شينجياڭ گازەتىنىڭ حابارى. تاياۋدا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اۆتونوميالى رايوندىق قاتىناس - تاسىمال مەڭگەرمەسىنىڭ بۇرىنعى 2 - دارەجەلى شارلاۋشىسى يىلھام ابىلەتتىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىن دەلو تۇرعىزىپ تەكتەدى، تەكسەردى.
تەكسەرۋ ارقىلى مىنالار انىقتالدى: يىلھام پارتياعا ادال بولماعان، شىنايى بولماعان، ءىشى مەن سىرتى بىردەي ەمەس، كورىنىستە بويسۇنعانسىپ، كومەسكىدە قايشىلىق جاساعان؛ ۇيىمنىڭ تەكسەرۋىنە قارسى شىعىپ، دالەل - فاكتتى جويعان، جاسىرعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، باسقارۋ، قىزمەت وتەۋ وبيەكتىلەرىنىڭ قوناقاسىن جانە كۇتۋىن قابىلداعان؛ ەرەجەگە قايشى تارتۋ - تارالعى، سي اقى قابىلداپ، ەرەجەگە قايشى پايدا تابۋ قيمىلدارىمەن شۇعىلدانعان؛ بەلگىلەمە بويىنشا جەكە باسقا قاتىستى ىستەردى مالىمدەمەي، قىزمەت قولايلىلىعىنان پايدالانىپ قىزمەتىن ءوسىرۋ، قىزمەتتى اۋىستىرۋ سياقتى جاقتاردا باسقالارعا پايدا جەتكىزگەن؛ باسقالارمەن قالىپسىز جىنىستىق قاتىناستا بولعان؛ قىزمەت قولايلىلىعىنان پايدالانىپ باسقالاردان قازىنا - مۇلىك سۇراپ العان، زاڭسىز العان.
يىلھام ابىلەت پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، تۇرمىس تارتىبىنە اۋىر دارەجەدە قايشىلىق جاساپ، قىزمەتتە زاڭعا قايشىلىق جاساۋ ءارى پارا الۋعا شاتىلۋ سياقتى اۋىر قىلمىس قالىپتاستىرعان، سونداي - اق پارتيانىڭ 18 - قۇرىلتايىنان كەيىن دە تيىلماعان، قولىن تارتپاعان، سيپاتى وتە جيرەنىشتى، زاردابى وتە اۋىر، ىقپالى ەرەكشە ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتىلاردىڭ قاتىستى بەلگىلەمەلەرىنە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ ءماجىلىسىن اشىپ اقىلداسۋ ءارى اۆتونوميالى رايوندىق پارتكومعا جولداپ بەكىتتىرۋ ارقىلى يىلھام ابىلەتكە پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى قىزمەتتەن ايداۋ جازاسىن بەرۋدى؛ ونىڭ تارتىپكە، زاڭعا قايشى بارلىق تابىسىن تاركىلەۋدى؛ قىلمىسقا شاتىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ شاعىم ايتۋىنا تاپسىرۋدى، شاتىلعان قازىنا - مۇلىكتەرىن دە دەلومەن بىرگە تاپسىرىپ بەرۋدى ۇيعاردى.
