− جۇڭگو كوممۋنيستىك پارتياسى قۇرىلعاندىعىنىڭ 99 جىلدىعىن قىزۋ قۇتتىقتايمىز
حالىق گازەتى باسماقالاسى
اۋەلگى ماقساتتان اينىماۋ، بورىش ارقالاۋ. جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ شەشۋشى ساتىندە، ءبىز جۇڭگو كوممۋنيستىك پارتياسى قۇرىلعاندىعىنىڭ 99 جىلدىعىن قارسى الىپ وتىرمىز. جۇڭحۋا ۇلتىنىڭ مىڭ جىلدىق ۇلى ءىسىن مۇرات تۇتقاندا، 100 جىل ءدال تولىقسي ارىنداعان ءسات. جاڭا ءداۋىردىڭ ۇزاق جورىعى جولىندا بۇكىل پارتياداعى جولداستار نانىمىن، سەنىمىن، بەكىمىن اناعۇرلىم بەكەمدەپ، داۋىلدى تولقىنداردان تايسالمايتىن قايرات - جىگەرمەن قيىندىقتاردى جەڭىپ، قامال الىپ، ۋاقىتپەن جارىساتىن كۇرەسكەرلىك ارقىلى ۇلى ىستەر جاراتۋدا.
توسىننان تۋىلعان جاڭا تيپتى ايدارشا ۆيرۋس وكپە قابىنۋ ىندەتى ءبىر رەتكى وزگەشە تاريحي كۋاعا اينالدى. وسى ءبىر ەكپىنى قاتتى الەمدىك ءىرى تارالمالى اۋرۋ الدىندا، جۇڭگو ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن باتىل جۇرگىزدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگو حالقى قيىندىقتى بىلەك بىرىكتىرە جەڭىپ، ىندەتپەن شايقاسىپ، وراسان زور قۇرباندىق بەرىپ، كەلەلى ستراتەگيالىق تابىسقا قول جەتكىزدى. وسى ءبىر ۇلى كۇرەس امالياتى جۇڭگو كوممۋنيستىك پارتياسى باسشىلىعىنىڭ جانە ەلىمىز سوتسياليستىك ءتۇزىمىنىڭ كورنەكتى ساياسي ابزالدىلىعىن تولىق دالەلدەپ، پارتيامىزدىڭ حالىق ءۇشىن ءارقانداي بوداۋ بەرۋدەن تايسالمايتىن وسكەلەڭ ۇستانىمىن كورسەتىپ، كوممۋنيستەردىڭ اۋەلگى ماقساتتى، بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتەتىن ساياسي قاسيەتىن ايگىلەپ، پارتيا مەن حالىقتىڭ ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزاتىن تەڭدەسسىز كۇش - قۋاتىن ايگىلەپ، ءجۇز جىلعا جۋىق ۋاقىتتى باستان كەشىرگەن ءىرى پارتيانىڭ جالىندى جىگەرىن، ماڭگىلىك كوكتەمىن قان تامىرىندا جالعاستىرعاندىعىن انىق كورسەتتى.
ءمورالدى ادام قالتقىسىز پاك بولادى. توڭكەرىس، قۇرىلىس، رەفورما تولقىندارىن باستان كەشىرگەن پارتيامىز جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ اۋەلگى ماقساتىن، بورىشىن باستان - اياق جالعاستىرۋدا. پارتيادا وزىنە عانا ءتان ەرەكشە مۇددە جوق، ءارقانداي ۋاقىتتا تۇگەلدەي حالىقتىڭ مۇددەسىن ءبىرىنشى ورىنعا قويادى، بۇل جۇڭگو كوممۋنيستىك پارتياسىنىڭ ماركسيزمدىك ساياسي پارتيا رەتىندە باسقا ساياسي پارتيالاردان پارىقتالاتىن كورنەكتى بەلگىسى. شىكۋمىننەن تيان - انمىنگە دەيىن، شارۋاشىلىقتى شالقىتۋ جولىنان گۇلدەنۋ جولىنا دەيىن، ەڭسە كوتەرۋدەن، بايۋعا، ودان قۇدىرەتتەنۋگە دەيىن، پارتيامىز حالىققا تىعىز ارقا سۇيەپ، ءبىر - بىرلەگەن كەدەرگىلەردەن ءوتىپ، جەڭىستەن - جەڭىسكە جەتىپ، جۇڭحۋا ۇلتى ءۇشىن تاريحتان وشپەيتىن ۇلى ەڭبەك جاراتتى. 99 جىل بويى قيىندىقتاردى جەڭىپ، ەكپىندەي العا ىلگەرىلەگەن كەرەمەت ساپار حالىق ءۇشىن دۇنيەگە كەلىپ، حالىقپەن گۇلدەنگەن پارتيانىڭ بارلىق حاۋىپ - قاتەر مەن سىن - سايىستاردى جەڭىپ، جەڭىستەن - جەڭىسكە جەتۋدەگى ىرگە تاسى حالىقتا، تامىرى حالىقتا، كۇش - قۋاتى حالىقتا ەكەندىگىن تولىق ايگىلەدى. اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەس جۇرگىزگەندە عانا، پارتيانىڭ جاستىق ورالىن ماڭگى ساقتاۋعا بولادى.
تاريحتىڭ دامۋىندا قاشاندا ءبىر شەشۋشى ۋاقىت تۇيىندەرى بولادى. 2020 - جىلى ءبىز ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرمىز. ىندەت سوققىسىنىڭ سىنىنان وتكەن جۇڭگو حالقى ءبىرىنشى 100 جىلدىق كۇرەس نىساناسىن بەتكە الىپ اتويلاۋدا، جۇڭحۋا ۇلتىنىڭ مىڭداعان جىلداردان بەرگى ”بۇقارا كوپ بەينەت شەكتى، ەندى زەينەت كورەتىن كەزى كەلدى“ دەگەن ارمان - تىلەگى رەالدىققا اينالاتىن بولدى، بۇل جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تاريحي ۇردىسىندە بەلەستىك مانگە يە. ءبىز تاعى دا قولايلى ساتتە قيمىلداپ، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ ساپارىن باستاپ، ەكىنشى 100 جىلدىق كۇرەس نىساناسىن بەتكە الىپ جورىققا اتتانامىز. دۇنيە ءجۇزى جاعدايىنا، مەملەكەت جاعدايىنا باعامداي قاراساق، دامۋ ورتاسى ءتىپتى دە قاتاڭ، كۇردەلى، ءدوپ كەلگەن سىن - سايىس بۇرىن بولىپ كورمەگەن دارەجەدە، بۇل ءبىزدىڭ داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشۋىمىزدى كۇتۋدە. تەك حالىقتى وزەك ەتكەن دامۋ يدەياسىنا باستان - اياق تاباندى بولعاندا عانا، حالىقتى بارىنەن جوعارى قويۋعا، حالىققا تىعىز سۇيەنۋگە، حالىقتى ۇزدىكسىز باقىتقا كەنەلتۋگە، حالىققا بەرىك تامىر تارتۋعا تاباندى بولعاندا عانا، بارلىق قيىنشىلىقتى، كەدەرگىنى جەڭىپ، نۇرلى بولاشاق اشۋعا بولادى.
حالىقتى تاماشا تۇرمىسقا كەنەلتۋ − ءبىزدىڭ بارلىق قىزمەتىمىزدىڭ شىعار ءتۇيىنى جانە تابان تىرەر تياناعى. قايتكەندە ىندەتتەن ساقتانۋ - تىزگىندەۋدى ۇدايىلاندىرۋدان ەش بوساڭسىماي، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتۋگە بولادى؟ قايتكەندە كەدەيدىڭ كەدەيىن، قيىننىڭ قيىنىن جەڭىپ، ەڭ ماشاقاتتى تۇيىندەردى الۋعا، كەدەيلىكتەن ارىلتۋدان قامال الۋ شايقاسىنىڭ جەڭىسىنە جوعارى ساپادا قول جەتكىزۋگە بولادى؟ قايتكەندە ەكونوميكالىق، قوعامدىق دامۋدىڭ ءتۇرلى قىزمەتتەرىن جاقسى ىستەپ، حالىقتىڭ كۇن سايىن ارتىپ وتىرعان تاماشا تۇرمىسقا قاجەتىن قاناعاتتاندىرۋعا بولادى؟ بۇكىل پارتياداعى جولداستار مەملەكەتتىڭ ۇلى ءىسى جونىندە كوڭىلىندە سان بولۋى، حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن باتىل تياناقتاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىنا شىنايى كەپىلدىك ەتۋ كەرەك. ەكى كەلەلى جاعدايدى كوكەيدە ساقتاپ، جاۋاپكەرشىلىك ارقالاۋدى كۇشەيتىپ، بۇقارانىڭ اسىققانىنا اسىعىپ، بۇقارانىڭ قامىن ويلاپ، بۇقارانىڭ قيىنشىلىعىن شەشىپ، باستان - اياق حالىقپەن بىرگە ويلاپ، بىرگە ىستەپ، ءبىر ميلليارد 400 ميلليون حالىقتىڭ جاپپاي دوڭگەلەك داۋلەتتى تۇرمىس كەشىرۋىنە شىنايى كەپىلدىك ەتۋ كەرەك.
سوتسياليزم ەڭبەكپەن كەلەدى، باقىت كۇرەسپەن كەلەدى. تاريحقا قايىرىلا قاراساق، پارتيامىز حالىقتى باستاپ جاپالى دا كەرەمەت قۇلشىنىستار جاساپ، قاجىماي - تالماي كۇرەس جۇرگىزىپ، تالاي - تالاي ”مۇمكىن ەمەستەردى“ ورىنداپ، تالاي - تالاي تاڭعاجايىپ كەرەمەتتەردى جاراتتى. بۇگىنگى تاڭدا، كەدەيلىكتەن ارىلتۋدان قامال الىپ، دوڭگەلەك داۋلەتتىلىككە بەتتەۋ، اناعۇرلىم تاماشا جاڭا تۇرمىسقا قول جەتكىزۋ، سوڭىندا، قالىڭ بۇقارانىڭ قاجىرلى ەڭبەگىنە سۇيەنۋ ارقىلى جۇزەگە اسادى. العا ىلگەرىلەۋ جولىنداعى داۋىل مەن تولقىن الدىندا، دامۋ ۇردىسىندەگى قيىنشىلىقتار مەن كەدەرگىلەر الدىندا، ءبىز، ءسوز جوق، باستان - اياق حالىقتىڭ نەگىزگى تۇلعالىق ورنىنا تاباندى بولىپ، باستان - اياق حالىقتىڭ ءتول جاسامپازدىق رۋحىنا قۇرمەت ەتىپ، حالىقتى بىلەك سىبانىپ قايراتتانا ىستەۋگە ىنتىماقتاستىرىپ جانە باستاپ، بوران - شاشىننان تايسالماي العا تارتىپ، حالىققا تىعىز ارقا سۇيەپ، اناعۇرلىم زور تىڭ كەرەمەتتەردى ۇزدىكسىز جاراتۋىمىز كەرەك.
تالاي جاپا مەن ساتسىزدىكتى باستان كەشىرسەڭ دە مۇقالماسىن جىگەرىڭ. العاشقى جەڭىسكە جەتكەندە، جول ءالى ۇزاق ەكەندىگىن بىلەرسىڭ. كەمە اعىننىڭ ورتاسىنا جەتكەندە، ادام تاۋدىڭ ورتان بەلىنە كەلگەندە، ۋاقىتپەن جارىسۋى، داۋىرمەن بىرگە ىلگەرىلەۋى ءتىپتى دە قاجەت. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىقتى بارىنەن جوعارى قوياتىن قالتقىسىز ادالدىقتى ماڭگى ساقتاپ، ۋاقىت كۇتىپ تۇرمايدى دەيتىن ەكپىندەي ىلگەرىلەۋ كۇيىمەن جاڭا ۇزاق جورىق جولىندا اناعۇرلىم جاڭا، اناعۇرلىم كوركەم ءداۋىر تاراۋلارىن جازىپ، حالىقتىڭ قۇپتاۋىنا يە بولاتىن، تاريحتىڭ سىنىنان وتە الاتىن داڭقتى ناتيجەلەر جاراتايىق!
(شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)
