەمدى حالىق ارمياسىنىڭ پارتيا قۇرىلىسىنىڭ تۇتاس بارىسىندا جانە ءار جاقتارىندا دايەكتىلەندىرىپ، پارتيانىڭ ساياسي ابزالدىلىعى مەن ۇيىمدىق ابزالدىلىعىنىڭ جەڭىسكە جەتۋ ابزالدىلىعىنا اينالۋىن جەبەۋ كەرەك. پارتيانى جاپپاي قاتاڭ جونگە سالۋ تالابىن دايەكتىلەندىرۋگە تاباندى بولىپ، ستيلدى مىزعىماستان دۇرىستاپ، ءتارتىپتى قاتايتىپ، فورماشىلدىقتى، تورەشىلدىكتى باتىل تۇزەتۋ - جونگە سالۋ كەرەك. باتىلدىقپەن وزىنە توڭكەرىس جاساۋعا تاباندى بولىپ، ۇزدىكسىز تۇردە ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوزىن جوعارىلاتۋ كەرەك.
ءماجىلىس مىنالاردى تالاپ ەتتى: «جۇڭگو كوممۋنيستىك پارتياسىنىڭ ارميانىڭ پارتيا قۇرىلىسى ەرەجەسىن» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى كۇشەيتۋ كەرەك. شۋجيلەر قوسىنى مەن القا مۇشەلەرىن نەگىز ەتە وتىرىپ، ۇيرەنۋدى، باۋلۋدى جاقسى يگەرىپ، پارتيا قۇرىلىسىن يگەرۋ تانىمى مەن قابىلەتىن جوعارىلاتۋ كەرەك. باسشىلار قۋزاۋ - جەتەكشىلىك ەتۋدى كۇشەيتىپ، «جۇڭگو كوممۋنيستىك پارتياسىنىڭ ارميانىڭ پارتيا قۇرىلىسى ەرەجەسىنىڭ» ءونىمدى اتقارىلۋىنا، تياناقتانىپ ناتيجە بەرۋىنە شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزگى ساتى پارتيا ۇيىمىنىڭ سايلاۋ قىزمەتىنە ايرىقشا ءمان بەرىپ، پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ، پارتيا ىشىندەگى سايلاۋ ءتۇزىمىن ارناعا ءتۇسىرۋ، كەمەلدەندىرۋ جونىندە ءبىر قىدىرۋ كەلەلى ورنالاستىرۋلار جاساپ، نەگىزگى ساتى پارتيا ۇيىمى قۇرىلىسىن پارمەندى ىلگەرىلەتتى. «جۇڭگو كوممۋنيستىك پارتياسىنىڭ نەگىزگى ساتى ۇيىمى سايلاۋ قىزمەتى ەرەجەسىن» جاساۋ جانە اتقارۋ پارتيانى پارتيا باسقارۋدى، پارتيانى جاپپاي قاتاڭ جونگە سالۋدى تياناقتاندىرۋدىڭ تالابى، پارتيا ىشىندە دەموكراتيانى ساۋلەلەندىرۋدەگى، پارتيا مۇشەلەرىنىڭ دەموكراتيالىق ۇقىعىنا قۇرمەت ەتۋدەگى، نەگىزگى ساتى پارتيا ۇيىمىنىڭ سايلاۋىن ارناعا تۇسىرۋدەگى ناقتى شارا، نەگىزگى ساتى پارتيا ۇيىمىنىڭ ساياسي يقۋاتى مەن ۇيىمداستىرۋ قابىلەتىن كۇشەيتىپ، نەگىزگى ساتى پارتيا ۇيىمى قۇرىلىسىن پارتيانىڭ دارىپتەمەسىن ۇگىتتەۋدىڭ، پارتيانىڭ قارارىن دايەكتىلەندىرۋدىڭ، نەگىزگى ساتىنى جونگە سالۋعا باسشىلىق ەتۋدىڭ، بۇقارانى ىنتىماقتاستىرا جۇمىلدىرۋدىڭ، رەفورمانى، دامۋدى جەبەۋدىڭ پارمەندى جاۋىنگەر قورعانى ەتىپ، پارتيانىڭ ۇزاق ۋاقىت بيلىك جۇرگىزۋىنىڭ ۇيىمدىق نەگىزىن بەكەمدەۋ جونىنەن كەلەلى ماڭىز الادى.
ءماجىلىس مىنالاردى باسا دارىپتەدى: سايلاۋ ءتۇزىمىنىڭ بەلگىلەمەسىن قاتاڭ اتقارىپ، پارتيا ىشىندەگى سايلاۋدىڭ ساپاسىن جوعارىلاتىپ، پارتيا ۆستابى بەرگەن پارتيا مۇشەلەرىنىڭ ۇقىعىن قامتاماسىز ەتىپ، پارتيا تانىمىن، ساياسي تانىمدى، قاعيدا تانىمىن كۇشەيتۋ كەرەك. ۋاكىل تولىمدىلىعى شارتىن قاتايتىپ، تولىمدى ۋاكىل سايلاپ شىعۋعا شىنايى كەپىلدىك ەتۋ كەرەك. ۋاكىل سانىن ۇيلەسىمدى ءبولىپ، ۋاكىل قۇرىلىمىن ساپالىلاندىرىپ، ءوندىرىس پەن قىزمەتتىڭ ءبىرىنشى شەبىندەگى ۋاكىلدەر سالىستىرماسىنا شىنايى كەپىلدىك ەتۋ كەرەك. ءمورالدى دا قابىلەتتى بولۋ، ءمورالدى الدىڭعى ورىنعا قويۋ جانە القا قۇرىلىمى ۇيلەسىمدى بولۋ پرينسيبى بويىنشا مۇشە كاندايداتتاردى كورسەتۋ كەرەك. تاربيەنى الدىڭعى ورىنعا قويۋعا، ەسكەرتۋدى الدىڭعى ورىنعا قويۋعا، ساقتانۋدى الدىڭعى ورىنعا قويۋعا تاباندى بولىپ، ساياسي ءتارتىپتى، ۇيىمدىق ءتارتىپتى جانە كەزەك اۋىستىرۋ ءتارتىبىن قاتايتىپ، سايلاۋدىڭ ستيلى پاك، سالتى دۇرىس بولۋىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكومدار «جۇڭگو كوممۋنيستىك پارتياسىنڭ نەگىزگى ساتى ۇيىمى سايلاۋ قىزمەتى ەرەجەسىن» اتقارۋعا ۇيىمدىق باسشىلىقتى كۇشەيتىپ، پارتكومنىڭ تۇلعالىق جاۋاپكەرشىلىگىن قاتايتىپ، جوسپارلاۋدى كۇشەيتىپ، زەيىن قويا ۇيىمداستىرىپ، تۇتاس بارىس بويىنشا وتكەلدى مەڭگەرۋ كەرەك. دەموكراتيالىق ورتالىقتاندىرۋ ءتۇزىمىن دايەكتىلەندىرىپ، اتقارىپ، پارتيا مۇشەلەرى مەن ۋاكىلدەردى دەموكراتيالىق ۇقىعىن دۇرىس جۇرگىزۋگە تاربيەلەپ، جەتەكتەپ، سايلاۋ قىزمەتىنىڭ ورنىقتى، ءتارتىپتى بولۋىنا كەپىلدىك ەتۋ كەرەك. نەگىزگى ساتى پارتيا ۇيىمى شۋجيلەرى مەن پارتيا ىستەرى تىرەكتى كادرلارىن باۋلۋدى كۇشەيتىپ، قىزمەتتىڭ ولشەمدەنۋ ورەسىن جوعارىلاتۋ كەرەك. تياناقتاندىرۋدى قۋزاۋدى كۇشەيتىپ، «جۇڭگو كوممۋنيستىك پارتياسىنىڭ نەگىزگى ساتى ۇيىمى سايلاۋ قىزمەتى ەرەجەسىنىڭ» بەلگىلەمەلەرىنىڭ، تالاپتارىنىڭ ناقتى تياناقتانۋىنا شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
